- PCBએ વર્લ્ડકપની મેચો અમદાવાદમાં રમાવાની ના પાડી હતી
- અમદાવાદમાં ન રમવા માટે સુરક્ષા સમસ્યાનો હવાલો આપ્યો
- ભારત-પાકિસ્તાનની ટીમો 15 ઓક્ટોબરે અમદાવાદમાં સામસામે આવી શકે
એશિયા કપ 2023 હાઇબ્રિડ મોડલ પર રમાશે. પાકિસ્તાન ક્રિકેટ બોર્ડે એક હાઇબ્રિડ મોડલનું સૂચન કર્યું હતું, જેના પર BCCI સહમત થઈ ગયું છે. પાકિસ્તાન ક્રિકેટ બોર્ડે ભૂતકાળમાં કહ્યું હતું કે જો ટીમ ઈન્ડિયા એશિયા કપ રમવા માટે અમારા દેશમાં નહીં આવે તો અમારી ટીમ વર્લ્ડ કપ 2023 રમવા માટે ભારત નહીં જાય, પરંતુ હવે પીસીબીએ આના પર યુ-ટર્ન લીધો. જોકે, ODI વર્લ્ડ કપ 2023નું શેડ્યૂલ હજુ સુધી સત્તાવાર રીતે જાહેર કરવામાં આવ્યું નથી, પરંતુ એવું માનવામાં આવે છે કે ભારત અને પાકિસ્તાનની ટીમો 15 ઓક્ટોબરે અમદાવાદના નરેન્દ્ર મોદી સ્ટેડિયમમાં સામસામે આવી શકે છે.
'તે અગ્નિ શ્વાસ લે છે કે ભૂત છે? જાઓ, રમો અને જીતો...'
તાજેતરમાં પીસીબીએ કહ્યું હતું કે, અમારી ટીમ અમદાવાદના નરેન્દ્ર મોદી સ્ટેડિયમમાં મેચ નહીં રમે. પીસીબીએ તેની પાછળ સુરક્ષા સમસ્યાઓનો ઉલ્લેખ કર્યો છે. હવે પાકિસ્તાનના પૂર્વ ક્રિકેટર શાહિદ આફ્રિદીએ પીસીબીને ઠપકો આપ્યો છે. શાહિદ આફ્રિદીએ કહ્યું કે, અમદાવાદની પીચો જાદુઈ છે, જે પાકિસ્તાનના ખેલાડીઓ પર મંત્રમુગ્ધ કરશે. તેણે પ્રશ્નાર્થ સ્વરમાં કહ્યું કે, તમે અમદાવાદની પીચ પર રમવાની શા માટે ના પાડી રહ્યા છો? શું તે પીચ ભૂતિયા છે? જાઓ, રમો અને જીતો.
પાકિસ્તાન સામેની મેચ ચેન્નાઈ, બેંગલુરુ અને કોલકાતામાં રમાયઃ નજમ સેઠી
ઉલ્લેખનીય છે કે, ICCના અધિકારીઓએ તાજેતરમાં પાકિસ્તાનની મુલાકાત લીધી હતી. PCB મેનેજમેન્ટ કમિટીના અધ્યક્ષ નજમ સેઠીએ ICC અધિકારીઓને કહ્યું હતું કે પાકિસ્તાન ઈચ્છતું નથી કે તેમની મેચ અમદાવાદના નરેન્દ્ર મોદી સ્ટેડિયમમાં રમાય. આ સાથે નજમ સેઠીએ ICC અધિકારીઓને ચેન્નાઈ, બેંગલુરુ અને કોલકાતામાં પાકિસ્તાન સામે મેચ રમવા માટે વિનંતી કરી હતી. જોકે, નજમ સેઠીએ આઈસીસીના અધિકારીઓને કહ્યું કે જો નોક આઉટ મેચો અમદાવાદના નરેન્દ્ર મોદી સ્ટેડિયમમાં યોજાય તો અમે રમવા માટે તૈયાર છીએ.
