- રોહિત શર્મા, વિરાટ કોહલી અને યુજવેન્દ્ર ચહલ ટીમથી બહાર
- ચહલની સાથે રોહિત શર્માએ મસ્તી કરી, વીડિયો સો.મીડિયામાં વાયરલ
- ચહલને માર પડતો જોઈને જયદેવ ઉનડકટ હસી રહ્યા હતા
ભારત અને વેસ્ટ ઈન્ડિઝની વચ્ચે રમાઈ રહેલી વનડે સીરીઝની બીજી મેચનો એક વીડિયો સામે આવ્યો છે. જેમાં ભારતીય કેપ્ટન રોહિત શર્મા ટીમના સ્ટાર સ્પિનર યુજવેન્દ્ર ચહલને મારતા જોવા મળી રહ્યા છે. અન્ય મેચમાં રોહિત શર્મા, વિરાટ કોહલી અને યુજવેન્દ્ર ચહલ ભારતની પ્લેઈંગ ઈલેવનનો ભાગ ન હતા. આ સમયે ડગઆઉટમાં બેઠેલા ચહલની સાથે રોહિત શર્માએ મસ્તી કરી હતી.
વીડિયો ઝડપથી થયો વાયરલ
રોહિત શર્માની આ મસ્તીનો વીડિયો સોશિયલ મીડિયા પર ઝડપથી વાયરલ થઈ રહ્યો છે. તેમાં જોઈ શકાય છે કે ચહલની સાથે વિરાટ અને જયદેવ ઉનડકટ પણ બેઠા છે. આ સમયે રોહિત શર્મા પણ આવી જાય છે અને ભારતીય કેપ્ટન ચહલને મજાકના અંદાજમાં મારવા લાગે છે. પહેલા તે ચહલને એકવાર મારે છે અને પછી મસ્તીમાં પકડીને મારવા લાગે છે.
જયદેવ ઉનડકટ પણ હસતા જોવા મળ્યા
ચહલની આ પીટાઈ જોઈને જયદેવ ઉનડકટ પણ હસવા લાગે છે. આ વીડિયો સોશિયલ મીડિયા પર ઝડપથી વાયરલ થઈ રહ્યો છે. વીડિયોને શેર કરીને ફેન્સ રોહિત શર્મા અને ચહલના બોન્ડિંગને જોઈ રહ્યા છે અને અલગ અલગ રીએક્શન આપી રહ્યા છે. બીજી મેચમાં ભારતની કેપ્ટનશીપ હાર્દિક પંડ્યા કરી રહ્યા હતા.
ભારતે ખોવી બીજી મેચ
બારબાડોસમાં રમાયેલી બીજી વનડેમાં ભારતીય ટીમને 6 વિકેટે હાર મેળવવી પડી. મેચમાં પહેલા બેટિંગ કરીને ટીમ ઈન્ડિયા 40.5 ઓવરમાં 181 રન પર ઓલઆઉટ થઈ હતી. વેસ્ટ ઈન્ડિઝની ટીમે 36.4 ઓવરમાં 4 વિકેટમાં સરળતાથી રન બનાવ્યા. આ જીત સાથે વેસ્ટ ઈન્ડિઝ સીરીઝમાં 1-1ના સ્કોર પર રહ્યું.
ત્રિનિદાદામાં રમાશે ફાઈનલ મેચ
ઉલ્લેખનીય છે કે ભારત અને વેસ્ટ ઈન્ડિઝની ત્રીજી અને નિર્ણાયક મેચ 1 ઓગસ્ટ મંગળવારે ત્રિનિદાદના બ્રાયન લારા સ્ટેડિયમમાં રમાશે. આ મેચની મદદથી વનડે સીરીઝનો નિર્ણય થશે. હવે જોવાનું એ છે કે નિર્ણાયક મેચમાં કઈ ટીમ બાજી મારશે.
