IPL 2026ની 28મી મેચમાં ઈડન ગાર્ડન્સ ખાતે વરુણ ચક્રવર્તીએ બોલ લીધો ત્યારે એક નોંધપાત્ર રેકોર્ડ બન્યો. મિસ્ટ્રી સ્પિનરે ખતરનાક બેટ્સમેન વૈભવ સૂર્યવંશીને તેની પહેલી જ ઓવરમાં આઉટ કરીને ઈતિહાસ રચ્યો.
વરુણ ચક્રવર્તીએ મોટી સિદ્ધિ હાંસલ કરી
રાજસ્થાન રોયલ્સે કોલકાતા સામે શાનદાર શરૂઆત કરી. વૈભવ સૂર્યવંશી અને યશસ્વી જયસ્વાલે સાથે મળીને કોલકાતાના બોલરોને પહેલી ઓવરથી જ નિશાન બનાવ્યા. બંનેએ મળીને 8 ઓવરમાં 79 રન ફટકાર્યા. આ પછી વરુણ ચક્રવર્તી 9મી ઓવરમાં બોલિંગ કરવા આવ્યા અને વૈભવ સૂર્યવંશીને આઉટ કરીને કોલકાતા નાઈટ રાઈડર્સને પહેલી સફળતા અપાવી.
આ વિકેટ સાથે તે T20 ક્રિકેટમાં 200 વિકેટ લેનાર સૌથી ઝડપી ભારતીય સ્પિનર બન્યો. એટલું જ નહીં વરુણ હવે આ સિદ્ધિ હાંસલ કરનાર તમામ ભારતીય બોલરોમાં બીજા નંબરે પણ પહોંચી ગયો છે.
અર્શદીપ સિંહ સૌથી ઝડપી 200 T20 વિકેટ લેનાર ભારતીય બોલરનો રેકોર્ડ ધરાવે છે. વરુણ ચક્રવર્તી આ સિદ્ધિ મેળવનાર 20મો ભારતીય બોલર છે, અને સ્પિનરોમાં 10મો છે.
T20માં સૌથી ઝડપી 200 વિકેટ લેનાર ભારતીય બોલર
અર્શદીપ સિંહ – 151 મેચ
વરુણ ચક્રવર્તી – 155 મેચ
કુલદીપ યાદવ – 160 મેચ
જયદેવ ઉનડકટ – 162 મેચ
મોહમ્મદ શમી – 165 મેચ
વૈભવ વરુણની જાળમાં ફસાઈ ગયો
વૈભવ સૂર્યવંશીની વિકેટ કોઈ ફિલ્મી દ્રશ્યથી ઓછી ન હતી. વરુણ ચક્રવર્તીએ શાનદાર હાઈટ સાથે ફુલ-લેન્થ બોલ ફેંક્યો, જેને 15 વર્ષના બેટ્સમેને લેગ સાઈડ પર મોટો શોટ રમવાનો પ્રયાસ કર્યો. પરંતુ બોલની હાઈટ તેને સંપૂર્ણપણે હેરાન કરી ગઈ. બોલ હવામાં ઊંચો ગયો, અને ડીપ મિડવિકેટ પર ઊભેલા રમનદીપ સિંહે એક શાનદાર રનિંગ કેચ પકડ્યો. વરુણ ચક્રવર્તી ત્યાં જ અટક્યો નહીં. તેને તેના 4 ઓવરના સ્પેલમાં માત્ર 14 રન આપીને 3 વિકેટ લીધી, જેમાં રિયાન પરાગ અને યશસ્વી જયસ્વાલ જેવા મોટા બેટ્સમેનોને આઉટ કર્યા.
IPL 2026માં આ મેચ પહેલા વરુણ ખૂબ જ ખરાબ પ્રદર્શન કરી રહ્યો હતો. તે તેની પહેલી ત્રણ મેચમાં વિકેટ વગર રહ્યો હતો. જોકે, ચોથી મેચમાં તેણે ગુજરાત સામે 2/34 વિકેટ લઈને સારી બોલિંગ કરી.
આ પણ વાંચો: 'મારી પાસે જીવવા માટે 3-6 મહિના બાકી...!' યુવરાજ સિંહે કેન્સરને લઈને કર્યો મોટો ખુલાસો
