દિલ્હી કેપિટલ્સ અને રોયલ ચેલેન્જર્સ બેંગલુરુ IPL 2026ની 39મી લીગ મેચમાં મેદાનમાં ઉતરી રહ્યા છે. દિલ્હીએ આ મેચ માટે પ્લેઈંગ ઈલેવનમાં મોટો ફેરફાર કર્યો છે, જેમાં યુવા બેટ્સમેન સાહિલ પારખને તક આપવામાં આવી છે.

શ્રીલંકાના ટોપ ઓર્ડર બેટ્સમેન પથુમ નિસાંકાને ટીમમાંથી બહાર કરવામાં આવ્યો છે. પરંતુ શું તમે જાણો છો કે થોડા દિવસો પહેલા એટલે 24 એપ્રિલે સાહિલ ગંભીર રીતે ઘાયલ થયો હતો. સાહિલ મોતના મુખમાંથી માંડ માંડ બચ્યો. હવે તેને IPLમાં ડેબ્યૂ કરવાની તક આપવામાં આવી છે.

24 એપ્રિલના રોજ સમાચાર આવ્યા કે અરુણ જેટલી સ્ટેડિયમમાં પ્રેક્ટિસ દરમિયાન સાહિલના ચહેરા પર ઈજા થઈ છે. તેને હોસ્પિટલ લઈ જવા માટે મેદાનમાં એમ્બ્યુલન્સ બોલાવવી પડી હતી. હવે ફક્ત 3 દિવસ પછી તેને એક મોટી જવાબદારી સોંપવામાં આવી છે. તો તમને જણાવી દઈએ કે સાહિલ પારખ કોણ છે.

સાહિલ પારખ કોણ છે?

સાહિલ મહારાષ્ટ્રના નાસિકનો રહેવાસી છે. તેનો જન્મ 7 જૂન, 2007 ના રોજ થયો હતો અને તે 18 વર્ષનો છે. તે ટોપ ઓર્ડર બેટ્સમેન છે. તે ભારતીય અંડર-19 ટીમનો સભ્ય છે. 2024 માં તેને ઓસ્ટ્રેલિયા અંડર-19 સામે 75 બોલમાં 109 રન બનાવ્યા. વધુમાં, સાહિલે મહારાષ્ટ્ર પ્રીમિયર લીગમાં તેની વિસ્ફોટક બેટિંગથી ધૂમ મચાવી હતી.

મહારાષ્ટ્ર પ્રીમિયર લીગમાં સાહિલનું શાનદાર પ્રદર્શન

સાહિલ 2025 મહારાષ્ટ્ર પ્રીમિયર લીગમાં ઈગલ ટાઈટન્સ નાસિક માટે રમ્યો હતો. તેને તે સિઝનમાં શાનદાર બેટિંગ કરી હતી, 177.19 ના સ્ટ્રાઈક રેટથી 202 રન બનાવ્યા હતા. આઈપીએલ 2026 માટે મીની ઓક્શનમાં દિલ્હીએ સાહિલને 30 લાખ રૂપિયામાં ખરીદ્યો હતો.

ફક્ત 2 T20 રમ્યો છે સાહિલ

રેકોર્ડમાં ડેબ્યૂ કરનાર સાહિલે અત્યાર સુધી ફક્ત 2 T20 મેચ રમી છે. તેને સૈયદ મુશ્તાક અલી ટ્રોફીમાં મહારાષ્ટ્ર માટે આ મેચ રમી હતી. આ મેચ ગોવા અને ઉત્તર પ્રદેશ સામે હતી. પરંતુ સાહિલ બંને મેચમાં નોંધપાત્ર પ્રભાવ પાડવામાં નિષ્ફળ ગયો. તેને બે મેચમાં કુલ 24 રન બનાવ્યા, જેમાં તેનો હાઈએસ્ટ સ્કોર 18 રન હતા.

આ પણ વાંચો: 'મારી પાસે જીવવા માટે 3-6 મહિના બાકી...!' યુવરાજ સિંહે કેન્સરને લઈને કર્યો મોટો ખુલાસો