- ધોની પોતાના નામ માટે નહીં ટીમ માટે કામ કરે છે
- ખેલાડીઓમાં ઉત્સાહ વધારવાનું કામ કરે છે
- ધોનીથી વધારે નમ્ર વ્યક્તિ કોઈ નહીંઃ મેથ્યૂ હિડન
મહેન્દ્ર સિંહ ધોની આજે ભારતની સૌથી લોકપ્રિય ખેલાડીઓમાંથી એક છે. ક્રિકેટ પ્રેમીઓમાં તેના માટે ભારે ક્રેઝ છે, તેથી જ ચાહકો તેને મળવા માટે બેરિકેડ કૂદીને મેદાનમાં પ્રવેશે છે. ધોનીની લોકપ્રિયતા આખી દુનિયામાં ફેલાઈ રહી છે અને ઘણીવાર આટલી પ્રસિદ્ધિ મળ્યા પછી લોકોમાં ઘમંડ થવા લાગે છે. પરંતુ ધોનીનો નમ્ર સ્વભાવ તેને બીજા બધા કરતા અલગ બનાવે છે. હવે આઈપીએલ ફ્રેન્ચાઈઝી ચેન્નાઈ સુપર કિંગ્સ (CSK)માં ધોની સાથે રમી રહેલા ઓસ્ટ્રેલિયન દિગ્ગજ મેથ્યુ હેડને કહ્યું છે કે તેણે પોતાના જીવનમાં ધોનીથી વધુ નમ્ર કોઈને જોયા નથી.
એમએસ ધોની માટે ટીમ પ્રથમ
એક ઈન્ટરવ્યુમાં મેથ્યુ હેડને કહ્યું, "ધોની એવું નથી માનતો કે તે કોઈનાથી ઉપર છે કે કોઈ પણ રીતે મહાન છે. તે ટીમની બેગ લઈ જતો હતો અને તેના સાથી ખેલાડીઓને બોલ ફેંકીને પ્રેક્ટિસ પણ કરાવતો હતો. તે ખૂબ જ નમ્ર વ્યક્તિ છે. તે પોતાનું આખું જીવન પોતાના નામના પ્રચાર માટે નહીં પરંતુ ટીમને સુધારવા માટે સમર્પિત કરે છે.
વધારે છે ખેલાડીઓનો ઉત્સાહ
મેથ્યુ હેડને પોતાની વાત ચાલુ રાખી અને કહ્યું કે તમે ક્યારેય ધોનીને તેની મહાનતા અને તેની સિદ્ધિઓ વિશે વાત કરતા જોશો નહીં. આ જ બાબત ધોનીને બીજા બધા કરતા અલગ બનાવે છે. તેઓએ અમારી સામે વર્લ્ડ કપ કેવી રીતે જીત્યો? એમએસ ધોની હંમેશા લોકોમાં ઉત્સાહ વધારવાનો રસ્તો શોધે છે. તેને કોઈ અહંકાર નથી અને તે ક્યારેય પોતાના વખાણ કરવાનું વિચારતો નથી. ધોની હાલમાં જ તેના પરિવાર સાથે ઈટાલીમાં રજાઓ મનાવતો જોવા મળ્યો હતો અને તેની તસવીરો ઈન્ટરનેટ પર વાયરલ થઈ હતી.
