Ind vs Aus: વિરાટ, શમી અને રોહિત આ કારનામાંથી બનાવશે રેકોર્ડ

• આજે ફાઈનલમાં ભારત અને ઓસ્ટ્રેલિયા વચ્ચે મહામુકાબલો
  
• આ મેચ અમદાવાદના નરેન્દ્ર મોદી સ્ટેડિયમ ખાતે રમાશે
• કોહલી, શમી અને રોહિત આ રેકોર્ડ કરશે પોતાના નામે

શું વિરાટ કોહલી, રોહિત શર્મા અને મોહમ્મદ શમી WC ઇતિહાસમાં સૌથી મોટો રેકોર્ડ બનાવી શકશે? ICC વર્લ્ડ કપ 2023ની ફાઇનલમાં ભારતનો સામનો ઓસ્ટ્રેલિયા સામે થશે. આ ટાઈટલ મેચમાં વિરાટ કોહલી, મોહમ્મદ શમી અને રોહિત શર્મા પાસે આ મેચમાં કેટલાક મોટા રેકોર્ડ બનાવવાની સુવર્ણ તક હશે.

વિરાટ તોડશે રેકોર્ડ

આઈસીસી વર્લ્ડ કપના ઈતિહાસમાં 2023 પહેલા કોઈ બેટ્સમેન એક સિઝનમાં 700 રનના આંકડાને સ્પર્શી શક્યા નહોતા, પરંતુ ટીમ ઈન્ડિયાના સ્ટાર ક્રિકેટર વિરાટ કોહલીએ વર્લ્ડ કપ 2023માં આવું કર્યું છે, પરંતુ તે અહીં જ અટકશે તેવું લાગતું નથી.જો વિરાટ ફાઈનલ મેચમાં ઓસ્ટ્રેલિયા સામે 89 રનનો આંકડો પાર કરી લેશે તો તે વર્લ્ડ કપના ઈતિહાસમાં એક જ ટૂર્નામેન્ટમાં 800+ રન બનાવનાર એકમાત્ર બેટ્સમેન બની જશે. 2023 વર્લ્ડ કપ પહેલા આ રેકોર્ડ સચિન તેંડુલકરના નામે હતો જેણે 2003 વર્લ્ડ કપમાં 673 રન બનાવ્યા હતા.

તે જ સમયે, આ વર્લ્ડ કપમાં મોહમ્મદ શમી અને રોહિત શર્મા પાસે પણ મોટા રેકોર્ડ તોડવાની તક છે. જો રોહિત શર્મા ફાઈનલ મેચમાં વધુ 10 બાઉન્ડ્રી ફટકારશે તો તે વર્લ્ડ કપમાં બાઉન્ડ્રીની સદી ફટકારનાર વિશ્વનો પ્રથમ ખેલાડી બની જશે.

રોહિત બનાવશે આ રેકોર્ડ

રોહિતે આ વર્લ્ડ કપમાં અત્યાર સુધી 90 બાઉન્ડ્રી ફટકારી છે. જો મોહમ્મદ શમી વર્લ્ડ કપ ફાઇનલમાં પાંચ વિકેટ લે છે તો તે વર્લ્ડ કપમાં સૌથી વધુ વિકેટ લેનારો બોલર બની જશે. મિચેલ સ્ટાર્કે 2019 વર્લ્ડ કપમાં 27 વિકેટ લીધી હતી. મોહમ્મદ શમીએ આ વર્લ્ડ કપમાં અત્યાર સુધીમાં 23 વિકેટ ઝડપી છે. શમી આ વર્લ્ડ કપમાં ભારત માટે 10માંથી માત્ર છ મેચ રમ્યો છે. શમીએ આ વર્લ્ડ કપમાં ત્રણ વખત પાંચ કે તેથી વધુ વિકેટ લીધી છે. શમી પહેલા જ વર્લ્ડ કપમાં સૌથી વધુ પાંચ વિકેટ લેવાનો રેકોર્ડ નોંધાવી ચૂક્યો છે.