IND vs AFG: અફઘાનિસ્તાન છેલ્લા બોલે ઓલઆઉટ, ભારતની 47 રને શાનદાર જીત

ભારતે અફઘાનિસ્તાનને 47 રને હરાવ્યું

ઝડપી બોલર જસપ્રિત બુમરાહ અને અર્શદીપ સિંહની શાનદાર બોલિંગના આધારે ભારતે T20 વર્લ્ડકપમાં સતત ચોથી જીત નોંધાવી હતી. ભારતે અફઘાનિસ્તાનને 47 રને હરાવ્યું અને સુપર 8 તબક્કાની ગ્રુપ વન મેચ જીતી લીધી. આ તબક્કે ભારતની આ પ્રથમ મેચ હતી અને ટીમે વિજયી શરૂઆત કરી હતી. પ્રથમ બેટિંગ કરતા ભારતે સૂર્યકુમાર યાદવની અડધી સદીની મદદથી 20 ઓવરમાં 8 વિકેટે 181 રન બનાવ્યા હતા. જવાબમાં, બુમરાહ અને અર્શદીપે ત્રણ-ત્રણ વિકેટ લીધી, જેના આધારે ભારતે 20 ઓવરમાં અફઘાનિસ્તાનને 134 રનમાં સમેટી દીધું.

અફઘાનિસ્તાન તરફથી અઝમતુલ્લા ઓમરઝાઈએ ​​20 બોલમાં બે ચોગ્ગા અને એક છગ્ગાની મદદથી સૌથી વધુ 26 રન બનાવ્યા હતા. લક્ષ્યનો પીછો કરતા અફઘાનિસ્તાનની શરૂઆત સારી રહી ન હતી અને ટીમ નિયમિત અંતરે વિકેટો ગુમાવતી રહી. આ મેચમાં પણ ભારતીય બોલરોએ જોરદાર પ્રદર્શન કર્યું હતું અને સ્કોર બચાવવામાં સફળ રહ્યા હતા. ભારત હવે શનિવારે બાંગ્લાદેશ સામે ટકરાશે. સુપર 8 તબક્કાના ગ્રુપ 1માં ભારત બે પોઈન્ટ સાથે ટોચના સ્થાને છે.

19 ઓવર સમાપ્ત

19 ઓવરની રમત સમાપ્ત થઇ ગઇ છે. અફઘાનિસ્તાને જીતવા માટે 6 બોલમાં 56 રનની જરૂર છે. 

નવીન ઉલ હક આઉટ

અર્શદીપે સતત બીજા બોલ પર વિકેટ લઈને અફઘાનિસ્તાનને મુશ્કેલીમાં મૂકી દીધું છે. અર્શદીપે ખાતું ખોલાવ્યા વિના નવીનને પેવેલિયન મોકલી દીધો હતો.

રાશિદ ખાન આઉટ

ફાસ્ટ બોલર અર્શદીપ સિંહે કેપ્ટન રાશિદ ખાનને આઉટ કરીને અફઘાનિસ્તાનને આઠમો ઝટકો આપ્યો હતો. રાશિદે 6 બોલમાં બે રન બનાવ્યા હતા. અફઘાનિસ્તાનને હવે જીતવા માટે 14 બોલમાં 61 રનની જરૂર છે.

નબી આઉટ

રિસ્ટ સ્પિનર ​​કુલદીપ યાદવે ભારતને સાતમી સફળતા અપાવી અને મેચમાં ટીમની પકડ સુરક્ષિત કરી. અફઘાનિસ્તાનના બેટ્સમેન મોહમ્મદ નબીએ મોટો શોટ રમવાના પ્રયાસમાં પોતાની વિકેટ ગુમાવી દીધી હતી. નબી 14 બોલમાં 14 રન બનાવીને પેવેલિયન પરત ફર્યો હતો. આ મેચમાં કુલદીપની આ બીજી વિકેટ છે. 17 ઓવર બાદ અફઘાનિસ્તાનનો સ્કોર 7 વિકેટે 119 રન છે. અફઘાનિસ્તાનને જીતવા માટે 18 બોલમાં 63 રનની જરૂર છે. 

ઝદરાન આઉટ

ફાસ્ટ બોલર જસપ્રીત બુમરાહે ફરી એકવાર પોતાના શાનદાર પ્રદર્શનથી અફઘાનિસ્તાનને ચોંકાવી દીધું છે. બુમરાહે નજીબુલ્લાહ ઝદરાનને આઉટ કરીને ભારતને છઠ્ઠી સફળતા અપાવી હતી. ઝદરાન 17 બોલમાં 19 રન બનાવીને આઉટ થયો હતો. અફઘાનિસ્તાનની છઠ્ઠી વિકેટ 16મી ઓવરમાં 102 રન પર પડી હતી. બુમરાહની આ ત્રીજી સફળતા છે.

અફઘાનિસ્તાનનો સ્કોર 100ને પાર

15 ઓવર પછી અફઘાનિસ્તાનનો સ્કોર 5 વિકેટે 101 રન છે. અફઘાન ટીમને હવે 30 બોલમાં જીતવા માટે 81 રન બનાવવા પડશે જે લગભગ અશક્ય છે. નજીબુલ્લાહ ઝદરાન 16 બોલમાં 19 રન બનાવીને રમી રહ્યો છે. તેણે બે સિક્સર ફટકારી છે. મોહમ્મદ નબી 11 બોલમાં 7 રન પર છે.

અફઘાનિસ્તાનનો સ્કોર 91/5

14 ઓવર પછી અફઘાનિસ્તાનનો સ્કોર 5 વિકેટે 91 રન છે. અફઘાન ટીમને હવે જીતવા માટે 36 બોલમાં 91 રન બનાવવા પડશે જે લગભગ અશક્ય છે. નજીબુલ્લા ઝદરાન 13 બોલમાં 13 રન બનાવીને રમતમાં છે. મોહમ્મદ નબી પણ 8 બોલમાં 6 રન પર છે.

અફઘાનિસ્તાનનો સ્કોર 84/5

13 ઓવર પછી અફઘાનિસ્તાનનો સ્કોર 5 વિકેટે 84 રન છે. નજીબુલ્લાહ ઝદરાન 10 બોલમાં 9 રન બનાવીને રમી રહ્યો છે. મોહમ્મદ નબી પણ 5 બોલમાં ત્રણ રન પર છે. જોકે, આ મેચ અફઘાનિસ્તાનની પકડથી દૂર છે.

ઓમરઝાઇ આઉટ

રવિન્દ્ર જાડેજાએ અઝમતુલ્લાહને આઉટ કરીને અફઘાનિસ્તાનને પાંચમો ઝટકો આપ્યો હતો. લક્ષ્યનો પીછો કરવા ઉતરેલી અફઘાનિસ્તાનની શરૂઆત સારી રહી ન હતી અને ટીમે 73 રનમાં 5 વિકેટ ગુમાવી દીધી હતી. 12 ઓવર પછી અફઘાનિસ્તાનનો સ્કોર 5 વિકેટે 75 રન છે. મેચ હવે સંપૂર્ણ રીતે ભારતના નિયંત્રણમાં છે.

નઇબ આઉટ

રિસ્ટ સ્પિનર ​​કુલદીપ યાદવે શાનદાર બોલિંગ કરીને અફઘાનિસ્તાનને ચોથો ઝટકો આપ્યો હતો. કુલદીપે ગુલબદ્દીનને આઉટ કરીને ઓમરઝાઈ સાથેની ભાગીદારી તોડી હતી. આ વર્લ્ડકપમાં પ્રથમ વખત કુલદીપને પ્લેઈંગ-11માં સામેલ કરવામાં આવ્યો હતો અને તેને અસર કરવામાં વધુ સમય લાગ્યો ન હતો.

અફઘાનિસ્તાનનો સ્કોર 66/3

10 ઓવર પછી અફઘાનિસ્તાનનો સ્કોર 3 વિકેટે 66 રન છે. અફઘાન ટીમને હવે 60 બોલમાં જીતવા માટે 116 રન બનાવવાના છે. ઉમરઝાઈ 18 બોલમાં 25 રન બનાવીને રમી રહ્યો છે. તેણે બે ચોગ્ગા અને એક છગ્ગા ફટકાર્યા છે. ગુલબદ્દીન પણ 20 બોલમાં 17 રન બનાવીને રમી રહ્યો છે. તેણે એક સિક્સર અને એક ફોર ફટકારી છે. બંને વચ્ચે 36 બોલમાં 43 રનની ભાગીદારી થઈ છે.

કુલદીપની ઓવરમાં 10 રન આવ્યા

કુલદીપ યાદવે 9મી ઓવર નાખી. આ ઓવરમાં કુલ 10 રન આવ્યા. 9 ઓવર પછી અફઘાનિસ્તાનનો સ્કોર 3 વિકેટે 57 રન છે. અફઘાન ટીમને હવે જીતવા માટે 66 બોલમાં 125 રન બનાવવાના છે. ઉમરઝાઈ 15 બોલમાં 17 રન બનાવીને રમી રહ્યો છે. તેણે બે ચોગ્ગા ફટકાર્યા છે. તેની સાથે ગુલબદ્દીન 17 બોલમાં 16 રન બનાવીને રમી રહ્યો છે. તેણે એક સિક્સર અને એક ફોર ફટકારી છે.

અફઘાનિસ્તાનનો સ્કોર 47/3

8 ઓવર પછી અફઘાનિસ્તાનનો સ્કોર 3 વિકેટે 47 રન છે. અફઘાન ટીમને હવે 72 બોલમાં જીતવા માટે 135 રન બનાવવાના છે. ઉમરઝાઈ 11 બોલમાં 14 રન બનાવીને રમી રહ્યો છે. તેણે બે ચોગ્ગા ફટકાર્યા છે. ગુલબદ્દીન 14 બોલમાં 10 રન બનાવીને  રમી રહ્યો છે. તેણે 1 સિક્સર ફટકારી છે.

7 ઓવર સમાપ્ત

7 ઓવર પછી અફઘાનિસ્તાનનો સ્કોર 3 વિકેટે 40 રન છે. અફઘાન ટીમને હવે જીતવા માટે 78 બોલમાં 142 રન બનાવવાના છે. ઉમરઝાઈ 8 બોલમાં 10 રન પર છે. તેણે બે ચોગ્ગા ફટકાર્યા છે. તેની સાથે ગુલબદ્દીન 11 બોલમાં 7 રન બનાવીને રમતમાં છે.

પાવરપ્લે સમાપ્ત

6 ઓવર પછી અફઘાનિસ્તાનનો સ્કોર 3 વિકેટે 35 રન છે. અફઘાન ટીમને હવે જીતવા માટે 84 બોલમાં 147 રન બનાવવાના છે. ઉમરઝાઈ 6 બોલમાં 5 રન અને ગુલબદ્દીન નઇબ 7 બોલમાં 7 રન પર છે.

ઝઝાઇ આઉટ

અફઘાનિસ્તાને પાંચમી ઓવરમાં 23 રનમાં 3 વિકેટ ગુમાવી દીધી છે. જસપ્રિત બુમરાહે હઝરતુલ્લા ઝઝાઈને આઉટ કરીને અફઘાનિસ્તાનને ત્રીજો ઝટકો આપ્યો હતો. ભારતીય બોલરો તબાહી મચાવી રહ્યા છે. લક્ષ્યનો પીછો કરવા ઉતરેલી અફઘાનિસ્તાનની શરૂઆત સારી રહી ન હતી અને ટીમે 23 રનમાં ત્રણ વિકેટ ગુમાવી દીધી હતી.

અક્ષર પટેલની મેડન ઓવરમાં વિકેટ

ચોથી ઓવરમાં અક્ષર પટેલે મેડન ઓવરમાં એક વિકેટ લીધી હતી. અક્ષરે ઈબ્રાહિમ ઝદરાનને કેચ આઉટ કરાવ્યો હતો. તે 11 બોલમાં માત્ર 8 રન જ બનાવી શક્યો હતો. સ્કોર 4 ઓવરમાં 2 વિકેટે 23 રન છે.

અફઘાનિસ્તાનનો સ્કોર 23/1

3 ઓવર પછી અફઘાનિસ્તાનનો સ્કોર એક વિકેટે 23 રન છે. અર્શદીપની આ ઓવરમાં કુલ 9 રન આવ્યા હતા. ઈબ્રાહિમ ઝદરાન 7 બોલમાં 8 રન અને હઝરતુલ્લા ઝાઝાઈ ત્રણ બોલમાં બે રન પર છે.

ગુરબાઝ આઉટ

અફઘાનિસ્તાનની પહેલી વિકેટ બીજી ઓવરમાં પડી ગઈ હતી. ગુરબાઝ બુમરાહના હાથે વિકેટ પાછળ કેચ થયો હતો. તે 8 બોલમાં 11 રન બનાવીને પેવેલિયન પરત ફર્યો હતો. ગુરબાઝે પહેલી જ ઓવરમાં એક ફોર અને એક સિક્સર ફટકારી હતી.

પ્રથમ ઓવર સમાપ્ત

રહેમાનુલ્લા ગુરબાઝે પહેલી જ ઓવરમાં અર્શદીપ સિંહ પર ફોર અને સિક્સર ફટકારી હતી. એક ઓવર પછી અફઘાનિસ્તાનનો સ્કોર કોઈ વિકેટ વિના 13 રન છે. અફઘાનિસ્તાન સામે 182 રનનો ટાર્ગેટ છે.

અફઘાનિસ્તાનની ઇનિંગ શરૂ

અફઘાનિસ્તાનની ઇનિંગ શરૂ થઇ ગઇ છે. રહમુલ્લા ગુરબાઝ અને હઝરતુલ્લા ઝઝાઇ ક્રિઝ પર આવી ગયા છે. ભારત તરફથી પ્રથમ ઓવર અર્શદીપ નાખશે. 

અફઘાનિસ્તાનને 182 રનનુ લક્ષ્ય મળ્યું

સૂર્યકુમાર યાદવની શાનદાર અડધી સદી અને હાર્દિક પંડ્યા સાથેની ભાગીદારીના આધારે ભારતે અફઘાનિસ્તાન સામે સુપર 8 તબક્કાની મેચમાં 20 ઓવરમાં 8 વિકેટે 181 રન બનાવ્યા હતા. અફઘાનિસ્તાન માટે ફઝલહક ફારૂકી અને સુકાની રાશિદ ખાને ત્રણ-ત્રણ વિકેટ ઝડપી અને ભારતીય બેટ્સમેનોને દબાણમાં રાખ્યા. જોકે, સૂર્યકુમાર યાદવ અને હાર્દિકે પાંચમી વિકેટ માટે 60 રનની ભાગીદારી કરીને ટીમને મુશ્કેલીમાંથી ઉગારી હતી.

સૂર્યકુમાર 28 બોલમાં 5 ચોગ્ગા અને ત્રણ છગ્ગાની મદદથી 53 રન બનાવીને આઉટ થયો હતો. તેના સિવાય ભારતીય વાઇસ કેપ્ટન હાર્દિકે 24 બોલમાં ત્રણ ચોગ્ગા અને બે છગ્ગાની મદદથી 32 રન બનાવ્યા હતા. અંતમાં અક્ષર પટેલે કેટલાક સારા શોટ રમ્યા હતા જેની મદદથી ભારત 180 રનનો આંકડો પાર કરવામાં સફળ રહ્યું હતું.

T20 WCની એક આવૃત્તિમાં સૌથી વધુ વિકેટ:

• 16 વાનિન્દુ હસરંગા (2021)
• 15 અજંતા મેન્ડિસ (2012)
• 15 વાનિન્દુ હસરંગા (2022)
• 15 ફઝલહક ફારૂકી (2024)*

જાડેજા આઉટ

ભારતીય ટીમે 19મી ઓવરમાં 165 રનમાં સાતમી વિકેટ ગુમાવી દીધી છે. રવિન્દ્ર જાડેજા પાંચ બોલમાં સાત રન બનાવીને પેવેલિયન પરત ફર્યો હતો. સતત વિકેટ ગુમાવવાના કારણે ભારતીય ટીમ મોટો સ્કોર કરવામાં નિષ્ફળ રહી શકે છે.

હાર્દિક આઉટ

ટીમ ઈન્ડિયાની છઠ્ઠી વિકેટ 18મી ઓવરમાં 159ના સ્કોર પર પડી હતી. હાર્દિક પંડ્યા 24 બોલમાં 33 રન બનાવીને પેવેલિયન પરત ફર્યો હતો. 18 ઓવર પછી ટીમ ઈન્ડિયાનો સ્કોર 6 વિકેટે 159 રન છે. નવીનના બોલ પર સિક્સર મારવાના પ્રયાસમાં હાર્દિક બાઉન્ડ્રી પર કેચ આઉટ થયો હતો.

સૂર્યકુમાર આઉટ

શાનદાર ફોર્મમાં દેખાઈ રહેલા સૂર્યકુમાર યાદવને આઉટ કરીને ફઝલહક ફારૂકીએ ભારતને પાંચમો ઝટકો આપ્યો હતો. સૂર્યકુમાર યાદવ સારા ફોર્મમાં હતો અને તેણે તેની કારકિર્દીની 19મી અડધી સદી ફટકારી હતી, પરંતુ ફઝલહકે તેની ઇનિંગ્સનો અંત લાવવામાં વધુ સમય ન લીધો. 

સૂર્યકુમારની ફિફ્ટી

સૂર્યકુમાર યાદવે શાનદાર બેટિંગ કરી અને અડધી સદી ફટકારી. આ તેની કારકિર્દીની 19મી ફિફ્ટી છે. તેની ઇનિંગ્સના બળ પર જ ભારત 150 રનનો સ્કોર પાર કરવામાં સફળ રહ્યું હતું.

SKY હવે T20 માં 100 કે તેથી વધુ રન બનાવનાર ત્રીજો બેટ્સમેન બની ગયો છે જેણે આ ક્ષણે એક પણ વાર આઉટ થયા વિના રાશિદ ખાન વિરુદ્ધ 100 કે તેથી વધુ રન બનાવ્યા હોય.

• ડી'આર્સી શોર્ટ 113*(76)
• શેન વોટસન 108*(73)
• સૂર્યકુમાર યાદવ 102*(64)

16 ઓવર સમાપ્ત

નૂર અહેમદની ઓવરમાં હાર્દિક પંડ્યાએ ગગનચૂંબી સિક્સ ફટકારી હતી. આ ઓવરમાં કુલ 12 રન આવ્યા હતા. સૂર્યકુમાર યાદવ અને હાર્દિક પંડ્યા વચ્ચે 31 બોલમાં 48 રનની ભાગીદારી છે. 16 ઓવર પછી ટીમ ઈન્ડિયાનો સ્કોર 4 વિકેટે 138 રન છે. સૂર્યકુમાર યાદવ 23 બોલમાં 42 રન બનાવીને રમી રહ્યો છે. તેણે 4 ફોર અને 2 સિક્સર ફટકારી છે. હાર્દિક પંડ્યા 18 બોલમાં 24 રન બનાવીને રમી રહ્યો છે. તેણે બે ચોગ્ગા અને એક છગ્ગો ફટકાર્યા છે.

15 ઓવર સમાપ્ત

સૂર્યકુમાર યાદવે અઝમતુલ્લા ઓમરઝઇની ઓવરમાં શાનદાર સિક્સ ફટકારી હતી. આ ઓવરમાં કુલ 11 રન આવ્યા હતા. સૂર્યકુમાર યાદવ 21 બોલમાં 41 રન બનાવ્યા છે જેમાં તેણે 4 ફોર અને 2 સિક્સર ફટકારી છે. હાર્દિક પંડ્યા 14 બોલમાં 13 રન બનાવીને રમી રહ્યો છે. 15 ઓવર બાદ ભારતનો સ્કોર 4 વિકેટે 126 રન છે. 

ભારતનો સ્કોર 115/4

રાશિદ ખાને 15મી ઓવર નાખી હતી. તેની ઓવરમાં માત્ર 5 રન આવ્યા હતા. સૂર્યકુમાર યાદવ અને હાર્દિક પંડ્યાએ ભારતની બાજી સંભાળી છે. 15 ઓવર બાદ ભારતનો સ્કોર 4 વિકેટે 115 રન છે. 

13 ઓવર સમાપ્ત

13 ઓવર પછી ટીમ ઈન્ડિયાનો સ્કોર 4 વિકેટે 110 રન છે. અઝમતુલ્લા ઉમરઝાઈની આ ઓવરમાં સૂર્યકુમાર યાદવે બે ચોગ્ગા ફટકાર્યા હતા. સૂર્યા 16 બોલમાં 33 રન બનાવીને રમી રહ્યો છે. તેણે 4 ફોર અને 1 સિક્સ ફટકારી છે. જ્યારે હાર્દિક પંડ્યા 7 બોલમાં 7 રન પર છે.

ભારતનો સ્કોર 98/4

12 ઓવર પછી ટીમ ઈન્ડિયાનો સ્કોર 4 વિકેટે 98 રન છે. સૂર્યકુમાર યાદવ 12 બોલમાં 22 રન બનાવીને રમતમાં છે. તેણે 2 ચોગ્ગા અને એક છગ્ગા ફટકાર્યા છે. જ્યારે હાર્દિક પંડ્યા 5 બોલમાં 6 રન પર છે.

શિવમ દુબે આઉટ

અફઘાનિસ્તાનના કેપ્ટન રાશિદ ખાને શિવમ દુબેને આઉટ કરીને ભારતને ચોથો ઝટકો આપ્યો હતો. રાશિદના બોલ પર શિવમ LBW આઉટ થયો હતો. શિવમે 7 બોલમાં 10 રન બનાવ્યા હતા. રાશિદની આ ત્રીજી સફળતા છે. 11 ઓવર બાદ ભારતનો સ્કોર 4 વિકેટે 90 રન છે. 

10 ઓવર સમાપ્ત

ભારતની 10 ઓવરની રમત સમાપ્ત થઇ ગઇ છે. નુર અહેમદની આ ઓવરમાં શિવમ દુબેએ શાનદાર સિક્સ ફટકારી હતી. શિવમ દુબે 6 બોલમાં 10 રન તથા સૂર્યકુમાર યાદવ 6 બોલમાં 9 રન બનાવીને રમી રહ્યો છે. 10 ઓવર બાદ ભારતનો સ્કોર 3 વિકેટે 79 રન છે. 

વિરાટ કોહલી આઉટ

રાશિદ ખાને 9મી ઓવરમાં ટીમ ઈન્ડિયાને ત્રીજો ઝટકો આપ્યો છે. ભારતે 62 રનમાં 3 મહત્વની વિકેટ ગુમાવી દીધી છે. વિરાટ કોહલી 24 બોલમાં માત્ર 24 રન બનાવીને આઉટ થયો હતો. કિંગ કોહલી બાઉન્ડ્રી પર રાશિદ ખાનના હાથે કેચ આઉટ થયો હતો.

ભારતનો સ્કોર 60-2

8 ઓવર પછી ભારતનો સ્કોર બે વિકેટે 60 રન છે. નૂર અહેમદની આ ઓવરમાં માત્ર 6 રન આવ્યા હતા. વિરાટ કોહલી 21 બોલમાં 22 રન અને સૂર્યકુમાર યાદવ ત્રણ બોલમાં બે રન બનાવીને રમી રહ્યો છે.

ભારતની બીજી વિકેટ પડી

રાશિદ ખાને સાતમી ઓવરના છેલ્લા બોલ પર ટીમ ઈન્ડિયાને બીજો ઝટકો આપ્યો હતો. રાશિદે પંતને LBW આઉટ કર્યો હતો. તે 11 બોલમાં 20 રન બનાવીને પેવેલિયન પરત ફર્યો હતો. 7 ઓવર પછી ભારતનો સ્કોર બે વિકેટે 54 રન છે.

પાવરપ્લે સમાપ્ત

છઠ્ઠી ઓવરમાં રિષભ પંતે નબીના બોલ પર સતત ત્રણ ચોગ્ગા ફટકાર્યા હતા. જોકે, લેગ સાઇડ બાઉન્ડ્રી પર તેનો કેચ પણ છૂટી ગયો હતો. 6 ઓવર પછી ટીમ ઈન્ડિયાનો સ્કોર એક વિકેટે 47 રન છે. વિરાટ કોહલી 15 બોલમાં 17 રન અને રિષભ પંત 8 બોલમાં 19 રન બનાવીને રમી રહ્યાં છે.

5 ઓવર સમાપ્ત

ભારતની 5 ઓવરની રમત સમાપ્ત થઇ ગઇ છે. નવીન ઉલ હકની ઓવરમાં વિરાટ કોહલીએ શાનદાર સિક્સ ફટકારી હતી. આ ઓવરમાં કુલ 9 રન આવ્યા હતા. કોહલી 14 બોલમાં 16 રન બનાવીને રમી રહ્યો છે. જ્યારે રિષભ પંત 3 બોલમાં એક ચોગ્ગા સાથે 7 રન પર રમી રહ્યો છે.આ સાથે ભારતનો સ્કોર 1 વિકેટે 34 રન સુધી પહોંચી ગયો છે. 

ભારતને લાગ્યો મોટો ઝટકો

ભારતને મોટો ઝટકો લાગ્યો છે. કેપ્ટન રોહિત શર્મા 13 બોલમાં 8 રન બનાવીને આઉટ થયો હતો. રોહિત ફઝલહક ફારૂકીના બોલ પર રાશિદ ખાનના હાથે કેચ આઉટ થયો હતો. આ સાથે ભારતીય ઓપનિંગ જોડી ફરી એકવાર ટીમને મજબૂત શરૂઆત અપાવવામાં નિષ્ફળ રહી. હવે રિષભ પંત બેટિંગ કરવા ક્રિઝ પર આવ્યો છે. 

ભારતનો સ્કોર 8/0

બે ઓવર પછી ટીમ ઈન્ડિયાનો સ્કોર કોઈ પણ વિકેટ વિના આઠ રન છે. મોહમ્મદ નબીએ બીજી ઓવર નાખી. આ ઓવરમાં કુલ ત્રણ રન આવ્યા. રોહિત શર્મા 10 બોલમાં 7 રન પર છે. જ્યારે વિરાટે હજુ ખાતું ખોલ્યું નથી.

કાળી પટ્ટી પહેરીને મેદાનમાં ઉતર્યા ભારતીય ખેલાડી

ટીમ ઈન્ડિયા આજે પૂર્વ ભારતીય ફાસ્ટ બોલર ડેવિડ જોન્સનની યાદમાં કાળી પટ્ટી પહેરીને મેદાનમાં ઉતરી છે. રોહિત શર્મા અને વિરાટ કોહલી બંનેના હાથ પર કાળી પટ્ટી છે.

ભારતની ઇનિંગ શરૂ

અફઘાનિસ્તાન તરફથી ફઝલહક ફારૂકીએ પ્રથમ ઓવર ફેંકી હતી. આ ઓવરમાં એક ફોર સાથે કુલ પાંચ રન આવ્યા. વિરાટ કોહલીએ હજુ સુધી એકપણ બોલ રમ્યો નથી.

ભારતની પ્લેઈંગ ઈલેવન: રોહિત શર્મા (c), વિરાટ કોહલી, રિષભ પંત (wk), સૂર્યકુમાર યાદવ, શિવમ દુબે, હાર્દિક પંડ્યા, રવિન્દ્ર જાડેજા, અક્ષર પટેલ, કુલદીપ યાદવ, અર્શદીપ સિંહ, જસપ્રિત બુમરાહ

અફઘાનિસ્તાનની પ્લેઈંગ ઈલેવન: રહેમાનુલ્લા ગુરબાઝ(wk), ઈબ્રાહિમ ઝદરાન, નજીબુલ્લાહ ઝદરાન, હઝરતુલ્લાહ ઝઝાઈ, ગુલબદ્દીન નઇબ, અઝમતુલ્લા ઓમરઝાઈ, મોહમ્મદ નબી, રાશિદ ખાન (c), નૂર અહેમદ, નવીન ઉલ હક, ફઝલહક ફારૂકી

ભારતે ટોસ જીત્યો

ભારતીય કેપ્ટન રોહિત શર્માએ અફઘાનિસ્તાન સામેની સુપર 8 તબક્કાની મેચમાં ટોસ જીતીને પ્રથમ બેટિંગ કરવાનો નિર્ણય કર્યો છે. ભારતે આ મેચ માટે પોતાના પ્લેઈંગ-11માં એક ફેરફાર કર્યો છે. ટીમે ફાસ્ટ બોલર મોહમ્મદ સિરાજની જગ્યાએ રિસ્ટ સ્પિનર ​​કુલદીપ યાદવને ટીમમાં સામેલ કર્યો છે. અફઘાનિસ્તાને પણ ટીમમાં એક ફેરફાર કર્યો છે. કરીમ જનાત આ મેચમાં નથી રમી રહ્યો અને તેના સ્થાને હઝરતુલ્લા ઝઝાઈને પ્લેઈંગ-11માં સામેલ કરવામાં આવ્યો છે.

ફારૂકીથી સાવધાન રહેવું પડશે

અફઘાનિસ્તાનને તેની છેલ્લી ગ્રુપ મેચમાં યજમાન વેસ્ટ ઈન્ડિઝના હાથે કારમી હારનો સામનો કરવો પડ્યો છે. કેપ્ટન રાશિદ ખાન ચોક્કસપણે આ હારને એક ઝટકા તરીકે જોઈ રહ્યા છે, પરંતુ તેમનું કહેવું છે કે ટીમનું મનોબળ ઘણું ઊંચું છે અને આ હારથી અમને કોઈ અસર થશે નહીં. રાશિદ કહે છે કે અમે અમારું પહેલું લક્ષ્ય હાંસલ કર્યું છે. હવે બીજો ધ્યેય હાંસલ કરવાનો વારો છે. ડાબોડી ફાસ્ટ બોલર ફઝલહક ફારૂકી આ વર્લ્ડકપમાં અફઘાનિસ્તાન માટે હીરો બનીને ઉભરી આવ્યો છે. તેણે ચાર મેચમાં 12 વિકેટ લીધી છે અને તે અત્યાર સુધી ટૂર્નામેન્ટમાં સૌથી વધુ વિકેટ લેનાર બોલર છે. ઓપનર તરીકે રોહિત અને વિરાટનો સામનો કરવો આસાન નહીં હોય. નવા બોલ સાથે તેને ઘણો સ્વિંગ મળ્યો છે. અત્યાર સુધી તેને રમવું સરળ નથી.

વિરાટે પ્રેક્ટિસ સેશનમાં પરસેવો પાડ્યો 

ટીમ કોમ્બિનેશન સિવાય ભારતની એકમાત્ર ચિંતા વિરાટ કોહલીની ગ્રુપ સ્ટેજમાંથી ગેરહાજરી હોઈ શકે છે. ઓપનિંગ કરતી વખતે વિરાટ ત્રણ મેચમાં માત્ર 5 રન જ બનાવી શક્યો છે. તે અમેરિકા સામે ગોલ્ડન ડક પર આઉટ થયો હતો. જોકે, વિરાટે પ્રેક્ટિસ સેશનમાં કોઈ કસર છોડી ન હતી. તેણે દરેક પ્રકારના બોલર સામે લાંબા સમય સુધી બેટિંગ કરી. આશા છે કે વિરાટ ફરી એકવાર રોહિત શર્મા સાથે ઓપનિંગ કરશે. સૂર્યકુમારે પણ અમેરિકા સામે અણનમ 50 રન બનાવીને પોતાનું ફોર્મ બતાવ્યું છે. હાર્દિક પંડ્યા બોલિંગમાં શાનદાર છે, પરંતુ તેણે બેટિંગમાં પોતાની છાપ છોડવાની જરૂર છે. તે પાકિસ્તાન સામે પ્રદર્શન કરી શક્યો નહોતો.

ટીમમાં સિરાજ હશે કે કુલદીપ?

કેન્સિંગ્ટન ઓવલ ખાતે ભારતીય ટીમના પ્રેક્ટિસ સેશનને જોતા એવું લાગી રહ્યું હતું કે અહીં સ્પિનરોને મદદ મળશે. આ ઉપરાંત ઝડપી બોલરોને નવા બોલથી સ્વિંગ પણ મળશે. ભારત ઝડપી બોલર બુમરાહ, સિરાજ, અર્શદીપ અને ઓલરાઉન્ડર હાર્દિક, શિવમ દુબે, રવિન્દ્ર જાડેજા, અક્ષર પટેલ સાથે ન્યૂયોર્કમાં ઉતર્યું હતું. રોહિત આ આક્રમણ સાથે બેટિંગમાં ઉંડાણ મેળવી રહ્યો છે, જેના કારણે બોલિંગને સપોર્ટ કરતી અમેરિકન પિચો પર પણ ભારતને ફાયદો થયો. બ્રિજટાઉનમાં ભારતને રિસ્ટ સ્પિનરની જરૂર પડશે. હવે જોવાનું એ રહે છે કે કુલદીપને અર્શદીપ કે સિરાજ પર પ્રાધાન્ય આપવામાં આવે છે કે પછી તેને સિરાજની જગ્યાએ રમાડવામાં આવે છે. કોચ રાહુલ દ્રવિડે પણ મેચ પહેલા પ્રેસ કોન્ફરન્સમાં ફેરફારના સંકેત આપ્યા છે. તેણે કુલદીપ-ચહલ વચ્ચેના એક રિસ્ટ સ્પિનરને રમાડવાની હિમાયત કરી છે.

રાહુલ દ્રવિડે પીચ વિશે શું કહ્યું?

ન્યૂયોર્કના નાસાઉ કાઉન્ટી સ્ટેડિયમ ખાતે ભારતે તેમના ઝડપી બોલરો પર આધાર રાખ્યો હતો કારણ કે ત્યાંની 'ડ્રોપ-ઈન' પિચોમાં અસમાન ઉછાળો હતો જેણે ઝડપી બોલરોને મદદ કરી હતી. સુપર 8 મેચની પૂર્વ સંધ્યાએ મીડિયા સાથે વાત કરતા દ્રવિડે કહ્યું હતું કે, 'કોઈને પણ બહાર રાખવું મુશ્કેલ છે. ન્યૂયોર્કમાં ફાસ્ટ બોલરો માટે સંજોગો થોડા અલગ હતા. અમારે અહીં (બાર્બાડોસમાં) કંઈક અલગ કરવાની જરૂર પડી શકે છે. યુજી (યુઝવેન્દ્ર ચહલ) અથવા કુલદીપ (યાદવ)નો અહીં ઉપયોગ કરી શકાય છે.

ભારતે આ વર્ષે જાન્યુઆરીમાં અફઘાનિસ્તાનને હરાવ્યું હતું

આ વર્ષે જાન્યુઆરીમાં અફઘાનિસ્તાનની ટીમ ભારતના પ્રવાસે આવી હતી. ત્રણ મેચની શ્રેણી રમાઈ અને ભારતે 3-0થી શ્રેણી જીતી લીધી. શ્રેણીની છેલ્લી મેચ ડબલ સુપર ઓવરમાં રમાઈ હતી, જે ટીમ ઈન્ડિયાએ જીતી હતી. આ હિસાબે પણ ભારતીય ટીમ અફઘાનિસ્તાન સામે સતત 4 મેચ જીતશે. સુપર-8 માટે ટીમ ઈન્ડિયામાં કેટલાક ફેરફાર થઈ શકે છે. કુલદીપ યાદવ અથવા યુઝવેન્દ્ર ચહલ બંનેમાંથી એકને રમવાની તક મળી શકે છે.

આંકડામાં ભારતનું પલડુ ભારે

ભારત અને અફઘાનિસ્તાનની ટીમો વચ્ચે T20માં અત્યાર સુધીમાં કુલ 8 મેચ રમાઈ છે. જેમાંથી ટીમ ઈન્ડિયાએ 7 મેચ જીતી છે. જો કે, એકનું કોઈ પરિણામ આવ્યું ન હતું. T20 વર્લ્ડકપમાં બંને ટીમો ત્રણ વખત આમને-સામને આવી ચુકી છે. ભારતીય ટીમે ત્રણેય મેચ જીતી છે. આવી સ્થિતિમાં ટીમ ઈન્ડિયા અફઘાનિસ્તાન સામે જીત મેળવવાનો પ્રયાસ કરશે. આટલું જ નહીં બંને વચ્ચેની છેલ્લી ત્રણ મેચમાં ભારતે જીત મેળવી છે.

અફઘાનિસ્તાનની સંભવિત પ્લેઈંગ ઈલેવન: રહેમાનુલ્લા ગુરબાઝ (wk), ઈબ્રાહીમ ઝદરાન, ગુલાબદિન નાયબ, અઝમતુલ્લા ઉમરઝાઈ, મોહમ્મદ નબી, નજીબુલ્લાહ ઝદરાન, કરીમ જનાત, રાશિદ ખાન (c), નૂર અહેમદ, નવીન-ઉલ-હક, ફઝલહક ફારૂકી.

ભારતની સંભવિત ઇલેવન: રોહિત શર્મા (c), વિરાટ કોહલી, રિષભ પંત (wk), સૂર્યકુમાર યાદવ, શિવમ દુબે, હાર્દિક પંડ્યા, રવિન્દ્ર જાડેજા, અક્ષર પટેલ, કુલદીપ યાદવ, જસપ્રિત બુમરાહ, અર્શદીપ સિંહ.

મજબૂત સ્થિતિમાં ટીમ ઈન્ડિયા 

ભારત અને અફઘાનિસ્તાનના હેડ-ટુ-હેડ રેકોર્ડમાં, ટીમ ઈન્ડિયા સંપૂર્ણપણે અફઘાન ટીમ પર પ્રભુત્વ ધરાવે છે. બંને ટીમો અત્યાર સુધીમાં 8 મેચ રમી છે. તેમાંથી 7 મેચમાં અફઘાનિસ્તાનનો પરાજય થયો છે. બંને ટીમો છેલ્લે જાન્યુઆરીમાં ભારતમાં 3 મેચની શ્રેણીમાં ટકરાયા હતા અને ભારતે 3-0થી ક્લીન સ્વીપ કર્યું હતું.

આંકડા શું કહે છે?

કેન્સિંગ્ટન ઓવલ ખાતે અત્યાર સુધીમાં કુલ 47 T20 મેચ રમાઈ છે, જેમાંથી પ્રથમ બેટિંગ કરનાર ટીમે 30 મેચ જીતી છે, જ્યારે લક્ષ્યનો પીછો કરતી ટીમે 17 મેચ જીતી છે. અહીં પ્રથમ દાવનો સરેરાશ સ્કોર 138 રન રહ્યો છે. તમને જણાવી દઈએ કે બાર્બાડોસના મેદાન પર છેલ્લી મેચ ઓસ્ટ્રેલિયા અને ઈંગ્લેન્ડ વચ્ચે ગ્રુપ રાઉન્ડ દરમિયાન રમાઈ હતી, જેમાં ઓસ્ટ્રેલિયાએ 20 ઓવરમાં 201 રન બનાવ્યા હતા.

બાર્બાડોસ હવામાન

મેચની શરૂઆતમાં આકાશ સ્વચ્છ રહેશે, પરંતુ બીજી ઇનિંગમાં વરસાદની આગાહી કરવામાં આવી છે. તાપમાન 27-28 ડિગ્રીની આસપાસ રહેશે પરંતુ ભેજની સમસ્યા રહેશે.

કેન્સિંગ્ટન ઓવલ, પિચ રિપોર્ટ

શોટ રમતા બેટ્સમેનોને બ્રિજટાઉનમાં કેન્સિંગ્ટન ઓવલની પિચ ગમશે. અહીં છેલ્લી મેચમાં ઓસ્ટ્રેલિયાએ 201 રન બનાવ્યા હતા. આ T20 વર્લ્ડ કપના ગ્રુપ સ્ટેજની મેચમાં ઈંગ્લેન્ડ સામે સ્કોટલેન્ડે 10 ઓવરમાં 90 રન બનાવ્યા હતા. જો કે વરસાદના કારણે મેચ પૂર્ણ થઈ શકી ન હતી. આ પીચ પર મોટા સ્કોર અને સારી મેચની અપેક્ષા રાખી શકાય છે.