T20 World Cup 2026ના ગ્રુપ સ્ટેજ મેચો લગભગ પૂર્ણ થઈ ગયા છે અને સુપર-8 માટે તમામ 8 ટીમોના નામો નક્કી થઈ ગયા છે. નામિબિયાને 102 રનથી હરાવ્યા બાદ પાકિસ્તાન સુપર-8 માં પહોંચનારી છેલ્લી ટીમ બની. સુપર-8 સ્ટેજની મેચો 21 ફેબ્રુઆરીથી રમાશે અને ટોપની 4 ટીમો સેમીફાઈનલમાં રમશે.
T20 વર્લ્ડકપ 2026માં સુપર-8 નું ચિત્ર સ્પષ્ટ થતાંની સાથે જ 2028માં યોજાનાર આગામી T20 વર્લ્ડકપ માટે 12 ટીમોના નામ પણ નક્કી થઈ ગયા છે. ICC એ ગુરુવારે આ જાહેરાત કરી.
19 ફેબ્રુઆરીના રોજ ICCએ 2028ના T20 વર્લ્ડકપ માટે ક્વોલિફાય થયેલી 12 ટીમોના નામ જાહેર કર્યા. 2028ના T20 વર્લ્ડકપનું આયોજન ઓસ્ટ્રેલિયા અને ન્યુઝીલેન્ડ કરશે, જેમાં 12 ટીમો સીધી ક્વોલિફાય થઈ છે. નિયમો મુજબ 2026માં સુપર 8માં પહોંચેલી ટીમોને 2028 માટે સીધી ટિકિટ મળી છે. ભારત, પાકિસ્તાન, ઝિમ્બાબ્વે, શ્રીલંકા, વેસ્ટ ઈન્ડિઝ, ઈંગ્લેન્ડ, સાઉથ આફ્રિકા અને ન્યુઝીલેન્ડ 2026ના T20 વર્લ્ડકપ સુપર 8 માટે ક્વોલિફાય થયા હતા.
https://twitter.com/ICC/status/2024340819101249948
ઓસ્ટ્રેલિયા 2026ના T20 વર્લ્ડકપના સુપર 8 સ્ટેજમાં પહોંચવામાં નિષ્ફળ ગયું, પરંતુ સહ-યજમાન તરીકે તેને સીધી એન્ટ્રી મળી. આ નવ ટીમો સિવાય ICC રેન્કિંગના આધારે 2028ના T20 વર્લ્ડકપમાં બાંગ્લાદેશ, અફઘાનિસ્તાન અને આયર્લેન્ડને લગભગ ખાતરીપૂર્વક સ્થાન માનવામાં આવે છે. કટ-ઓફ તારીખ પહેલાં કોઈ ઈન્ટરનેશનલ મેચ સુનિશ્ચિત ન હોવાથી રેન્કિંગ યથાવત રહેશે, જેના કારણે આ ત્રણેય ટીમો ક્વોલિફાય થવાની લગભગ ખાતરી કરી લેશે.
તમને જણાવી દઈએ કે 2028ના T20 વર્લ્ડકપમાં 20 ટીમો ભાગ લેશે. 12 ટીમોના નામો નક્કી થઈ ગયા છે, પરંતુ બાકીની 8 ટીમો પ્રાદેશિક ક્વોલિફાયર દ્વારા ક્વોલિફાય થશે. બાંગ્લાદેશે સુરક્ષા ચિંતાઓને કારણે 2026ના વર્લ્ડ કપમાંથી ખસી ગયું હતું, અને તેમના સ્થાને સ્કોટલેન્ડની પસંદગી કરવામાં આવી હતી. આમ છતાં ICC રેન્કિંગના આધારે બાંગ્લાદેશ 2028ના T20 વર્લ્ડ કપમાં રમવા માટે પાત્ર બનશે.
ભારત - સુપર 8
ઓસ્ટ્રેલિયા - સહ-યજમાન
ન્યુઝીલેન્ડ - સુપર 8/સહ-યજમાન
દક્ષિણ આફ્રિકા - સુપર 8
ઝિમ્બાબ્વે - સુપર 8
વેસ્ટ ઈન્ડીઝ - સુપર 8
ઈંગ્લેન્ડ - સુપર 8
પાકિસ્તાન - સુપર 8
શ્રીલંકા - સુપર 8
બાંગ્લાદેશ - ICC રેન્કિંગ (લગભગ નિશ્ચિત)
અફઘાનિસ્તાન - ICC રેન્કિંગ (લગભગ નિશ્ચિત)
આયર્લેન્ડ - ICC રેન્કિંગ (લગભગ નિશ્ચિત)
આ પણ વાંચો: Nepalએ પાકિસ્તાનને છોડ્યું પાછળ, T20 વર્લ્ડકપમાં સર્જાયો મોટો અપસેટ