- ઓસ્ટ્રેલિયા અને પાકિસ્તાન વચ્ચે ત્રીજી ટેસ્ટ મેચ
- આ મેચ પહેલા વોર્નરની બેકપેક ખોવાઈ ગઈ હતી
- બેકપેક પરત મળતા વોર્નરે હોટેલનો આભાર માન્યો
ઓસ્ટ્રેલિયા અને પાકિસ્તાન વચ્ચે રમાઈ રહેલી ત્રીજી ટેસ્ટ મેચ દરમિયાન ઓસ્ટ્રેલિયાના ઓપનર ડેવિડ વોર્નરની બેકપેક ખોવાઈ ગઈ હતી. આ બેકપેકમાં વોર્નર અને તેની પુત્રીનો સામાન હતો. જે વોર્નર માટે ખૂબ જ ખાસ હતું. હોટલમાંથી આ બેકપેક ગુમ થયા બાદ ડેવિડ વોર્નર પણ ખૂબ જ ઉદાસ દેખાતા હતા. કારણ કે આ બેકપેકમાં તેની બેગી ગ્રીન કેપ હતી, જે કોઈપણ ખેલાડી માટે ખૂબ જ ખાસ હોય છે. જે બાદ વોર્નરે સોશિયલ મીડિયા પર વિડિયો શેર કર્યો અને પોતાનો બેકપેક પરત કરવા કહ્યું. આ સિવાય વોર્નરે કહ્યું હતું કે જે પણ તેની બેકપેક પરત કરશે તેને તે વધુ એક વધારાની બેકપેક આપશે.
હોટેલમાં બેગી ગ્રીન કેપ પાછી મળી
4 દિવસ બાદ હવે ડેવિડ વોર્નરની બેગી ગ્રીન કેપ પરત કરવામાં આવી છે. જે બાદ ખેલાડીએ પોતાની ખુશી વ્યક્ત કરી છે. હવે તેનું બેકપેક સિડનીની જ એક હોટલમાંથી મળી આવ્યું છે. આ બેગપેકમાં વોર્નરની બે કેપ હતી, જેમાંથી એક તે કેપ હતી જે તેને 2011માં ડેબ્યૂ દરમિયાન મળી હતી. બેકપેક પરત મળ્યા બાદ ડેવિડ વોર્નરે તેના સોશિયલ મીડિયા એકાઉન્ટ પર હોટલ સ્ટાફ વગેરેનો આભાર વ્યક્ત કર્યો છે. હવે બેકપેક મળ્યા બાદ વોર્નરે રાહતનો શ્વાસ લીધો છે.
ડેવિડ વોર્નરની છેલ્લી ટેસ્ટ સિરીઝ
ડેવિડ વોર્નર પાકિસ્તાન સામે તેની આંતરરાષ્ટ્રીય ટેસ્ટ કારકિર્દીની છેલ્લી સિરીઝ રમી રહ્યો છે. સિડની ક્રિકેટ ગ્રાઉન્ડ પર આ તેની છેલ્લી ટેસ્ટ મેચ છે. આ પછી વોર્નર ટેસ્ટ ઈન્ટરનેશનલ ક્રિકેટમાંથી સંન્યાસ લેવા જઈ રહ્યો છે. વોર્નર ટેસ્ટ અને વનડે બંને ફોર્મેટમાંથી નિવૃત્તિ લેવાનો છે. હવે ફેન્સ વોર્નરને માત્ર T20 ક્રિકેટ રમતા જોશે. વોર્નર લાંબા સમયથી ઓસ્ટ્રેલિયા માટે ક્રિકેટ રમી રહ્યો છે. આ સમયગાળા દરમિયાન તેણે ઘણી સિદ્ધિઓ પણ પોતાના નામે કરી છે.
