IND vs NZ: 1 રનના ચક્કરમાં કોહલી-પંતે ટીમનું કર્યું મોટું નુકશાન, Video

ન્યુઝીલેન્ડ સામેની બીજી ટેસ્ટ મેચમાં ભારતને જીતવા માટે 359 રનનો ટાર્ગેટ મળ્યો હતો. ફરી એકવાર ભારતીય બેટ્સમેનોએ નિરાશ કર્યા. કેપ્ટન રોહિત શર્મા માત્ર 8 રન બનાવી શક્યો હતો. આ પછી ગિલ અને યશસ્વી વચ્ચે ભાગીદારી થઈ હતી પરંતુ ગિલ પણ 23ના અંગત સ્કોર પર પેવેલિયન પરત ફર્યો હતો. યશસ્વી જયસ્વાલ 77 રનની જોરદાર ઇનિંગ રમીને પેવેલિયન પરત ફર્યો હતો. આ પછી ચાહકો ક્રિઝ પર આવેલા રિષભ પંત પાસેથી મોટી ઇનિંગની આશા રાખતા હતા પરંતુ પંત અને કોહલી વચ્ચે વિકેટ વચ્ચે મોટી ગેરસમજ થઈ હતી, જેના કારણે પંત રન આઉટ થયો હતો.

રિષભ પંત થયો રનઆઉટ

ભારતીય ઇનિંગ્સની 23મી ઓવરમાં રિષભ પંત ખાતું ખોલાવ્યા વિના પેવેલિયન પરત ફર્યો હતો. ભારત અને ન્યુઝીલેન્ડ વચ્ચે રમાઈ રહેલી બીજી ટેસ્ટ મેચના ત્રીજા દિવસે કોહલીએ ઈજાઝનો બોલ શોર્ટ થર્ડ મેન તરફ રમ્યો અને પંત તરફ જોયું. રિષભ પંત પણ વિરાટ કોહલીના કોલને માનતો હતો અને રન બનાવવા દોડ્યો હતો પરંતુ ડાઇવિંગ કર્યા બાદ પણ તે ક્રિઝની અંદર પહોંચી શક્યો ન હતો અને રનઆઉટ થઇને પેવેલિયન પરત ફર્યો હતો. મિશેલ સેન્ટનરે સીધો થ્રો કીપર તરફ ફેંક્યો, જેના કારણે પંતને વધુ તક મળી ન હતી.

બીજી ટેસ્ટમાં ભારતની હાર

ભારત બીજી ટેસ્ટમાં ન્યુઝીલેન્ડ સામે 113 રનથી હારી ગયું. આ સાથે જ ટીમ ન્યૂઝીલેન્ડે સિરીઝમાં 2-0ની લીડ મેળવી લીધી છે. ભારતની આ હાર એટલા માટે પણ ઐતિહાસિક છે, કારણ કે 2012 પછી ટીમ ઈન્ડિયાએ સતત 18 ઘરઆંગણે સિરીઝ જીતી હતી, પરંતુ ન્યૂઝીલેન્ડે આ સિરીઝમાં હારીને ઈતિહાસ રચ્યો છે. વોશિંગ્ટન સુંદરે ભારત માટે આ મેચમાં કુલ 11 વિકેટ લીધી હતી, પરંતુ ટીમની જીત સુનિશ્ચિત કરી શક્યો ન હતો. ન્યુઝીલેન્ડે પ્રથમ વખત ભારતને ઘરઆંગણે ટેસ્ટ સિરીઝમાં હરાવ્યું છે.