- પેશન હોય તો પ્રેશર ન હોવું જોઈએ
- એન્જોયમેન્ટમાં પ્રેશર હોઈ જ ન શકે
- ડિપ્રેશન અને પ્રેશર જેવા શબ્દો હોતા જ નથી
ભારતના ભૂતપૂર્વ કેપ્ટન કપિલ દેવે તાજેતરમાં યોજાયેલી એક ઈવેન્ટમાં 'પ્રેશર' અને 'ડિપ્રેશન'ને 'અમેરિકન શબ્દો' હોવા પર નિવેદન આપ્યું હતું. હાલમાં વાયરલ થયેલા એક વીડિયોમાં કપિલ દેવે કહ્યું, હું ટીવી પર ઘણી વખત સાંભળું છું કે IPLમાં રમવા માટે ખેલાડીઓ પર ઘણું દબાણ છે. ત્યારે હું એક જ વાત કહું છું, કે જો તમના કોઈ પણ પ્રેશર કે ડિપ્રેશન હોય તો ના રમો. જો કોઈ ખેલાડીમાં જુસ્સો હોય તો તેના પર કોઈ દબાણ નહીં હોય.એક સાચા ખેલાડીને ક્યારેય પ્રેશર અને ડિપ્રેશન જેવી ચીજોનો અનુભવ થવો જોઈએ નહીં. આ નિવેદન પર કેટલાર લોકોએ તેમની પ્રશંસા કરી પણ સોશિયલ મીડિયા પર કેટલાક તબક્કા એવા છે જેનાથી તેમને તેમને કોઈ મતલબ નથી. મેન્ટલ હેલ્થ પર કપિલ દેવના નિવેદન પર યૂઝર્સે નારાજગી જાહેર કરી છે.
સટીકતા સાથે પોતાની વાત રાખે છે કપિલ દેવ
ભારતને પોતાની કપ્તાનીમાં પહેલી વાર વનડે વિશ્વકપનો ખિતાબ અપાવનારા કપિલ દેવ પોતાની નિખાલસતા અને સટીકતા માટે જાણીતા છે. તે સીધી રીતે પોતાની વાત રાખવામાં માને છે. આ ક્રમમાં ખેલાડી પર થતા દબાણને લઈને કપિલ દેવે કહ્યું કે મને રમવાનું જૂનુન હતું. આ અંતર છે. હું વિષયને થોડો બદલવા ઈચ્છું છું. હું હાલમાં ટીવી પર ઘણું સાંભળું છું, લોકો કહે છે, દબાણ છે, અમે આઈપીએલ રમીએ છીએ, ઘણું દબાણ છે. હું ફક્ત એક વાત કહેવા ઈચ્છું છું કે ન રમો. આ દબાણ શું હોય, જો તમે ક્રિકેટને પ્રેમ કરો છો તો કોઈ દબાણ હોવું જોઈએ નહીં. તેઓએ વધુમાં કહ્યું કે 'પ્રેશર' અને 'ડિપ્રેશન' આ અમેરિકી શબ્દો છે. દબાણ હોય કે શંકા, મને સમજાતું નથી. હું એક ખેડૂત છું, હું ત્યાંથી આવ્યો છું. અમે મજા માટે રમ્યા અને જ્યાં આનંદ હોય ત્યાં દબાણ હોઈ શકે નહીં.
યૂઝર્સ કપિલ દેવના નિવેદનથી થયા નારાજ, કર્યા ટ્રોલ
તેમના આ નિવેદન પર યૂઝર્સે વિવિધ પ્રકારની કમેન્ટ્સ કરી છે. એક યૂઝરે કહ્યું કે આ ઘણું નિરાશાજનક છે. તેમની વાતો વાસ્તવિકતાથી દૂર છે. હેરાનીની વાત એ છે કે તેમના આ નિવેદનથી લોકો તાળીઓ વગાડીને હસી રહ્યા છે. અન્ય એક યૂઝરે કહ્યું કે મિસ્ટર કપિલ દેવ, આપ એક મહાન સ્પોટ્સ પર્સન છો પણ તમારા સમય અને અત્યારની તુલના કરી શકાય તેમ નથી, હું સમ્માન સાથે તમારી વાતથી અસહમત છું. યૂઝરે લખ્યું કે આ ઘણું ભયાનક છે, અહીં બેઠેલા લોકોને તો જુઓ કેવી રીતે તાળીઓ વગાડીને હસી રહ્યા છે. કપિલ દેવે એક મેન્ટલ હેલ્થ મુદ્દા પર હળવાશમાં આ વાત કરી હતી અને એ પણ પોતાના વિચારો સામે રાખીને. આ સિવાય અન્ય એક યૂઝરે લખ્યું, ઘણું નિરાશાજનક, આ એક સારા ક્રિકેટર રહી ચૂકેલા કપિલ દેવ વાત કરી રહ્યા છે. દબાણ એકેડમી હો કે વર્ક પ્લેસની આ વાસ્તવિક હોય છે.
