ગુવાહાટીના બરસાપારા સ્ટેડિયમમાં રાજસ્થાન રોયલ્સ (RR) અને રોયલ ચેલેન્જર્સ બેંગલુરુ (RCB) વચ્ચે રમાયેલી IPL 2026ની મેચમાં યુવા ખેલાડી વૈભવ સૂર્યવંશીએ ફરી એકવાર ધમાકેદાર પ્રદર્શન કર્યું છે. 202 રનના ટાર્ગેટનો પીછો કરતા આ 15 વર્ષના બેટ્સમેને RCBના બોલરોની લાઇન-લેન્થ બગાડી નાખી હતી. ભુવનેશ્વર કુમાર અને જોશ હેઝલવુડ જેવા દિગ્ગજ બોલરો સામે તેણે માત્ર 15 બોલમાં પોતાની અડધી સદી પૂરી કરી લીધી હતી. રાજસ્થાન રોયલ્સ તરફથી આ બીજી સૌથી ઝડપી અડધી સદી છે.

આ સીઝનની બીજી તોફાની અડધી સદી

વૈભવ સૂર્યવંશી માટે આ સીઝનની આ બીજી અડધી સદી છે. આ પહેલા તેણે ચેન્નાઈ સુપર કિંગ્સ સામે પણ માત્ર 15 બોલમાં જ 50 રન બનાવ્યા હતા. આ સાથે વૈભવ સૂર્યવંશી ભારતનો એવો પહેલો બેટ્સમેન બની ગયો છે જેણે IPLમાં બે વાર 15 કે તેથી ઓછા બોલમાં અડધી સદી ફટકારી હોય. તેના IPL કરિયરની આ કુલ ત્રીજી અડધી સદી છે.

IPLમાં સૌથી ઝડપી અડધી સદી (ભારતીય ખેલાડીઓ)


ઓરેન્જ કેપની રેસમાં સૌથી આગળ

વૈભવ સૂર્યવંશીએ આ મેચમાં 26 બોલમાં કુલ 78 રન બનાવ્યા હતા. તેણે 300ની સ્ટ્રાઈક રેટથી બેટિંગ કરતા 8 ચોગ્ગા અને 7 છગ્ગા ફટકાર્યા હતા. આ સાથે IPL 2026માં તેના 200 રન પણ પૂરા થઈ ગયા છે. તે આ સીઝનમાં 200 રન પૂરા કરનાર પ્રથમ બેટ્સમેન બન્યો છે અને હવે ઓરેન્જ કેપની રેસમાં સૌથી આગળ નીકળી ગયો છે.

આ પણ વાંચો- કોણ છે તારક મહેતાનો સૌથી અમીર એક્ટર? બબીતા જીને પણ પાછળ છોડી ગયા આત્મારામ ભિડે, જાણો નેટવર્થ!