આર્જેન્ટિના માલામાલ, જાણો ફાઈનલ પછી કોને શું મળ્યું?

• આર્જેન્ટિનાને સૌથી વધુ રૂ. 347 કરોડ, ફ્રાન્સને રૂ. 248 કરોડ
  
• ક્રોએશિયા-મોરોક્કોને 200+ કરોડ, ઈંગ્લેન્ડને ફેર પ્લે એવોર્ડ
• મેસ્સીને ગોલ્ડન બોલ, એમબાપ્પેને ગોલ્ડન બૂટ એવોર્ડ

આર્જેન્ટિનાએ ફાઈનલ મેચમાં ફ્રાન્સને હરાવીને FIFA વર્લ્ડ કપ 2022નો ખિતાબ જીતી લીધો છે. લિયોનેલ મેસ્સીએ પોતાનું સપનું પૂરું કર્યું, સાથે જ આર્જેન્ટિનાએ 36 વર્ષ બાદ વર્લ્ડ કપ જીત્યો હતો. જાણો ફાઈનલ બાદ એવોર્ડ સેરેમનીમાં કોને શું મળ્યું.

આર્જેન્ટિના વર્લ્ડ ચેમ્પિયન

લિયોનેલ મેસ્સીની કપ્તાની હેઠળ આર્જેન્ટિનાએ 36 વર્ષના દુષ્કાળનો અંત લાવ્યો અને FIFA વર્લ્ડ કપ 2022ની ટ્રોફી જીતી હતી. રવિવારે રાત્રે રમાયેલી રોમાંચક મેચમાં આર્જેન્ટિનાએ ફ્રાન્સને પેનલ્ટી શૂટઆઉટમાં 4-2થી હરાવ્યું અને આ સાથે ટ્રોફી જીતી લીધી હતી.

મેસ્સીને ગોલ્ડન બોલ, એમબાપ્પેને ગોલ્ડન બૂટ એવોર્ડ

લિયોનેલ મેસ્સીએ વર્લ્ડ કપ જીતવાની સાથે સાથે પ્લેયર ઓફ ધ ટુર્નામેન્ટ બનવાનું સપનું પૂરું કર્યું, જેના માટે તેને ગોલ્ડન બોલ એવોર્ડ મળ્યો. ફાઈનલ મેચમાં ફ્રાન્સ માટે હેટ્રિક ગોલ કરનાર કીલિયન એમબાપ્પેને આ ટુર્નામેન્ટમાં સૌથી વધુ ગોલ કરવાનો એવોર્ડ મળ્યો હતો અને તેને ગોલ્ડન બૂટ આપવામાં આવ્યો હતો.

એવોર્ડ સેરેમનીમાં ચાર ખેલાડીઓને મળ્યો એવોર્ડ 

• ગોલ્ડન બોલ એવોર્ડ - લિયોનેલ મેસ્સી (આર્જેન્ટિના)

• ગોલ્ડન બૂટ એવોર્ડ - કીલિયન એમબાપ્પે (ફ્રાન્સ)

• ગોલ્ડન ગ્લોવ્સ એવોર્ડ - એમિલિયાનો માર્ટિનેઝ (આર્જેન્ટિના)

• બેસ્ટ યંગ પ્લેયરનો એવોર્ડ - એન્ઝો ફર્નાન્ડીઝ (આર્જેન્ટિના)

• FIFA ફેર પ્લે એવોર્ડ - ઈંગ્લેન્ડ

FIFA વર્લ્ડ કપ 2022માં કોણે કેટલા ગોલ કર્યા

• કીલિયન એમબાપ્પે (ફ્રાન્સ) - 8 ગોલ, 2 આસિસ્ટ

• લિયોનેલ મેસ્સી (આર્જેન્ટિના) - 7 ગોલ, 3 આસિસ્ટ

• ઓલિવિયર ગીરોડ (ફ્રાન્સ) – 4 ગોલ

• જુલિયન આલ્વારેઝ (આર્જેન્ટિના) - 4 ગોલ

આ ટીમોના ખાતામાં આટલા પૈસા આવ્યા

• વિજેતા આર્જેન્ટિના - રૂ. 347 કરોડ

• ઉપવિજેતા ફ્રાન્સ - રૂ. 248 કરોડ

• ત્રીજા નંબરે રહેલ ક્રોએશિયા - રૂ 223 કરોડ

• ચોથા નંબરે રહેલ મોરોક્કો - રૂ. 206 કરોડ

• વર્લ્ડ કપમાં સામેલ દરેક ટીમને 9-9 મિલિયન ડોલર

• પ્રી-ક્વાર્ટર ફાઇનલમાં પહોંચનારી ટીમો માટે $13 મિલિયન

• ક્વાર્ટર ફાઇનલમાં હારેલી ટીમોના ખાતામાં $17 મિલિયન