BCCIએ શુભમન ગિલને નવા T20 કેપ્ટન તરીકે કર્યો નિયુક્ત, સૂર્યકુમાર યાદવ પાસેથી છીનવાઈ કેપ્ટનશીપ?

BCCIએ શુભમન ગિલને ભારતની T20 ટીમના નવા કેપ્ટન તરીકે નિયુક્ત કર્યો છે. આ ચર્ચા સોશિયલ મીડિયા પર થઈ રહી છે, અને ગિલને નવા T20 કેપ્ટન તરીકે નિયુક્ત કરવાની જાહેરાત કરતી પોસ્ટ વાયરલ થઈ રહી છે.

વાયરલ પોસ્ટમાં કહેવામાં આવ્યું છે કે સિલેક્શન કમિટી ટીમ ઈન્ડિયાને ત્રણેય ફોર્મેટ માટે એક જ કેપ્ટન આપવા માગતી હતી, અને તેથી શુભમન ગિલને નવા કેપ્ટન તરીકે નિયુક્ત કરવામાં આવ્યો છે. તમને જણાવી દઈએ કે આ પોસ્ટ સંપૂર્ણપણે નકલી છે.

IPL 2026 પછી T20 ટીમના કેપ્ટન તરીકે જવાબદારી સંભાળશે ગિલ

સોશિયલ મીડિયા પર વાયરલ થયેલી એક પોસ્ટમાં એવા અહેવાલોનો ઉલ્લેખ કરવામાં આવ્યો છે કે BCCI એ શુભમન ગિલને નવા T20 કેપ્ટન તરીકે નિયુક્ત કરવાનો નિર્ણય લીધો છે. સિલેક્ટર્સ ઈચ્છે છે કે ભારતીય ટીમમાં ત્રણેય ફોર્મેટમાં એક જ કેપ્ટન હોય, અને ગિલને આ ભૂમિકા માટે બેસ્ટે પસંદગી તરીકે વર્ણવવામાં આવ્યો છે. પોસ્ટમાં કહેવામાં આવ્યું છે કે શુભમન ગિલ IPL 2026 પછી T20 ટીમના કેપ્ટન તરીકે જવાબદારી સંભાળશે.

જ્યારે આ દાવાની તપાસ કરી, ત્યારે જાણવા મળ્યું કે આ સમાચાર સંપૂર્ણપણે ખોટા છે. ભારતીય ક્રિકેટ કંટ્રોલ બોર્ડે આવી કોઈ જાહેરાત કરી નથી, કે શુભમન ગિલ તરફથી આ અંગે કોઈ સત્તાવાર નિવેદન આવ્યું નથી. આ સમાચાર સંપૂર્ણપણે ખોટા છે, અને સૂર્યકુમાર યાદવ ભારતની T20 ટીમના કેપ્ટન રહે છે.

તાજેતરના કેટલાક અહેવાલોમાં દાવો કરવામાં આવ્યો હતો કે ખરાબ વ્યક્તિગત ફોર્મને કારણે સૂર્યકુમાર યાદવને T20 કેપ્ટનશીપમાંથી દૂર કરી શકાય છે. પરંતુ BCCI, શુભમન ગિલ કે સૂર્યકુમાર યાદવ તરફથી આ વાતની પુષ્ટિ કરવામાં આવી નથી.

ODI અને ટેસ્ટ ટીમનો કેપ્ટન છે શુભમન ગિલ

શુભમન ગિલ હાલમાં ભારતની ODI અને ટેસ્ટ ટીમોની કેપ્ટનશીપ કરે છે. ODI અને ટેસ્ટમાં કેપ્ટન તરીકે ગિલનું પ્રદર્શન મિશ્ર રહ્યું છે. ખરાબ ફોર્મને કારણે શુભમન ગિલને T20 વર્લ્ડકપ 2026 ટીમમાંથી બહાર કરવામાં આવ્યો હતો. ખરાબ ફોર્મ હોવા છતાં શુભમન ગિલને નવા T20 કેપ્ટન તરીકે નિયુક્ત કરવાનો નિર્ણય વિવાદાસ્પદ હોઈ શકે છે.

આ પણ વાંચો: Vaibhav Sooryavanshi રાજસ્થાન રોયલ્સ છોડીને MI માટે રમશે? અનુભવી ક્રિકેટરના નિવેદનથી થયો વિવાદ