રવિ શાસ્ત્રીના નિવેદન પર પૂર્વ ખેલાડીએ કહ્યું,વિરાટને બલિનો બકરો ન બનાવો

• વિરાટે નં.4 પર રમવાની રવિ શાસ્ત્રીની સલાહ
  
• સંજય માંજરેકરે 2007ના વર્લ્ડ કપની યાદ અપાવી
• સંજયે કહ્યું, વિરાટને બલિનો બકરો ન બનાવો

એશિયા કપ માટે 17-સભ્યોવાળી ટીમની જાહેરાત સોમવારના રોજ કરવામાં આવી હતી. ટીમને લઈને લોકોને પ્રશ્નો થઈ રહ્યા છે. આ દરમિયાન નંબર-4ની સમસ્યાને ઉકેલવા માટે પૂર્વ મુખ્ય કોચ રવિ શાસ્ત્રીએ વિરાટ કોહલીને આ પદ પર રમવાની સલાહ આપી હતી, જેના પર હવે સંજય માંજરેકરે તેમને 2007ના વર્લ્ડ કપની યાદ અપાવી છે.

એશિયા કપ 2023 માટે ભારતીય ટીમની જાહેરાત 21 ઓગસ્ટના રોજ મુખ્ય પસંદગીકાર અજીત અગરકર દ્વારા દિલ્હીમાં યોજાયેલી પ્રેસ કોન્ફરન્સ દરમિયાન કરવામાં આવી હતી. તે જ સમયે, આ 17 સભ્યોની ટીમમાંથી આગામી ODI વર્લ્ડ કપ માટે 15 ખેલાડીઓની પસંદગી કરવાનો વિચાર લગભગ મળી ગયો છે. વર્લ્ડ કપને લઈને 5 સપ્ટેમ્બરે પ્રાથમિક ટીમની જાહેરાત કરવામાં આવશે અને ત્યાર બાદ 27 સપ્ટેમ્બર સુધી ફેરફાર કરવાની તક મળશે.

બેંગલુરુ સ્થિત NCAમાં કેમ્પ યોજાશે

એશિયા કપ પહેલા ટીમ ઈન્ડિયા 24 ઓગસ્ટથી બેંગલુરુ સ્થિત નેશનલ ક્રિકેટ એકેડમી (NCA)માં કેમ્પ કરશે. ટીમ ઈન્ડિયાને એશિયા કપમાં પોતાના નંબર-4 પોઝિશનનો જવાબ શોધવાની શાનદાર તક મળશે. આ અંગે ટીમના પૂર્વ મુખ્ય કોચ રવિ શાસ્ત્રીએ થોડા દિવસ પહેલા સૂચન કર્યું હતું કે વિરાટ કોહલીને આ પદ પર તક આપવી જોઈએ. હવે તેના નિવેદન પર પૂર્વ ખેલાડી સંજય માંજરેકરે જડબાતોડ જવાબ આપ્યો છે અને તેને 2007ના વર્લ્ડ કપની યાદ અપાવી છે.

સંજય માંજરેકરે 2007ના વર્લ્ડ કપની યાદ અપાવી

એશિયા કપની ટીમની જાહેરાત બાદ સંજય માંજરેકરે કહ્યું કે સ્ટાર સ્પોર્ટ્સ પર કોહલીની પોઝીશનને લઈને રવિ શાસ્ત્રીના સૂચન બાદ કહ્યું છે કે, તેને બલિનો બકરો ન બનાવવો જોઈએ. યાદ કરો 2007ના વર્લ્ડ કપમાં સચિન તેંડુલકર સાથે શું થયું હતું. તમે ઇશાન કિશન જેવા અન્ય વિકલ્પો વિશે જેટલી વધુ વાત કરો છો, તેટલો જ કોહલી બેટિંગ ઓર્ડરને એટલે પાછળ કરી દો છે. આ એક રીતે તે બલિનો બકરો બની ગયો છે. તમે તેમને આ પોઝીશન પર મોકલીને તમારી બધી સમસ્યાઓનો અંત લાવવા માંગો છો.

કોહલીએ પોતાની બેટિંગની સ્થિતિ જાતે નક્કી કરવી જોઈએ

વર્ષ 2007ના વર્લ્ડ કપમાં સચિન તેંડુલકરને ઓપનિંગને બદલે નંબર-4 પોઝિશન પર મોકલવામાં આવ્યો હતો, ત્યારબાદ ટીમ ગ્રુપ સ્ટેજથી પણ આગળ વધી શકી ન હતી. બીજી તરફ માંજરેકરે વધુમાં કહ્યું કે તમારે તે વિરાટ કોહલી પર છોડી દેવું જોઈએ કે તે કઈ પોઝિશન પર રમવા માંગે છે. તમને જણાવી દઈએ કે આગામી એશિયા કપમાં ભારતીય ટીમ પોતાની પ્રથમ મેચ 2 સપ્ટેમ્બરે પાકિસ્તાન સામે રમશે.