- અનકેપ્ડ પ્લેયર અભિમન્યુ ઇશ્વરનને મળી શકે છે મોકો
- બંગાળના ઓપનર અભિમન્યુ ઇશ્વરને ભારતીય ટીમમાં સામેલ કરવામાં આવે તેવી શક્યતા
- ઇશ્વરનને ક્યારેય રાષ્ટ્રીય ટીમનું પ્રતિનિધિત્વ કરવાની તક મળી નથી
રૂતુરાજ ગાયકવાડ 26 ડિસેમ્બરથી કેપટાઉનમાં શરૂ થઈ રહેલી દક્ષિણ આફ્રિકા સામેની બીજી ટેસ્ટમાંથી બહાર થઈ ગયો છે. ઓપનિંગ બેટ્સમેન આંગળીમાં ઈજાના કારણે ગુરુવારે પ્રોટીઝ વિરુદ્ધ ત્રીજી અને અંતિમ વનડેમાં રમી શક્યો ન હતો.
અહેવાલો અનુસાર, દક્ષિણ આફ્રિકા સામેની બે મેચની ટેસ્ટ શ્રેણી માટે રૂતુરાજ ગાયકવાડના સ્થાને અનકેપ્ડ બંગાળના ઓપનર અભિમન્યુ ઇશ્વરને ભારતીય ટીમમાં સામેલ કરવામાં આવે તેવી શક્યતા છે. રુતુરાજ, જેને પ્રોટીઝ સામેની બીજી વનડે દરમિયાન આંગળીમાં ઈજા થઈ હતી, તે શુક્રવારે બહાર થઈ ગયો હતો. પ્રથમ ટેસ્ટ 26 ડિસેમ્બરથી સેન્ચુરિયનમાં શરૂ થશે. હાલમાં, BCCIએ બદલીને લઈને કોઈ જાહેરાત કરી નથી.
ઓપનિંગ બેટ્સમેન છે અભિમન્યુ ઇશ્વરન
બંગાળના પ્રતિભાશાળી ઓપનિંગ બેટ્સમેન છેલ્લા ઘણા સમયથી ભારત A ટીમ માટે નિયમિત ખેલાડી છે અને તે કેટલીક વખત સિનિયર ટીમમાં પણ સ્થાન મેળવ્યું છે, પરંતુ ઇશ્વરનને ક્યારેય રાષ્ટ્રીય ટીમનું પ્રતિનિધિત્વ કરવાની તક મળી નથી. તેણે 2013માં બંગાળ માટે ફર્સ્ટ-ક્લાસ ડેબ્યૂ કર્યું હતું અને તેના સાતત્યપૂર્ણ પ્રદર્શનથી પ્રભાવિત કર્યા હતા, તેણે ફર્સ્ટ-ક્લાસ ક્રિકેટમાં 47.24ની પ્રભાવશાળી સરેરાશથી 6,000 રન બનાવ્યા હતા.
સમાચાર એજન્સી પીટીઆઈના અહેવાલ મુજબ, રિંગ ફિંગરમાં ફ્રેક્ચર થવાને કારણે રુતુરાજ ગાયકવાડ ભારત વિરુદ્ધ દક્ષિણ ટેસ્ટ શ્રેણીમાંથી બહાર થઈ ગયો છે. IND vs SA 2જી ODI દરમિયાન કેચ લેવાનો પ્રયાસ કરતી વખતે ગાયકવાડ ઘાયલ થયો હતો. ભારત વિ દક્ષિણ આફ્રિકા શ્રેણી વિશ્વ ટેસ્ટ ચેમ્પિયનશિપ ચક્રનો એક ભાગ છે.
વિરાટ કોહલી પણ ઘરે પરત ફર્યો
રિપોર્ટમાં એમ પણ કહેવામાં આવ્યું છે કે વિરાટ કોહલી પર્સનલ ઈમરજન્સી હોવાના કારણે ઘરે પરત ફર્યો હતો. જો કે ઈમરજન્સીના અંગે કોઈ સ્પષ્ટતા કરી નથી, પરંતુ જાણવા મળ્યું છે કે તે 22 ડિસેમ્બર (શુક્રવાર)ના રોજ દક્ષિણ આફ્રિકા પરત ફરશે.
ભારતની ટેસ્ટ ટીમઃ રોહિત શર્મા (કેપ્ટન), શુભમન ગિલ, યશસ્વી જયસ્વાલ, વિરાટ કોહલી, શ્રેયસ ઐયર, કેએસ ભરત (વિકેટકીપર), કેએલ રાહુલ (વિકેટકીપર), રવિચંદ્રન અશ્વિન, રવિન્દ્ર જાડેજા, શાર્દુલ ઠાકુર, મોહમ્મદ સિરાજ, મુકેશ કુમાર, જસપ્રિત બુમરાહ (વાઈસ-કેપ્ટન), પ્રસિદ્ધ કૃષ્ણા.
દક્ષિણ આફ્રિકાની ટેસ્ટ ટીમઃ ટેમ્બા બાવુમા (કેપ્ટન), ડેવિડ બેડિંઘમ, નાન્દ્રે બર્ગર, ગેરાલ્ડ કોએત્ઝી, ટોની ડી જોર્ઝી, ડીન એલ્ગર, માર્કો જેન્સન, કેશવ મહારાજ, એડન માર્કરામ, વિયાન મુલ્ડર, લુંગી એનગિડી, કીગન પીટરસન, કાગીસો રબાડા ટ્રિસ્ટન સ્ટબ્સ અને કાયલ વેરીન
