IPLનો અસલી સિક્સર કિંગ છે રજત પાટીદાર! વૈભવ સૂર્યવંશીને પણ છોડ્યો પાછળ

ઈન્ડિયન પ્રીમિયર લીગ 2026માં રોયલ ચેલેન્જર્સ બેંગલુરુએ 15 એપ્રિલના રોજ રમાયેલી મેચ 29 બોલ બાકી રહેતા 5 વિકેટે જીતી લીધી હતી. આ મેચમાં પ્રથમ બેટિંગ કરતા લખનૌની ટીમે 146 રન બનાવ્યા હતા.

જોશ હેઝલવુડને પ્લેયર ઓફ ધ મેચ જાહેર કરવામાં આવ્યો, જેને 4-0-20-1 નો કંજૂસ સ્પેલ બોલિંગ કરી હતી. ભુવનેશ્વર કુમાર (4-0-27-3), રસિક સલામ દાર (4-0-24-4), અને કૃણાલ પંડ્યા (4-0-38-2) એ પણ શાનદાર બોલિંગ સપોર્ટ આપ્યો.

આ દરમિયાન બેંગલુરુના ટાર્ગેટનો પીછો કરવા માટે વિરાટ કોહલીએ 49 રન બનાવ્યા. કેપ્ટન રજત પાટીદારે 13 બોલમાં 27 રનની ઝડપી ઈનિંગ રમી, જેમાં 1 ચોગ્ગો અને 3 છગ્ગા ફટકાર્યા.

IPL 2026માં સૌથી વધુ છગ્ગા કોણે ફટકાર્યા છે?

રજત પાટીદાર વર્તમાન IPLમાં સૌથી વધુ છગ્ગા મારનાર ખેલાડી છે. અત્યાર સુધી રમાયેલી 23 મેચોમાં (15 એપ્રિલ સુધીમાં), રજત પાટીદાર 21 છગ્ગા સાથે સૌથી આગળ છે. વૈભવ સૂર્યવંશીએ 18 છગ્ગા ફટકાર્યા છે. તેમના પછી અભિષેક શર્મા (13) અને ટિમ ડેવિડ (13), ઈશાન કિશન (12) અને રિયાન રિકેલ્ટન (12) નો નંબર આવે છે. આ સ્પષ્ટપણે દર્શાવે છે કે રજત પાટીદાર છગ્ગા મારવાના મામલે સૌથી આગળ છે.

IPL 2026માં પાટીદારે કેવું પ્રદર્શન કર્યું છે?

IPL 2026માં રજત પાટીદારનું પ્રદર્શન અત્યાર સુધી શાનદાર અને આક્રમક રહ્યું છે. RCBના કેપ્ટન તરીકે તેને માત્ર પોતાની જવાબદારીઓ જ નિભાવી નથી, પરંતુ બેટથી પણ ટીમનું નેતૃત્વ કર્યું છે. રજત પાટીદારે 5 મેચોમાં 5 ઈનિંગમાં 55.50 ની એવરેજથી 222 રન બનાવ્યા છે, જે કોઈપણ ટોચના ક્રમના બેટ્સમેન માટે ઉત્તમ માનવામાં આવે છે.

પરંતુ વાસ્તવિક સ્ટોરી તેના સ્ટ્રાઈક રેટમાં રહેલી છે, જે 213.46 છે. આનો અર્થ એ થયો કે રજત પાટીદાર આ સિઝનમાં ફક્ત રન જ બનાવી રહ્યો નથી, પરંતુ મેચની ગતિ પણ નક્કી કરી રહ્યો છે. તેને અત્યાર સુધીમાં 2 અડધી સદી ફટકારી છે અને, ખાસ કરીને, 104 બોલમાં 222 રનમાં 21 છગ્ગા ફટકાર્યા છે, જે તેના આક્રમક સ્વભાવનું પ્રદર્શન કરે છે.

રજત પાટીદાર ચોથા નંબર પર સૌથી વધુ રન બનાવનાર ખેલાડી

રિયાન પરાગે 2024 પછી IPLમાં ચોથા નંબર પર સૌથી વધુ રન બનાવ્યા છે, તેને 26 ઈનિંગમાં 898 રન બનાવ્યા છે. રજત પાટીદાર 23 ઈનિંગમાં 738 રન સાથે બીજા સ્થાને છે અને તેનો સ્ટ્રાઈક રેટ સૌથી ઝડપી છે. સૂર્યકુમાર યાદવે આ સમયગાળા દરમિયાન 14 ઈનિંગમાં 680 રન બનાવ્યા છે અને તેની એવરેજ સૌથી વધુ 68 છે. શ્રેયસ ઐયરે 19 ઈનિંગમાં 583 રન બનાવ્યા છે, જ્યારે તિલક વર્માએ 13 ઈનિંગમાં 416 રન બનાવ્યા છે.

આ પણ વાંચો: 'મારી પાસે જીવવા માટે 3-6 મહિના બાકી...!' યુવરાજ સિંહે કેન્સરને લઈને કર્યો મોટો ખુલાસો