Vaibhav Suryavanshiનો વર્લ્ડકપ પહેલા ફ્લોપ શો, ઈંગ્લેન્ડ સામે મોટી ઈનિંગ રમવામાં નિષ્ફળ

આઈસીસી અંડર-19 વર્લ્ડકપ 2026 પહેલા બધી ટીમો વોર્મ-અપ મેચ રમી રહી છે. હાલમાં ભારતીય અંડર-19 ટીમ ઈંગ્લેન્ડ અંડર-19 ટીમનો સામનો કરી રહી છે. સ્ટાર બેટ્સમેન વૈભવ સૂર્યવંશી પોતાના નામ પ્રમાણે રમી શક્યો નહીં અને આ મેચમાં સંપૂર્ણ રીતે નિષ્ફળ રહ્યો.

વોર્મ-અપ મેચમાં વૈભવ સૂર્યવંશી ફક્ત 1 જ રન બનાવી શક્યો

વૈભવ સૂર્યવંશીએ ઈંગ્લેન્ડની અંડર-19 ટીમ સામે કેપ્ટન આયુષ મ્હાત્રે સાથે ઈનિંગની શરૂઆત કરી અને 4 બોલમાં ફક્ત 1 રન બનાવ્યો. તે સેબેસ્ટિયન મોર્ગનના બોલ પર થોમસ રીયુના હાથે કેચ આઉટ થયો. સ્કોટલેન્ડની અંડર-19 ટીમ સામેની વોર્મ-અપ મેચમાં તેને 50 બોલમાં 9 ચોગ્ગા અને 7 છગ્ગા ફટકારીને 96 રન બનાવ્યા.

વૈભવ સૂર્યવંશીએ સાઉથ આફ્રિકા પ્રવાસ પર ભારતીય U19 ટીમની કરી કેપ્ટનશીપ

વૈભવ સૂર્યવંશીએ આ પહેલા સાઉથ આફ્રિકા સામેની ODI સિરીઝમાં ભારતીય અંડર-19 ટીમની કેપ્ટનશીપ કરી હતી. તેને સાઉથ આફ્રિકા સામેની ત્રીજી ODIમાં 127 રન બનાવ્યા અને 1 વિકેટ લીધી અને બીજી ODIમાં અડધી સદી ફટકારી.

વૈભવ સૂર્યવંશીએ IPLમાં બતાવી પોતાની તાકાત

વૈભવ સૂર્યવંશીએ તાજેતરમાં મળેલી દરેક તકનો લાભ લીધો છે અને બધાને ઈમ્પ્રેસ કર્યા છે. તેને અત્યાર સુધીમાં 8 ફર્સ્ટ-ક્લાસ મેચોમાં 207 રન બનાવ્યા છે. તેને 8 લિસ્ટ A મેચોમાં 353 રન બનાવ્યા છે, જેમાં 1 સદી અને 1 અડધી સદી ફટકારી છે. તે IPLમાં રાજસ્થાન રોયલ્સ તરફથી રમે છે અને અત્યાર સુધીમાં 252 રન બનાવ્યા છે. નાની ઉંમરે વૈભવ તેની બેટિંગ કુશળતા દર્શાવવામાં સફળ રહ્યો છે અને ઘણા ક્રિકેટ નિષ્ણાંતો માને છે કે તે લાંબા સમયનો ખેલાડી છે.

આ પણ વાંચો: KL Rahulએ વિરાટ કોહલીને એક સિક્સર સાથે છોડ્યો પાછળ, એમએસ ધોની આ લિસ્ટમાં ટોપ પર