IPL 2026માં રોહિત શર્મા ક્યારે ફરશે પરત? MI કેપ્ટને કર્યો મોટો ખુલાસો

રોહિત શર્મા સનરાઈઝર્સ હૈદરાબાદ સામેની મેચ માટે મેદાનમાં પરત ફર્યો નથી. IPL 2026માં આ સતત ચોથી મેચ છે જેમાં મુંબઈ ઈન્ડિયન્સ રોહિત વિના રમશે. કેપ્ટન હાર્દિક પંડ્યાએ લેટેસ્ટ અપડેટ આપતા જણાવ્યું હતું કે રોહિત એકથી બે મેચ માટે બહાર થઈ શકે છે.

રોહિત શર્મા છેલ્લે 12 એપ્રિલે રોયલ ચેલેન્જર્સ બેંગલુરુ સામે રમતમાં જોવા મળ્યો હતો. બેટિંગ કરતી વખતે તેને હેમસ્ટ્રિંગમાં ઈજા થઈ હતી.

રોહિત શર્મા ક્યારે પાછો ફરશે?

આ મેચમાં મુંબઈ ઈન્ડિયન્સે ટોસ જીતીને બેટિંગ કરવાનો નિર્ણય લીધો હતો. ટોસ સમયે હાર્દિક પંડ્યાએ એક અપડેટ આપી હતી જેમાં જણાવ્યું હતું કે રોહિત શર્માને સંપૂર્ણપણે સ્વસ્થ થવામાં સમય લાગી શકે છે અને તે આગામી 1-2 મેચ ગુમાવી શકે છે. હાર્દિકે જણાવ્યું હતું કે રોહિત વાપસી માટે તમામ પ્રયાસો કરી રહ્યો છે, પરંતુ હજુ સુધી તે સંપૂર્ણપણે ફિટ નથી.

રોહિત શર્માની ગેરહાજરી મુંબઈ ટીમ માટે મોટી ચિંતાનો વિષય બની ગઈ છે. આ સિઝનમાં અત્યાર સુધી રમાયેલી 7 મેચમાંથી મુંબઈ ફક્ત 2 જ મેચ જીતી શક્યું છે. પરિસ્થિતિ એવી છે કે મુંબઈ IPL 2026માંથી બહાર થઈ જશે તેવી શક્યતાઓ ઉભરી રહી છે. આ મુશ્કેલ પરિસ્થિતિમાં ટીમને રોહિત શર્મા જેવા શક્તિશાળી ઓપનિંગ બેટ્સમેનની સખત જરૂર છે.

મુંબઈ ઈન્ડિયન્સ માટે મુશ્કેલીઓનો અંત આવતો નથી લાગતો. આ દરમિયાન મિચેલ સેન્ટનર ઈજાને કારણે આખી સીઝન માટે બહાર થઈ ગયો છે. એવી અટકળો ચાલી રહી છે કે સાઉથ આફ્રિકાના ઓલરાઉન્ડર કેશવ મહારાજ તેના સ્થાને ટીમમાં સામેલ થયો છે.

વિલ જેક્સનું કમબેક

લાંબા સમય પછી વિલ જેક્સ મુંબઈ ઈન્ડિયન્સ ટીમમાં પરત ફર્યો છે. લીગ સ્ટેજના અડધા રસ્તે મુંબઈ ઈન્ડિયન્સે આ આક્રમક બેટ્સમેનને તેમના પ્લેઈંગ ઈલેવનમાં સામેલ કર્યો છે.

મુંબઈ ઈન્ડિયન્સની પ્લેઈંગ ઈલેવન

રિયાન રિકલ્ટન (વિકેટકીપર), વિલ જેક્સ, નમન ધીર, સૂર્યકુમાર યાદવ, તિલક વર્મા, હાર્દિક પંડ્યા (કેપ્ટન), રોબિન મિંઝ, ટ્રેન્ટ બોલ્ટ, જસપ્રીત બુમરાહ, એએમ ગઝનફર, અશ્વિની કુમાર.

આ પણ વાંચો: 'મારી પાસે જીવવા માટે 3-6 મહિના બાકી...!' યુવરાજ સિંહે કેન્સરને લઈને કર્યો મોટો ખુલાસો