15 વર્ષના વૈભવ સૂર્યવંશીએ માત્ર 2 રન બનાવીને રચ્યો ઈતિહાસ, તોડ્યો IPLનો મોટો રેકોર્ડ

યુવા સેન્સેશન વૈભવ સૂર્યવંશીએ IPL 2026માં ફરી એકવાર પોતાના બેટથી ઈતિહાસ રચ્યો. રાજસ્થાન રોયલ્સના 15 વર્ષના ડેશિંગ બેટ્સમેનએ ફક્ત 8 રન બનાવીને એવો રેકોર્ડ બનાવ્યો, જેને દિગ્ગજ બેટ્સમેનોને પાછળ છોડી દીધા.

રાજસ્થાન રોયલ્સના આ યુવા ખેલાડીએ IPL 2026ની 32મી મેચમાં લખનૌ સુપર જાયન્ટ્સ સામે 8 રન બનાવીને IPL માં સૌથી ઝડપી 500 રન પૂરા કરવાનો રેકોર્ડ બનાવ્યો. વૈભવ સૂર્યવંશીએ માત્ર 227 બોલમાં આ સિદ્ધિ હાંસલ કરી. તે IPL ઈતિહાસમાં 250 થી ઓછા બોલમાં 500 રન પૂરા કરનાર પ્રથમ ખેલાડી બન્યો છે.

ગ્લેન મેક્સવેલને પાછળ છોડી દીધો

આ પહેલા આ રેકોર્ડ ઓસ્ટ્રેલિયાના દિગ્ગજ ઓલરાઉન્ડર ગ્લેન મેક્સવેલના નામે હતો, જેને 260 બોલમાં 500 રન પૂરા કર્યા હતા. પ્રિયાંશ આર્ય અને વીરેન્દ્ર સેહવાગે 280 બોલમાં આ સિદ્ધિ હાંસલ કરી હતી, જ્યારે નમન ધીરે 283 બોલમાં આ સિદ્ધિ હાંસલ કરી હતી. એકાના ક્રિકેટ સ્ટેડિયમમાં લખનૌ સુપર જાયન્ટ્સ સામેની મેચમાં માત્ર 2 રન બનાવીને સૂર્યવંશીએ આ રેકોર્ડ પોતાના નામે કર્યો હતો.

પહેલી સીઝનમાં જ મચાવી ધૂમ

તમને જણાવી દઈએ કે વૈભવ સૂર્યવંશીએ પોતાની પહેલી સિઝનમાં 252 રન બનાવ્યા હતા અને 206.56 ના સ્ટ્રાઈક રેટ સાથે સિઝનનો બેસ્ટ સ્ટ્રાઈકરનો એવોર્ડ જીત્યો હતો. હવે 2026માં તેને પોતાના પ્રદર્શનને વધુ ઊંચાઈએ લઈ ગયો છે, આ સિઝનમાં લગભગ 240 ના સ્ટ્રાઈક રેટ સાથે બધાને આશ્ચર્યચકિત કરી દીધા છે. માત્ર 15 વર્ષની ઉંમરે આ પ્રકારનું પ્રદર્શન સ્પષ્ટપણે દર્શાવે છે કે વૈભવ સૂર્યવંશી ભારતીય ક્રિકેટમાં એક મોટું નામ બનવાના માર્ગે છે.

તમને જણાવી દઈએ કે વૈભવ સૂર્યવંશીએ IPL 2026માં 250 થી વધુ રન બનાવ્યા છે અને હાલમાં તે ઓરેન્જ કેપની રેસમાં ચોથા સ્થાને છે. તે ફક્ત હેનરિક ક્લાસેન, અભિષેક શર્મા અને શુભમન ગિલથી આગળ છે. આ સિઝનમાં વૈભવ સૂર્યવંશીએ 7 મેચમાં 36.29 ની એવરેજ અને 220.87 ના સ્ટ્રાઈક રેટથી 254 રન બનાવ્યા છે, જેમાં 2 અડધી સદીનો સમાવેશ થાય છે.

આ પણ વાંચો: 'મારી પાસે જીવવા માટે 3-6 મહિના બાકી...!' યુવરાજ સિંહે કેન્સરને લઈને કર્યો મોટો ખુલાસો