- T20 વર્લ્ડકપ 2024માં પાકિસ્તાનનું શરમજનક પ્રદર્શન
- PCB ટીમના કેટલાક ખેલાડીઓ સામે કાર્યવાહી કરશે
- વેંકુવર નાઈટ્સ ફ્રેન્ચાઈઝીએ રિઝવાનને કેપ્ટન બનાવ્યો
T20 વર્લ્ડકપમાં શરમજનક પ્રદર્શન બાદ પાકિસ્તાન ક્રિકેટમાં ખળભળાટ મચી ગયો છે. એવું કહેવામાં આવી રહ્યું છે કે PCB પણ ટીમના કેટલાક ખેલાડીઓ સામે કાર્યવાહી કરવાની તૈયારી કરી રહ્યું છે. બાબર આઝમને ફરી એકવાર સુકાની પદ પરથી હટાવી શકાય છે. આવી સ્થિતિમાં ટીમનો કેપ્ટન કોણ હશે? આ અંગે અનેક અટકળો ચાલી રહી છે. દરમિયાન, કેનેડામાં યોજાનારી ગ્લોબલ T20 લીગની એક ફ્રેન્ચાઇઝીએ મોટી જાહેરાત કરી છે.
આ ફ્રેન્ચાઈઝીએ રિઝવાનને કેપ્ટન બનાવ્યો
GT20 કેનેડાની વેંકુવર નાઈટ્સ ફ્રેન્ચાઈઝીએ પાકિસ્તાનના વિકેટકીપર-બેટ્સમેન મોહમ્મદ રિઝવાનને તેના કેપ્ટન તરીકે નિયુક્ત કર્યા છે. ખાસ વાત એ છે કે બાબર આઝમ તેની નીચે રમશે. તેને પણ આ ટીમમાં સામેલ કરવામાં આવ્યો છે, પરંતુ તે બેટ્સમેન તરીકે રમતો જોવા મળશે. ટીમે બાબરને બદલે મોહમ્મદ રિઝવાનને આ જવાબદારી આપવાનો નિર્ણય કર્યો છે. વેંકુવર નાઈટ્સે સોશિયલ મીડિયા પર એક પોસ્ટ કરી જેમાં કહ્યું- વેંકુવર નાઈટ્સે GT20 સીઝન 4 માટે મોહમ્મદ રિઝવાનની કેપ્ટન તરીકે પસંદગી કરી છે. તેની શાનદાર બેટિંગ કુશળતા અને વિકેટ કીપિંગથી તે અમને જીત તરફ લઈ જવા માટે તૈયાર છે.
25 જુલાઈથી સિઝન શરૂ થશે
આ ટીમમાં ફાસ્ટ બોલર મોહમ્મદ આમિરની પણ પસંદગી કરવામાં આવી છે. આ સાથે આસિફ અલી, ન્યૂઝીલેન્ડના માઈકલ રિપ્પોન અને દક્ષિણ આફ્રિકાના ડ્વેન પ્રિટોરિયસનો ટીમમાં સમાવેશ કરવામાં આવ્યો છે. નામિબિયાના રુબેન ટ્રમ્પલમેન અને ગયાનાના જેરેમી ગોર્ડન પણ ટીમમાં સ્થાન પામ્યા છે. GT20 કેનેડાની ચોથી સિઝન 25 જુલાઈથી શરૂ થશે. લીગની અંતિમ મેચ 11 ઓગસ્ટે રમાશે.
વેંકુવર નાઈટ્સ નાઈટ્સની ટીમ:
બાબર આઝમ, આસિફ અલી, મોહમ્મદ આમિર, મોહમ્મદ રિઝવાન, જેરેમી ગોર્ડન, ઋષિવ જોષી, સંદીપ લામિછાને, ડ્વેન પ્રિટોરિયસ, માઈકલ રિપ્પોન, સરમદ અનવર, મનદીપ ગિરધર, યુવરાજ સમરા, શુભમ શર્મા, અજયવીર સિંહ, દીપેન્દ્ર સિંહ એરી, હર્ષ ઠાકર, રુબેન. ટ્રમ્પેલમેન, પોલ વાન મીકરેન.
