ભારત અને ઓસ્ટ્રેલિયા વચ્ચે બોર્ડર ગાવસ્કર ટ્રોફીની પ્રથમ મેચ પર્થમાં 22 નવેમ્બરથી 26 નવેમ્બર સુધી રમાશે. જેના માટે બંને ટીમો તૈયાર છે, ટીમ ઈન્ડિયા આ મેચમાં રોહિત શર્મા વગર મેદાનમાં ઉતરશે. બીજી તરફ શુભમન ગિલના રમવાનો રસ્તો પણ હજુ સાફ થયો નથી. જેના કારણે પૂર્વ દિગ્ગજ ક્રિકેટર સૌરવ ગાંગુલીએ પર્થ ટેસ્ટમાં યુવા ઓલરાઉન્ડરને સામેલ કરવાની સલાહ આપી છે. જોકે આ નામ થોડું ચોંકાવનારું હોઈ શકે છે.
નિતીશ કુમાર રેડ્ડીને મળશે મોકો!
ટીમ ઈન્ડિયાના પૂર્વ કેપ્ટન સૌરવ ગાંગુલીએ કહ્યું કે નિતીશ કુમાર રેડ્ડીને પર્થમાં તક આપવી જોઈએ. અહીં બે સ્પિનરોને રમવાનો કોઈ અર્થ નથી. આવી સ્થિતિમાં, તમારે જોવાનું રહેશે કે નિતીશને પ્લેઇંગ ઇલેવનમાં કેવી રીતે સામેલ કરવામાં આવે છે. કારણ કે આ ખેલાડી નીચલા ક્રમમાં સારી બેટિંગ કરી શકે છે. જેના કારણે ટીમનું સંતુલન સારું રહેશે.
https://twitter.com/Annuu1405/status/1859389934068457657
તેણે વધુમાં કહ્યું કે, મેં વિચાર્યું નહોતું કે ન્યૂઝીલેન્ડની હાર આ સિરીઝને અસર કરશે. જો કે શુભમન ગિલની ઈજા ટીમ ઈન્ડિયા માટે મોટો ઝટકો છે, આ સિવાય રોહિત શર્મા પણ રજા પર છે, આવી સ્થિતિમાં યુવા ખેલાડીઓએ જવાબદારી નિભાવવી પડશે.
https://twitter.com/sportstarweb/status/1859423991880089944
મોહમ્મદ શમીને ઓસ્ટ્રેલિયા મોકલો
ઈજામાંથી સાજા થયા બાદ મોહમ્મદ શમી શાનદાર પ્રદર્શન કરી રહ્યો છે. રણજી ટ્રોફીમાં શમીએ શાનદાર કમબેક કર્યું હતું અને પહેલી જ મેચમાં 7 વિકેટ ઝડપી હતી. હવે શમી સૈયદ મુશ્તાક અલી ટ્રોફીમાં રમતા જોવા મળશે. સૌરવ ગાંગુલીનું માનવું છે કે શમીને ઓસ્ટ્રેલિયા સાથેની બીજી ટેસ્ટ માટે એડિલેડ મોકલવો જોઈએ.