6,6,6,Wd,1,6,6.. પ્રિયાંશ અને કોનોલીએ એડન માર્કરામની ઓવરમાં મચાવી ધૂમ

ઈન્ડિયન પ્રીમિયર લીગની 19મી સીઝનની 29મી લીગ મેચ પંજાબ કિંગ્સ અને લખનૌ સુપર જાયન્ટ્સ વચ્ચે ન્યૂ ચંદીગઢના મુલ્લાનપુર સ્ટેડિયમ ખાતે રમાઈ રહી છે. ટોસ હાર્યા બાદ પંજાબ કિંગ્સે પ્રથમ બેટિંગ કરવાનો નિર્ણય લીધો, અને તેમના ઓપનિંગ બેટ્સમેન પ્રિયાંશ આર્ય અને કૂપર કોનોલીએ ધમાકેદાર બેટિંગ પ્રદર્શન કર્યું.

પ્રિયાંશ અને કૂપર બંને સદીથી થોડા અંતરે ચૂકી ગયા, પરંતુ તેમને 13મી ઓવરમાં ધૂમ મચાવી, 5 વખત બોલ સ્ટેન્ડમાં મોકલીને એડન માર્કરામના બોલિંગ રેકોર્ડમાં વધુ એક શરમજનક રેકોર્ડ બનાવ્યો.

પ્રિયાંશ અને કોનોલીએ મળીને કુલ 5 છગ્ગા ફટકાર્યા

પંજાબ કિંગ્સ સામેની મેચમાં લખનૌ સુપર જાયન્ટ્સે ઈનિંગની 13મી ઓવર ફેંકવાની જવાબદારી એડન માર્કરામને સોંપી. કોનોલીએ ઓવરના પહેલા બોલ પર 6 રન માટે કવર તરફ હવામાં ફટકાર્યો. કોનોલીએ બીજા બોલ પર લોંગ ઓન તરફ બીજી છગ્ગો ફટકાર્યો. ત્રીજા બોલ પર કૂપર કોનોલીએ આગળની તરફ હવામાં શોટ મારીને સતત ત્રીજો છગ્ગો ફટકાર્યો. સતત ત્રણ છગ્ગા ફટકાર્યા પછી એડન માર્કરામ ખૂબ જ દબાણમાં જોવા મળ્યો હતો અને તેને ચોથો બોલ વાઈડ ફેંક્યો. જ્યારે માર્કરામ ફરીથી ચોથો લિગલ બોલ ફેંક્યો, ત્યારે તેમાંથી ફક્ત 1 જ રન આવ્યો.

પ્રિયાંશ આર્યએ પાંચમા બોલ પર છગ્ગો ફટકાર્યો, જે સીધો ડીપ મિડવિકેટ તરફ ગયો. પ્રિયાંશ આર્યએ ઓવરના છેલ્લા બોલ પર છગ્ગો ફટકાર્યો, જેના કારણે ઓવરમાં કુલ 32 રન થયા. આ સાથે એડન માર્કરામ હવે IPLમાં લખનૌ સુપર જાયન્ટ્સ માટે સૌથી મોંઘો ઓવર બોલર બની ગયો છે, જે અગાઉ રવિ બિશ્નોઈના નામે હતો, જેને 2022 માં RCB સામે એલિમિનેટરમાં એક ઓવરમાં 27 રન આપ્યા હતા.

પંજાબ કિંગ્સ માટે અત્યાર સુધીની ત્રીજી 150 થી વધુની પાર્ટનરશીપ

પંજાબ કિંગ્સ તેની શરૂઆતની સીઝનથી જ IPL T20 લીગનો ભાગ છે, પરંતુ હજુ સુધી એક પણ ટ્રોફી જીતી શકી નથી. પરંતુ છેલ્લી કેટલાક સીઝનમાં તેમનું પ્રદર્શન પ્રભાવશાળી રહ્યું છે. લખનૌ સુપર જાયન્ટ્સ સામેની મેચમાં પ્રિયાંશ આર્ય અને કૂપર કોનોલી વચ્ચે બીજી વિકેટ માટે 182 રનની પાર્ટનરશીપ IPLમાં પંજાબ કિંગ્સ માટે 150 કે તેથી વધુ રનની માત્ર ત્રીજી પાર્ટનરશીપ છે.

આ પણ વાંચો: 'મારી પાસે જીવવા માટે 3-6 મહિના બાકી...!' યુવરાજ સિંહે કેન્સરને લઈને કર્યો મોટો ખુલાસો