IND Vs SA: ભારતની હાર, સિરીઝ 1-1થી બરાબર, વરુણ ચક્રવર્તીએ લીધી 5-વિકેટ

દક્ષિણ આફ્રિકાએ રોમાંચક મેચમાં ભારતને 3 વિકેટે હરાવ્યું

દક્ષિણ આફ્રિકાએ ભારતને રોમાંચક મેચમાં હરાવ્યું છે. ટી-20 સિરીઝની બીજી મેચ 3 વિકેટથી જીતી લીધી છે. આ જીત સાથે દક્ષિણ આફ્રિકાએ સિરીઝની 1-1થી બરાબર કરી લીધી છે. પ્રથમ બેટિંગ કરતા ભારતે 124 રન બનાવ્યા હતા. જવાબમાં દક્ષિણ આફ્રિકાએ 19 ઓવરમાં 7 વિકેટ ગુમાવીને લક્ષ્યાંક હાંસલ કરી લીધો હતો. દક્ષિણ આફ્રિકા તરફથી ટ્રિસ્ટન સ્ટબ્સે અણનમ 47 રન બનાવ્યા હતા. કોએત્ઝીએ અણનમ 19 રન બનાવ્યા હતા. ભારત માટે ઘાતક બોલિંગ કરતા વરુણ ચક્રવર્તીએ 5 વિકેટ લીધી હતી. જ્યારે હાર્દિક પંડ્યાએ બેટિંગ કરતા અણનમ 39 રન બનાવ્યા .

દક્ષિણ આફ્રિકાને જીતવા માટે 13 રનની જરૂર 

દક્ષિણ આફ્રિકાને જીતવા માટે 12 બોલમાં 13 રનની જરૂર છે. ટીમે 18 ઓવરમાં 7 વિકેટ ગુમાવીને 112 રન બનાવ્યા છે. સ્ટબ્સ 31 રન બનાવીને રમી રહ્યો છે. કોએત્ઝી 19 રન બનાવીને રમી રહ્યો છે.

દક્ષિણ આફ્રિકાને જીતવા માટે 25 રનની જરૂર 

દક્ષિણ આફ્રિકાને જીતવા માટે 18 બોલમાં 25 રનની જરૂર છે. ટીમે 17 ઓવરમાં 7 વિકેટ ગુમાવીને 100 રન બનાવ્યા છે. કોએત્ઝી 8 રન સાથે અને સ્ટબ્સ 30 રન સાથે રમી રહ્યા છે.

દક્ષિણ આફ્રિકાને લાગ્યો સાતમો ઝટકો, બિશ્નોઈએ લીધી વિકેટ

દક્ષિણ આફ્રિકાની સાતમી વિકેટ પડી. સિમલેન 7 રન બનાવીને આઉટ થયો. રવિ બિશ્નોઈએ તેને પેવેલિયનનો રસ્તો બતાવ્યો. દક્ષિણ આફ્રિકાની ટીમ સંકટમાં છે. તેને જીતવા માટે 26 બોલમાં 39 રનની જરૂર છે. પરંતુ હવે માત્ર 3 વિકેટ બચી છે. દક્ષિણ આફ્રિકાએ 15.4 ઓવરમાં 7 વિકેટ ગુમાવીને 86 રન બનાવી લીધા છે.

15 ઓવર બાદ દક્ષિણ આફ્રિકાનો સ્કોર

દક્ષિણ આફ્રિકાને જીતવા માટે 30 બોલમાં 41 રનની જરૂર છે. તેને 15 ઓવરમાં 6 વિકેટ ગુમાવીને 86 રન બનાવ્યા છે. ટ્રિસ્ટન સ્ટબ્સ 21 રન બનાવીને રમી રહ્યો છે. સિમલેન 6 રન બનાવીને રમી રહી છે. ભારત વિકેટની શોધમાં છે.

દક્ષિણ આફ્રિકાએ 14 ઓવરમાં બનાવ્યા  75 રન

દક્ષિણ આફ્રિકાને જીતવા માટે 36 બોલમાં 50 રનની જરૂર છે. તેને 14 ઓવરમાં 6 વિકેટ ગુમાવીને 75 રન બનાવ્યા છે. ટ્રિસ્ટન સ્ટબ્સ 20 રન બનાવીને રમી રહ્યો છે. સિમલેન 3 રન બનાવીને રમી રહી છે. ભારત વિકેટની શોધમાં છે.

વરુણ ચક્રવર્તીએ એક ઓવરમાં લીધી 2 વિકેટ

દક્ષિણ આફ્રિકાની છઠ્ઠી વિકેટ પડી. ડેવિડ મિલર શૂન્ય પર આઉટ થયો હતો. વરુણ ચક્રવર્તીએ સતત બે વિકેટ લીધી હતી. દક્ષિણ આફ્રિકાએ 12.2 ઓવરમાં 66 રન બનાવી લીધા છે. ટીમની છ વિકેટ પડી ગઈ છે.

વરુણ ચક્રવર્તીએ દક્ષિણ આફ્રિકાને આપ્યો વધુ એક ઝટકો

વરુણ ચક્રવર્તીએ ભારતને વધુ એક વિકેટ અપાવી છે. તેને હેનરિક ક્લાસેનને આઉટ કર્યો છે. ક્લાસેન 2 રન બનાવીને આઉટ થયો હતો. દક્ષિણ આફ્રિકાએ 12.1 ઓવરમાં 66 રન બનાવી લીધા છે. તેને જીતવા માટે 59 રનની જરૂર છે.

દક્ષિણ આફ્રિકાને જીતવા માટે 68 રનની જરૂર

દક્ષિણ આફ્રિકાને જીતવા માટે 60 બોલમાં 68 રનની જરૂર છે. ટીમે 10 ઓવરમાં 3 વિકેટ ગુમાવીને 57 રન બનાવ્યા છે. ટ્રિસ્ટન સ્ટબ્સ અને માર્કો જેન્સન બેટિંગ કરી રહ્યા છે.

દક્ષિણ આફ્રિકાને ત્રીજો ઝટકો 

દક્ષિણ આફ્રિકાની ત્રીજી વિકેટ પડી. રીઝા હેન્ડ્રીક્સ 24 રન બનાવીને આઉટ થયો હતો. વરુણ ચક્રવર્તીએ તેને પેવેલિયનનો રસ્તો બતાવ્યો. દક્ષિણ આફ્રિકાએ 7.4 ઓવરમાં 44 રન બનાવ્યા છે.

દક્ષિણ આફ્રિકાની પડી બીજી વિકેટ

વરુણ ચક્રવર્તીએ પોતાના સ્પેલની પહેલી જ ઓવરમાં દક્ષિણ આફ્રિકાના કેપ્ટન એડન માર્કરમને ક્લીન બોલ્ડ કર્યો હતો. માર્કરમ માત્ર 3 રન બનાવી શક્યો હતો. દક્ષિણ આફ્રિકાનો સ્કોર 6 ઓવરમાં 2 વિકેટના નુકસાન પર 34 રન થઈ ગયો છે.

5 ઓવર પછી દક્ષિણ આફ્રિકાનો સ્કોર

5 ઓવર પછી દક્ષિણ આફ્રિકાએ એક વિકેટના નુકસાને 33 રન બનાવી લીધા છે. રીઝા હેન્ડ્રિક્સે 17 રન અને કેપ્ટન એઈડન માર્કરામે 3 રન બનાવ્યા છે. આફ્રિકન ટીમને હજુ 15 ઓવરમાં જીતવા માટે 92 રન બનાવવાના છે.

દક્ષિણ આફ્રિકાને પહેલો ઝટકો, અર્શદીપે લીધી વિકેટ 

ભારત તરફથી પહેલી વિકેટ અર્શદીપ સિંહને મળી હતી. રિકલ્ટન 13 રન બનાવીને આઉટ થયો. દક્ષિણ આફ્રિકાએ 3 ઓવરમાં 1 વિકેટ ગુમાવીને 22 રન બનાવી લીધા છે. હેન્ડ્રીક્સ 9 રન બનાવીને રમી રહ્યો છે. માર્કરામ હજુ ખાતું ખોલાવી શક્યો નથી.

દક્ષિણ આફ્રિકાએ 2 ઓવરમાં 16 રન બનાવ્યા

સાઉથ આફ્રિકાએ 2 ઓવરમાં કોઈપણ નુકશાન વિના 16 રન બનાવ્યા હતા. રિકલ્ટન અને હેન્ડ્રીક્સ 8-8 રન સાથે રમી રહ્યા છે. ભારત તરફથી આવેશ ખાને બીજી ઓવર ફેંકી. તેને 9 રન આપ્યા.

હેન્ડ્રીક્સ-રિકલ્ટન દક્ષિણ આફ્રિકા માટે કરી રહ્યા છે ઓપનિંગ 

દક્ષિણ આફ્રિકા તરફથી રીઝા હેન્ડ્રીક્સ અને રિકલ્ટન ઓપનિંગ કરી રહ્યા છે. ભારતે પ્રથમ ઓવર અર્શદીપ સિંહને સોંપી છે.

દક્ષિણ આફ્રિકાને 125 રનનો મળ્યો ટાર્ગેટ

ભારતે બીજી T20 મેચમાં દક્ષિણ આફ્રિકાને 125 રનનો ટાર્ગેટ આપ્યો છે. દક્ષિણ આફ્રિકાના સુકાની એડન માર્કરામે ટોસ જીતીને પ્રથમ બોલિંગ કરવાનો નિર્ણય કર્યો અને તેના બોલરોએ ભારતને ઝટકો આપ્યો અને ભારતીય બેટ્સમેનોને જંગી સ્કોર બનાવતા અટકાવ્યા. ભારત તરફથી ઓલરાઉન્ડર હાર્દિક પંડ્યાએ 45 બોલમાં ચાર ચોગ્ગા અને એક છગ્ગાની મદદથી સૌથી વધુ અણનમ 39 રન બનાવ્યા હતા. હાર્દિક સિવાય અક્ષર પટેલે 21 બોલમાં 27 રન અને તિલક વર્માએ 20 બોલમાં 20 રન બનાવ્યા હતા.

19 ઓવરમાં ભારતે બનાવ્યા આટલા રન

ભારતે 19 ઓવરમાં 6 વિકેટ ગુમાવીને 118 રન બનાવ્યા. હાર્દિક 33 રન બનાવીને રમી રહ્યો છે. અર્શદીપ સિંહ 7 રન બનાવીને રમી રહ્યો છે. ટીમ ઈન્ડિયાની ઈનિંગની છેલ્લી ઓવર બાકી છે.

હાર્દિક પંડ્યાની ભારત માટે તોફાની બેટિંગ

હાર્દિક પંડ્યા સારી બેટિંગ કરી રહ્યો છે. અત્યાર સુધીમાં તેને 3 ફોર અને 1 સિક્સર ફટકારી છે. પંડ્યાએ 33 રન બનાવ્યા છે. અર્શદીપ સિંહ 6 રન બનાવીને રમી રહ્યો છે. ભારતે 18 ઓવરમાં 6 વિકેટ ગુમાવીને 115 રન બનાવ્યા છે.

ટીમ ઈન્ડિયાનો સ્કોર 100 રનને પાર

ભારતનો સ્કોર 100 રનને પાર કરી ગયો છે. ટીમે 17 ઓવરમાં 6 વિકેટ ગુમાવીને 101 રન બનાવ્યા હતા. હાર્દિક પંડ્યા 19 રન બનાવીને રમી રહ્યો છે. અર્શદીપ સિંહ 6 રન બનાવીને રમી રહ્યો છે.

16 ઓવર બાદ ભારતનો સ્કોર

ટીમ ઈન્ડિયાએ 16 ઓવરમાં 6 વિકેટ ગુમાવીને 93 રન બનાવ્યા હતા. હાર્દિક પંડ્યા 14 રન બનાવીને રમી રહ્યો છે. અર્શદીપ સિંહ 6 રન બનાવીને રમી રહ્યો છે.

રિંકુ સિંહ થયો આઉટ

નકાબાના બોલ પર મોટો શોટ રમવાનો પ્રયાસ કરતી વખતે રિંકુ સિંહે તેની વિકેટ ગુમાવી. ભારતની છઠ્ઠી વિકેટ રિંકુ સિંહના રૂપમાં પડી. તે માત્ર 9 રન બનાવીને પેવેલિયન પરત ફર્યો. ટીમ ઈન્ડિયાએ 15.2 ઓવરમાં 6 વિકેટ ગુમાવીને 87 રન બનાવી લીધા છે. હાર્દિક પંડ્યા 14 રન બનાવીને રમી રહ્યો છે.

ક્રિઝ પર હાર્દિક-રિંકુ

દક્ષિણ આફ્રિકા સામેની બીજી T20 મેચમાં ભારતની શરૂઆત સારી રહી ન હતી અને ટીમે 15 ઓવરના અંતે પાંચ વિકેટે 86 રન બનાવ્યા.

13 ઓવર બાદ ભારતનો સ્કોર 76/5

ભારતે 13 ઓવરમાં 5 વિકેટ ગુમાવીને 76 રન બનાવી લીધા છે. હાર્દિક પંડ્યા 9 રન બનાવીને રમી રહ્યો છે. રિંકુ સિંહ 4 રન બનાવીને રમી રહ્યો છે. ટીમ ઈન્ડિયા હજુ સંકટની સ્થિતિમાં છે. હાર્દિક અને રિંકું મોટી ભાગીદારી કરીને ટીમને સારા સ્કોર સુધી પહોંચાડવાની કોશિશ કરી રહ્યાં છે. 

અક્ષર પટેલ આઉટ

ભારતીય ટીમની અડધી ટીમ માત્ર 70 રનના સ્કોર પર પેવેલિયન પરત ફરી હતી. સારી ઇનિંગ રમી રહેલો અક્ષર પટેલ રન આઉટ થયો જેનાથી ભારતને મોટો ફટકો પડ્યો. ભારત તરફથી હાલમાં હાર્દિક પંડ્યા અને રિંકુ સિંહ ક્રિઝ પર છે.

ભારતે 10 ઓવરમાં 62 રન બનાવ્યા 

ભારતે 10 ઓવરમાં 4 વિકેટ ગુમાવીને 62 રન બનાવી લીધા છે. અક્ષર પટેલ 25 રન બનાવીને રમી રહ્યો છે. હાર્દિક પંડ્યા 2 રન બનાવીને રમી રહ્યો છે.

ભારતનો સ્કોર 52/4

ટીમ ઈન્ડિયાની 9 ઓવરની રમત સમાપ્ત થઈ ગઈ છે. ભારતે 4 વિકેટ ગુમાવીને 54 રન બનાવ્યા છે. અક્ષર પટેલ 14 બોલમાં 20 રન તથા હાર્દિક પંડ્યા 1 રન બનાવીને રમી રહ્યો છે. ભારતને શરૂઆતમાં જ ઝટકા લાગ્યા છે. અક્ષર અને હાર્દિક મોટી ભાગીદારી કરી ટીમ ઈન્ડિયાને સન્માનજનક સ્કોર સુધી લઈ જવાની કોશિશ કરી રહ્યાં છે. 

તિલક વર્મા થયો આઉટ

દક્ષિણ આફ્રિકાના સુકાની એડન માર્કરામે શાનદાર બેટિંગ કરી રહેલા તિલક વર્માને આઉટ કરીને ભારતને ચોથો ઝટકો આપ્યો. તિલક 20 બોલમાં એક ચોગ્ગા અને એક છગ્ગાની મદદથી 20 રન બનાવીને આઉટ થયો હતો.

7 ઓવર બાદ ભારતીય ટીમનો સ્કોર 

તિલક વર્મા અને અક્ષર પટેલે ચાર્જ સંભાળ્યો છે. 7 ઓવરની રમત બાદ ભારતનો સ્કોર 41/3 છે. તિલક 18 અને અક્ષર 12 રન બનાવીને ક્રિઝ પર છે.

તિલક-અક્ષર કરી રહ્યા છે બેટિંગ

ટીમ ઈન્ડિયાએ 6 ઓવરમાં 3 વિકેટ ગુમાવીને 34 રન બનાવી લીધા છે. અક્ષર પટેલ 10 રન બનાવીને રમી રહ્યો છે. તિલક વર્મા 13 રન બનાવીને રમી રહ્યો છે. અક્ષરે બે ચોગ્ગા ફટકાર્યા છે.

5 ઓવર બાદ ભારતીય ટીમનો સ્કોર 

ભારતે 5 ઓવરમાં 3 વિકેટ ગુમાવીને 24 રન બનાવ્યા હતા. તિલક વર્મા 12 રન બનાવીને રમી રહ્યો છે. અક્ષર પટેલ 1 રન બનાવીને રમી રહ્યો છે.

ટીમ ઈન્ડિયાને ત્રીજો ઝટકો, સૂર્યકુમાર થયો આઉટ

ભારતની ત્રીજી વિકેટ કેપ્ટન સૂર્યકુમાર યાદવના રૂપમાં પડી. તે 4 રન બનાવીને પેવેલિયન પરત ફર્યો. સિમલને તેને પેવેલિયનનો રસ્તો બતાવ્યો. ટીમ ઈન્ડિયાએ 4 ઓવરમાં 2 વિકેટ ગુમાવીને 15 રન બનાવ્યા હતા.

3 ઓવર બાદ ભારતીય ટીમનો સ્કોર 

ભારતીય ટીમે દક્ષિણ આફ્રિકા સામેની સિરીઝની બીજી T20 મેચમાં 3 ઓવરની રમતના અંતે 2 વિકેટના નુકસાન પર 11 રન બનાવી લીધા છે. જ્યારે સુકાની સૂર્યકુમાર યાદવે હજુ ખાતું ખોલાવ્યું નથી ત્યારે તિલક વર્મા 5 રન સાથે રમી રહ્યો છે.

અભિષેક શર્મા થયો આઉટ

ગેરાલ્ડ કોએત્ઝીએ અભિષેક શર્માને આઉટ કરીને ભારતને બીજો ઝટકો આપ્યો. પ્રથમ બેટિંગ કરતા ભારતની શરૂઆત સારી રહી ન હતી અને ટીમે પાંચ રનમાં જ બે વિકેટ ગુમાવી દીધી હતી.

સેમસન ખાતું ખોલાવ્યા વિના થયો આઉટ

ભારતીય ટીમને પહેલી જ ઓવરમાં મોટો ઝટકો પડ્યો છે. છેલ્લી મેચમાં સદી ફટકારનાર ઓપનર સંજુ સેમસન ખાતું ખોલાવ્યા વગર જ આઉટ થઈ ગયો છે. માર્કે જેન્સને પહેલી જ ઓવરના ત્રીજા બોલ પર સેમસનને બોલ્ડ કરીને પેવેલિયન મોકલી દીધો હતો. જેન્સને શાનદાર શરૂઆત કરી અને પ્રથમ ઓવર મેડન ફેંકી, જ્યારે એક વિકેટ લેવામાં સફળ રહ્યો.

સેમસન-અભિષેક ભારત માટે કરી રહ્યા છે ઓપનિંગ 

ભારત તરફથી સંજુ સેમસન અને અભિષેક શર્મા ઓપનિંગ કરી રહ્યા છે. સાઉથ આફ્રિકાએ માર્કો જેન્સેનને પ્રથમ ઓવર સોંપી છે.

સાઉથ આફ્રિકાની ટીમમાં થયો એક ફેરફાર

ભારત સામેની બીજી T20 મેચમાં સાઉથ આફ્રિકાના કેપ્ટન એડન માર્કરામે ટોસ જીતીને પહેલા બોલિંગ કરવાનો નિર્ણય કર્યો હતો. ભારતે આ મેચ માટે પ્લેઈંગ-11માં કોઈ ફેરફાર ન કરવાનો નિર્ણય લીધો છે, જ્યારે દક્ષિણ આફ્રિકાએ ટીમમાં એક ફેરફાર કર્યો છે. ક્રુગરની જગ્યાએ રીઝા હેન્ડ્રિક્સને તક આપવામાં આવી છે.

સાઉથ આફ્રિકાની પ્લેઈંગ ઈલેવન

એડન માર્કરામ(કેપ્ટન), રાયન રિકલ્ટન, રીઝા હેન્ડ્રીક્સ, ટ્રિસ્ટન સ્ટબ્સ, હેનરિક ક્લાસેન, ડેવિડ મિલર, માર્કો જેન્સેન, એન્ડીલે સિમેલેન, ગેરાલ્ડ કોએત્ઝી, કેશવ મહારાજ, નકાબા પીટર

ભારતની પ્લેઈંગ ઈલેવન

સૂર્યકુમાર યાદવ (કેપ્ટન), સંજુ સેમસન, અભિષેક શર્મા, તિલક વર્મા, રિંકુ સિંહ, હાર્દિક પંડ્યા, અક્ષર પટેલ, રવિ બિશ્નોઈ, વરૂણ ચક્રવર્તી, આવેશ ખાન અને અર્શદીપ સિંહ

દક્ષિણ આફ્રિકાએ ટોસ જીતીને બોલિંગ કરવાનો લીધો નિર્ણય

દક્ષિણ આફ્રિકાએ ટોસ જીતીને બોલિંગ કરવાનો નિર્ણય લીધો છે, જ્યારે ભારત પહેલા બેટિંગ કરતી જોવા મળશે,

ટૂંક સમયમાં થશે ટોસ 

ભારત અને દક્ષિણ આફ્રિકા વચ્ચેની મેચ માટે ટોસ ટૂંક સમયમાં જ થશે. આ મેચ સાંજે 7.30 વાગ્યાથી શરુ થશે.

સાઉથ આફ્રિકાની સંભવિત પ્લેઈંગ ઈલેવન

રીઝા હેન્ડ્રીક્સ, રેયાન રિકલ્ટન, એડન માર્કરામ (કેપ્ટન), ટ્રિસ્ટન સ્ટબ્સ, હેનરિક ક્લાસેન, ડેવિડ મિલર, માર્કો યાન્સેન, કેશવ મહારાજ, ગેરાલ્ડ કોએત્ઝી, નાકાબા પીટર, ઓટનીએલ બાર્ટમેન

ભારતની સંભવિત પ્લેઈંગ ઈલેવન

સૂર્યકુમાર યાદવ (કેપ્ટન), સંજુ સેમસન, અભિષેક શર્મા, તિલક વર્મા, રિંકુ સિંહ, હાર્દિક પંડ્યા, અક્ષર પટેલ, રવિ બિશ્નોઈ, વરૂણ ચક્રવર્તી, અવેશ ખાન અને અર્શદીપ સિંહ

જાણો શું છે પિચ રિપોર્ટ

સેન્ટ જ્યોર્જ પાર્ક ક્રિકેટ સ્ટેડિયમની પીચ સંતુલિત છે. પિચ શરૂઆતની ઓવરોમાં બેટ્સમેનો માટે મદદરૂપ સાબિત થાય છે. પરંતુ જૂના બોલ સ્પિન બોલરોને પણ મદદ કરે છે. પહેલા બેટિંગ કરનાર ટીમ માટે પડકારરૂપ છે, જ્યારે પાછળથી બેટિંગ કરનાર ટીમને ફાયદો મળશે.

બીજી મેચમાં કેવું રહેશે હવામાન

ભારત અને દક્ષિણ આફ્રિકા વચ્ચેની બીજી મેચ બંને ટીમો માટે મહત્વની છે. Accuweather ના અહેવાલ મુજબ વરસાદ મેચને અવરોધી શકે છે. મેચ દરમિયાન વરસાદની 11 ટકા શક્યતા છે. આવી સ્થિતિમાં મેચ મોડી સમાપ્ત થઈ શકે છે. ભારતે છેલ્લે વર્ષ 2023માં આ મેદાન પર મેચ રમી હતી. આ મેચમાં પણ વરસાદે વિક્ષેપ પાડ્યો હતો અને આફ્રિકા ડીએલએસ પદ્ધતિ હેઠળ 5 વિકેટે જીત્યું હતું.