હરભજન સિંહ પાકિસ્તાની ફેન્સ માટે ઘૂંટણિયે પડ્યો, વીડિયો થયો વાયરલ

• WTCની મેચ લંડનના કેનિંગ્ટન ઓવલ મેદાન પર રમાઈ રહી છે
  
• આ દરમિયાન ​​હરભજન સિંહનો એક વીડિયો વાયરલ થઈ રહ્યો છે
• હરભજન સિંહને WTCની ફાઇનલમાં કોમેન્ટ્રી પેનલમાં સ્થાન મળ્યું છે

વર્લ્ડ ટેસ્ટ ચેમ્પિયનશિપની ફાઈનલ મેચ ભારત અને ઓસ્ટ્રેલિયા વચ્ચે લંડનના કેનિંગ્ટન ઓવલ મેદાન પર રમાઈ રહી છે. અત્યાર સુધીની 2-દિવસીય રમતમાં ઓસ્ટ્રેલિયન ટીમનો હાથ સ્પષ્ટ દેખાઈ રહ્યો છે. આ દરમિયાન પૂર્વ ભારતીય ઓફ સ્પિનર ​​હરભજન સિંહનો એક વીડિયો વાયરલ થઈ રહ્યો છે. હરભજન સિંહ ઓવલ મેદાન પર તેના એક પાકિસ્તાની ફેનને ઓટોગ્રાફ આપવા ઘૂંટણિયે પડી ગયો હતો. તેનો વીડિયો સોશિયલ મીડિયા પર ખૂબ વાયરલ થઈ રહ્યો છે.

હરભજન સિંહને વર્લ્ડ ટેસ્ટ ચેમ્પિયનશિપની ફાઇનલ મેચ માટે કોમેન્ટ્રી પેનલમાં સ્થાન મળ્યું છે. બીજા દિવસની રમત બાદ હરભજને મેચ જોવા આવેલા એક અપંગ પાકિસ્તાની ફેનનું અભિવાદન કર્યું હતું. બાઉન્ડ્રી લાઈન પાસે જઈને તેને ઓટોગ્રાફ આપ્યો. આ દરમિયાન હરભજન સિંહે ઘૂંટણ પર બેસીને ફેન સાથે ફોટો પણ પડાવ્યો હતો.

હવે હરભજન સિંહનો આ વીડિયો સોશિયલ મીડિયા પર ખૂબ વાયરલ થઈ રહ્યો છે. તેના પર ભારતીય ફેનની સાથે પાકિસ્તાનના લોકો પણ સતત પોતાની પ્રતિક્રિયા આપતા જોવા મળી રહ્યા છે. જ્યારે હરભજન આ પાકિસ્તાની ફેનને ઓટોગ્રાફ આપી રહ્યો હતો, તે સમયે કોઈએ તે ફેનને સવાલ પૂછ્યો હતો. નાના ફેનને પૂછ્યું હરભજન સિંહ કોનો મિત્ર છે? તેના પર ફેને તેણે શોએબ અખ્તરનું નામ લીધું હતું.

હરભજન સિંહ અને શોએબ અખ્તર વચ્ચે ખૂબ જ સારી મિત્રતા છે

ભલે ક્રિકેટના મેદાન પર હરભજન સિંહ અને પાકિસ્તાનના ફાસ્ટ બોલર શોએબ અખ્તર વચ્ચેની લડાઈ ઘણી વખત જોવા મળી છે. પરંતુ બંને મેદાનની બહાર પણ ઘણા સારા મિત્રો છે. ઘણીવાર બંને ખેલાડીઓ એકબીજાના પગ ખેંચતા જોવા મળે છે.