T20 વર્લ્ડકપ 2026ના સુપર-8 સ્ટેજની પહેલી મેચ અને ટુર્નામેન્ટની 41મી મેચ પાકિસ્તાન અને ન્યુઝીલેન્ડ વચ્ચે રમાશે. આ મેચ 21 ફેબ્રુઆરીએ કોલંબોના આર પ્રેમદાસા સ્ટેડિયમમાં રમાશે. બંને ટીમો આ મેચ જીતીને સેમીફાઈનલ તરફ પહેલું પગલું ભરવાનો પ્રયાસ કરશે.
પાકિસ્તાન અને ન્યુઝીલેન્ડ બંને ગ્રુપ સ્ટેજમાં 1-1 મેચ હાર્યા બાદ સુપર-8માં પહોંચ્યા હતા. પાકિસ્તાનને કટ્ટર હરીફ ભારત સામે કારમી હારનો સામનો કરવો પડ્યો હતો, જ્યારે ન્યુઝીલેન્ડનો સાઉથ આફ્રિકા સામે હારનો સામનો કરવો પડ્યો હતો.
પાકિસ્તાન અને ન્યુઝીલેન્ડ સુપર 8ની શરૂઆત જીત સાથે કરવા માગે છે. પરંતુ પાકિસ્તાન અને ન્યુઝીલેન્ડ વચ્ચેની આ સુપર 8 મેચ પર વરસાદનું સંકટ છે. આ મેચ દરમિયાન વરસાદની શક્યતા છે. આવી પરિસ્થિતિમાં તમને જણાવી દઈએ કે જો આ મેચ વરસાદને કારણે રદ્દ થાય છે તો બંને ટીમોને શું નુકસાન થશે. તમને જણાવી દઈએ કે કોલંબોમાં વરસાદને કારણે ઘણી મેચો પહેલાથી જ રદ્દ થઈ ચૂકી છે.
જો પાકિસ્તાન અને ન્યુઝીલેન્ડ વચ્ચેની સુપર 8 મેચ વરસાદને કારણે રદ્દ થાય છે, તો બંને ટીમોને 1-1 પોઈન્ટ આપવામાં આવશે. પોઈન્ટ વહેંચવાથી પાકિસ્તાન અને ન્યુઝીલેન્ડ બંનેની સેમીફાઈનલમાં પહોંચવાની શક્યતાઓ પર અસર પડી શકે છે. તેમના ગ્રુપમાં ઈંગ્લેન્ડ અને શ્રીલંકા અન્ય 2 ટીમો છે. તેથી આ બે ટીમો સામે પાકિસ્તાન અને ન્યુઝીલેન્ડની મેચો મહત્વપૂર્ણ બની જશે. જો વરસાદને કારણે આ મેચ રદ્દ થયા પછી પાકિસ્તાન અથવા ન્યુઝીલેન્ડમાંથી કોઈ એક તેમની આગામી મેચ હારી જાય છે, તો તેમની વર્લ્ડકપ યાત્રા સમાપ્ત થઈ શકે છે.
એક્યૂવેધર મુજબ આજે રાત્રે 21 ફેબ્રુઆરીએ કોલંબોમાં ભારે વરસાદની સંભાવના છે. આ સમય દરમિયાન વરસાદની 75 ટકા શક્યતા છે. ખાસ કરીને બપોરે 1:00 થી 3:00 વાગ્યા સુધી હવામાન ખરાબ રહેશે. પાકિસ્તાન વિરુદ્ધ ન્યુઝીલેન્ડ મેચ સાંજે 7:00 વાગ્યે શરૂ થશે અને તે સમયે વરસાદની શક્યતા ઓછી છે, પરંતુ સમયાંતરે વરસાદ મેચને અસર કરી શકે છે. વરસાદ વિના મેચ રમી શકાય કે નહીં તે જોવાનું બાકી છે.
આ પણ વાંચો: Nepalએ પાકિસ્તાનને છોડ્યું પાછળ, T20 વર્લ્ડકપમાં સર્જાયો મોટો અપસેટ