સાત વર્ષ બાદ પરત આવી રહેલી હોકી ઇન્ડિયા લીગની હરાજીની શરુઆત ધમાકેદાર રહી હતી. હરાજીના પહેલા દિવસે ભારતીય ખેલાડીઓ પર બોલી લાગી હતી જેમાં ભારતીય ટીમના સુકાની ઉર્ફે સરપંચ સાહબ, ઉપ-સુકાની હાર્દિક સિંહ, મનપ્રીત સિંહ જેવા મોટા ખેલાડીઓના નામ સામેલ હતા. અપેક્ષા પ્રમાણે જ પહેલા દિવસે હરમનપ્રીત સિંહ સૌથી મોંઘો વેચાનારો ખેલાડી બન્યો હતો. તેના સિવાય હાર્દિક સિંહ, વિવેક સાગર અને મનપ્રીત સિંહ પણ મોંઘા વેચાયા હતા. હરમનપ્રીત સિંહ માટે ઘણી ટીમોએ બોલી લગાવી હતી. હૈદરાબાદ તુફાને હરમનપ્રીત સિંહને પોતાની સાથે લેવા માટે સતત બોલી લગાવી હતી. તે સિવાય દિલ્હી અને પંજાબ સૂરમાએ પણ હરમનપ્રીતને ખરીદવા માટે ભારે રસ દેખાડયો હતો. જોકે, અંતે પંજાબ સૂરમાએ હરમનપ્રીતને 78 લાખ રૂપિયા ખર્ચીને પોતાની ટીમ સાથે જોડી લીધો હતો. સરદાર સિંહે તેના માટે અંતિમ બોલી લગાવી હતી. હરમનપ્રીત હજુ સુધીમાં આ લીગનો સૌથી મોંઘો ખેલાડી બન્યો છે.
હાર્દિક સિંહને મળ્યા 70 લાખ
