T20 વર્લ્ડકપ 2026માં ફક્ત ત્રણ મેચ બાકી છે.બે સેમિફાઇનલ અને એક ફાઇનલ બાકી છે.આ પછી તે જાહેર થશે કે T20 ક્રિકેટ વર્લ્ડ ચેમ્પિયન કોણ બનશે.શું ટીમ ઇન્ડિયા ફરી એકવાર ટાઇટલ જીતશે કે નવી ટીમ ઉભરી આવશે?આ દરમિયાન,તમારે એ પણ જાણવું જોઈએ કે આ વખતે ચેમ્પિયન બનનારી ટીમને કેટલી ઇનામી રકમ આપવામાં આવશે.અમે તમને વિજેતા વિશે જણાવીશું, તેમજ રનર-અપ અને સેમિફાઇનલમાં સ્થાન મેળવનાર ટીમને કેટલી રકમ આપવામાં આવશે. ICCએ ઘણા સમય પહેલા આ રકમમાં વધારો કરવાની જાહેરાત કરી હતી.
આ વખતે T20 વર્લ્ડકપમાં કુલ 20 ટીમોએ ભાગ લીધો હતો.
ICC T20 વર્લ્ડકપ 2026માં કુલ 20 ટીમો રમી રહી હતી.પ્રથમ રાઉન્ડ પછી ફક્ત આઠ ટીમો રહી હતી અને બાકીની બધી ટીમો બહાર થઈ ગઈ હતી.હવે જ્યારે સુપર 8 રાઉન્ડ પૂર્ણ થયો છે.ત્યારે ચાર વધુ ટીમો બહાર થઈ ગઈ છે.જેનાથી ફક્ત ચાર ટીમો બાકી છે જે હજુ પણ ટાઇટલ માટે દાવેદાર છે.પ્રથમ સેમિફાઇનલમાં દક્ષિણ આફ્રિકા અને ન્યુઝીલેન્ડ એકબીજા સામે ટકરાશે,જ્યારે બીજી સેમિફાઇનલમાં ભારત ઇંગ્લેન્ડ સામે ટકરાશે.જે ટીમો પોતપોતાની મેચ જીતશે તે ફાઇનલમાં પહોંચશે,જ્યારે હારનારી ટીમો બહાર થઈ જશે.
T20 વર્લ્ડકપ જીતનાર ટીમને 27 કરોડ રૂપિયાથી વધુ રકમ મળશે
આ દરમિયાન જ્યારે ઇનામની વાત આવે છે.ત્યારે ભારતીય ક્રિકેટ ટીમે 2024માં રોહિત શર્માની કેપ્ટનશીપમાં T20 વર્લ્ડકપ જીત્યો હતો.ત્યારે તેમને 20.4 કરોડ રૂપિયા આપવામાં આવ્યા હતા.આ વખતે રકમ પણ વધારવામાં આવી છે.જ્યારે ICCએ આ વર્ષના ચેમ્પિયનને કેટલી રકમ મળશે તે અંગે હજુ સુધી કોઈ વિગતો જાહેર કરી નથી,પરંતુ એવું જાણવા મળ્યું છે કે વિજેતા ટીમને 27 કરોડ રૂપિયાથી વધુ રકમ મળશે.હકીકતમાં આ વખતે ICCએ ટીમો માટે કુલ 120.37 કરોડ રૂપિયાનું બજેટ નક્કી કર્યું છે.
