IPLની 19મી સીઝન શરૂ થાય તે પહેલાં રવિવારે ચેન્નઈ સુપર કિંગ્સે એક કાર્યક્રમનું આયોજન કર્યું હતું. આ કાર્યક્રમમાં એમએસ ધોનીએ ફરી એકવાર એક એવું નિવેદન આપ્યું જેનાથી ચાહકોમાં ભારે ઉત્સાહ ફેલાયો હતો. 44 વર્ષીય ધોનીએ મજાકમાં કહ્યું કે તે 60 વર્ષની ઉંમર સુધી IPL રમી શકે છે અને તેનાથી આખા ચેપોક સ્ટેડિયમમાં દર્શકો ઝૂમી ઉઠ્યા હતા.
મુશ્કેલ હશે..પણ હું પ્રયાસ કરી શકું છું.
રવિવારે ચેન્નઈના એમએ ચિદમ્બરમ સ્ટેડિયમમાં CSK ફેન ઇવેન્ટ દરમિયાન અભિનેતાને મજાકમાં ધોનીને કહ્યું કે તે નિવૃત્તિની વાતને નજરઅંદાજ કરે અને લાંબા સમય સુધી રમવાનું ચાલુ રાખે. જેના પર ધોનીએ હસતાં હસતાં જવાબ આપ્યો, "મુશ્કેલ હશે..પણ હું પ્રયાસ કરી શકું છું." આ જવાબ સાથે સ્ટેડિયમમાં હાજર હજારો ચાહકો ખુશીથી ઝૂમી ઉઠ્યા હતા. "ધોની, ધોની!" ના નારા લગાવતા આ ક્ષણનો વીડિયો સોશિયલ મીડિયા પર ઝડપથી વાયરલ થઈ ગયો.
ધોનીને IPL ઇતિહાસના મહાન ખેલાડીઓમાંના એક માનવામાં આવે છે.
278 મેચ
5439 રન
5 વખત સીએસકે ચેમ્પિયન
શું આઈપીએલ 2026 તેની છેલ્લી સીઝન હશે?
ધોનીના ભવિષ્ય વિશે ચર્ચાઓ ચાલુ છે. સીએસકેના સીઈઓ વિશ્વનાથને સ્પષ્ટતા કરી છે કે ધોની આઈપીએલ 2026માં આખી સીઝન રમશે, પરંતુ તેની ભૂમિકા થોડી અલગ હોઈ શકે છે.
છેલ્લા કેટલાક સીઝનમાં ધોનીની ભૂમિકા સ્પષ્ટપણે બદલાઈ ગઈ છે
તે હવે કેપ્ટન નથી
તે ફિનિશર તરીકે નીચેના ક્રમમાં બેટિંગ કરે છે
ઇમ્પેક્ટ પ્લેયર રૂલ રોલને કારણે તે મર્યાદિત છે
સંજુ સેમસન જેવા ખેલાડીઓનો સમાવેશ કર્યો
સીએસકેએ આ વખતે ટીમમાં સંજુ સેમસન જેવા ખેલાડીઓનો સમાવેશ કર્યો છે. તેથી, ભવિષ્યમાં વિકેટકીપિંગ જવાબદારી ટ્રાન્સફર કરી શકાય છે. તેમ છતાં ધોનીનો અનુભવ અને હાજરી ટીમ માટે મહત્વપૂર્ણ છે, ખાસ કરીને IPL 2025 પછી જ્યારે CSK પહેલીવાર પોઈન્ટ ટેબલમાં તળિયે રહ્યું.
આ પણ વાંચો - IPL 2026: LSG માટે એક પણ મેચ નહીં રમે અર્જૂન તેંડૂલકર, પૂર્વ ક્રિકેટરની મોટી આગાહી
