સનરાઈઝર્સ હૈદરાબાદે રાજસ્થાન રોયલ્સને 57 રનના વ્યાપક માર્જિનથી હરાવ્યું. SRH માટે ડેબ્યૂ કરી રહેલા પ્રફુલ હિંગે મેચ વિનિંગ સ્પેલ ફેંક્યો અને 4 કિંમતી વિકેટ લીધી. પ્રફુલ હિંગેએ ઈનિંગની પહેલી જ ઓવરમાં વૈભવ સૂર્યવંશી, ધ્રુવ જુરેલ અને લુઆન ડ્રી પ્રિટોરિયસને આઉટ કરીને હૈદરાબાદની જીતનો પાયો નાખ્યો. ઈશાન કિશને પણ 91 રનની ઈનિંગ રમીને હૈદરાબાદની મોટી જીતમાં ફાળો આપ્યો.
સનરાઈઝર્સ હૈદરાબાદ ટોસ હારી ગયા અને પહેલા બેટિંગ કરવાનો નિર્ણય લીધો. બંને ઓપનર અભિષેક શર્મા અને ટ્રેવિસ હેડ નિષ્ફળ ગયા, પરંતુ કેપ્ટન ઈશાન કિશને પોતાની કુશળતા બતાવી, 44 બોલમાં 91 રન બનાવ્યા. હેનરિક ક્લાસેન 40 રન બનાવ્યા. નીતિશ કુમાર રેડ્ડી અને સલિલ અરોરાએ પણ ટૂંકી પરંતુ મહત્વપૂર્ણ ઈનિંગ રમીને SRH ને 216 સુધી પહોંચાડવામાં મદદ કરી.
પ્રફુલ્લ અને શાકિબે મચાવી ધૂમ
આ મેચમાં સનરાઈઝર્સ હૈદરાબાદે પ્રફુલ હિંગે અને શાકિબ હુસૈન બંનેને ડેબ્યૂ કરાવ્યું હતું. પ્રફુલે ઈનિંગની શરૂઆત કરી અને પહેલી જ ઓવરમાં વૈભવ સૂર્યવંશી, ધ્રુવ જુરેલ અને લુઆન ડ્રીસ પ્રિટોરિયસને આઉટ કર્યા. ત્રણેય બેટ્સમેન ખાતું ખોલવામાં નિષ્ફળ ગયા. બીજી ઓવરમાં શાકિબ હુસૈને તેની પહેલી જ IPL ઓવરમાં યશસ્વી જયસ્વાલને પણ આઉટ કર્યો. રાજસ્થાને ફક્ત 2 રનમાં 4 વિકેટ ગુમાવી દીધી હતી.
રવિન્દ્ર જાડેજા અને ડોનોવન ફરેરાની શાનદાર પાર્ટનરશીપ
પ્રફુલ હિંગેએ કેપ્ટન રિયાન પરાગને તેના સ્પેલની બીજી ઓવરમાં આઉટ કર્યો, જે ફક્ત 4 રન બનાવી શક્યો હતો. ફક્ત 9 રન બન્યા હતા ત્યારે રાજસ્થાનની અડધી ટીમ આઉટ થઈ ગઈ હતી. આ દરમિયાન રવિન્દ્ર જાડેજા અને ડોનોવન ફરેરાએ 118 રનની પાર્ટનરશીપ કરીને RRને કારમી હારથી બચાવ્યો, અથવા એમ કહી શકાય કે ટીમનો નેટ રન રેટ ઘટતો અટકાવ્યો. રવિન્દ્ર જાડેજાએ 45 રન બનાવ્યા, જ્યારે ફેરેરાએ 69 રન બનાવ્યા.
રાજસ્થાનના ટોપ ઓર્ડરને પ્રફુલ હિંગેએ તોડી પાડ્યો હતો, અને લોઅર ઓર્ડરને શાકિબ હુસૈને તોડી પાડ્યો હતો. પ્રફુલ અને શાકિબે મેચમાં 4-4 વિકેટ લીધી હતી. ઈશાન મલિંગાએ બાકીની 2 વિકેટ લીધી હતી.
આ પણ વાંચો: 'મારી પાસે જીવવા માટે 3-6 મહિના બાકી...!' યુવરાજ સિંહે કેન્સરને લઈને કર્યો મોટો ખુલાસો
