- ભારત અને ઇંગ્લેન્ડ વચ્ચે ત્રીજી ટેસ્ટ મેચ
- ભારતે ટોસ જીતી પ્રથમ બેટિંગ કરી
- સરફરાઝ ખાન અને ધ્રુવ જુરેલ કરશે ટેસ્ટ ડેબ્યૂ
ઈંગ્લેન્ડ સામેની ત્રીજી ટેસ્ટ મેચ માટે ભારતે ટોસ જીતીને પ્રથમ બેટિંગ કરવાનો નિર્ણય લીધો છે. ટીમ ઈન્ડિયાએ પ્લેઈંગ ઈલેવનમાં ફેરફાર કર્યા છે. સરફરાઝ ખાન અને ધ્રુવ જુરેલને ડેબ્યૂ કરવાની તક મળી છે. મોહમ્મદ સિરાજ અને રવિન્દ્ર જાડેજા પણ પ્લેઈંગ ઈલેવનમાં પરત ફર્યા છે. અક્ષર પટેલ અને મુકેશ કુમારને બ્રેક આપવામાં આવ્યો છે. સિરીઝ હાલમાં 1-1થી બરાબરી પર છે. પ્રથમ મેચ ઇંગ્લેન્ડે જીતી હતી અને ભારતે બીજી મેચ જીતી હતી. આવી સ્થિતિમાં આ મેચ રસપ્રદ બની રહેશે. જોકે, ભારત પાસે અનુભવનો અભાવ છે, જ્યારે ઈંગ્લેન્ડની ટીમ મજબૂત ફોર્મમાં છે. ભારત માટે આજે બે ખેલાડીઓએ ડેબ્યુ કર્યું જેમાં સરફરાઝ ખાન અને ધ્રુવ જુરેલનું નામ સામેલ છે. રજત પાટીદારે છેલ્લી ટેસ્ટ મેચમાં ડેબ્યુ કર્યું હતું.
ભારતની ઇનિંગ
ભારતના નામે રહ્યો પ્રથમ દિવસ: ત્રીજી ટેસ્ટનો પ્રથમ દિવસ ભારતના નામે રહ્યો હતો. દિવસની રમતના અંતે ભારતે 5 વિકેટના નુકસાન પર 326 રન બનાવ્યા હતા. જાડેજા 110 રન બનાવીને અણનમ પેવેલિયન પરત ફર્યો હતો. રોહિત શર્માએ 131 રનની વિસ્ફોટક ઇનિંગ રમી હતી. સરફરાઝ ખાને રનઆઉટ થતા પહેલા ડેબ્યૂમાં 62 રનની શાનદાર ઇનિંગ રમી હતી. ઈંગ્લેન્ડ તરફથી માર્ક વુડ 3 વિકેટ લેવામાં સફળ રહ્યો હતો. ઓલઓવર ત્રીજી ટેસ્ટનો પ્રથમ દિવસ ભારતના નામે રહ્યો હતો.
ત્રીજુ સેશન
જાડેજાની સદી: ભારતીય ટીમના કેપ્ટન રોહિત શર્મા બાદ હવે રવિન્દ્ર જાડેજાએ પણ ભારત અને ઈંગ્લેન્ડ વચ્ચેની ત્રીજી ટેસ્ટના પહેલા દિવસે પોતાની સદી પૂરી કરી હતી. જાડેજાએ 198 બોલમાં 2 સિક્સ અને 7 ફોરની મદદથી 100 રન બનાવ્યા હતા.
સરફરાઝ આઉટ: ભારતના ડેબ્યૂટન્ટ સરફરાઝ ખાન આઉટ થયો છે. સરફરાઝ ખાને 1 સિક્સ અને 9 ફોરની મદદથી 62 રન બનાવ્યા હતા.
સરફરાઝ ખાનની ફિફ્ટી: સરફરાઝ ખાને ડેબ્યૂમાં શાનદાર ફિફ્ટી ફટકારી છે. સરફરાઝ ખાને માત્ર 48 બોલમાં ફિફ્ટી ફટકારી છે. સરફરાઝે પોતાની ઇનિંગમાં 7 ફોર અને એક સિક્સ ફટકાર્યો હતો. ભારતનો સ્કોર 4 વિકેટના નુકસાન પર 299 રન છે. જાડેજા 94 રન બનાવીને રમી રહ્યો છે. 77 ઓવરની રમત પૂર્ણ થઈ ગઈ છે.
સરફરાઝનું ખાતું ખુલ્યું: સરફરાઝ ખાને ટેસ્ટ ક્રિકેટમાં પ્રથમ રન બનાવ્યા છે. સરફરાઝ 5 રન બનાવીને જાડેજાને સાથ આપી રહ્યો છે. 69 ઓવરની રમત પૂર્ણ થઈ ગઈ છે. જાડેજા 90 રન બનાવીને રમી રહ્યો છે. ભારતનો સ્કોર 250ને પાર કરી ગયો છે.
રોહિત આઉટ: રોહિત શર્માની શાનદાર ઇનિંગનો અંત આવી ગયો છે. રોહિત શર્મા 131 રન બનાવીને આઉટ થયો હતો. રોહિત શર્માની ઇનિંગમાં 16 ચોગ્ગા અને ત્રણ સિક્સનો સમાવેશ થાય છે. સરફરાઝ ખાન ક્રિઝ પર આવ્યો છે. જાડેજા 84 રન બનાવીને રમી રહ્યો છે. ભારતનો સ્કોર 4 વિકેટના નુકસાન પર 237 રન છે.
રોહિતની સદી: રોહિત શર્માએ સદી ફટકારી છે. રોહિત શર્માએ 157 બોલમાં પોતાની સદી પૂરી કરી હતી. રોહિત શર્માની આ શાનદાર સદી છે. ટીમ ઈન્ડિયા ઝડપથી ત્રણ વિકેટ ગુમાવીને મુશ્કેલીમાં મુકાઈ ગઈ હતી. પરંતુ રોહિત શર્માએ રવિન્દ્ર જાડેજા સાથે મળીને ટીમને મુશ્કેલ પરિસ્થિતિમાંથી બહાર કાઢી અને પોતાના ટેસ્ટ કરિયરની 11મી સદી ફટકારી.
બીજુ સેશન
ટી બ્રેક: બીજું સત્ર સંપૂર્ણપણે ભારતના નામે રહ્યું હતું. ટીમ ઈન્ડિયાએ ટી બ્રેક સુધી 52 ઓવરમાં 3 વિકેટ ગુમાવીને 185 રન બનાવ્યા હતા. રોહિત શર્મા 97 રન બનાવીને અણનમ છે. જાડેજા 68 રન બનાવીને અણનમ છે. આ બંને વચ્ચે 152 રનની ભાગીદારી થઈ છે. ઈંગ્લેન્ડની ટીમ સંપૂર્ણપણે બેક ફૂટ પર છે.
જાડેજાની ફિફ્ટી: રવિન્દ્ર જાડેજાએ શાનદાર પ્રદર્શન કર્યું અને અડધી સદી ફટકારી. તેની અડધી સદી બાદ તેણે મેદાન પર બેટ વડે 'તલવારબાજી' કરીને ઉજવણી કરી હતી. તે 100 બોલમાં 51 રન બનાવીને રમી રહ્યો છે. જાડેજાએ 5 ફોર ફટકાર્યા છે. રોહિત શર્મા 79 રન બનાવીને રમી રહ્યો છે. રોહિત અને જાડેજા વચ્ચે 117 રનની ભાગીદારી છે. ટીમ ઈન્ડિયાએ 44 ઓવરમાં 150 રન બનાવ્યા હતા.
ટીમ ઈન્ડિયાના 111 રન: ટીમ ઈન્ડિયાએ 31 ઓવરમાં 3 વિકેટ ગુમાવીને 111 રન બનાવ્યા હતા. રોહિત 53 અને જાડેજા 39 રન સાથે રમી રહ્યા છે. આ બંને વચ્ચે 78 રનની ભાગીદારી છે. ઈંગ્લેન્ડના બોલરો વિકેટની શોધમાં છે.
ટીમ ઈન્ડિયાએ 100 રનનો આંકડો સ્પર્શ કર્યો: ટીમ ઈન્ડિયાએ 100 રનનો આંકડો પાર કરી લીધો છે. ભારતે 26 ઓવર પછી 3 વિકેટ ગુમાવીને 100 રન બનાવ્યા છે. રવિન્દ્ર જાડેજા 31 રન બનાવીને રમી રહ્યો છે. રોહિત શર્મા 52 રન બનાવીને રમી રહ્યો છે. આ બંને વચ્ચે 67 રનની ભાગીદારી છે.
લંચ બ્રેક બાદ મેચ શરૂ: લંચ બ્રેક પછી ટીમ ઈન્ડિયા બીજુ સેશન શરૂ કરવા માટે તૈયાર છે. રોહિત અને જાડેજા વચ્ચે સારી ભાગીદારી છે. જો આ બંને વધુ ચાલુ રહેશે તો ઈંગ્લેન્ડની મુશ્કેલી વધી જશે. રોહિત અને જાડેજા બેટિંગ માટે મેદાનમાં પહોંચ્યા છે. ઈંગ્લેન્ડનો કેપ્ટન બેન સ્ટોક્સ ફિલ્ડિંગ ગોઠવી રહ્યો છે.
પ્રથમ સેશન
લન્ચ બ્રેક: ટીમ ઈન્ડિયાએ લંચ બ્રેક સુધી 25 ઓવરમાં 3 વિકેટ ગુમાવીને 93 રન બનાવ્યા હતા. રોહિત શર્મા શર્મા 74 બોલમાં 52 રન બનાવીને અણનમ છે. તેણે 8 ફોર ફટકારી છે. રવિન્દ્ર જાડેજા 44 બોલમાં 24 રન બનાવીને અણનમ છે. જાડેજાએ 3 ફોર ફટકાર્યા છે. ઈંગ્લેન્ડ તરફથી માર્ક વૂડે 2 વિકેટ લીધી હતી. ટોમ હાર્ટલીને સફળતા મળી છે.
રોહિતની ફિફ્ટી: રોહિત શર્માએ અડધી સદી ફટકારી હતી. તે 72 બોલમાં 51 રન બનાવીને રમી રહ્યો છે. રોહિતે આ ઈનિંગ દરમિયાન 8 ચોગ્ગા ફટકાર્યા છે. ટીમ ઈન્ડિયાએ 23 ઓવરમાં 81 રન બનાવ્યા છે. રોહિત અને રવિન્દ્ર જાડેજા વચ્ચે 48 રનની ભાગીદારી છે. જાડેજા 13 રન બનાવીને રમી રહ્યો છે. આ સાથે ભારતનો સ્કોર 81/3 પર પહોંચ્યો છે.
રોહિત-જાડેજા વચ્ચે સારી ભાગીદારી: ટીમ ઈન્ડિયા તરફથી રોહિત શર્મા અને રવિન્દ્ર જાડેજા બેટિંગ કરી રહ્યા છે. આ બંને વચ્ચે 34 રનની ભાગીદારી છે. રોહિત 39 રન બનાવીને રમી રહ્યો છે. તેણે 6 ફોર ફટકાર્યા છે. જાડેજા 11 રન બનાવીને રમી રહ્યો છે. ટીમ ઈન્ડિયાએ 17 ઓવરમાં 3 વિકેટ ગુમાવીને 67 રન બનાવી લીધા છે.
પાટિદાર આઉટ: ભારતીય ક્રિકેટ ટીમની ત્રીજી વિકેટ પડી. રજત પાટીદાર માત્ર 5 રન બનાવીને આઉટ થયો હતો. ટોમ હાર્ટલી ઈંગ્લેન્ડ માટે મહત્વપૂર્ણ સફળતા લાવ્યો છે. રજત 9મી ઓવરના પાંચમા બોલ પર બેન ડકેટના હાથે કેચ આઉટ થયો હતો. ભારતે 8.5 ઓવરમાં 3 વિકેટ ગુમાવીને 33 રન બનાવ્યા છે. હવે રવિન્દ્ર જાડેજા બેટિંગ કરવા આવ્યો છે.
ગિલ આઉટ: ટીમ ઈન્ડિયાની બીજી વિકેટ શુભમન ગિલના રૂપમાં પડી. તે ખાતું પણ ખોલાવી શક્યો ન હતો. માર્ક વૂડે ગિલને પેવેલિયનનો રસ્તો બતાવ્યો.
જયસ્વાલ આઉટ: ટીમ ઈન્ડિયાની પ્રથમ વિકેટ પડી. યશસ્વી જયસ્વાલ 10 બોલમાં 10 રન બનાવીને આઉટ થયો હતો. માર્ક વૂડે તેને પેવેલિયનનો રસ્તો બતાવ્યો. યશસ્વીએ સારી શરૂઆત કરી હતી. પરંતુ તેઓ તેને આગળ લઈ શક્યા નહીં. યશસ્વી વુડની ઓવરમાં જો રૂટના હાથે કેચ આઉટ થયો હતો. ભારતે 3.5 ઓવરમાં 22 રન બનાવ્યા છે. હવે શુભમન ગિલ બેટિંગ કરવા આવ્યો છે.
ભારતની ઇનિંગ શરૂ થઇ ગઇ છે. યશસ્વી જયસ્વાલ અને રોહિત શર્મા ક્રિઝ પર છે. ઇંગ્લેન્ડ તરફથી એન્ડરસન પ્રથમ ઓવર નાખશે.
બેન સ્ટોક્સની 100મી ટેસ્ટ મેચ
ઈંગ્લેન્ડનો કેપ્ટન બેન સ્ટોક્સ તેની કારકિર્દીની 100મી ટેસ્ટ મેચ રમી રહ્યો છે. તે 100 કે તેથી વધુ ટેસ્ટ મેચ રમનાર 76મો ક્રિકેટર છે. તે ઈંગ્લેન્ડનો 16મો ખેલાડી છે. ઈંગ્લેન્ડના ખેલાડીઓએ અત્યાર સુધીમાં સૌથી વધુ ટેસ્ટ મેચ રમી છે.
ભારતની ટેસ્ટ ડેબ્યૂ સમયે FC ક્રિકેટમાં સૌથી વધુ બેટિંગ એવરેજ
- 88.37 - વિનોદ કાંબલી (27 મેચ)
- 81.23 - પ્રવીણ આમરે (23 મેચ)
- 80.21 - યશસ્વી જયસ્વાલ (15 મેચ)
- 71.28 - રૂસી મોદી (38 મેચ)
- 70.18 - સચિન તેંડુલકર (9 મેચ)
- 69.85 - સરફરાઝ ખાન (45 મેચ)
- 68.78 - શુભમન ગિલ (23 મેચ)
ઈંગ્લેન્ડની પ્લેઈંગ ઈલેવન: જેક ક્રોલી, બેન ડકેટ, ઓલી પોપ, જો રૂટ, જોની બેરસ્ટો, બેન સ્ટોક્સ (C), બેન ફોક્સ (wc), રેહાન અહેમદ, ટોમ હાર્ટલી, માર્ક વુડ, જેમ્સ એન્ડરસન.
ભારતની પ્લેઇંગ ઇલેવન: યશસ્વી જયસ્વાલ, રોહિત શર્મા (C), શુભમન ગિલ, રજત પાટીદાર, સરફરાઝ ખાન, રવિન્દ્ર જાડેજા, ધ્રુવ જુરેલ (Wk), રવિચંદ્રન અશ્વિન, કુલદીપ યાદવ, જસપ્રિત બુમરાહ, મોહમ્મદ સિરાજ
