- આઈસીસી દ્વારા જાહેર કરવામાં આવેલી ટી20 રેન્કિંગમાં સૂર્યકુમાર યાદવ બીજા સ્થાને છે
- યશસ્વી જયસ્વાલે જોરદાર છલાંગ લગાવી છે અને ચોથા નંબર પર પહોંચી ગયો છે
- ભારતના ત્રણ બેટ્સમેન ટોપ 10માં સામેલ છે
ભારત અને શ્રીલંકા વચ્ચે રમાઈ રહેલી ટી20 મેચની સિરીઝ પૂર્ણ થઈ ગઈ છે. ભારતે શ્રીલંકા સામે જોરદાર જીત મેળવી છે. આ દરમિયાન આઈસીસી દ્વારા નવું ટી20 રેન્કિંગ પણ જાહેર કરવામાં આવી છે. સૂર્યકુમાર યાદવને આમાં ફાયદો થયો છે, પરંતુ તે ફરીથી નંબર વન બનવાનું ચૂકી ગયો. ભારતના ઓપનિંગ બેટ્સમેન યશસ્વી જયસ્વાલને ઘણો ફાયદો થયો છે. તેને પાકિસ્તાનના બાબર આઝમ અને મોહમ્મદ રિઝવાનને પછાડ્યા છે.
આ છે નંબર વન બેટ્સમેન
આઈસીસી દ્વારા જાહેર કરવામાં આવેલી નવી ટી20 રેન્કિંગમાં ઓસ્ટ્રેલિયાનો ઓપનિંગ બેટ્સમેન ટ્રેવિસ હેડ પહેલા સ્થાન પર છે. હાલમાં તેનું રેટિંગ 844 છે. ભારતના સૂર્યકુમાર યાદવની વાત કરીએ તો તેણે છેલ્લી ત્રણ મેચમાં શ્રીલંકા સામે સારી બેટિંગ કરી છે, જેના કારણે તેને રેટિંગમાં ફાયદો થયો છે, તેમ છતાં તે હજુ પણ બીજા નંબર પર છે. આ પહેલા સૂર્યકુમાર યાદવનું રેટિંગ 797 હતું અને તે ઈંગ્લેન્ડના ફિલ સોલ્ટ સાથે સંયુક્ત રીતે બીજા સ્થાને હતો. હવે તેનું રેટિંગ વધીને 805 થઈ ગયું છે. પરંતુ હજુ પણ બીજા નંબરે છે. હવે પહેલા અને બીજા સ્થાન વચ્ચેના રેટિંગમાં તફાવત ઓછો થયો છે. ફિલ સોલ્ટની વાત કરીએ તો તે એક સ્થાનના નુકસાન સાથે ત્રીજા નંબર પર પહોંચી ગયો છે. તેનું રેટિંગ 797 છે.
યશસ્વી જયસ્વાલે લગાવી લાંબી છલાંગ
ભારતના યશસ્વી જયસ્વાલે કમાલ કરી છે. તેનું રેટિંગ હવે 757 પર પહોંચી ગયું છે. તે ચોથા નંબરે પહોંચવામાં સફળ થયો છે. તેને પાકિસ્તાનના બાબર આઝમ અને મોહમ્મદ રિઝવાનને પાછળ છોડી દીધા છે. જયસ્વાલને બે સ્થાનનો ફાયદો મળ્યો છે. બાબર આઝમનું રેટિંગ 755 છે અને તે એક સ્થાનના નુકસાન સાથે 5માં નંબર પર પહોંચી ગયો છે. મોહમ્મદ રિઝવાનને પણ એક સ્થાનનું નુકસાન થયું છે. તે 746 રેટિંગ સાથે છઠ્ઠા નંબરે પહોંચી ગયો છે.
ઋતુરાજ ગાયકવાડ પણ ટોપ 10માં સામેલ
આ પછી રેટિંગમાં વધારે ફેરફાર થયો નથી. ઈંગ્લેન્ડનો જોસ બટલર 716 રેટિંગ સાથે સાતમા નંબરે છે, ભારતના ઋતુરાજ ગાયકવાડ 664ના રેટિંગ સાથે 8મા નંબરે છે અને વેસ્ટ ઈન્ડિઝના બ્રેન્ડન કિંગ 656ના રેટિંગ સાથે નવમા નંબરે છે. વેસ્ટ ઈન્ડિઝના જોનસન ચાર્લ્સ 655 રેટિંગ સાથે 10માં સ્થાન પર પોતાનું સ્થાન જાળવી રાખવામાં સફળ રહ્યા છે. તેનો અર્થ એ છે કે અહીં વધુ ફેરફાર થયો નથી, કારણ કે આ ખેલાડીઓએ આ સમયગાળા દરમિયાન એકપણ ટી20 આંતરરાષ્ટ્રીય મેચ રમી નથી. આ સિવાય શુભમન ગિલને ફાયદો થયો છે, તે લેટેસ્ટ રેન્કિંગ મુજબ 21માં સ્થાને પહોંચી ગયો છે. તેને 16 નંબર ઉપર બહુ લાંબી છલાંગ લગાવી છે, તેને શ્રીલંકા સામે સારું પ્રદર્શન કર્યું હતું.
