- મહેન્દ્ર સિંહ ધોની હાલ પરિવાર સાથે અમેરિકામાં છે
- ધોનીને ટ્રમ્પે ગોલ્ફ રમવા માટે આમંત્રણ આપ્યું હતું
- ધોની અને ડોનાલ્ડ ટ્રમ્પ સાથેનો ફોટો થયો વાયરલ
ભારતીય ટીમના પૂર્વ કેપ્ટન મહેન્દ્ર સિંહ ધોની આ દિવસોમાં પરિવાર સાથે રજાઓનો આનંદ ઉઠાવી રહ્યા છે. ધોની અમેરિકા પરિવાર સાથે મજા માણી રહ્યા છે. આ દરમિયાન તે અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ દ્વારા આયોજિત ગોલ્ફ રમવા માટે ગયા હતા.
ધોનીનો ટ્રમ્પ સાથેનો ફોટો વાયરલ થયો
ભારતીય ટીમના ભૂતપૂર્વ કેપ્ટન મહેન્દ્ર સિંહ ધોનીએ આંતરરાષ્ટ્રીય ક્રિકેટમાંથી નિવૃત્તિ લીધાને 3 વર્ષથી વધુ સમય થઈ ગયો હોવા છતાં પણ તેમના પ્રત્યે ફેન્સનો જુસ્સો આજે પણ ઓછો થયો નથી. હવે આ લિસ્ટમાં એક નવું નામ જોડાયું છે જે અમેરિકાના પૂર્વ રાષ્ટ્રપતિ ડોનાલ્ડ ટ્રમ્પનું છે. આ દિવસોમાં ધોની તેના પરિવાર સાથે અમેરિકામાં રજાઓ માણી રહ્યા છે અને આ દરમિયાન તેમનો ડોનાલ્ડ ટ્રમ્પ સાથેનો એક ફોટો સામે આવ્યો છે.
અમેરિકાના ભૂતપૂર્વ રાષ્ટ્રપતિ ડોનાલ્ડ ટ્રમ્પે ધોની માટે ગોલ્ફની રમતનું આયોજન કર્યું હતું. આંતરરાષ્ટ્રીય ક્રિકેટમાંથી સંન્યાસ લીધા બાદ ધોની ગોલ્ફ રમવાનો ઘણો આનંદ લેતા જોવા મળ્યા છે. આ પહેલા ધોનીનો એક વીડિયો પણ સામે આવ્યો હતો. જ્યારે તે યુએસ ઓપન 2023માં કાર્લોસ અલ્કારાઝ અને ઝવેરેવ વચ્ચેની ક્વાર્ટર ફાઈનલ મેચ જોવા આવ્યા હતા. આ મેચ જીતીને અલકારાઝે સેમિફાઈનલમાં પોતાનું સ્થાન બનાવી લીધું છે.
IPLમાં CSK તરફથી રમે છે ધોની
આ પહેલા પણ ઘણી વખત ધોની ગોલ્ફ રમતા વીડિયો સામે આવી ચૂક્યા છે. IPLની 16મી સિઝનમાં ચેન્નાઈ સુપર કિંગ્સને વિજેતા બનાવ્યા બાદ ધોનીએ તેના ઘૂંટણનું ઓપરેશન કરાવ્યું હતું. આ પછી, આગામી કેટલાક મહિનાઓ સુધી રિહેબમાં સમય વિતાવ્યા પછી, તે હવે સંપૂર્ણ રીતે ફિટ છે.
ધોનીના નેતૃત્વમાં ભારતીય ટીમે છેલ્લી ICC ટ્રોફી જીતી હતી
વિશ્વ ક્રિકેટમાં કેપ્ટન તરીકે ધોનીની ગણતરી મહાન ખેલાડીઓમાં થાય છે. તેનું સૌથી મોટું કારણ આઈસીસી ઈવેન્ટ્સમાં કેપ્ટન તરીકે તેનું શાનદાર પ્રદર્શન હતું. ભારતીય ટીમે તેની છેલ્લી ICC ટ્રોફી વર્ષ 2013માં ધોનીના નેતૃત્વમાં જીતી હતી. વર્ષ 2011માં જ્યારે ટીમ ઈન્ડિયાએ ઘરની ધરતી પર ધોનીના નેતૃત્વમાં વનડે વર્લ્ડ કપ રમ્યો ત્યારે તેણે ખિતાબ જીત્યો હતો.
