વર્લ્ડ કપ પહેલા એશિયા કપમાં ટકરાશે ભારત-પાકિસ્તાનની ટીમો, જાણો આ મહામુકાબલા વિશે

• ભારત-પાકિસ્તાનની મેચ જોવા માટે ફેન્સ ભારે ઉત્સાહ
  
• એશિયા કપમાં ભારત-પાકિસ્તાન વચ્ચે એક નહીં ત્રણ મેચ રમાશે
• એશિયા કપમાં ભારત-પાકિસ્તાન વચ્ચે લીગ સ્ટેજની મેચ 3 સપ્ટેમ્બરે રમાશે

ભારત અને પાકિસ્તાન વચ્ચેની ક્રિકેટ મેચ જોવા માટે ફેન્સ ખૂબ જ ઉત્સાહિત છે. આ વર્ષના વર્લ્ડ કપમાં ભારત અને પાકિસ્તાનની ટીમો 15 ઓક્ટોબરે અમદાવાદના નરેન્દ્ર મોદી સ્ટેડિયમમાં ટકરાશે. પરંતુ તે પહેલા એશિયા કપમાં બંને ટીમો આમને-સામને થશે. એશિયા કપમાં ભારત અને પાકિસ્તાન વચ્ચે એક નહીં પરંતુ કુલ ત્રણ મેચ જોવા મળી શકે છે.

જોકે, એશિયા કપનું શેડ્યૂલ હજુ જાહેર કરવામાં આવ્યું નથી. પરંતુ જો અહેવાલોનું માનીએ તો ટૂર્નામેન્ટ 31મી ઓગસ્ટથી શરૂ થશે. જ્યારે ફાઈનલ 17 સપ્ટેમ્બરે રમાશે. એશિયા કપ પાકિસ્તાન અને શ્રીલંકાની યજમાનીમાં રમાશે. ટૂર્નામેન્ટની ચાર મેચ પાકિસ્તાનમાં રમાશે, જ્યારે ફાઈનલ સહિતની બાકીની મેચો શ્રીલંકામાં રમાશે. ભારતીય ટીમ તેની તમામ મેચો શ્રીલંકામાં રમશે. અહેવાલો અનુસાર એશિયા કપમાં ભારત અને પાકિસ્તાન વચ્ચે લીગ સ્ટેજની મેચ 3 સપ્ટેમ્બરે રમાશે.

BCCIના અધિકારીએ કહ્યું, "છેલ્લી ઘડીની કેટલીક વિગતો છે જેનું ધ્યાન રાખવું પડશે. હાલ ફોર્મલ શેડ્યૂલ સભ્યો સાથે શેર કરવામાં આવ્યું છે. તે આ અઠવાડિયા સુધીમાં બહાર આવવું જોઈએ. ચોમાસાની ઋતુને કારણે કોલંબો એક સમસ્યા છે. અમે કોલંબોમાં ભારત અને પાકિસ્તાનની મેચની અપેક્ષા રાખી શકીએ છીએ પરંતુ વરસાદ એક સમસ્યા બની શકે છે.

એશિયા કપમાં ભારત-પાક વચ્ચે ત્રણ મેચ

એશિયા કપમાં ભારત અને પાકિસ્તાન વચ્ચે કુલ ત્રણ મેચ જોવા મળી શકે છે. આ વખતે એશિયા કપ 50 ઓવરના ફોર્મેટમાં રમાશે. અગાઉ, T20 ફોર્મેટમાં રમાતી ટૂર્નામેન્ટમાં ભારત અને પાકિસ્તાન વચ્ચે કુલ બે મેચ જોવા મળી હતી. આ વખતે ત્રણ મેચ થઈ શકે છે. પહેલી લીગ મેચ. બંને ટીમ તેના સુપર-4 તબક્કામાં ટકરાશે. બીજી સુપર-4 પછી, ફાઇનલમાં ભારત અને પાકિસ્તાન વચ્ચે ટક્કર થઈ શકે છે. ઉલ્લેખનીય છે કે, એશિયા કપ 2023માં કુલ 6 ટીમો ભાગ લેશે. આમાં ભારત અને પાકિસ્તાન ઉપરાંત શ્રીલંકા, બાંગ્લાદેશ, અફઘાનિસ્તાન અને નેપાળની ટીમ સામેલ થશે. ટૂર્નામેન્ટમાં કુલ 13 મેચો રમાશે.