હારિસ રાઉફને વોર્નર-માર્શે ધોઈ નાખ્યો, 1 ઓવરમાં આપ્યા 24 રન

• શુક્રવારે ઓસ્ટ્રેલિયા વિરુદ્ધ પાકિસ્તાન મેચ રમાઈ હતી
  
  
  
• પાકિસ્તાને ટોસ જીતીને બોલિંગ કરવા નિર્ણય લીધો હતો
• મેચની નવમી ઓવર નાખવા હારિસ આવ્યા હતા

બેંગલુરુ ખાતેના એમ.ચિન્નાસ્વામી સ્ટેડિયમમાં શુક્રવારે ઓસ્ટ્રેલિયા વિરુદ્ધ પાકિસ્તાન મેચ રમાઈ હતી. પાકિસ્તાને ટોસ જીતીને બોલિંગ કરવા નિર્ણય લીધો હતો. ઓસ્ટ્રેલિયા આરંભે બેટિંગ કરવા મેદાનમાં ઊતર્યું હતું. ઓપનિંગ બેટ્સમેને આરંભિક પાંચ ઓવરમાં 27 રન બનાવ્યા હતા. વોર્નરને તે દરમિયાન જીવતદાન પણ મળ્યું હતું. પરંતુ તે પછી ડેવિડ વોર્નર અને મિચેલ માર્શે જોરદાર બેટિંગ કરી હતી. તે પછીની પાંચ ઓવરમાં બંને ખેલાડીએ 55 રન નોંધાવ્યા હતા. ઓસ્ટ્રેલિયાના બેટ્સમેને હારિસ રાઉપને તેની પહેલી જ ઓવરમાં ધોઈ નાખ્યો હતો. બેટ્સમેને તે ઓવરમાં 24 રન બનાવ્યા હતા.

મેચની નવમી ઓવર નાખવા હારિસ આવ્યા હતા. તેમના પહેલા બોલે જ વોર્નરે ચાર રન ફટકાર્યા હતા. બીજા દડે છગ્ગો અને ત્રીજા બોલે એક રન નોંધાવ્યો હતો. તે પછીની બોલિંગ વાઇડ રહી હતી. ચોથા, પાંચમાં અને છેલ્લા દડે માર્શે ચોગ્ગાની હેટ્રિક નોંધાવી હતી. તે રીતે એક જ ઓવરમાં તેમણે 24 રન નોંધાવ્યા હતા. તે પછીની ઓવરમાં પણ હારિસ ધોવાતા રહ્યા હતા. બીજી ઓવરમાં તેમણે 10 રન આપ્યા હતા અને ત્રીજી ઓવરમાં 16 રન આપ્યા હતા. તે રીતે આરંભિક ત્રણ ઓવરમાં જ હારિસે 47 રન આપી દીધા હતા. વનડે ફોર્મેટમાં હારિસની ઓવર્સ સૌથી મોંઘી બની રહી.

તે પહેલાં મેચની આરંભિક પાંચ ઓવરમાં ડેવિડ વોર્નરનો સરળ કેચ છૂટી ગયો હતો. મિડ ઓન પર ઊભેલા મીરે કેચ છોડી દીધો હતો. તે સમયે વોર્નરે 13 દડામાં 11 રન નોંધાવ્યા હતા. પરંતુ તે પછી તેમણે અડધી સદી ફટકારી હતી. વોર્નરે મિચેલ માર્શ સાથે મળીને પ્રથમ વિકેટ માટે 200થી વધુ રનની ભાગીદારી નોંધાવી હતી. વોર્નરે સદી નોંધાવી હતી.

વોર્નરની પુષ્પા સ્ટાઇલમાં ઉજવણી

પાકિસ્તાની બોલર્સને મેદાનની ચારેય તરફ ફટકારીને રનના ઢગલા કરનારા વોર્નરે પોતાની સદીની આકર્ષક અંદાજમાં ઉજવણી પણ કરી હતી. વોર્નરે ફિલ્મ પુષ્પાના નાયક અલ્લુ અર્જુનની સ્ટાઇલમાં ઉજવણી કરી હતી.