- અજિંક્ય રહાણે ઘણા સમયથી ટીમમાંથી બહાર
- રાહાણે હવે ઈંગ્લેન્ડ માટે કાઉન્ટી ક્રિકેટ રમશે
- ઇંગ્લેન્ડ માટે લીસેસ્ટરશાયર તરફથી રમશે
ICC T20 વર્લ્ડકપ 2024ની સિઝન ચાલી રહી છે. આ સિઝનની પ્રથમ મેચ આજે એટલે કે 2જી જૂને યુએસએ અને આયર્લેન્ડ વચ્ચે રમાઈ હતી. અમેરિકાએ આ મેચ જીતી લીધી છે. બીજી તરફ ભારતીય ક્રિકેટ ટીમના કરોડો ચાહકો પણ વર્લ્ડકપના રંગમાં રંગાઈ ગયા છે. પરંતુ આ દરમિયાન ભારતીય ટીમના સ્ટાર ખેલાડી અજિંક્ય રહાણેએ તેના કરોડો ચાહકોને મોટો આંચકો આપ્યો છે. રહાણેને લાંબા સમયથી ટીમ ઈન્ડિયા તરફથી રમવાની તક મળી ન હતી. તેણે ઘણી વખત સારું પ્રદર્શન પણ કર્યું, પરંતુ તેમ છતાં તે ખેલાડી ટીમ ઈન્ડિયામાં વાપસી કરી શક્યો નહીં. આ કારણે રહાણેએ મોટો નિર્ણય લીધો છે. તેણે હવે કોઈ અન્ય દેશ માટે રમવાનું નક્કી કર્યું છે.
રહાણે આ દેશ માટે રમશે
અજિંક્ય રહાણે વિદેશી ધરતી પર ઘણા રન બનાવે છે. એક સમયે રહાણેને ટેસ્ટ ક્રિકેટમાં ભારતીય ટીમનો કરોડરજ્જુ માનવામાં આવતો હતો. પરંતુ ટીમ ઈન્ડિયા તરફથી સતત રમવાની તક ન મળવાના કારણે રહાણેએ મોટો નિર્ણય લીધો છે. તેણે હવે ઈંગ્લેન્ડ તરફથી રમવાનું નક્કી કર્યું છે. રહાણે IPL 2024માં ચેન્નાઈ સુપર કિંગ્સનો ભાગ હતો, પરંતુ આઈપીએલ સમાપ્ત થતાં જ અને વર્લ્ડકપ શરૂ થતાં જ રહાણેએ કોઈ અન્ય દેશ માટે રમવાનું નક્કી કર્યું છે. એક અહેવાલ મુજબ રહાણે કાઉન્ટી ચેમ્પિયનશિપમાં ઇંગ્લેન્ડ માટે લીસેસ્ટરશાયર તરફથી રમશે.
આ ભારતીય ખેલાડીઓ પણ આ દેશ માટે રમે છે
રહાણે પહેલાથી જ કાઉન્ટી ચેમ્પિયનશિપ માટે રમવા જઈ રહ્યો હતો, પરંતુ જેવી રીતે રહાણેએ કાઉન્ટી ચેમ્પિયનશિપમાં ઈંગ્લેન્ડ તરફથી રમવાનું નક્કી કર્યું કે તરત જ તેને વેસ્ટ ઈન્ડિઝ સામેની સીરિઝ માટે ભારતીય ટીમમાં પસંદ કરવામાં આવ્યો. આવી સ્થિતિમાં તે કાઉન્ટી રમી શક્યો ન હતો. પરંતુ હવે સમાચાર આવી રહ્યા છે કે તે કાઉન્ટી રમવા માટે તૈયાર છે. નોંધનીય છે કે રહાણે સિવાય પણ ઘણા ભારતીય ખેલાડીઓ છે જે ઈંગ્લેન્ડ માટે કાઉન્ટી ક્રિકેટ રમે છે. ચેતેશ્વર પુજારા, પૃથ્વી શો, કરુણ નાયર અને સિદ્ધાર્થ કૌલ જેવા મોટા નામો પણ આ યાદીમાં સામેલ છે. હવે આ યાદીમાં રહાણેનું નામ પણ જોડાવા જઈ રહ્યું છે.
