IND vs BAN Day 2: બુમરાહનું શાનદાર પ્રદર્શન, મજબુત સ્થિતિમાં ભારત

ચેપોક ખાતે ટેસ્ટમાં એક દિવસમાં સૌથી વધુ વિકેટ

• 17 - IND vs BAN, 2024 (દિવસ 2)
• 15 - IND vs WI, 1979 (દિવસ 3)
• 15 - IND vs ENG, 2021 (દિવસ 4)
• 15 - IND vs ENG, 2021 (દિવસ 2)

બીજા દિવસની રમત સમાપ્ત

બીજા દિવસની રમત સમાપ્ત થઈ ગઈ છે. બીજા દિવસની રમતના અંત સુધીમાં ભારતે તેની બીજી ઇનિંગમાં ત્રણ વિકેટ ગુમાવીને 81 રન બનાવ્યા હતા. ભારતે પ્રથમ દાવમાં 376 રન બનાવ્યા હતા. આ સાથે જ બાંગ્લાદેશનો પ્રથમ દાવ 149 રનમાં સમેટાઈ ગયો હતો. આજના દિવસના અંત સુધીમાં ભારતની કુલ લીડ 308 રન છે. શુભમન ગિલ 33 રન અને રિષભ પંત 12 રન બનાવીને અણનમ છે. ભારતને બીજી ઇનિંગમાં રોહિત શર્મા (5), યશસ્વી જયસ્વાલ (10) અને વિરાટ કોહલી (17)ના રૂપમાં ત્રણ ઝટકા પડ્યા હતા. બાંગ્લાદેશ તરફથી મેહદી હસન મિરાજ, નાહીદ રાણા અને તસ્કીન અહેમદે 1-1 વિકેટ લીધી હતી.

કોહલી આઉટ

ટીમ ઈન્ડિયાના સ્ટાર બેટ્સમેન વિરાટ કોહલી બીજા દાવમાં પણ ફ્લોપ રહ્યો હતો. કોહલી 17 રન બનાવીને આઉટ થયો હતો. કોહલી મેહદી હસનના બોલ પર એલબીડબલ્યૂ આઉટ થયો હતો. 20 ઓવર બાદ ભારતનો સ્કોર 3 વિકેટે 67 રન છે. 

ભારતને ત્રીજો ફટકો બીજા દાવમાં 67ના સ્કોર પર લાગ્યો હતો. મેહદી હસન મિરાઝે વિરાટ કોહલીને LBW આઉટ કર્યો હતો. બાદમાં રિવ્યુમાં જાણવા મળ્યું કે બોલ બેટ અને પેડ પર વાગ્યો હતો. જોકે, વિરાટે રિવ્યુ લીધો ન હતો. તે 37 બોલમાં 17 રન બનાવીને આઉટ થયો હતો. વિરાટે શુભમન સાથે 39 રનની ભાગીદારી કરી હતી. હાલમાં શુભમન ગિલ અને રિષભ પંત ક્રિઝ પર છે. ભારતની લીડ 294 રન પર પહોંચી ગઈ છે.

ટીમ ઈન્ડિયાએ 18 ઓવરમાં 62 રન બનાવ્યા 

ભારતે 18 ઓવરમાં 2 વિકેટ ગુમાવીને 62 રન બનાવી લીધા છે. શુભમન ગિલ 31 રન બનાવીને રમી રહ્યો છે. તેણે 51 બોલનો સામનો કરતા 4 ચોગ્ગા ફટકાર્યા છે. વિરાટ કોહલી 12 રન બનાવીને રમી રહ્યો છે. ટીમ ઈન્ડિયાએ 289 રનની લીડ મેળવી લીધી છે. 

ભારતનો સ્કોર 50ને પાર

ભારતના બે વિકેટે 52 રન છે. હાલમાં શુભમન ગિલ 23 અને વિરાટ કોહલી 10 રન સાથે ક્રિઝ પર છે. બંને વચ્ચે 24 રનની ભાગીદારી થઈ છે. રોહિત શર્મા પાંચ રન બનાવીને આઉટ થયો હતો અને યશસ્વી જયસ્વાલ 10 રન બનાવીને આઉટ થયો હતો.

ભારતે 10 ઓવરમાં 46 રન બનાવ્યા 

ભારતે બીજા દાવમાં 2 વિકેટ ગુમાવીને 10 ઓવરમાં 46 રન બનાવી લીધા છે. ટીમ ઈન્ડિયાએ 273 રનની લીડ મેળવી લીધી છે. વિરાટ કોહલી 6 રન બનાવીને રમી રહ્યો છે. શુભમન ગિલ 21 રન બનાવીને બેટિંગ કરી રહ્યો છે. તેણે 3 ચોગ્ગા ફટકાર્યા છે.

જયસ્વાલ આઉટ

ભારતને બીજો ઝટકો યશસ્વી જયસ્વાલના રૂપમાં લાગ્યો હતો. નાહિદ રાણાએ યશસ્વી જયસ્વાલને આઉટ કરીને ભારતને બીજો ઝટકો આપ્યો હતો. રોહિત શર્મા બાદ યશસ્વી પણ લાંબો સમય ટકી શક્યો નહોતો અને 17 બોલમાં 10 રન બનાવીને આઉટ થયો હતો. ભારતે બીજા દાવમાં 28 રનમાં બે વિકેટ ગુમાવી દીધી છે. હવે વિરાટ કોહલી ક્રિઝ પર આવી ગયો છે.

250ને પાર પહોંચી ભારતની લીડ

બાંગ્લાદેશ સામે ભારતીય ટીમની લીડ 250 રન પર પહોંચી ગઈ છે. ભારતે બીજી ઇનિંગમાં અત્યાર સુધી એક વિકેટે 23 રન બનાવી લીધા છે. જ્યારે કેપ્ટન રોહિત શર્મા બીજા દાવમાં સસ્તામાં આઉટ થયો હતો, યશસ્વી જયસ્વાલ 10 રન બનાવીને ક્રિઝ પર છે અને શુભમન ગિલ 8 રન બનાવીને ક્રિઝ પર હાજર છે.

કેપ્ટન રોહિત શર્મા આઉટ

ભારતીય કેપ્ટન રોહિત શર્મા બીજા દાવમાં પણ પ્રભાવિત કરી શક્યો ન હતો અને 5 રન બનાવીને પેવેલિયન પરત ફર્યો હતો. ફાસ્ટ બોલર તસ્કીન અહેમદે રોહિતને 15 રનના સ્કોર પર આઉટ કરીને ભારતને પહેલો ઝટકો આપ્યો હતો. રોહિત પ્રથમ દાવમાં પણ સારી બેટિંગ કરી શક્યો ન હતો અને છ રન બનાવીને આઉટ થયો હતો. રોહિતના આઉટ થયા બાદ શુભમન ગિલ ક્રિઝ પર આવ્યો છે અને તેની સાથે યશસ્વી જયસ્વાલ હાજર છે.

ભારતની ઈનિંગ શરૂ

ભારતે બાંગ્લાદેશને ફોલોઓન કરવાની મંજૂરી આપી નથી. ટીમ ઈન્ડિયાની બીજી ઈનિંગ શરૂ થઈ ગઈ છે. કેપ્ટન રોહિત શર્મા અને યશસ્વી જયસ્વાલ મેદાનમાં છે. જ્યારે બાંગ્લાદેશ તરફથી પ્રથમ ઓવર તસ્કીન અહેમદે ફેંકી હતી. બાંગ્લાદેશનો પ્રથમ દાવ 149 રનમાં સમેટાઈ ગયો હતો. ભારતે પ્રથમ દાવમાં 376 રન બનાવ્યા હતા. આ રીતે ટીમ ઈન્ડિયાને બીજી ઈનિંગમાં 227 રનની લીડ મળી છે.

બાંગ્લાદેશ ઓલ આઉટ

બાંગ્લાદેશની ટીમ પ્રથમ દાવમાં માત્ર 149 રન જ બનાવી શકી હતી. સિરાજે નાહિદ રાણાને ક્લીન બોલિંગ કરીને બાંગ્લાદેશની ઇનિંગ્સનો અંત આણ્યો હતો. ભારત તરફથી બુમરાહે 4, સિરાજ, જાડેજા અને આકાશ દીપે 2-2 વિકેટ ઝડપી હતી.

બાંગ્લાદેશનો પ્રથમ દાવ 149 રનમાં સમેટાઈ ગયો હતો. ભારતે પ્રથમ દાવમાં 376 રન બનાવ્યા હતા. આ રીતે ટીમ ઈન્ડિયાને બીજી ઈનિંગમાં 227 રનની લીડ મળી છે. બાંગ્લાદેશને ફોલોઓન બચાવવા માટે 177 રન બનાવવા પડ્યા હતા, પરંતુ ટીમ તે પણ બનાવી શકી ન હતી. હવે જોવાનું એ રહે છે કે ભારતીય ટીમ બાંગ્લાદેશને ફોલોઓન કરવાની મંજૂરી આપે છે કે નહીં. ભારત તરફથી જસપ્રીત બુમરાહે સૌથી વધુ 4 વિકેટ લીધી હતી. બાંગ્લાદેશ તરફથી શાકિબ અલ હસને સૌથી વધુ 32 રન બનાવ્યા હતા.

તસ્કીન અહેમદ આઉટ

બાંગ્લાદેશની ટીમને 130ના સ્કોર પર નવમો ઝટકો લાગ્યો હતો. બુમરાહે શાનદાર યોર્કર વડે તસ્કીન અહેમદને ક્લીન બોલ્ડ કર્યો હતો. તસ્કીન 11 રન બનાવી શક્યો હતો. હાલમાં નાહીદ રાણા અને મેહદી હસન મિરાજ ક્રિઝ પર છે. બુમરાહને મળેલી આ ચોથી સફળતા છે.

ઓલઆઉટ થવા તરફ બાંગ્લાદેશ

ભારતીય બોલરોએ બાંગ્લાદેશના બેટ્સમેનોને ચોંકાવ્યા હતા. બાંગ્લાદેશ 41 ઓવરમાં 130 રન બનાવીને 8 વિકેટ ગુમાવી બેઠું છે. તસ્કીન 11 રન તથા મેહદી 19 રન બનાવીને રમી રહ્યો છે. ભારત પાસે હજુ 246 રનની લીડ છે.

બુમરાહે રચ્યો ઈતિહાસ

ભારત અને બાંગ્લાદેશ વચ્ચે 2 મેચની ટેસ્ટ સિરીઝની પ્રથમ મેચ ચેન્નાઈમાં રમાઈ રહી છે. આ મેચમાં ભારતીય ફાસ્ટ બોલર જસપ્રીત બુમરાહે ઈતિહાસ રચ્યો છે. જસપ્રીત બુમરાહે બાંગ્લાદેશ સામેની પ્રથમ ટેસ્ટ મેચમાં શાનદાર પ્રદર્શન કરીને આંતરરાષ્ટ્રીય ફોર્મેટમાં 400 વિકેટ ઝડપનાર 10મો ભારતીય બોલર બની ગયો છે. તેની તરફથી શાર્પ બોલિંગ જોવા મળી રહી છે. બાંગ્લાદેશના બેટ્સમેનો જસ્સીના બોલને બરાબર સમજી શક્યા ન હતા.

ત્રીજા સેશનની રમત ચાલુ

ત્રીજું સેશન ચાલુ છે. બાંગ્લાદેશે 8 વિકેટે 126 રન બનાવ્યા છે. ટીમ હજુ પણ પ્રથમ દાવમાં ભારતના સ્કોરથી 250 રન પાછળ છે. તેમના પર ફોલોઓનનો ખતરો પણ તોળાઈ રહ્યો છે. બાંગ્લાદેશને ફોલોઓન બચાવવા માટે 51 રનની જરૂર છે.

ટી બ્રેક

બીજા દિવસે ટી બ્રેક સુધીમાં બાંગ્લાદેશે તેની પ્રથમ ઇનિંગમાં 8 વિકેટ ગુમાવીને 112 રન બનાવ્યા હતા. આઠમી વિકેટ પડતાની સાથે જ  ટી બ્રેક જાહેર કરવામાં આવ્યો હતો. જસપ્રિત બુમરાહે હસન મહમૂદને વિરાટ કોહલીના હાથે કેચ કરાવ્યો હતો. તે નવ રન બનાવી શક્યો હતો. હસને મહેદી સાથે 20 રનની ભાગીદારી કરી હતી. ભારતે પ્રથમ દાવમાં 376 રન બનાવ્યા હતા. આ મામલે બાંગ્લાદેશ હજુ પણ 264 રન પાછળ છે. આ સાથે જ બાંગ્લાદેશને ફોલોઓન બચવા માટે હજુ 65 રનની જરૂર છે. જો બાંગ્લાદેશની ટીમ 176 અથવા તેનાથી ઓછા રનના સ્કોર પર સમેટાય છે, તો ભારત પાસે તેને ફોલોઓન કરવાનો વિકલ્પ રહેશે. 

હસન મહેમૂદ આઉટ

બાંગ્લાદેશની ઈનિંગ લડખડાઈ ગઇ છે. 36.5 ઓવર બાદ બાંગ્લાદેશે 8 વિકેટ ગુમાવીને 112 રન બનાવ્યા છે.  જસપ્રીત બુમરાહે હસન મહેમૂદની વિકેટ ચટકાવીને બાંગ્લાદેશને 8મો ઝટકો આપ્યો હતો. મહેમૂદ 9 રન બનાવીને કોહલીના હાથે કેચ આઉટ થયો હતો. 

ફોલો ઓન નિયમ શું છે?

ટેસ્ટ ક્રિકેટમાં 'ફોલો ઓન'નો નિયમ છે. જો કોઈ ટીમ પ્રથમ બેટિંગ કરીને સ્કોરબોર્ડ પર ઘણા રન ઉમેરતી હતી. ત્યારબાદ વિપક્ષી ટીમને ઓછા સ્કોર પર આઉટ કરતા હતા. જો બંને ટીમના રન વચ્ચેનો તફાવત 200 રન કે તેથી વધુ હોય તો પ્રથમ ટીમ બીજી ટીમને ફરીથી બેટિંગ માટે બોલાવતી હતી. ફરી એકવાર વિરોધી ટીમને 200 કરતા ઓછા રનમાં આઉટ કરવા માટે તેમની તમામ શક્તિનો ઉપયોગ કરે છે અને મેચ જીતે છે. આવી 'પેટર્ન' પર જીતને એક દાવથી જીત કહેવામાં આવે છે. ટેસ્ટ ક્રિકેટના ઈતિહાસમાં જ્યારે વેસ્ટ ઈન્ડિઝનો દબદબો હતો ત્યારે તેણે ઘણી વખત આવું કર્યું હતું. ત્યારબાદ જ્યારે ઓસ્ટ્રેલિયન ટીમના વર્ચસ્વનો સમયગાળો શરૂ થયો ત્યારે આ ફરી જોવા મળ્યું હતુ.

બાંગ્લાદેશે 35 ઓવરમાં 110 રન બનાવ્યા

બાંગ્લાદેશે સાત વિકેટે 110થી વધુ રન બનાવ્યા છે. હાલમાં મેહદી હસન મિરાજ અને હસન મહેમૂદ ક્રિઝ પર છે. લિટન દાસ બાદ રવિન્દ્ર જાડેજાએ શાકિબ અલ હસનને પેવેલિયન મોકલ્યો હતો. લિટને 22 અને શાકિબે 32 રન બનાવ્યા હતા. આ બંને વચ્ચે 51 રનની ભાગીદારી થઈ હતી. ભારતે 376 રન બનાવ્યા હતા. જો બાંગ્લાદેશની ટીમ 176 રન અથવા તેનાથી ઓછા રન પર સમેટાય છે, તો ભારત પાસે તેને ફોલોઓન કરવાનો વિકલ્પ હશે. 

બાંગ્લાદેશને ફોલો ઓનનો ખતરો

બાંગ્લાદેશને ફોલોઓન રમવાનું જોખમ છે. ટીમે તેના પ્રથમ દાવમાં 92 રનમાં 7 વિકેટ ગુમાવી દીધી છે. લિટન દાસ બાદ રવિન્દ્ર જાડેજાએ શાકિબ અલ હસનને પેવેલિયન મોકલ્યો હતો. લિટને 22 અને શાકિબે 32 રન બનાવ્યા હતા. આ બંને વચ્ચે 51 રનની ભાગીદારી થઈ હતી. ભારતે 376 રન બનાવ્યા હતા. જો બાંગ્લાદેશની ટીમ 176 અથવા તેનાથી ઓછા રનના સ્કોર પર સમેટાય છે, તો ભારત પાસે તેને ફોલોઓન કરવાનો વિકલ્પ રહેશે. બાંગ્લાદેશને ફોલો ઓનથી બચવા માટે 72 રન બનાવવાના રહેશે. 

બાંગ્લાદેશની 7મી વિકેટ પડી, શાકિબ અલ હસન આઉટ

બાંગ્લાદેશની 7 વિકેટ પડી ગઈ છે. લિટન દાસ બાદ રવિન્દ્ર જાડેજાએ શાકિબ અલ હસનને 32 રનના સ્કોર પર આઉટ કર્યો હતો.

બાંગ્લાદેશની છઠ્ઠી વિકેટ પડી, જાડેજાએ પ્રથમ વિકેટ લીધી

બાંગ્લાદેશની છઠ્ઠી વિકેટ પડી છે. રવિન્દ્ર જાડેજાએ લિટન દાસને પોતાની સ્પિનમાં ફસાવીને 22 રનના સ્કોર પર પેવેલિયન મોકલી દીધો હતો. આ મેચમાં જાડેજાની આ પ્રથમ વિકેટ છે.

બાંગ્લાદેશે 21 ઓવરમાં 73 રન બનાવ્યા 

બાંગ્લાદેશ તરફથી શાકિબ અલ હસન અને લિટન દાસ સારી બેટિંગ કરી રહ્યા છે. આ બંને વચ્ચે 33 રનની ભાગીદારી છે. શાકિબ 18 રન બનાવીને રમી રહ્યો છે. જ્યારે લિટન 17 રન બનાવીને રમી રહ્યો છે. બાંગ્લાદેશે 21 ઓવરમાં 5 વિકેટ ગુમાવીને 73 રન બનાવી લીધા છે.

લિટન-શાકિબ વચ્ચે 30+ રનની ભાગીદારી

શાકિબ અલ હસન અને લિટન દાસે બાંગ્લાદેશની ટીમની કમાન સંભાળી છે, જેણે 40 રનમાં 5 વિકેટ ગુમાવી દીધી છે. આ બંનેએ અત્યાર સુધી 36 રનની ભાગીદારી કરી છે. શાકિબ 20 અને લિટન 18 રન બનાવીને ક્રિઝ પર છે. બાંગ્લાદેશનો સ્કોર 5 વિકેટે 76 રન છે.

વિકેટની શોધમાં ટીમ ઈન્ડિયા

બાંગ્લાદેશની 21 ઓવરની રમત સમાપ્ત થઇ ગઇ છે. બાંગ્લાદેશે 73 રનના સ્કોર પર 5 વિકેટ ગુમાવી દીધી છે. શાકિબ અલ હસન અને લિટન દાસ ફોર્મમાં દેખાઇ રહ્યાં છે. ભારતીય બોલરો હવે વિકેટની શોધમાં છે. લંચ બ્રેક પછી બાંગ્લાદેશની ઈનિંગ લિટન-શાકિબે સંભાળી છે. હજું ભારત પાસે 303 રનની જંગી લીડ છે. 

શાકિબ-લિટન દાસે સંભાળી બાંગ્લાદેશની ઇનિંગ

બાંગ્લાદેશે 40 રનના સ્કોર પર 5 વિકેટ ગુમાવી દીધી હતી. હવે લિટન દાસ 14 રન તથા શાકિબ અલ હસન 12 રન બનાવીને રમી રહ્યાં છે. 17 ઓવર બાદ બાંગ્લાદેશનો સ્કોર 5 વિકેટે 64 રન થયો છે. 

બાંગ્લાદેશે 17 ઓવરમાં 5 વિકેટ ગુમાવીને 64 રન બનાવ્યા છે. શાકિબ અલ હસન 12 રન બનાવીને રમી રહ્યો છે. તેણે 15 બોલનો સામનો કરતી વખતે 2 ચોગ્ગા ફટકાર્યા છે. લિટન દાસ 14 રન બનાવીને રમી રહ્યો છે. તેણે 16 બોલનો સામનો કરતા 3 ચોગ્ગા ફટકાર્યા છે.

મુશ્ફિકુર રહીમ આઉટ

બાંગ્લાદેશની ટીમને 40ના સ્કોર પર પાંચમો ઝટકો લાગ્યો હતો. જસપ્રીત બુમરાહે મુશફિકુર રહીમને કેએલ રાહુલના હાથે કેચ કરાવ્યો હતો. તે આઠ રન બનાવી શક્યો હતો. હાલમાં શાકિબ અલ હસન અને લિટન દાસ ક્રિઝ પર છે. બુમરાહે ઈનિંગની પહેલી જ ઓવરમાં શાદમાન ઈસ્લામને ક્લીન બોલ્ડ કર્યો હતો. જ્યારે આકાશ દીપે ઝાકિર હસન અને મોમિનુલ હકને ક્લીન બોલ્ડ કર્યા હતા. સિરાજે કેપ્ટન નઝમુલ હુસૈન શાંતોને પેવેલિયન મોકલી દીધો હતો.

બાંગ્લાદેશની ચોથી વિકેટ પડી

લંચ બાદ બાંગ્લાદેશની ટીમને ચોથો ઝટકો લાગ્યો હતો. સિરાજે બાંગ્લાદેશના કેપ્ટન નઝમુલ હુસૈન શાંતોને સ્લિપમાં કોહલીના હાથે કેચ કરાવ્યો હતો. તે 20 રન બનાવી શક્યો હતો. આ પહેલા આકાશ દીપે સતત બે બોલમાં બે વિકેટ ઝડપી હતી જ્યારે બુમરાહને એક વિકેટ મળી હતી. હાલમાં શાકિબ અલ હસન અને મુશફિકુર રહીમ ક્રિઝ પર છે. બાંગ્લાદેશનો સ્કોર 4 વિકેટે 40 રન છે.

લંચ બ્રેક પછી મેચ શરૂ 

લંચ બ્રેક બાદ મેચ શરૂ થઈ છે. નઝમુલ 15 રન બનાવીને રમી રહ્યો છે. જ્યારે મુશ્ફિકુર રહીમ 4 રન બનાવીને રમી રહ્યો છે. બાંગ્લાદેશની ટીમ હાલમાં ભારત કરતાં 350 રન પાછળ છે. તેણે 3 વિકેટ ગુમાવીને 26 રન બનાવ્યા છે.

લંચ બ્રેક

બીજા દિવસે લંચ સુધીમાં બાંગ્લાદેશે તેની પ્રથમ ઇનિંગમાં નવ ઓવરમાં ત્રણ વિકેટ ગુમાવીને 26 રન બનાવ્યા હતા. ભારતનો પ્રથમ દાવ 376 રન પર સમાપ્ત થયા બાદ બાંગ્લાદેશની શરૂઆત સારી રહી ન હતી. જસપ્રીત બુમરાહે પહેલી જ ઓવરમાં શાદમાન ઈસ્લામને ક્લીન બોલિંગ કરીને ચોંકાવી દીધા હતા. તે બે રન બનાવી શક્યો હતો. આ પછી, આકાશ દીપે ઇનિંગ્સની નવમી ઓવરમાં, એટલે કે લંચ પહેલાં જ સતત બે બોલ પર ઝાકિર હસન અને મોમિનુલ હકને આઉટ કર્યા. આકાશે નવમી ઓવરના પહેલા બોલ પર ઝાકિર અને બીજા બોલ પર મોમિનુલને ક્લીન બોલ્ડ કર્યો હતો. ઝાકિરે ત્રણ રન બનાવ્યા હતા, જ્યારે મોમિનુલ ખાતું પણ ખોલી શક્યો નહોતો. હાલમાં કેપ્ટન નઝમુલ હુસૈન શાંતો 15 રન અને મુશફિકુર રહીમ ચાર રન સાથે ક્રિઝ પર છે.

બાંગ્લાદેશને લાગ્ચયો બેક ટુ બેક ઝટકા

બાંગ્લાદેશને 22ના સ્કોર પર બેક ટુ બેક 2 ઝટકા લાગ્યા હતા. આકાશ દીપે પ્રથમ ઝાકિર હસનને અને તેના પછીના જ બોલ પર મોમિનુલ હકને ક્લિન બોલ્ડ કર્યા હતા. ઝાકિરે ત્રણ રન બનાવ્યા હતા અને મોમિનુલ ખાતું પણ ખોલી શક્યો નહોતો. બાંગ્લાદેશે શરૂઆતમાં જ 3 વિકેટ ગુમાવી દીધી છે.  

બુમરાહ-સિરાજે બાંગ્લાદેશ પર બનાવ્યું દબાણ

ભારત અને બાંગ્લાદેશ વચ્ચેની પ્રથમ ટેસ્ટના બીજા દિવસની રમત ચાલુ છે. ટીમ ઈન્ડિયા ઓલઆઉટ થયા બાદ બાંગ્લાદેશની ટીમ બેટિંગ કરવા ઉતરી છે. પ્રથમ ઓવરમાં જ બાંગ્લાદેશને મોટો ઝટકો લાગ્યો હતો. બુમરાહ અને સિરાજે શાનદાર બોલિંગ કરી બાંગ્લાદેશના બેટ્સમેનો પર દબાણ બનાવ્યું છે. 6 ઓવર બાદ બાંગ્લાદેશનો સ્કોર 1 વિકેટે 17 રન થયો છે. 

બાંગ્લાદેશને લાગ્યો પહેલો ઝટકો

બાંગ્લાદેશની ટીમને ઇનિંગ્સની પહેલી જ ઓવરમાં જ ઝચકો લાગ્યો હતો. જસપ્રીત બુમરાહે ઓવરના છેલ્લા બોલ પર શાદમાન ઈસ્લામને ક્લીન બોલ્ડ કર્યો હતો. તે બે રન બનાવી શક્યો હતો. બુમરાહનો બોલ ફટકાર્યા બાદ અંદર આવ્યો હતો. શાદમાને બોલનો ખોટો અંદાજ લગાવ્યો. તેમને લાગ્યું કે બોલ વિકેટની બહાર જશે, પરંતુ બોલ સીધો ગયો અને સ્ટમ્પ પર અથડાયો. ભારતને પ્રથમ ઓવરમાં જ સફળતા મળી હતી. હાલમાં ઝાકિર હસન અને કેપ્ટન નઝમુલ હુસૈન શાંતો ક્રિઝ પર છે.

બાંગ્લાદેશનો પ્રથમ દાવ શરૂ થયો

બાંગ્લાદેશનો પ્રથમ દાવ શરૂ થઈ ગયો છે. ઓપનર શાદમાન ઈસ્લામ અને ઝાકિર હસન ક્રિઝ પર છે. ભારત તરફથી બુમરાહ પ્રથમ ઓવર ફેંકી રહ્યો હતી. તેનો બોલ ઘણો સ્વિંગ થઈ રહ્યો છે. તે બાંગ્લાદેશી ઓપનરોને પરેશાન કરી રહ્યો છે.

ભારતીય ટીમ 376 રનમાં ઓલઆઉટ

ભારતીય ટીમનો પ્રથમ દાવ 376 રન પર સમાપ્ત થયો હતો. આજે એટલે કે શુક્રવારે ટીમ ઈન્ડિયાએ છ વિકેટે 339 રનથી રમવાનું શરૂ કર્યું અને 37 રનમાં 4 વિકેટ ગુમાવી દીધી હતી. ભારતીય ટીમ શુક્રવારે એક કલાકની અંદર આઉટ થઇ ગઈ હતી.

ભારતને બીજા દિવસે પહેલો ફટકો રવિન્દ્ર જાડેજાના રૂપમાં લાગ્યો હતો. તે તસ્કીન અહેમદના હાથે વિકેટકીપર લિટન દાસના હાથે કેચ આઉટ થયો હતો. જાડેજાએ 86 રન બનાવ્યા હતા. તેણે અશ્વિન સાથે સાતમી વિકેટ માટે 199 રનની ભાગીદારી કરી હતી. આ પછી તસ્કીને આકાશ દીપને આઉટ કર્યો હતો. આકાશે 17 રન બનાવ્યા અને અશ્વિન સાથે આઠમી વિકેટ માટે 24 રનની ભાગીદારી કરી. ત્યારબાદ તસ્કીને અશ્વિનને શાંતોના હાથે કેચ કરાવ્યો હતો. તેણે 113 રન બનાવ્યા હતા. ટેસ્ટમાં આ તેની છઠ્ઠી સદી હતી.

બુમરાહ 7 રન બનાવીને હસન મહેમૂદનો શિકાર બન્યો હતો. હસને ગુરુવારે ચાર વિકેટ લીધી હતી અને બુમરાહની વિકેટ સાથે તેણે પાંચ વિકેટ ઝડપી હતી. તેણે સતત બે ટેસ્ટમાં બે પાંચ વિકેટ ઝડપી છે. તે ભારત સામેની ટેસ્ટમાં 5 વિકેટ ઝડપનાર બાંગ્લાદેશનો પ્રથમ બોલર છે. આ સિવાય તસ્કીને ત્રણ વિકેટ ઝડપી હતી. નાહીદ રાણા અને મેહદી હસન મિરાજને એક-એક વિકેટ મળી હતી.

અશ્વિનની શાનદાર ઈનિંગ સમાપ્ત થઈ

ભારતને 374ના સ્કોર પર નવમો ઝટકો લાગ્યો હતો. રવિચંદ્રન અશ્વિન 133 બોલમાં 11 ચોગ્ગા અને બે છગ્ગાની મદદથી 113 રન બનાવીને આઉટ થયો હતો. આ ઇનિંગમાં તેણે ઘણા મોટા રેકોર્ડ બનાવ્યા અને તોડ્યા. ચેપોકમાં આ તેની ઐતિહાસિક ઇનિંગ હતી. અશ્વિન અને જાડેજાએ ભારતની કમાન સંભાળી હતી. ભારતે એક સમયે 144 રનમાં 6 વિકેટ ગુમાવી હતી જે બાદ અસ્વિન-જાડેજાએ 199 રનની ભાગીદારી કરી હતી. અશ્વિને તેની ટેસ્ટ કારકિર્દીની છઠ્ઠી સદી ફટકારી હતી. આજે બીજા દિવસે ભારતે ત્રણ વિકેટ ગુમાવી દીધી છે. અશ્વિન પહેલા જાડેજા અને આકાશ દીપમાં આઉટ થયા હતા. તસ્કીન અહેમદે આજે ત્રણેય વિકેટ લીધી છે. હાલમાં મોહમ્મદ સિરાજ જસપ્રીત બુમરાહ સાથે ક્રિઝ પર છે.

આકાશદ દીપ આઉટ

ભારતને 8મો ઝટકો આકાશ દીપના નામે લાગ્યો હતો. આકાશ દીપ 17 રન બનાવીને કેચ આઉટ થયો હતો. અશ્વિન હાલમાં 112 રન બનાવીને ક્રિઝ પર છે. હવે અશ્વિનને સાથ આપવા જસપ્રીત બુમરાહ આવ્યો છે. બુમરાહે પ્રથમ બોલે ચોગ્ગો ફટકારી પોતાના ઈરાદાઓ સાફ કર્યા હતા. 

ભારતને 367ના સ્કોર પર આઠમો ઝટકો લાગ્યો હતો. રવિન્દ્ર જાડેજા બાદ આકાશ દીપ આઉટ થયો હતો. આજ સુધીમાં માત્ર બે જ વિકેટ પડી છે. આકાશ દીપ શાંતોના હાથે તસ્કીને કેચ આઉટ કરાવ્યો હતો. તેણે અશ્વિન સાથે 24 રનની ભાગીદારી કરી હતી. આ પહેલા જાડેજાને પણ તસ્કીનએ આઉટ કર્યો હતો. તે 86 રન બનાવી શક્યો હતો. જાડેજા અને અશ્વિન વચ્ચે 199 રનની ભાગીદારી થઈ હતી. હાલ બુમરાહ અશ્વિન સાથે ક્રિઝ પર છે.

ભારતનો સ્કોર 360 રનને પાર

ભારતને બીજા દિવસે પહેલો ફટકો રવિન્દ્ર જાડેજાના રૂપમાં લાગ્યો હતો. હાલમાં ટીમ ઈન્ડિયાનો સ્કોર સાત વિકેટે 366 રન છે. જાડેજાના આઉટ થયા બાદ આકાશ દીપ સેટ થઈ ગયો છે. અશ્વિન અને આકાશ દીપ વચ્ચે આઠમી વિકેટ માટે 20+ રનની ભાગીદારી છે. આકાશ 17 રન અને અશ્વિન 111 રન પર બેટિંગ કરી રહ્યા છે. જાડેજા 86 રન બનાવીને આઉટ થયો હતો.

આકાશદીપનો કેચ છુટ્યો

બાંગ્લાદેશે ભારતને 8મો ઝટકો આપવાની આસાન તક ગુમાવી દીધી હતી. શાકિબ અલ હસને તસ્કીન અહેમદના બોલ પર આકાશદીપ સિંહનો આસાન કેચ છોડ્યો હતો. જે બાદ આકાશદીપે ચોગ્ગો ફટકાર્યો હતો.

આકાશ દીપે 2 ચોગ્ગા ફટકાર્યા

રવિન્દ્ર જાડેજાના આઉટ થયા બાદ આકાશ દીપ બેટિંગ કરવા આવ્યો છે. તે આવતાની સાથે જ આકાશ દીપે મહેમૂદ હસનની એક ઓવરમાં 2 ચોગ્ગા ફટકારીને પોતાનું ખાતું ખોલ્યું હતું. ભારતનો સ્કોર 353/7 છે.

જાડેજા આઉટ

ભારતને 343ના સ્કોર પર સાતમો ઝટકો લાગ્યો હતો. બીજા દિવસે ભારતને આ પહેલો ઝટકો છે. દિવસની ત્રીજી ઓવરમાં તસ્કીન અહેમદે રવિન્દ્ર જાડેજાને વિકેટકીપર લિટન દાસના હાથે કેચ આઉટ કરાવ્યો હતો. જાડેજાએ 124 બોલમાં 10 ચોગ્ગા અને બે છગ્ગાની મદદથી 86 રનની ઇનિંગ રમી હતી. તેણે અશ્વિન સાથે 199 રનની ભાગીદારી કરી હતી. હવે આકાશ દીપ અશ્વિનને સપોર્ટ કરવા આવ્યો છે.

જાડેજાની સદી પર નજર

બીજા દિવસની રમત શરૂ થઈ ગઈ છે. જાડેજા સ્ટ્રાઈક પર છે. અશ્વિન બાદ હવે તે સદી ફટકારી શકે છે. જાડેજા સદીથી માત્ર 14 રન દૂર છે. જાડેજા 86 અને અશ્વિન 102 રન પર બેટિંગ કરી રહ્યા છે. ભારતનો સ્કોર 6 વિકેટે 339 રન છે. બાંગ્લાદેશ તરફથી બીજા દિવસની પ્રથમ ઓવર તસ્કીન અહેમદે ફેંકી હતી.

ભારતની ઈનિંગ શરૂ

ટીમ ઈન્ડિયાની બીજા દિવસની રમત શરૂ થઈ ગઈ છે. રવિચંદ્રન અશ્વિન અને રવિન્દ્ર જાડેજા ક્રિઝ પર આવી ગયા છે. બાંગ્લાદેશ તરફથી તસ્કીન અહેમદ બોલિંગ કરવા તૈયાર છે. આજે ભારત પોતાનો સ્કોર 400ને પાર કરવા માંગશે. 

પ્રથમ દિવસે મળી જીતની ગેરંટી!

જ્યારે પણ આર અશ્વિને ટેસ્ટમાં સદી ફટકારી છે ત્યારે ટીમ ઈન્ડિયા મેચ હાર્યું નથી. અશ્વિનની છેલ્લી 5 સદી દરમિયાન ટીમ ઈન્ડિયાએ 4 મેચ જીતી છે અને એક વખત મેચ ડ્રોમાં સમાપ્ત થઈ છે.

જાડેજા પાસે મોકો

અશ્વિન બાદ રવિન્દ્ર જાડેજા પાસે સદી ફટકારવાની તક છે. જો તે રમતના બીજા દિવસે સદી ફટકારે છે તો તે તેની કારકિર્દીની 5મી સદી હશે.

બાંગ્લાદેશે બનાવ્યો ખાસ પ્લાન

બાંગ્લાદેશના કેપ્ટને બીજા દિવસ માટે ખાસ પ્લાન બનાવ્યો છે. નજમુલ શાંતોએ કહ્યું કે ટીમ ઈન્ડિયા પ્રથમ દિવસે બેટિંગ કરવા આવી ત્યારે તેની શરૂઆત સારી રહી ન હતી. રોહિત શર્મા, શુભમન ગિલ અને વિરાટ કોહલી સસ્તામાં આઉટ થયા હતા અને ત્રણેયની વિકેટ હસન મહેમૂદે લીધી હતી. આ બોલર પાસે હજુ પણ આશા છે કે જો તેની ટીમ કમર કસીલે તો તે ભારતને 400થી ઓછા સ્કોર પર ઓલઆઉટ કરી શકે છે.

અશ્વિને બનાવ્યો રેકોર્ડ 

આર અશ્વિને ટેસ્ટ ક્રિકેટમાં છઠ્ઠી વખત સદી ફટકારી છે. તેણે ચેન્નાઈ ટેસ્ટના પહેલા દિવસે એક રેકોર્ડ બનાવ્યો હતો. અશ્વિન 8માં નંબરે અથવા તેનાથી નીચેના ક્રમે બેટિંગ કરીને સૌથી વધુ સદી ફટકારનાર બીજો બેટ્સમેન બની ગયો છે. ન્યૂઝીલેન્ડનો ડેનિયલ વેટોરી 5 સદી સાથે નંબર વન પર છે. જ્યારે અશ્વિને 8માં કે તેનાથી નીચેના નંબર પર બેટિંગ કરતા 4 સદી ફટકારી છે.

ભારત પાસેથી વિશાળ સ્કોરની આશા

પ્રથમ ટેસ્ટ મેચના બીજા દિવસે રવિચંદ્રન અશ્વિન અને રવિન્દ્ર જાડેજા ભારતની ઇનિંગની આગેવાની કરશે. અશ્વિને 102 અને જાડેજાએ 86 રન બનાવ્યા છે. તેમની ભાગીદારી 195 રન સુધી પહોંચી ગઈ છે. બાંગ્લાદેશના બોલરો વહેલી સવારે વિકેટ લઈને મેચમાં પરત ફરવા ઈચ્છશે.

બાંગ્લાદેશની પ્લેઈંગ 11

શાદમાન ઈસ્લામ, ઝાકિર હસન, નઝમુલ હુસૈન શાન્તો (કેપ્ટન), મોમિનુલ હક, મુશ્ફિકુર રહીમ, શાકિબ અલ હસન, લિટન દાસ (વિકેટકીપર), મહેંદી હસન મિરાજ, તસ્કીન અહમદ, હસન મહમૂદ અને નાહીદ રાણા.

ભારતની પ્લેઈંગ 11

રોહિત શર્મા (કેપ્ટન), યશસ્વી જયસ્વાલ, શુભમન ગિલ, વિરાટ કોહલી, કેએલ રાહુલ, રિષભ પંત (વિકેટકીપર), રવિન્દ્ર જાડેજા, રવિચંદ્રન અશ્વિન, જસપ્રિત બુમરાહ, આકાશ દીપ અને મોહમ્મદ સિરાજ.

જયસ્વાલ ચમક્યો, ટોપ ઓર્ડર નિષ્ફળ ગયો

યશસ્વી જયસ્વાલને બાદ કરતાં ભારતનો ટોપ ઓર્ડર સંપૂર્ણ નિષ્ફળ સાબિત થયો હતો. કેપ્ટન રોહિત શર્માએ 6 રન, વિરાટ કોહલીએ 6 રન બનાવ્યા અને લાંબા સમય બાદ ટેસ્ટ ક્રિકેટમાં વાપસી કરનાર વિકેટકીપર બેટ્સમેન રિષભ પંત 39 રન બનાવીને પેવેલિયન પરત ફર્યા, જ્યારે શુભમન ગિલનું બેટ સંપૂર્ણ ફ્લોપ રહ્યું અને તે ખાતુ પણ ખોલી શક્યો નહીં. આ ઉપરાંત કેએલ રાહુલ પણ પ્રથમ દાવમાં પ્રભાવિત કરી શક્યો ન હતો અને 16 રન બનાવીને છઠ્ઠા બેટ્સમેન તરીકે આઉટ થયો હતો. જોકે, અશ્વિન અને જાડેજા સિવાય ઓપનર યશસ્વી જયસ્વાલે પણ પોતાની તાકાત બતાવી હતી અને 118 બોલમાં 9 ચોગ્ગાની મદદથી 56 રન બનાવ્યા હતા.

પિચ રિપોર્ટ

જેમ જેમ દિવસો પસાર થશે તેમ હવામાન વધુ ગરમ થશે. આ સાથે પીચ બેટિંગ માટે સરળ બની જશે. પીચ પર થોડો ભેજ છે અને ફૂટમાર્ક દેખાઈ રહ્યા છે, પરંતુ વચ્ચેથી ટર્ન મળવાની આશા ઓછી છે. બીજા દિવસે, પીચ બેટિંગ માટે શ્રેષ્ઠ હશે અને રન બનાવવા માટે સરળ હશે. જો ટીમ ઈન્ડિયા દિવસનો પહેલો કલાક કોઈ નુકશાન વિના પસાર કરે તો મોટો સ્કોર બનાવતી જોવા મળી શકે છે.