IPL 2026માં રાજસ્થાન રોયલ્સ સામે સનરાઈઝર્સ હૈદરાબાદ તરફથી ડેબ્યૂ કરતા ઝડપી બોલર શાકિબ હુસૈને પોતાની પહેલી જ ઓવરમાં વિકેટ લીધી. તેને પોતાની પહેલી ઓવરના ચોથા બોલ પર યશસ્વી જયસ્વાલને આઉટ કર્યો.
આ શક્તિશાળી બેટ્સમેન ઓફ સાઈડ પર સલિલ અરોરાના હાથે કેચ આઉટ થયો. ત્યારબાદ તેને ડોનોવન ફરેરા, જોફ્રા આર્ચર અને રવિ બિશ્નોઈને આઉટ કર્યા. આ ઝડપી બોલરે પોતાની 4 ઓવરમાં 24 રન આપીને 4 વિકેટ લીધી.
સાકિબ બિહારના ગોપાલગંજ જિલ્લાનો રહેવાસી છે. તે અગાઉ IPLમાં કોલકાતા નાઈટ રાઈડર્સનો ભાગ હતો. ટીમે તેને 2024માં બેઝ પ્રાઈસ પર ખરીદ્યો હતો, પરંતુ ત્યારબાદ તેને રિલીઝ કરવામાં આવ્યો હતો. મેગા ઓક્શનમાં સાકિબ વેચાયો ન હતો. IPL 2026ના ઓક્શનમાં હૈદરાબાદે બોલરને 30 લાખ રૂપિયામાં ખરીદ્યો હતો. 21 વર્ષના આ ઝડપી બોલરે 2022-23 સૈયદ મુશ્તાક અલી ટ્રોફીમાં T20 ડેબ્યૂ કર્યું હતું. તે સમયે તે 17 વર્ષનો હતો અને તેને પોતાની બીજી મેચમાં 20 રન આપીને 4 વિકેટ લીધી હતી.
https://twitter.com/SunRisers/status/2043744761081901299
સાકિબે રણજી ટ્રોફીમાં 2025-26 અરુણાચલ પ્રદેશ સામે 41 રન આપીને 6 વિકેટ લીધી, જે તેનું બેસ્ટ પ્રદર્શન હતું. સાકિબ એક ગરીબ પરિવારમાંથી આવે છે. તેના પિતા ખેડૂત હતા અને પરિવાર તેની આવક પર નિર્ભર હતો. અન્ય લોકો પાસેથી તેમને સાકિબની ક્રિકેટ ક્ષમતાઓ વિશે જાણ્યું. પરંતુ તેઓ તેને જરૂરી સુવિધાઓ પૂરી પાડવા માટે પૂરતી કમાણી કરી શક્યા નહીં. ઘૂંટણના દુખાવાને કારણે તેના પિતાએ ખેતી છોડી દેવી પડી, જેના કારણે ઘર ચલાવવાનું વધુને વધુ મુશ્કેલ બન્યું. તે સમયે સાકિબ જે ક્રિકેટ રમીને કમાણી કરતો હતો તેનાથી ઘરમાં મદદ મળી. તેને ટેનિસ બોલની એક મેચમાં રમવાના 500-700 રૂપિયા મળતાં હતાં.
જ્યારે સાકિબની બિહાર રણજી ટ્રોફી ટીમ માટે પસંદગી થઈ, ત્યારે તેની પાસે જૂતા પણ ન હતા. તેની માતા તેની મદદે આવી, તેને જૂતા ખરીદવા માટે પોતાના ઘરેણાં વેચી દીધા. સાકિબનો પરિવાર શરૂઆતમાં ઈચ્છતો હતો કે તે પોતાની પરિવારની પરિસ્થિતિ સુધારવા માટે સેનામાં જોડાય. પરંતુ સાકિબે ક્રિકેટ દ્વારા આ શક્ય બનાવ્યું.
આ પણ વાંચો: 'મારી પાસે જીવવા માટે 3-6 મહિના બાકી...!' યુવરાજ સિંહે કેન્સરને લઈને કર્યો મોટો ખુલાસો