ભારત અને બાંગ્લાદેશ વચ્ચે 19 સપ્ટેમ્બરથી 2 ટેસ્ટ મેચની સિરીઝ શરૂ થવા જઈ રહી છે. નઝમુલ શાંતોની કપ્તાનીમાં બાંગ્લાદેશની આ ટીમે પાકિસ્તાનને તેના ઘરમાં જ 2-0થી હરાવ્યું હતું. ત્યારે આ આગામી સીરિઝ ભારત માટે પણ મહત્વની રહેશે કારણ કે તેની વિશ્વ ટેસ્ટ ચેમ્પિયનશિપના પોઈન્ટ ટેબલ પર આ ખૂબ જ મહત્વપૂર્ણ અસર પહોંચાડી શકે છે.


કેપ્ટન રોહિત શર્માનો બાંગ્લાદેશ સામે રેકોર્ડ ખરાબ

ત્યારે ટીમ ઈન્ડિયા માટે સૌથી મોટી ચિંતાનો વિષય કેપ્ટન રોહિત શર્માનો બાંગ્લાદેશ સામે રેકોર્ડ ખરાબ રહ્યો છે. રોહિત શર્માએ બાંગ્લાદેશ સામે અત્યાર સુધી માત્ર 3 ટેસ્ટ મેચ રમી છે, જેમાં તે 11ની એવરેજથી માત્ર 33 રન જ બનાવી શક્યો છે. 'હિટમેન' તેની પ્રથમ ટેસ્ટ 2015માં બાંગ્લાદેશ સામે રમી હતી. તે સમયે તેને માત્ર એક જ ઇનિંગમાં બેટિંગ કરવાની તક મળી હતી, જેમાં તે 6 રનના સ્કોર પર શાકિબ અલ હસનના હાથે ક્લીન બોલ્ડ થયો હતો.

ટેસ્ટ મેચમાં રોહિત બાંગ્લાદેશ સામે નિષ્ફળ!

2019 માં ભારતના બાંગ્લાદેશ પ્રવાસ દરમિયાન, રોહિતે 2 ટેસ્ટ મેચ રમી, જેની 2 ઇનિંગ્સમાં તેણે અનુક્રમે 6 અને 21 રન બનાવ્યા. જ્યારે ODI ક્રિકેટની વાત આવે છે, ત્યારે રોહિત શર્માનું બેટ બાંગ્લાદેશના બોલરોને ખરાબ રીતે પછાડે છે. તે આ ટીમ સામે ODI ક્રિકેટમાં 56.14ની શાનદાર એવરેજથી બેટિંગ કરે છે. પરંતુ ટેસ્ટ મેચમાં રોહિત બાંગ્લાદેશ સામે નિષ્ફળ સાબિત થાય છે.

ભારત-બાંગ્લાદેશ વચ્ચે છેલ્લી ટેસ્ટ શ્રેણી 2022માં રમાઈ

ભારત-બાંગ્લાદેશ વચ્ચે છેલ્લી ટેસ્ટ શ્રેણી 2022માં રમાઈ હતી, પરંતુ તે સમયે રોહિતને અંગૂઠામાં ઈજાના કારણે શ્રેણીમાંથી બહાર બેસવું પડ્યું હતું. રોહિત શર્મા બાંગ્લાદેશ સામેની અત્યાર સુધીની ટેસ્ટ મેચોમાં નિષ્ફળ સાબિત થઈ શકે છે. વર્ષ 2024માં તેણે 6 મેચની 11 ઇનિંગ્સમાં 45થી વધુની એવરેજથી 455 રન બનાવ્યા છે. છેલ્લી પાંચ ઇનિંગ્સની વાત કરીએ તો રોહિતે 2 સદી અને એક અડધી સદી ફટકારી છે. હાલમાં એવું કહી શકાય કે ભારતીય કેપ્ટનનું હાલનું ફોર્મ સારું છે અને તે બાંગ્લાદેશી બોલરોને પણ પછાડી શકે છે.

  • Follow us on: