- ભારત અને ઈંગ્લેન્ડ વચ્ચે પાંચ મેચની ટેસ્ટ સિરીઝ
- હૈદરાબાદના રાજીવ ગાંઘી સ્ટેડિયમમાં પ્રથમ મેચ
- હૈદરાબાદમાં રવિચંદ્રન અશ્વિનનો શાનદાર રેકોર્ડ
ભારત અને ઈંગ્લેન્ડ વચ્ચેની ટેસ્ટ સિરીઝને લઈને ચાહકોમાં જબરદસ્ત જોશ જોવા મળી રહ્યો છે. ઈંગ્લેન્ડ સામેની આ સિરીઝ 25 જાન્યુઆરીથી શરૂ થઈને 11 માર્ચ સુધી ચાલશે. આવી સ્થિતિમાં ચાહકોને લગભગ દોઢ મહિના સુધી સતત ઉત્સાહ જોવા મળશે. આ સિરીઝની પ્રથમ મેચ 25 જાન્યુઆરીથી 29 જાન્યુઆરી વચ્ચે રમાશે. આ મેચ હૈદરાબાદના રાજીવ ગાંધી ઈન્ટરનેશનલ સ્ટેડિયમમાં રમાશે. આ મેચમાં ચાર ભારતીય ખેલાડીઓ કમાલ કરી શકે છે. આ એવા ખેલાડી હોઈ શકે છે જે ઈંગ્લેન્ડ સામેની જીતમાં મોટી જવાબદારી નિભાવશે.
રવિચંદ્રન અશ્વિનનો રેકોર્ડ શાનદાર
આ તમામ ખેલાડીઓના આંકડા દર્શાવે છે કે તેઓ ઈંગ્લેન્ડ સામે જોરદાર ધૂમ મચાવવાના છે. આવો તમને જણાવીએ કે કોણ છે આ 4 ખેલાડીઓ. રવિચંદ્રન અશ્વિનને ઈંગ્લેન્ડ સામે રમવાની તક મળે તો તે પોતાની બોલિંગથી તબાહી મચાવી શકે છે. રાજીવ ગાંધી ઈન્ટરનેશનલ ક્રિકેટ સ્ટેડિયમમાં અશ્વિને સૌથી વધુ વિકેટ પોતાના નામે કરી છે. આ ખેલાડીએ અહીં 4 મેચ રમી છે, જેમાંથી તેણે 27 વિકેટ ઝડપી છે. આમાં અશ્વિનનું સર્વશ્રેષ્ઠ પ્રદર્શન 31 રનમાં 6 વિકેટ લેવાનું છે. અન્ય ખેલાડી રવિન્દ્ર જાડેજા છે. ભારતના ઓલરાઉન્ડર ખેલાડીનો બોલર તરીકે પણ આ મેદાન પર અનોખો રેકોર્ડ છે. તેણે આ મેદાન પર કુલ 3 મેચ રમી છે જેમાંથી તેણે 15 વિકેટ ઝડપી છે.
ચાહકોને કેએલ રાહુલ પાસેથી આશા
ભારતીય કેપ્ટન રોહિત શર્મા પણ ઈંગ્લેન્ડ સામે શાનદાર ઈનિંગ રમી શકે છે. હાલમાં જ ટીમ ઈન્ડિયાએ રોહિત શર્માની કેપ્ટન્સીમાં દક્ષિણ આફ્રિકા સામે 2 મેચની ટેસ્ટ સિરીઝ રમી હતી. આ સિરીઝમાં રોહિતનું બેટ શાંત હતું. રોહિત બંને મેચમાં કંઈ ખાસ બતાવી શક્યો નહોતો. આવી સ્થિતિમાં ઇંગ્લેન્ડ સામે રોહિતના બેટમાંથી શાનદાર ઇનિંગ જોવા મળે તેવી આશા છે. આ યાદીમાં ચોથો ખેલાડી કેએલ રાહુલ છે. રાહુલે સાઉથ આફ્રિકા સામેની 2 મેચની ટેસ્ટ સિરીઝમાં શાનદાર પ્રદર્શન કર્યું હતું. રાહુલે પ્રથમ મેચમાં પણ સદીની ઇનિંગ રમી હતી. એવી સ્થિતિમાં જ્યાં કોઈ બેટ્સમેન ફિફટી પણ ફટકારી શક્યો ન હતો, રાહુલે સદી ફટકારી હતી, આવી સ્થિતિમાં રાહુલનું બેટ ઈંગ્લેન્ડ સામે પણ ધમાલ મચાવી શકે છે.
