IND vs BAN: અશ્વિનની 6 વિકેટ, પ્રથમ ટેસ્ટમાં ભારતની શાનદાર જીત

ભારતે પ્રથમ ટેસ્ટ જીતી 

ભારતે ચેન્નાઈમાં રમાયેલી પ્રથમ ટેસ્ટમાં બાંગ્લાદેશને 280 રને હરાવીને બે મેચની શ્રેણીમાં 1-0ની લીડ મેળવી લીધી છે. 515 રનના લક્ષ્યાંકનો પીછો કરતા બાંગ્લાદેશનો બીજો દાવ 234 રનમાં સમેટાઈ ગયો હતો. રવિચંદ્રન અશ્વિને તબાહી મચાવી હતી અને 6 વિકેટ લીધી હતી. ટેસ્ટમાં આ તેની 37મી 5 વિકેટ હતી અને તેણે આ મામલે મહાન શેન વોર્નની બરાબરી કરી હતી. બાંગ્લાદેશ તરફથી નઝમુલ હુસૈન શાંતોએ સૌથી વધુ 82 રન બનાવ્યા હતા. ટોસ હાર્યા બાદ પ્રથમ બેટિંગ કરતા ભારતે પ્રથમ દાવમાં 376 રન બનાવ્યા હતા. જવાબમાં બાંગ્લાદેશનો પ્રથમ દાવ 149 રન પર સમાપ્ત થયો હતો. ભારતીય ટીમે બીજી ઇનિંગમાં બાંગ્લાદેશને ફોલોઓન થવા દીધા વિના 227 રનની લીડ સાથે બેટિંગ કરી હતી. ભારતે તેનો બીજો દાવ 4 વિકેટે 287 રન પર ડિકલેર કર્યો હતો અને કુલ 514 રનની લીડ મેળવી હતી.

રવિવારે બાંગ્લાદેશે 4 વિકેટે 158 રનથી રમત શરૂ કરી અને બાકીની છ વિકેટ ગુમાવી 76 રન ઉમેર્યા. અશ્વિને રવિવારે બાંગ્લાદેશને પહેલો ઝટકો આપ્યો હતો. તેણે શાકિબ અલ હસનને પેવેલિયન મોકલ્યો હતો. શાકિબ અને શાંતો વચ્ચે 48 રનની ભાગીદારી થઈ હતી. શાકિબ 25 રન બનાવી શક્યો હતો. તે આઉટ થતાની સાથે જ વિકેટો ખેલવા લાગી હતી. રવિન્દ્ર જાડેજાએ લિટન દાસને સ્લિપમાં રોહિત શર્માના હાથે કેચ આઉટ કરાવ્યો હતો. લિટન એક રન બનાવી શક્યો હતો. અશ્વિને ટેસ્ટમાં 37મી વખત એક ઇનિંગ્સમાં પાંચ વિકેટ લેવાની સિદ્ધિ હાંસલ કરી હતી જ્યારે મેહદી હસન મિરાજ (8) જાડેજાના હાથે કેચ આઉટ થયો હતો.

આ પછી જાડેજાએ કેપ્ટન નઝમુલ હુસૈન શાંતોને બુમરાહના હાથે કેચ કરાવ્યો હતો. તેણે 127 બોલમાં આઠ ચોગ્ગા અને ત્રણ છગ્ગાની મદદથી 82 રનની શાનદાર ઇનિંગ રમી હતી. ત્યારબાદ અશ્વિને તસ્કીન અહેમદને સિરાજના હાથે કેચ કરાવ્યો હતો. તે પાંચ રન બનાવી શક્યો હતો. જાડેજાએ હસન મહમૂદ (7)ને ક્લીન બોલ્ડ કરતાં બાંગ્લાદેશનો દાવ 234 રન પર સમાપ્ત થયો હતો. આ પહેલા શનિવારે ઝાકિર હસન (33), શાદમાન ઇસ્લામ (35), મોમિનુલ હક (13) અને મુશફિકુર રહીમ (13) પેવેલિયન પરત ફર્યા હતા. અશ્વિને શનિવાર સુધી ત્રણ વિકેટ ઝડપી હતી. તેણે શાદમાન, મોમિનુલ અને રહીમને પેવેલિયન મોકલી દીધા હતા.

ઓલઆઉટ થવા તરફ બાંગ્લાદેશ

બાંગ્લાદેશને 228ના સ્કોર પર નવમો ફટકો લાગ્યો હતો. અશ્વિને તસ્કીન અહેમદને સિરાજના હાથે કેચ કરાવ્યો હતો. તે પાંચ રન બનાવી શક્યો હતો. હાલમાં નાહીદ રાણા અને હસન મહેમૂદ ક્રિઝ પર છે. અશ્વિન માટે આ છઠ્ઠી સફળતા હતી.

બાંગ્લાદેશને આઠમો ઝટકો

બાંગ્લાદેશને 222ના સ્કોર પર આઠમો ઝટકો લાગ્યો હતો. જાડેજાએ કેપ્ટન નઝમુલ હુસૈન શાંતોને બુમરાહના હાથે કેચ કરાવ્યો હતો. તેણે 127 બોલમાં 8 ચોગ્ગા અને ત્રણ છગ્ગાની મદદથી 82 રનની શાનદાર ઇનિંગ રમી હતી. ભારત હવે જીતથી બે વિકેટ દૂર છે. હાલમાં તસ્કીન અહેમદ અને હસન મહમૂદ ક્રિઝ પર છે. બાંગ્લાદેશને 293 રનની જરૂર છે.

અશ્વિને પાંચ વિકેટ ઝડપી

ચેપોકમાં આજે અશ્વિનનો કહેર જોવા મળી રહ્યો છે. તેણે 5 વિકેટ લીધી છે. તેણે મેહદી હસન મિરાજને જાડેજાના હાથે કેચ કરાવ્યો ત્યારે અશ્વિને ટેસ્ટમાં 37મી વખત ઇનિંગ્સમાં 5 વિકેટ લેવાની સિદ્ધિ હાંસલ કરી હતી. તેણે મહાન શેન વોર્નની બરાબરી કરી લીધી છે. મેહદી 8 રન બનાવી શક્યો હતો. બાંગ્લાદેશનો સ્કોર 7 વિકેટે 222 રન છે. તેમને હવે 293 રનની જરૂર છે. હાલમાં તસ્કીન અહેમદ શાંતો સાથે ક્રિઝ પર છે. શાંતોએ 82 રન બનાવ્યા છે. ભારત જીતના ઉંબરે ઉભું છે. તેને માત્ર ત્રણ વિકેટની જરૂર છે.

બાંગ્લાદેશને છઠ્ઠો ઝટકો

515 રનના લક્ષ્યનો પીછો કરવા આવેલી બાંગ્લાદેશની ટીમને 205ના સ્કોર પર છઠ્ઠો ઝટકો લાગ્યો હતો. રવિન્દ્ર જાડેજાએ લિટન દાસને સ્લિપમાં રોહિત શર્માના હાથે કેચ આઉટ કરાવ્યો હતો. લિટન એક રન બનાવી શક્યો હતો. આ પહેલા અશ્વિને દિવસની પ્રથમ સફળતા અપાવી હતી. તેણે શાકિબ અલ હસનને યશસ્વીના હાથે કેચ કરાવ્યો હતો. બાંગ્લાદેશને હવે 310 રનની જરૂર છે. આ સાથે જ ભારતને જીતવા માટે 4 વિકેટની જરૂર છે.

બાંગ્લાદેશનો સ્કોર 200ને પાર

બાંગ્લાદેશનો સ્કોર 5 વિકેટે 205 રન થઈ ગયો છે. કેપ્ટન નઝમુલ હુસૈન શાંતો 112 બોલમાં 73 રન સુધી પહોંચી ગયો છે. તેણે 7 ચોગ્ગા અને 3 છગ્ગા ફટકાર્યા છે. બાંગ્લાદેશને હવે જીતવા માટે 310 રન બનાવવાના છે. અને ભારતે 5 વિકેટ લેવાની છે.

અશ્વિને શાકિબને આઉટ કર્યો

બાંગ્લાદેશને ચોથા દિવસે પહેલો ફટકો શાકિબ અલ હસનના રૂપમાં લાગ્યો હતો. ડ્રિંક્સ બ્રેક બાદ તરત જ તેને અશ્વિને ઓવરમાં પેવેલિયન મોકલી દીધો હતો. અશ્વિને ચોથા દિવસની તેની પહેલી જ ઓવરમાં શાકિબને યશસ્વીના હાથે કેચ આઉટ કરાવ્યો હતો. શાકિબ અને શાંતો વચ્ચે પાંચમી વિકેટ માટે 48 રનની ભાગીદારી થઈ હતી. શાકિબ 25 રન બનાવી શક્યો હતો. અત્યારે બાંગ્લાદેશનો સ્કોર 5 વિકેટે 195 રન છે. તેમને વધુ 320 રનની જરૂર છે, જ્યારે ભારતને પાંચ વિકેટની જરૂર છે. હાલમાં લિટન દાસ શાંતોને સપોર્ટ કરવા મેદાનમાં આવ્યો છે. અશ્વિન પાસે હવે 520 ટેસ્ટ વિકેટ છે અને તેણે મહાન કર્ટની વોલ્શના 519 ટેસ્ટ વિકેટના રેકોર્ડને પાછળ છોડી દીધો છે.

વિકેટની શોધમાં છે ટીમ ઈન્ડિયા 

બાંગ્લાદેશના કેપ્ટન નઝમુલ હુસૈન શાંતો અને શાકિબ અલ હસને ચેન્નાઈ ટેસ્ટના ચોથા દિવસે પોતાના પગ જમાવી લીધા છે. રનની ગતિ ધીમી હોવા છતાં 10 ઓવરની રમત હોવા છતાં હજુ સુધી એક પણ વિકેટ પડી નથી. રોહિત શર્મા જસપ્રિત બુમરાહ, મોહમ્મદ સિરાજ અને રવિન્દ્ર જાડેજાને બોલિંગ કરી ચૂક્યો છે અને હજુ પણ વિકેટની શોધમાં છે. શાંતો 61 રન તથા શાકિબ અલ હસન 21 રન બનાવીને રમી રહ્યા છે. બાંગ્લાદેશનો સ્કોર 4 વિકેટ બાદ 187 રન થયો છે. 

આજના દિવસે નથી પડી વિકેટ

ચોથા દિવસે રમતનો અડધો કલાક વીતી ગયો છે, પરંતુ બાંગ્લાદેશની ટીમે હજુ સુધી એકપણ વિકેટ ગુમાવી નથી. ભારતીય ટીમ દ્વારા સારી બોલિંગ કરવામાં આવી રહી છે. ભારતીય ઝડપી બોલરો નઝમુલ શાંતો અને શાકિબ અલ હસનને બાંધી રાખી રહ્યા છે. બાંગ્લાદેશે અત્યાર સુધી 4 વિકેટ ગુમાવીને 169 રન બનાવ્યા છે. તેમને જીતવા માટે વધુ 346 રનની જરૂર છે. આ સાથે જ ભારતને છ વિકેટની જરૂર છે.

જીતથી 6 વિકેટ દુર ભારત

બાંગ્લાદેશે 4 વિકેટ ગુમાવીને 167 રન બનાવી લીધા છે. હજું પણ જીતથી 348 રન દુર છે. બીજી તરફ ભારતને જીતવા માટે 6 વિકેટની જરૂર છે. કેપ્ટન શૈંતો 52 રન બનાવીને રમી રહ્યો છે. શાકિબ અલ હસન 11 રન બનાવીને રમી રહ્યો છે. 

ચોથા દિવસની રમત શરૂ

ચોથા દિવસની રમત શરૂ થઈ ગઈ છે. બાંગ્લાદેશની ટીમે 4 વિકેટે 158 રનથી રમવાનું શરૂ કર્યું છે. હાલમાં શાંતો અને શાકિબ ક્રિઝ પર છે. ભારતને જીતવા માટે 6 વિકેટની જરૂર છે જ્યારે બાંગ્લાદેશને વધુ 357 રનની જરૂર છે.

 357 રન vs 6 વિકેટ

ચેન્નાઈના એમએ ચિદમ્બરમ સ્ટેડિયમમાં ભારત અને બાંગ્લાદેશ વચ્ચે રમાઈ રહેલી પ્રથમ ટેસ્ટ મેચ રોમાંચક તબક્કામાં પહોંચી ગઈ છે. ભારતે બાંગ્લાદેશને જીતવા માટે 515 રનનો ટાર્ગેટ આપ્યો છે. જવાબમાં બાંગ્લાદેશની ટીમે 4 વિકેટે 158 રન બનાવ્યા છે અને તેને જીતવા માટે વધુ 357 રન બનાવવા પડશે, જ્યારે ભારત 6 વિકેટ લેતાં જ મેચ જીતી જશે. બંન્ને ટીમો વચ્ચે ત્રીજા દિવસની મેચ ખરાબ લાઈટના કારણે વહેલી સમાપ્ત થઈ ગઈ હતી. સ્ટમ્પના સમયે કેપ્ટન નઝમુલ હુસૈન શાંતો 60 બોલમાં 4 ચોગ્ગા અને ત્રણ છગ્ગાની મદદથી 51 રન અને શાકિબ અલ હસન 14 બોલમાં 5 રન સાથે ક્રિઝ પર હાજર હતો. ભારત તરફથી ઓફ સ્પિનર ​​રવિચંદ્રન અશ્વિને ત્રણ અને જસપ્રિત બુમરાહે એક વિકેટ ઝડપી હતી.

રવિચંદ્રન અશ્વિને ખાસ રેકોર્ડ બનાવ્યો

ભારતના દિગ્ગજ ઓફ સ્પિનર ​​રવિચંદ્રન અશ્વિને એક ખાસ રેકોર્ડ બનાવ્યો છે. તે ટેસ્ટની ચોથી ઇનિંગમાં ભારત માટે સૌથી વધુ વિકેટ લેનાર બોલર બની ગયો છે. અશ્વિને આ મામલે અનુભવી અનિલ કુંબલેને પાછળ છોડી દીધો છે. અશ્વિને 35 ઇનિંગ્સમાં 96 વિકેટ લીધી છે જ્યારે કુંબલેએ 35 ઇનિંગ્સમાં 94 વિકેટ લીધી છે.

બાંગ્લાદેશ પર હવામાન મહેરબાન

દરમિયાન, બાંગ્લાદેશ માટે હવામાન પણ ખરાબ હતું અને દિવસની રમત નિર્ધારિત સમય કરતાં 9.4 ઓવર પહેલા સમાપ્ત કરવી પડી હતી. બાંગ્લાદેશ અત્યારે સંઘર્ષ કરી રહ્યું હોય તેવું લાગી રહ્યું છે, પરંતુ પડતી વિકેટો વચ્ચે કેપ્ટને બીજા છેડેથી લીડ જાળવી રાખી હતી અને અડધી સદી ફટકારવામાં સફળ રહ્યો હતો. પ્રથમ દાવની તુલનામાં, બાંગ્લાદેશે બીજી ઇનિંગ્સમાં સારી બેટિંગ કરી હતી, પરંતુ અશ્વિન તેની બોલિંગથી પ્રભાવિત કરવામાં સફળ રહ્યો હતો.

બાંગ્લાદેશની પ્લેઈંગ ઈલેવન

શાદમાન ઈસ્લામ, ઝાકિર હસન, નઝમુલ હુસેન શાંતો (કેપ્ટન), મોમિનુલ હક, મુશફિકુર રહીમ, શાકિબ અલ હસન, લિટન દાસ (વિકેટકીપર), મેહિદી હસન મિરાજ, તસ્કીન અહેમદ, હસન મહમૂદ, નાહીદ રાણા.

ભારતની પ્લેઈંગ ઈલેવન

રોહિત શર્મા (કેપ્ટન), યશસ્વી જયસ્વાલ, શુભમન ગિલ, વિરાટ કોહલી, કેએલ રાહુલ, રિષભ પંત (વિકેટકીપર), રવિન્દ્ર જાડેજા, રવિચંદ્રન અશ્વિન, જસપ્રિત બુમરાહ, આકાશ દીપ, મોહમ્મદ સિરાજ.