6 બોલમાં 4 વિકેટ... કેનબરામાં હર્ષિત રાણાએ પિંક બોલથી મચાવી ધૂમ

ટીમ ઈન્ડિયા હાલ ઓસ્ટ્રેલિયાના પ્રવાસે છે, જ્યાં બોર્ડર ગાવસ્કર ટ્રોફીમાં બંને ટીમો વચ્ચે પાંચ મેચની ટેસ્ટ સિરીઝ રમાઈ રહી છે. સિરીઝની પ્રથમ મેચ જીતીને ટીમ ઈન્ડિયા 1-0થી આગળ છે. હવે બીજી ટેસ્ટ મેચ 6 ડિસેમ્બરથી એડિલેડમાં રમાશે. તે પહેલા ટીમ ઈન્ડિયા અને PM XI વચ્ચે કેનબરામાં ચાર દિવસીય વોર્મ-અપ મેચ રમાઈ રહી છે. જેનો આજે બીજો દિવસ છે. વરસાદના કારણે પ્રથમ દિવસની રમત ટોસ વિના રદ્દ કરવામાં આવી હતી. બીજા દિવસે ટીમ ઈન્ડિયાના ફાસ્ટ બોલર હર્ષિત રાણાએ ધૂમ મચાવી છે.

હર્ષિતે 6 બોલમાં 4 વિકેટ ઝડપી

હર્ષિત રાણાએ પર્થ ટેસ્ટમાં ટીમ ઈન્ડિયા માટે ડેબ્યૂ કર્યું હતું. હર્ષિતે પ્રથમ મેચમાં પણ શાનદાર પ્રદર્શન કર્યું હતું. હવે વોર્મ-અપ મેચમાં પણ હર્ષિતે પિંક બોલથી ધૂમ મચાવી દીધી છે. હર્ષિતે કાંગારૂ બેટ્સમેનોને ચારે બાજુથી પછાડી દીધા હતા. વોર્મ-અપ મેચમાં હર્ષિતે બીજા દિવસે 6 બોલમાં 4 વિકેટ ઝડપી. માત્ર બે ઓવરમાં જ હર્ષિતે પીએમ ઈલેવનને બેકફૂટ પર લાવી દીધું હતું.

હર્ષિત રાણા એડિલેડમાં મચાવશે ધૂમ?

રેડ બોલ બાદ હવે પિંક બોલમાં પણ હર્ષિતનું શાનદાર પ્રદર્શન જોવા મળ્યું છે. ટીમ ઈન્ડિયાએ એડિલેડમાં બીજી ટેસ્ટ મેચ માત્ર પિંક બોલથી રમવાની છે. આવી સ્થિતિમાં હર્ષિતનું શાનદાર પ્રદર્શન બીજી ટેસ્ટ મેચમાં પણ જોવા મળી શકે છે.

સેમ કોન્સ્ટાસે સદી ફટકારી

મુશ્કેલીમાં PM XIનો ચાર્જ સેમ કોન્સ્ટાસે સંભાળ્યો. ટીમની વિકેટો સતત પડી રહી હતી ત્યારે સેમ કોન્સ્ટાસે માત્ર બેટિંગને જ આગળ ન વધારી પરંતુ 100થી વધુના સ્ટ્રાઈક રેટ સાથે શાનદાર સદી પણ ફટકારી.