ટીમ ઈન્ડિયાનો અનુભવી અને પ્રતિભાશાળી બેટ્સમેન શુભમન ગિલ પર્થ ટેસ્ટનો ભાગ નથી. પર્થમાં ભારત અને ઓસ્ટ્રેલિયા વચ્ચે ટેસ્ટ સિરીઝની પ્રથમ મેચ રમાઈ રહી છે. ગિલ ઈજાના કારણે આ મેચમાંથી બહાર છે. ભારતીય ક્રિકેટ કંટ્રોલ બોર્ડે ગિલની ઈજા અંગે અપડેટ આપી છે. મેચ પહેલા પ્રેક્ટિસ દરમિયાન શુભમન ઈજાગ્રસ્ત થયો હતો. તેના અંગૂઠામાં ઈજા થઈ છે.
ગિલને અંગુઠા પર ઈજા થઈ
જસપ્રીત બુમરાહ પર્થ ટેસ્ટમાં ટીમ ઈન્ડિયાની કેપ્ટનશીપ કરી રહ્યો છે. આ મેચ માટે ભારતે ટોસ જીતીને પ્રથમ બેટિંગ કરવાનો નિર્ણય કર્યો હતો. BCCIએ ટોસ બાદ ગિલની ઈજા અંગે અપડેટ શેર કર્યું હતું. બોર્ડે X પર લખ્યું, “શુભમન ગિલ મેચ સિમ્યુલેશનના બીજા દિવસે ઈજાગ્રસ્ત થયો હતો. તેના ડાબા અંગૂઠામાં ઈજા થઈ હતી. બોર્ડર-ગાવસ્કર ટ્રોફીની પ્રથમ ટેસ્ટ માટે તેને આરામ આપવામાં આવ્યો છે. BCCI મેડિકલ તેની પ્રગતિ પર નજર રાખી રહ્યું છે.
https://twitter.com/BCCI/status/1859780689505468656
બીજી ટેસ્ટમાં રમશે ગિલ!
ગિલની ઈજા પછી, તેના અંગૂઠામાં ફ્રેક્ચર થયું હોવાનું જાણવા મળ્યું હતું. જોકે એવું નથી. ગિલ ટેસ્ટ સિરીઝની બીજી મેચથી મેદાનમાં પરત ફરી શકે છે. જો કે તેના પરત ફરવાની સત્તાવાર માહિતી બહાર આવી નથી.
બીજી ટેસ્ટમાં હીટમેનની થશે વાપસી
તમને જણાવી દઈએ કે ટીમ ઈન્ડિયાના કેપ્ટન રોહિત શર્મા પણ પર્થ ટેસ્ટનો ભાગ નથી. તેની પત્ની રિતિકા સજદેહે હાલમાં જ એક પુત્રને જન્મ આપ્યો છે. તેથી રોહિત પરિવાર સાથે છે. તે બીજી ટેસ્ટમાંથી પણ મેદાનમાં પરત ફરી શકે છે. બીજી ટેસ્ટ એડિલેડમાં રમાશે.