IND Vs SA: ભારતની 11 રને શાનદાર જીત, તિલક-અર્શદીપ-વરુણે મચાવી ધૂમ

IND vs SA Live Score: ભારતને મળી જીત

ભારતીય ટીમે રોમાંચક મેચમાં દક્ષિણ આફ્રિકાને 11 રને હરાવીને ચાર મેચની T20 સિરીઝમાં 2-1ની લીડ મેળવી લીધી છે.

IND vs SA Live Score: અર્શદીપે વિકેટ લીધી, મેચ થઈ રોમાંચક

અર્શદીપ સિંહે મેચને ભારતની તરફેણમાં ફેરવી દીધી છે. તેને માર્કો જેન્સનને આઉટ કર્યો. જેન્સન 54 રન બનાવીને આઉટ થયો. દક્ષિણ આફ્રિકાને જીતવા માટે 3 બોલમાં 18 રનની જરૂર છે. તેને 19.3 ઓવરમાં 7 વિકેટ ગુમાવીને 202 રન બનાવ્યા છે.

IND vs SA Live Score: જેન્સને ફટકારી વિસ્ફોટક અડધી સદી

માર્કો જાનસેને વિસ્ફોટક અડધી સદી ફટકારી છે. તે 16 બોલમાં 54 રન બનાવીને રમી રહ્યો છે. જેનેસને 5 સિક્સર અને 4 ફોર ફટકારી છે.

IND vs SA Live Score: દક્ષિણ આફ્રિકાને જીતવા માટે 25 રનની જરૂર

દક્ષિણ આફ્રિકાને જીતવા માટે છેલ્લી ઓવરમાં 25 રનની જરૂર છે. માર્કો જેન્સને વાતાવરણ બદલ્યું છે. તેને 15 બોલમાં 48 રન બનાવ્યા છે. દક્ષિણ આફ્રિકાએ 19 ઓવરમાં 6 વિકેટ ગુમાવીને 195 રન બનાવ્યા છે.

હાર્દિક પંડ્યાની ઓવરમાં બહુ વધારે રન આવ્યા છે. તેને તેની છેલ્લી ઓવરમાં 26 રન આપ્યા હતા. હાર્દિક પંડ્યાએ આ ઓવરમાં ત્રણ ચોગ્ગા અને બે છગ્ગા ફટકાર્યા.

IND vs SA Live Score: અર્શદીપ T20માં ભારતનો બન્યો બીજો સૌથી સફળ બોલર

ફાસ્ટ બોલર અર્શદીપ સિંહે શાનદાર બોલિંગ કરી અને ફોર્મમાં ચાલી રહેલા હેનરિક ક્લાસેનને આઉટ કરીને ભારતને મોટી સફળતા અપાવી. ક્લાસેન સારા ફોર્મમાં હતો અને સતત મોટા શોટ રમી રહ્યો હતો, પરંતુ અર્શદીપે તેને આઉટ કરીને દક્ષિણ આફ્રિકાને છઠ્ઠો ઝટકો આપ્યો હતો. ક્લાસેન 22 બોલમાં એક ચોગ્ગા અને ચાર છગ્ગાની મદદથી 41 રન બનાવીને આઉટ થયો. આ સાથે અર્શદીપ T20 ઈન્ટરનેશનલમાં ભારતનો બીજો સૌથી સફળ બોલર બની ગયો છે. અર્શદીપના નામે 91 વિકેટ છે અને તેને જસપ્રિત બુમરાહ અને ભુવનેશ્વર કુમારને પાછળ છોડી દીધા છે.

IND vs SA Live Score: અર્શદીપ સિંહને મળી બીજી સફળતા

અર્શદીપ સિંહે દક્ષિણ આફ્રિકાને મોટો ઝટકો આપ્યો છે. હેનરિક ક્લાસેન 41 રન બનાવીને આઉટ થયો હતો. ટીમ ઈન્ડિયાએ મેચને વધુ રોમાંચક બનાવી દીધી છે. દક્ષિણ આફ્રિકાએ 17.4 ઓવરમાં 167 રન બનાવ્યા છે. હવે કોએત્ઝી બેટિંગ કરવા આવ્યો છે.

IND vs SA Live Score: દક્ષિણ આફ્રિકાને જીતવા માટે 59 રનની જરૂર

દક્ષિણ આફ્રિકાને જીતવા માટે 18 બોલમાં 59 રનની જરૂર છે. દક્ષિણ આફ્રિકાને 17 ઓવરમાં 5 વિકેટ ગુમાવીને 161 રન બનાવ્યા છે. ક્લાસેન 40 રન બનાવીને રમી રહ્યો છે. જેનસન 16 રન બનાવીને રમી રહ્યો છે.

IND vs SA Live Score: હાર્દિક પંડ્યાએ ડેવિડ મિલરને કર્યો આઉટ 

ભારતીય ટીમને પાંચમી સફળતા મળી છે. હાર્દિક પંડ્યાએ ખતરનાક ડેવિડ મિલરને આઉટ કર્યો હતો. ડેવિડ મિલરે 18 બોલમાં 18 રન બનાવ્યા હતા. દક્ષિણ આફ્રિકાનો સ્કોર 15.5 ઓવર બાદ 5 વિકેટે 142 રન છે. દક્ષિણ આફ્રિકાને જીતવા માટે 25 બોલમાં 78 રન બનાવવા પડશે.

IND vs SA Live Score: 15 ઓવર બાદ સાઉથ આફ્રિકાનો સ્કોર

15 ઓવરમાં દક્ષિણ આફ્રિકાએ 4 વિકેટ ગુમાવીને 134 રન બનાવી લીધા છે. હવે ટીમ જીતથી 86 રન દૂર છે પરંતુ માત્ર 5 ઓવર બાકી છે.

IND vs SA Live Score: ક્લાસને સિક્સરની હેટ્રિક ફટકારી

ભારત તરફથી વરુણ ચક્રવર્તીએ 14મી ઓવર ફેંકી હતી. આ ઓવરમાં વરુણે 23 રન આપ્યા.  આ ઓવરમાં હેનરિક ક્લાસને 23 રન બનાવ્યા હતા.  પ્રથમ બોલ પર ક્લાસને મિડ-વિકેટ પર સિક્સર ફટકારી હતી. આગળના બોલ પર ફરીથી એ જ બોલ ખેંચ્યો અને રમ્યો. ત્રીજા બોલ પર પણ ક્લાસેનના બેટમાંથી સિક્સર વાગી. સૂર્યકુમારે ચોથા બોલ પર તેનો કેચ છોડ્યો, જ્યારે બીજા બોલ પર ક્લાસને ડીપ એક્સ્ટ્રા કવર પર ફોર ફટકારી. દક્ષિણ આફ્રિકાનો સ્કોર 14 ઓવરમાં 4 વિકેટે 126 રન છે. દક્ષિણ આફ્રિકાને જીતવા માટે 36 બોલમાં 94 રનની જરૂર છે.

IND vs SA Live Score: દક્ષિણ આફ્રિકાનો 13 ઓવર બાદ સ્કોર 

દક્ષિણ આફ્રિકાનો સ્કોર 13 ઓવર બાદ 4 વિકેટે 103 રન છે. દક્ષિણ આફ્રિકાની આશા ડેવિડ મિલર અને હેનરિક ક્લાસેન પર ટકેલી છે. હવે દક્ષિણ આફ્રિકાને 42 બોલમાં 117 રનની જરૂર છે.

IND vs SA Live Score: વરુણે ભારતને અપાવી ચોથી સફળતા

વરુણ ચક્રવર્તીએ શાનદાર પ્રદર્શન કર્યું અને કેપ્ટન એડન માર્કરામને આઉટ કર્યો. માર્કરમ 18 બોલમાં 29 રન બનાવીને આઉટ થયો. આ મેચમાં વરુણની આ બીજી વિકેટ છે.

IND vs SA Live Score: 9 ઓવર બાદ દક્ષિણ આફ્રિકાનો સ્કોર

દક્ષિણ આફ્રિકાએ 9 ઓવરમાં 3 વિકેટ ગુમાવીને 68 રન બનાવ્યા છે. તેને જીતવા માટે 152 રનની જરૂર છે. માર્કરામ 14 રન બનાવીને રમી રહ્યો છે.

IND vs SA Live Score: ટ્રિસ્ટન સ્ટબ્સ પેવેલિયન પરત ફર્યો

સ્પિનર ​​અક્ષર પટેલે ટ્રિસ્ટન સ્ટબ્સને આઉટ કરીને ભારતને ત્રીજી સફળતા અપાવી છે. સ્ટબ્સે છેલ્લી મેચમાં શાનદાર બેટિંગ કરી હતી અને દક્ષિણ આફ્રિકાને જીત તરફ દોરી હતી, પરંતુ આ મેચમાં તે કમાલ કરી શક્યો ન હતો અને 12 બોલમાં 12 રન બનાવીને આઉટ થયો હતો. દક્ષિણ આફ્રિકાએ 68 રનના સ્કોર પર ત્રણ વિકેટ ગુમાવી દીધી છે. તેને હજુ 67 બોલમાં વધુ 152 રન બનાવવાના છે.

IND vs SA Live Score: માર્કરામ-સ્ટબ્સ દક્ષિણ આફ્રિકા તરફથી કરી રહ્યા છે બેટિંગ 

દક્ષિણ આફ્રિકાએ 7 ઓવરમાં 2 વિકેટ ગુમાવીને 58 રન બનાવ્યા. સાઉથ આફ્રિકાને જીતવા માટે 78 બોલમાં 162 રનની જરૂર છે. માર્કરામ 7 રન બનાવીને રમી રહ્યો છે. ટ્રિસ્ટન સ્ટબ્સ 9 રન બનાવીને રમી રહ્યો છે. ભારત વિકેટની શોધમાં છે.

IND vs SA Live Score: દક્ષિણ આફ્રિકાને બીજો ઝટકો 

સ્પિનર ​​વરુણ ચક્રવર્તીએ રીઝા હેન્ડ્રિક્સને સંજુ સેમસન દ્વારા સ્ટમ્પ કરાવીને ભારતને બીજી સફળતા અપાવી. હેન્ડ્રિક્સ 13 બોલમાં ચાર ચોગ્ગાની મદદથી 21 રન બનાવીને આઉટ થયો.

IND vs SA Live Score: દક્ષિણ આફ્રિકાએ 4 ઓવરમાં 32 રન બનાવ્યા

દક્ષિણ આફ્રિકાએ 4 ઓવરમાં 1 વિકેટ ગુમાવીને 32 રન બનાવ્યા. હેન્ડ્રીક્સ 8 રન બનાવીને રમી રહ્યો છે. એડન માર્કરામ 3 રન બનાવીને રમી રહ્યો છે. ભારત તરફથી એકમાત્ર વિકેટ અર્શદીપ સિંહે લીધી છે.

IND vs SA Live Score: ભારતને મળી પ્રથમ સફળતા

ઝડપી બોલર અર્શદીપ સિંહે શાનદાર બોલિંગ કરીને દક્ષિણ આફ્રિકાના ઓપનર રિકલટનને આઉટ કર્યો. રિક્લેટને 15 બોલમાં 20 રન બનાવ્યા.

IND vs SA Live Score: દક્ષિણ આફ્રિકાએ 2 ઓવરમાં 17 રન બનાવ્યા

દક્ષિણ આફ્રિકાએ 2 ઓવરમાં 17 રન બનાવ્યા. રિકલટન 10 રન બનાવીને રમી રહ્યો છે. હેન્ડ્રીક્સ 6 રન બનાવીને રમી રહ્યો છે. ભારત તરફથી અર્શદીપ સિંહ અને હાર્દિક પંડ્યાએ એક-એક ઓવર ફેંકી છે.

IND vs SA Live Score: મેચ ફરી શરૂ

ભારત અને દક્ષિણ આફ્રિકા વચ્ચે ત્રીજી T20 મેચ ફરી શરૂ થઈ ગઈ છે. જંતુઓએ બંને ટીમો વચ્ચેની મેચમાં વિક્ષેપ પાડ્યો હતો જેના કારણે મેચ રોકવી પડી હતી.

IND vs SA Live Score: ટૂંક સમયમાં શરૂ થશે મેચ 

ભારત અને દક્ષિણ આફ્રિકા વચ્ચેની ત્રીજી T20 મેચ મેદાનમાં જંતુઓના કારણે રોકી દેવામાં આવી છે. અમ્પાયરોએ મેદાનનું નિરીક્ષણ કર્યું અને 11:10 વાગ્યે મેચ ફરી શરૂ કરવાનો નિર્ણય લીધો.

IND vs SA Live Score: જંતુઓના કારણે મેચ થઈ બંધ

જંતુઓએ ભારત અને દક્ષિણ આફ્રિકા વચ્ચેની ત્રીજી T20 મેચમાં વિક્ષેપ પાડ્યો હતો જેના કારણે મેચ રોકવી પડી હતી. મેદાનમાં ઉડતા જંતુઓ ઘણા છે જેના કારણે બંને ટીમના ખેલાડીઓ મુશ્કેલીનો સામનો કરી રહ્યા છે. હાર્દિક પંડ્યા બીજી ઓવર નાખવા જઈ રહ્યો હતો, પરંતુ અમ્પાયરે તેને રોક્યો અને ચર્ચા બાદ બંને ટીમના ખેલાડીઓ મેદાન છોડી ગયા.

IND vs SA Live Score: દક્ષિણ આફ્રિકાનો શરૂ થયો દાવ 

ભારત સામેના ટાર્ગેટનો પીછો કરતા ભારતની ઈનિંગ્સ શરૂ થઈ ગઈ છે. ભારતે દક્ષિણ આફ્રિકાને 220 રનનો લક્ષ્યાંક આપ્યો છે. દક્ષિણ આફ્રિકા તરફથી રીઝા હેન્ડ્રીક્સ અને રેયાન રિકલટન ઈનિંગ્સની શરૂઆત કરવા મેદાનમાં ઉતર્યા છે.

IND vs SA Live Score: દક્ષિણ આફ્રિકાને મળ્યો 220 રનનો ટાર્ગેટ

ભારતીય ટીમે તિલક વર્માની 107 રનની સદી અને અભિષેક શર્માની અડધી સદીના આધારે દક્ષિણ આફ્રિકા સામે ત્રીજી T20 મેચમાં 220 રનનો લક્ષ્યાંક આપ્યો હતો. દક્ષિણ આફ્રિકાએ ટોસ જીતીને ભારતને પ્રથમ બેટિંગ માટે આમંત્રણ આપ્યું હતું. ભારતે 20 ઓવરમાં છ વિકેટે 219 રન બનાવ્યા હતા. ભારત માટે તિલકે ટી20 આંતરરાષ્ટ્રીય કારકિર્દીની પ્રથમ સદી ફટકારી, જેના કારણે ભારતીય ટીમ 200 રનનો આંકડો પાર કરવામાં સફળ રહી.

IND vs SA Live Score: રમનદીપ સિંહ થયો આઉટ

ભારતે છેલ્લી ઓવરમાં માત્ર 4 રન બનાવ્યા. રમનદીપ સિંહ 6 બોલમાં 15 રન બનાવીને આ જ ઓવરમાં રનઆઉટ થયો હતો. અક્ષર પટેલ છેલ્લા બોલ પર માત્ર એક જ રન લઈ શક્યો.

IND vs SA Live Score:  ભારતે 19 ઓવરમાં 215 રન બનાવ્યા

ભારતે 19 ઓવરમાં 5 વિકેટ ગુમાવીને 215 રન બનાવ્યા છે. તિલક વર્મા 106 રન બનાવીને રમી રહ્યો છે. રમનદીપ સિંહ 13 રન બનાવીને રમી રહ્યો છે.

IND vs SA Live Score:  રમણદીપે પોતાના કરિયરની શરૂઆત સિક્સથી કરી

ડેબ્યૂ કરી રહેલા રમણદીપે કારકિર્દીના પહેલા જ બોલ પર સિક્સર ફટકારી હતી. આ પછી બીજા બોલ પર બે રન લેવામાં આવ્યા હતા. 19મી ઓવરના ત્રીજા બોલ પર ચોગ્ગો પણ માર્યો. તેને ત્રણ બોલમાં 13 રન બનાવ્યા છે.

IND vs SA Live Score: તિલક વર્માએ સદી ફટકારી

ભારતીય બેટ્સમેન તિલક વર્માએ શાનદાર પ્રદર્શન કર્યું અને દક્ષિણ આફ્રિકા સામેની ત્રીજી T20 મેચમાં સદી ફટકારી. તિલકે ટી20 ઈન્ટરનેશનલની પોતાની પ્રથમ સદી 51 બોલમાં ફટકારી.

IND vs SA Live Score: રિંકુ સિંહ પેવેલિયન પરત ફર્યો

સિમલાને રિંકુ સિંહને બોલ્ડ કરીને ભારતને પાંચમો ઝટકો આપ્યો હતો. રિંકુ 13 બોલમાં 8 રન બનાવીને આઉટ થયો હતો. રમનદીપ સિંહ ક્રિઝ પર આવી ગયો છે જે આ મેચમાં ડેબ્યૂ કરી રહ્યો છે. બીજી તરફ તિલક વર્મા ક્રિઝ પર હાજર છે જે 95 રન બનાવીને રમી રહ્યો છે.  

IND vs SA Live Score: સદીની નજીક તિલક વર્મા 

તિલક વર્મા સદી તરફ આગળ વધી રહ્યા છે. તેને 45 બોલમાં 87 રન બનાવ્યા છે. તિલકે 6 સિક્સર અને 6 ફોર ફટકારી છે. ભારતે 16 ઓવરમાં 4 વિકેટ ગુમાવીને 175 રન બનાવ્યા છે. રિંકુ સિંહ 3 રન બનાવીને રમી રહ્યો છે.

IND vs SA Live Score: ભારતે 15 ઓવરમાં 154 રન બનાવ્યા

ભારતે 15 ઓવરમાં 4 વિકેટ ગુમાવીને 154 રન બનાવ્યા. તિલક વર્મા 70 રન બનાવીને રમી રહ્યો છે. તેને 5 ફોર અને 4 સિક્સર ફટકારી છે. રિંકુ સિંહ 2 રન બનાવીને રમી રહ્યો છે.

IND vs SA Live Score: ભારતને ચોથો ઝટકો

સ્પિનર ​​કેશવ મહારાજે શાનદાર બોલિંગ કરી અને ઓલરાઉન્ડર હાર્દિક પંડ્યાને આઉટ કરીને ભારતને ચોથો ઝટકો આપ્યો. હાર્દિક LBW આઉટ થઈને પેવેલિયન પરત ફર્યો હતો. તેને 16 બોલમાં ત્રણ ચોગ્ગાની મદદથી 18 રન બનાવ્યા હતા. તિલક વર્મા ક્રિઝ પર છે. ભારતે 13 ઓવરના અંતે ચાર વિકેટે 132 રન બનાવ્યા છે.

IND vs SA Live Score: તિલક વર્માની અડધી સદી

ભારતીય બેટ્સમેન તિલક વર્માએ દક્ષિણ આફ્રિકા સામેની ત્રીજી T20 મેચમાં શાનદાર બેટિંગ કરી અને 32 બોલમાં અડધી સદી ફટકારી. તિલકે અભિષેક શર્મા સાથે શાનદાર ભાગીદારી કરી અને અભિષેકના આઉટ થયા બાદ પણ પોતાની ઈનિંગને વેગ આપવામાં સમય બગાડ્યો ન હતો.

IND vs SA Live Score: સૂર્યકુમાર યાદવ થયો આઉટ

અભિષેક શર્માના આઉટ થયા બાદ કેપ્ટન સૂર્યકુમાર યાદવ પણ પેવેલિયન પરત ફર્યો છે. સૂર્યકુમારે મોટો શોટ મારવાના પ્રયાસમાં સૂર્યકુમારે પોતાની વિકેટ ગુમાવી દીધી. સૂર્યકુમાર ચાર બોલમાં એક રન બનાવીને આઉટ થયો હતો. તિલક વર્મા હજુ પણ ક્રિઝ પર હાજર છે અને હાર્દિક પંડ્યા તેને સપોર્ટ કરવા મેદાનમાં આવ્યો છે.

IND vs SA Live Score: અભિષેક શર્મા થયો આઉટ

શાનદાર બેટિંગ કરી રહેલા અભિષેક શર્માએ અડધી સદી ફટકાર્યા બાદ તરત જ પોતાની વિકેટ ગુમાવી દીધી હતી. કેશવ મહારાજના બોલ પર અભિષેકે આગળ રમવાનો પ્રયાસ કર્યો, પરંતુ બોલ ચૂકી ગયો અને વિકેટકીપરે સ્ટમ્પ્ડ થઈ ગયો. આ સાથે અભિષેક અને તિલક વચ્ચે બીજી વિકેટ માટે 107 રનની ભાગીદારી તૂટી હતી. અભિષેક 25 બોલમાં ત્રણ ચોગ્ગા અને પાંચ છગ્ગાની મદદથી 50 રન બનાવીને પેવેલિયન પરત ફર્યો હતો. ભારતે નવ ઓવરના અંતે બે વિકેટે 107 રન બનાવ્યા છે.

IND vs SA Live Score: અભિષેક શર્માની ફિફ્ટી

ભારતીય ઓપનર અભિષેક શર્માએ શાનદાર પ્રદર્શન કર્યું અને અડધી સદી ફટકારી. અભિષેક છેલ્લા કેટલાક સમયથી ખરાબ ફોર્મમાંથી પસાર થઈ રહ્યો હતો, પરંતુ આ મેચમાં તેને 24 બોલમાં ફિફ્ટી ફટકારી.

IND vs SA Live Score: અભિષેક-તિલકની 100 રનની પાર્ટનરશિપ

દક્ષિણ આફ્રિકા સામેની ત્રીજી T20 મેચમાં અભિષેક શર્મા અને તિલક વર્માએ શાનદાર ભાગીદારી કરી છે. બંને બેટ્સમેનોની શાનદાર ઈનિંગ્સને કારણે 107 રનની પાર્ટનરશિપ કરી છે.

IND vs SA Live Score: ભારતનો સ્કોર 100 રનની નજીક

ટીમ ઈન્ડિયાનો સ્કોર 100 રનની નજીક છે. ભારતે 8 ઓવરમાં 1 વિકેટ ગુમાવીને 99 રન બનાવ્યા છે. અભિષેક 43 અને તિલક 44 રન સાથે રમી રહ્યા છે.

IND vs SA Live Score: અભિષેક શર્માની વિસ્ફોટક બેટિંગ

ટીમ ઈન્ડિયાએ 7 ઓવરમાં 1 વિકેટ ગુમાવીને 83 રન બનાવ્યા હતા. અભિષેક શર્મા 19 બોલમાં 42 રન બનાવીને રમી રહ્યો છે. તેને 4 છગ્ગા અને 3 ચોગ્ગા ફટકાર્યા છે. તિલક વર્મા 34 રન બનાવીન રમી રહ્યો છે.

IND vs SA Live Score: પાંચમી ઓવરમાં આવ્યા આટલા રન

ભારતીય ટીમનો સ્કોર 5 ઓવરમાં 60 રન પર પહોંચી ગયો છે. તિલક વર્મા 25 રન બનાવીને ક્રિઝ પર છે અને અભિષેક શર્મા 29 રન બનાવીને ક્રિઝ પર છે. પાંચમી ઓવરમાં 18 રન આવ્યા.

IND vs SA Live Score: ભારતનો સ્કોર 50ને પાર

અભિષેક શર્મા અને તિલક વર્મા વચ્ચેની શાનદાર ભાગીદારીના આધારે ભારતે પાવરપ્લેના અંત પહેલા જ 50 રનનો આંકડો પાર કરી લીધો છે.

IND vs SA Live Score: ભારતે 4 ઓવરમાં બનાવ્યા 42 રન

ભારતે 4 ઓવરમાં 1 વિકેટ ગુમાવીને 42 રન બનાવ્યા હતા. તિલક 20 રન બનાવીને રમી રહ્યો છે. અભિષેક 16 રન બનાવીને રમી રહ્યો છે. આ બંને વચ્ચે સારી પાર્ટનરશિપ જોવા મળી રહી છે.

IND vs SA Live Score: 3 ઓવર બાદ ભારતનો સ્કોર

અભિષેક શર્મા અને તિલક વર્મા ક્રિઝ પર ધૂમ મચાવી રહ્યા છે. ત્રીજી ઓવરમાં 8 રન આવ્યા છે. અભિષેક 7 બોલમાં 15 રન બનાવીને રમી રહ્યો છે. તિલક 14 રન બનાવીને રમી રહ્યો છે.

IND vs SA Live Score: તિલક-અભિષેકનું શાનદાર પ્રદર્શન

અભિષેક શર્મા અને તિલક વર્માએ ખરાબ શરૂઆત બાદ ભારત માટે રન માટે સારી ઈનિંગ રમી રહ્યા છે. ટીમ ઈન્ડિયાએ 2 ઓવરમાં 1 વિકેટ ગુમાવીને 27 રન બનાવી લીધા છે. અભિષેક 6 બોલમાં 14 રન બનાવીને રમી રહ્યો છે. તિલક 12 રન બનાવીને રમી રહ્યો છે.

IND vs SA Live Score: તિલક વર્માની આક્રમક ગેમ

સંજુ સેમસનના આઉટ થયા બાદ તિલક વર્મા ક્રીઝ પર આવ્યો અને તેને આવતાની સાથે જ આક્રમક રમત શરૂ કરી દીધી. માર્કે જેન્સનેની ઓવરના ચોથા બોલ પર તિલકે બેકવર્ડ પોઈન્ટ પર ચોગ્ગો માર્યો અને પછીના બોલ પર સિક્સર ફટકારી. આ ઓવરમાં ભારતે 12 રન બનાવ્યા.

IND vs SA Live Score: ભારતને પહેલો ઝટકો, સેમસન આઉટ

ભારતને મોટો ઝટકો લાગ્યો છે. સંજુ સેમસન ખાતું ખોલાવ્યા વગર જ આઉટ થયો હતો. પાછલી મેચની જેમ આ મેચમાં પણ તે શૂન્ય પર આઉટ થયો હતો. સંજુ સેમસનને જેન્સને આઉટ કર્યો છે. સેમસન સતત બીજી મેચમાં ખાતું ખોલાવ્યા વિના આઉટ થયો હતો. પ્રથમ મેચમાં સદી ફટકારનાર સેમસન બીજી મેચમાં પણ ખાતું ખોલાવી શક્યો ન હતો. ફાસ્ટ બોલર માર્કો જેન્સને પ્રથમ ઓવરના બીજા બોલ પર સેમસનને બોલ્ડ કર્યો.

IND vs SA Live Score: સેમસન-અભિષેક ભારત માટે કરી રહ્યા છે ઓપનિંગ

ભારત તરફથી સંજુ સેમસન અને અભિષેક શર્મા ઓપનિંગ કરી રહ્યા છે. સાઉથ આફ્રિકાએ માર્કે જેન્સેનને પ્રથમ ઓવર સોંપી છે. ગેમની શરૂઆત થઈ ગઈ છે.

IND vs SA Live Score: 3 સ્પિનરો સાથે રમી રહી છે ભારતીય ટીમ

ભારતીય ટીમ આજે ફરી ત્રણ સ્પિનરો સાથે મેદાનમાં ઉતરી છે. હવે જોવાનું એ રહે છે કે આ સ્પિનરો શું કમાલ કરી શકે છે. આજે ભારતીય બેટ્સમેનોએ વધુ સારું પ્રદર્શન કરવું પડશે નહીં તો ટીમ ઈન્ડિયા સિરીઝમાં પાછળ રહી શકે છે.

IND vs SA Live Score: દક્ષિણ આફ્રિકાની પ્લેઈંગ 11

રેયાન રિક્લેટન, રીઝા હેન્ડ્રીક્સ, એડન માર્કરામ (કેપ્ટન), ટ્રિસ્ટન સ્ટબ્સ, હેનરિક ક્લાસેન (વિકેટકીપર), ડેવિડ મિલર, માર્કે જેન્સન, એન્ડિલ સિમેલેન, ગેરાલ્ડ કોએત્ઝી, કેશવ મહારાજ, લુથો સિપામ્લા.

IND vs SA Live Score:  ભારતની પ્લેઈંગ 11

સંજુ સેમસન (વિકેટકીપર), અભિષેક શર્મા, સૂર્યકુમાર યાદવ (કેપ્ટન), તિલક વર્મા, હાર્દિક પંડ્યા, રિંકુ સિંહ, રમનદીપ સિંહ, અક્ષર પટેલ, અર્શદીપ સિંહ, રવિ બિશ્નોઈ, વરુણ ચક્રવર્તી.

IND vs SA Live Score: દક્ષિણ આફ્રિકાએ જીત્યો ટોસ 

ભારત સામેની ત્રીજી T20 મેચમાં દક્ષિણ આફ્રિકાના કેપ્ટન એડન માર્કરામે ટોસ જીતીને પ્રથમ બોલિંગ કરવાનો નિર્ણય લીધો છે. ભારતીય ટીમે આ મેચ માટે પ્લેઈંગ-11માં એક ફેરફાર કર્યો છે. બોલર આવેશ ખાનની જગ્યાએ રમનદીપ સિંહનો સમાવેશ કરવામાં આવ્યો છે. રમનદીપ આ મેચથી T20 ઈન્ટરનેશનલમાં ડેબ્યૂ કરશે.

IND vs SA Live Score: થોડીવારમાં થશે ટોસ

થોડીવારમાં ટોસ થવાનો છે. રમણદીપ સિંહના ડેબ્યૂનો એક અર્થ એવો પણ કાઢી શકાય કે શું અભિષેક શર્મા પ્લેઈંગ ઈલેવનમાંથી બહાર થઈ જશે? પરંતુ ટોસ પછી બંને કેપ્ટન પોતપોતાની પ્લેઈંગ ઈલેવનની જાહેરાત કરશે.

IND vs SA Live Score: રમણદીપ સિંહનું ઈન્ટરનેશનલ ડેબ્યૂ

રમણદીપ સિંહ દક્ષિણ આફ્રિકા સામેની ત્રીજી T20 મેચમાં ડેબ્યૂ કરશે. હાર્દિકે રમણદીપને કેપ સોંપી છે.

IND vs SA Live Score: સેમસને કરવું પડશે કમબેક

સિનિયર બેટ્સમેન કેપ્ટન સૂર્યકુમાર યાદવ, હાર્દિક પંડ્યા અને રિંકુ સિંહે પણ સારું પ્રદર્શન કરવું પડશે. સૂર્યકુમાર અને રિંકુ ફોર્મમાં નથી જ્યારે પંડ્યાએ બીજી મેચમાં 39 રન બનાવવા માટે 45 બોલ રમ્યા હતા. તેને પ્રથમ ચોગ્ગો ફટકારવા માટે 28 બોલની રાહ જોવી પડી હતી. ત્રણેયને સારું પ્રદર્શન કરવું પડશે જ્યારે સેમસને છેલ્લી મેચની નિષ્ફળતાને ભૂલીને મોટી ઈનિંગ્સ રમવી પડશે.

IND vs SA Live Score: અભિષેકને દરેક પરિસ્થિતિમાં કરવો પડશે સુધારો 

બીજી T20માં ભારતીય બેટ્સમેનોને દક્ષિણ આફ્રિકાના ફાસ્ટ બોલરોએ ખૂબ જ પરેશાન કર્યા હતા અને ભારતીય ટીમ છ વિકેટે 124 રન જ બનાવી શકી હતી. અભિષેક શર્મા ટોપના ક્રમમાં સતત નિષ્ફળ રહ્યો છે અને ટીમ મેનેજમેન્ટ કોમ્બિનેશન બદલવાનું વિચારે તે પહેલાં તેને સારી ઈનિંગ્સ રમવી પડશે.

IND vs SA Live Score:  બેટ્સમેનો પાસેથી વધુ સારા પ્રદર્શનની અપેક્ષા

ફેન્સને ત્રીજી ટી20 મેચમાં ભારતીય બેટ્સમેનો પાસેથી વધુ સારા પ્રદર્શનની આશા છે. છેલ્લી મેચમાં આખી ટીમ નિષ્ફળ રહી હતી. ભારતની ચિંતાનું કારણ તેના બેટ્સમેનોનું ખરાબ ફોર્મ પણ છે. સેન્ચુરિયનની પીચ પણ ગકેબરહાની પીચ જેવી ઝડપી અને ઉછાળવાળી છે.

IND vs SA Live Score: વરુણ ચક્રવર્તીનું ધમાકેદાર પ્રદર્શન

સ્પિનર ​​વરુણ ચક્રવર્તીએ દક્ષિણ આફ્રિકા સામેની T20 સિરીઝમાં આઠ વિકેટ લીધી છે. પ્રથમ મેચમાં તેને 25 રનમાં ત્રણ અને બીજી મેચમાં 17 રનમાં પાંચ વિકેટ ઝડપી હતી.

IND vs SA Live Score: સેન્ચુરિયનમાં ભારતનો રેકોર્ડ

ભારતે 2009 થી સેન્ચુરિયન ખાતે માત્ર એક જ T20 મેચ રમી છે અને 2018 માં રમાયેલી મેચમાં તે છ વિકેટથી હારી ગયું હતું. તે ટીમનો માત્ર એક સભ્ય હાર્દિક પંડ્યા વર્તમાન ટીમમાં છે.

IND vs SA Live Score: ત્રીજી ટી20માં ફેરફારની શક્યતા

ભારત અને દક્ષિણ આફ્રિકા વચ્ચે યોજાનારી ત્રીજી T20 મેચમાં ભારતીય ટીમ ફેરફારો સાથે રમી શકે છે. અભિષેક શર્માની જગ્યાએ ઓલરાઉન્ડર રમનદીપ સિંહને તક મળી શકે છે. તો બોલિંગમાં આવેશ ખાનની જગ્યાએ યશ દયાલને ઈલેવનમાં સ્થાન મળી શકે છે.

IND vs SA Live Score: સિરીઝ 1-1થી બરાબર

ફેન્સને ભારત અને દક્ષિણ આફ્રિકા વચ્ચેની પ્રથમ બે મેચોમાં સારી મેચ જોવા મળી. ભારતે પ્રથમ મેચ જીતી છે અને આફ્રિકાએ બીજી મેચ જીતી છે, તેથી ફેન્સને છેલ્લી બે મેચમાં કઠિન સ્પર્ધા જોવા મળશે.

IND vs SA Live Score:  સાઉથ આફ્રિકા સામે આજે ત્રીજી મેચ

સેન્ચુરિયનમાં ભારત અને દક્ષિણ આફ્રિકા વચ્ચે ત્રીજી T20 મેચ રમાશે. ચાર મેચની T20 સિરીઝ 1-1 થી બરાબર છે. ત્રીજી મેચ 8.30 વાગ્યે શરૂ થશે.

IND vs SA Live Score: દક્ષિણ આફ્રિકાનો 11 ઓવર બાદ સ્કોર 

દક્ષિણ આફ્રિકાનો સ્કોર 11 ઓવર બાદ 4 વિકેટે 91 રન છે. દક્ષિણ આફ્રિકા તરફથી હેનરિક ક્લાસેન અને ડેવિડ મિલર બેટિંગ કરી રહ્યા છે. હવે દક્ષિણ આફ્રિકાની ટીમને અંતિમ 54 બોલમાં જીતવા માટે 129 રનની જરૂર છે.