- વેસ્ટ ઈન્ડિઝની ટીમ હાલમાં ઈંગ્લેન્ડના પ્રવાસે છે
- વેસ્ટ ઈન્ડિઝ સિરીઝમાં 2-0થી પાછળ છે
- વેસ્ટ ઈન્ડિઝના બેટ્સમેનનો હાથ ભાંગી ગયો
વેસ્ટ ઈન્ડિઝની ટીમ હાલમાં ઈંગ્લેન્ડના પ્રવાસે છે અને બે મેચ બાદ સિરીઝમાં 2-0થી પાછળ છે. નોટિંગહામમાં બીજી ટેસ્ટ મેચ રમાઈ હતી, જેમાં વેસ્ટ ઈન્ડિઝના એક બેટ્સમેનનો હાથ ભાંગવાનો કિસ્સો પ્રકાશમાં આવ્યો છે. કેરેબિયન ખેલાડી કેવિન સિંકલેરને માર્ક વુડના તીક્ષ્ણ બાઉન્સર બોલને કારણે આ ઈજા થઈ હતી અને આ ઈજાને કારણે તે સિરીઝની ત્રીજી અને છેલ્લી મેચમાંથી બહાર થઈ ગયો છે.
માર્ક વૂડે નાખ્યો ઘાતક બોલ
આ ઘટના નોટિંગહામ ટેસ્ટના ચોથા દિવસે બની હતી, જ્યાં 385 રનના લક્ષ્યનો પીછો કરતી વખતે મુલાકાતી ટીમ સંઘર્ષ કરી રહી હતી. આ દરમિયાન કેવિન સિંકલેર બેટિંગ કરવા આવ્યો ત્યારે તેની ટીમ 82 રનમાં 5 વિકેટ ગુમાવી ચૂકી હતી. ઇનિંગ્સની 24મી ઓવરમાં માર્ક વૂડે સિંકલેર તરફ ખૂબ જ તેજ ગતિએ શાર્પ બાઉન્સર ફેંક્યો. બોલ બોડી લાઈનમાં હોવાથી વેસ્ટ ઈન્ડિઝના બેટ્સમેને બેટને આગળ કર્યું, પરંતુ બોલ સીધો તેના કાંડા પર અથડાયો. અમ્પાયરે આઉટ જાહેર કર્યો, પરંતુ કેવિન સિંકલેરે રિવ્યુ લીધો પરંતુ બીજી જ ક્ષણે તે તેનો હાથ પકડીને મેદાન પર બેસી ગયો.
કોણ રિપ્લેસ કરશે?
જ્યારે રિપ્લેમાં જોવામાં આવ્યું તો, સિંકલેરને રિવ્યૂ કરવો યોગ્ય હતો, પરંતુ તેનું નસીબ એટલું ખરાબ હતું કે બોલનો ખૂબ જ નાનો ભાગ ગ્લોવને સ્પર્શી રહ્યો હતો, જેના કારણે તેને આઉટ જાહેર કરવામાં આવ્યો હતો. તે 17 બોલમાં માત્ર એક રન બનાવી શક્યો હતો. હવે તેનું સ્થાન છેલ્લી ટેસ્ટ મેચમાં ગુડાકેશ મોતી લેશે, જે ડાબોડી ઓફ સ્પિન બોલર છે. ગુડાકેશ સિરીઝની પ્રથમ મેચ રમ્યો હતો, પરંતુ બીમારીના કારણે તે બીજી મેચમાં રમી શક્યો નહોતો. વેસ્ટ ઈન્ડિઝ માટે આ એક મોટો ઝટકો છે કે અલ્ઝારી જોસેફ પણ બીમારીના કારણે ત્રીજી ટેસ્ટ મેચમાંથી બહાર બેસી શકે છે.
