'તેનો લેબ ટેસ્ટ કરાવો', 15 વર્ષના વૈભવ સૂર્યવંશીની બેટિંગથી ગભરાયું પાકિસ્તાન

IPL 2026માં પોતાની વિસ્ફોટક બેટિંગથી બધાને હેરાન કરનાર વૈભવ સૂર્યવંશી હવે સરહદ પાર પણ પોપ્યુલર થઈ રહ્યો છે. પાકિસ્તાની ક્રિકેટ નિષ્ણાતો પણ આ યુવા બેટ્સમેનની પ્રશંસા કરી રહ્યા છે. તેની બેટિંગ જોઈને કેટલાક લોકો મજાકમાં એવું પણ કહી રહ્યા છે કે તેને "લેબ ટેસ્ટ" કરાવવો જોઈએ.

રાજસ્થાન રોયલ્સનો આ યુવા ઓપનર IPL 2026ની શરૂઆતથી જ શાનદાર પ્રદર્શન કરી રહ્યો છે. આટલી નાની ઉંમરે તે જે રીતે બોલરોને ફટકારી રહ્યો છે તે અસામાન્ય છે.

વૈભવ સૂર્યવંશીને હાલમાં ટુર્નામેન્ટના સૌથી ખતરનાક બેટ્સમેનોમાંથી એક માનવામાં આવે છે અને તે ઓરેન્જ કેપની દોડમાં છે. આ દરમિયાન રાજસ્થાન રોયલ્સનો આ સ્ટાર બેટ્સમેન હવે પાકિસ્તાનમાં પણ ધૂમ મચાવી રહ્યો છે.

પાકિસ્તાન તરફથી સામે આવી પ્રતિક્રિયા

ફેમસ પાકિસ્તાની ક્રિકેટ નિષ્ણાત નૌમાન નિયાઝે એક શો દરમિયાન વૈભવ સૂર્યવંશીની પ્રશંસા કરી હતી. તેને મજાકમાં કોમેન્ટ કરી હતી કે "તે કેવો માણસ છે! જેમ WADA ડોપિંગ ટેસ્ટ કરે છે તેવી જ રીતે તેને પણ લેબમાં મોકલવો જોઈએ; કદાચ તેનામાં AI ચિપ ઈમ્પ્લાન્ટ કરવામાં આવી હોય. તે એકદમ અદ્ભુત છે, યાર. મારો મતલબ છે કે મને તેના માટે ખૂબ જ ઊંચી અપેક્ષાઓ છે. કેવો ખેલાડી છે."

તેને હસતાં હસતાં કહ્યું કે તેને લાગે છે કે તેને SRH સામે થોડી ધીમી બેટિંગ કરી હતી, તેનો સ્ટ્રાઈક રેટ 300 હોવો જોઈએ. તબીબી પાસું સમજાવતા નિયાઝે કહ્યું, "સારું, તબીબી રીતે જ્યારે તમે 18 વર્ષના થાઓ છો, ત્યારે તમારું આખું શરીર આકાર લેવાનું શરૂ કરે છે. તમારા ખભા ગોળાકાર થાય છે, સ્નાયુઓ બને છે, ટ્રાઈસેપ્સ, બાયસેપ્સ બને છે અને તમારું કોર મજબૂત બને છે કારણ કે તે સમયે હોર્મોન ટેસ્ટોસ્ટેરોન ટોપ પર પહોંચે છે."

તેને શું ખાસ બનાવે છે?

નિયાઝે વૈભવ સૂર્યવંશીની શક્તિઓ પર પણ પ્રકાશ પાડ્યો. તેને કહ્યું કે "તે 16 વર્ષનો છે. જ્યારે તેનો જન્મ થયો ત્યારે વિરાટ કોહલી પહેલેથી જ વર્લ્ડ ચેમ્પિયન હતો. હવે તમે તેનામાં શું જુઓ છો? મેં શોધવાનો પ્રયાસ કર્યો કે શું તફાવત છે. સારું, તેની પાસે વધારે ટેકનિક નથી. તે તેની તાકાત નથી, પરંતુ તેની ટેકનિક છે જે તેને આ રીતે રમવામાં મદદ કરે છે. તેનું કાંડું તેની રમતમાં એક મોટું પરિબળ છે, અને તેનું આર્ક પણ."

વૈભવ સૂર્યવંશીના આંકડા પણ આપી રહ્યા છે સાક્ષી

વૈભવ સૂર્યવંશીનું પ્રદર્શન તેમના આંકડાઓમાં પણ પ્રતિબિંબિત થાય છે. IPL 2026માં તેને 8 મેચમાં 357 રન બનાવ્યા છે અને હાલમાં તેઓ ત્રીજા નંબરે સૌથી વધુ રન બનાવનારા ખેલાડી છે. તેને આ સમયગાળા દરમિયાન 1 સદી પણ ફટકારી છે અને તેનો સ્ટ્રાઈક રેટ 234 થી વધુ છે. વૈભવ સૂર્યવંશીની બેટિંગે માત્ર ભારતીય જ નહીં પરંતુ પાકિસ્તાની ક્રિકેટ નિષ્ણાતોને પણ પ્રભાવિત કર્યા છે, અને તે સ્પષ્ટ છે કે આ યુવા સ્ટાર ભવિષ્યમાં વધુ મોટું નામ બનવા માટે તૈયાર છે.

આ પણ વાંચો: 'મારી પાસે જીવવા માટે 3-6 મહિના બાકી...!' યુવરાજ સિંહે કેન્સરને લઈને કર્યો મોટો ખુલાસો