ભારત અને શ્રીલંકા વચ્ચે પ્રથમ વનડે ટાઈ, રોહિત-દુબેનું શાનદાર પ્રદર્શન

શિવમ દુબે આઉટ

ભારતને હવે જીતવા માટે માત્ર 1 રનની જરૂર છે. શિવમ દુબે 25 રન બનાવીને LBW આઉટ થયો હતો. ભારતે 47.4 ઓવરમાં 9 વિકેટ ગુમાવીને 230 રન બનાવ્યા છે.

18 બોલમાં 5 રનની જરૂર 

ભારતને જીતવા માટે 18 બોલમાં 5 રનની જરૂર છે. શિવમ દુબેએ સિક્સર ફટકારીને મેચની દિશા બદલી નાખી છે. તે 21 રન બનાવીને રમી રહ્યો છે. મોહમ્મદ સિરાજ 5 રન બનાવીને રમી રહ્યો છે.

 30 બોલમાં 18 રનની જરૂર

ટીમ ઈન્ડિયાને જીતવા માટે 30 બોલમાં 18 રનની જરૂર છે. તેણે 45 ઓવરમાં 8 વિકેટ ગુમાવીને 213 રન બનાવ્યા છે. શિવમ દુબે 13 રન બનાવીને રમી રહ્યો છે. મોહમ્મદ સિરાજ 1 રન બનાવીને ક્રિઝ પર છે.

કુલદીપ યાદવ આઉટ

ટીમ ઈન્ડિયાની આઠમી વિકેટ પડી. કુલદીપ યાદવ 2 રન બનાવીને આઉટ થયો હતો. હસરંગાએ તેને પેવેલિયનનો રસ્તો બતાવ્યો. ભારતને જીતવા માટે 20 રનની જરૂર છે. ટીમ ઈન્ડિયાએ 44.3 ઓવરમાં 8 વિકેટ ગુમાવીને 211 રન બનાવી લીધા છે.

ભારતને જીત માટે 26 રનની જરૂર

ભારતને જીતવા માટે 42 બોલમાં 26 રનની જરૂર છે. તેણે 43 ઓવરમાં 7 વિકેટ ગુમાવીને 205 રન બનાવ્યા છે. શિવમ દુબે 9 રન બનાવીને રમી રહ્યો છે. કુલદીપ યાદવ હજુ ખાતું ખોલાવી શક્યો નથી.

અક્ષર પટેલ આઉટ

ટીમ ઈન્ડિયાએ વધુ એક વિકેટ ગુમાવી. અક્ષર પટેલ 33 રન બનાવીને આઉટ થયો હતો. અસલંકાએ તેને પેવેલિયનનો રસ્તો બતાવ્યો. ભારતને જીતવા માટે 55 બોલમાં 34 રનની જરૂર છે. ટીમ ઈન્ડિયાએ 40.5 ઓવરમાં 7 વિકેટ ગુમાવીને 197 રન બનાવી લીધા છે.

કેએલ રાહુલ આઉટ

ટીમ ઈન્ડિયાને જીતવા માટે હજુ 10 ઓવરમાં 40 રન બનાવવાના છે. 40મી ઓવરમાં કેએલ રાહુલ વાનિન્દુ હસરાંગાના બોલ પર વેલ્લાલાગેના હાથે કેચ આઉટ થયો હતો. રાહુલે 43 બોલમાં 2 ફોરની મદદથી 31 રન બનાવ્યા હતા.

અક્ષર-રાહુલ વચ્ચે 50 રનની ભાગીદારી

ભારતે 39 ઓવરમાં 5 વિકેટ ગુમાવીને 185 રન બનાવ્યા છે. ટીમ ઈન્ડિયાને જીતવા માટે હજુ 66 બોલમાં 46 રનની જરૂર છે. અક્ષર પટેલ 54 બોલમાં 27 રન અને કેએલ રાહુલ 39 બોલમાં 27 રન સાથે રમી રહ્યો છે. તેમની ભાગીદારી 53 રન સુધી પહોંચી ગઈ છે.

35 ઓવર સમાપ્ત

ટીમ ઈન્ડિયાને જીતવા માટે 67 રનની જરૂર છે. તેણે 35 ઓવરમાં 5 વિકેટ ગુમાવીને 164 રન બનાવ્યા છે. અક્ષર પટેલ 15 રન બનાવીને રમી રહ્યો છે. કેએલ રાહુલ 14 રન બનાવીને રમી રહ્યો છે.

30 ઓવર સમાપ્ત

ભારતે 30 ઓવરમાં 5 વિકેટ ગુમાવીને 149 રન બનાવ્યા છે. અક્ષર પટેલ 27 બોલમાં 11 રન બનાવીને રમી રહ્યો છે. કેએલ રાહુલ 12 બોલમાં 8 રન બનાવીને રમી રહ્યો છે.

શ્રેયસ ઐયર

ટીમ ઈન્ડિયાની પાંચમી વિકેટ પડી હતી. શ્રેયસ ઐયર 23 રન બનાવીને આઉટ થયો હતો. ફર્નાન્ડોએ અય્યરને પેવેલિયનનો રસ્તો બતાવ્યો હતો. ભારતે 25 ઓવરમાં 5 વિકેટ ગુમાવીને 132 રન બનાવ્યા છે. તેને જીતવા માટે 99 રનની જરૂર છે.

વિરાટ કોહલી આઉટ

ભારતીય ટીમની મોટી વિકેટ પડી હતી. વિરાટ કોહલી 32 બોલમાં 24 રન બનાવીને આઉટ થયો હતો. તેણે બે ચોગ્ગા ફટકાર્યા. ભારતે 23.1 ઓવરમાં 130 રન બનાવ્યા છે. ટીમ ઈન્ડિયાની 4 વિકેટ પડી ગઈ છે. શ્રેયસ ઐયર 23 રન બનાવીને રમી રહ્યો છે. કેએલ રાહુલ હવે બેટિંગ કરવા આવ્યો છે.

વિરાટ-ઐયર વચ્ચે સારી પાર્ટનરશિપ

ભારતે 23 ઓવરમાં 3 વિકેટ ગુમાવીને 130 રન બનાવ્યા છે. વિરાટ કોહલી 24 રન બનાવીને રમી રહ્યો છે. શ્રેયસ ઐયર 23 રન બનાવીને રમી રહ્યો છે. આ બંને વચ્ચે 43 રનની ભાગીદારી છે. ભારતને જીતવા માટે 101 રનની જરૂર છે.

18 ઓવર સમાપ્ત

ભારતે 18 ઓવરમાં 3 વિકેટ ગુમાવીને 98 રન બનાવ્યા છે. શ્રેયસ ઐયર 7 રન બનાવીને રમી રહ્યો છે. વિરાટ કોહલી 8 રન બનાવીને રમી રહ્યો છે. શ્રીલંકાને દુનિથ વેલ્લાલાગે 2 વિકેટો ઝડપી છે. જ્યારે અકિલા ધનંજયાએ એક વિકેટ લીધી હતી.

વોશિંગ્ટન સુંદર આઉટ

ટીમ ઈન્ડિયાની ત્રીજી વિકેટ વોશિંગ્ટન સુંદરના રૂપમાં પડી. તે 4 બોલમાં 5 રન બનાવીને આઉટ થયો હતો. ધનંજયાએ તેને પેવેલિયનનો રસ્તો બતાવ્યો. હવે શ્રેયસ ઐયર બેટિંગ કરવા આવ્યો છે. ભારતે 3 વિકેટ ગુમાવીને 87 રન બનાવી લીધા છે.

રોહિત શર્મા આઉટ

ટીમ ઈન્ડિયાને મોટો ઝટકો લાગ્યો છે. કેપ્ટન રોહિત શર્મા 47 બોલમાં 58 રન બનાવીને આઉટ થયો હતો. તેણે 7 ફોર અને 3 સિકસર ફટકારી હતી. વેલ્લાલાગે રોહિતને પેવેલિયનનો રસ્તો બતાવ્યો. હવે વોશિંગ્ટન સુંદર બેટિંગ કરવા આવ્યો છે.

શુભમન ગિલ આઉટ

ટીમ ઈન્ડિયાની પ્રથમ વિકેટ પડી હતી. શુભમન ગિલે 35 બોલનો સામનો કર્યો હતો અને 16 રન બનાવીને આઉટ થયો હતો. તેણે 2 ચોગ્ગા ફટકાર્યા હતા. વેલ્લાલાગે ગિલને પેવેલિયનનો રસ્તો બતાવ્યો. હવે વિરાટ કોહલી બેટિંગ કરવા આવ્યો છે.

રોહિત શર્માએ ફટકારી ફિફ્ટી

રોહિત શર્માએ શાનદાર બેટિંગ કરી અને ફિફ્ટી ફટકારી હતી. તે 35 બોલમાં 54 રન બનાવીને રમી રહ્યો છે. જ્યારે શુભમન ગિલ 13 રન બનાવીને રમી રહ્યો છે. ભારતે 10 ઓવરમાં 71 રન બનાવ્યા છે.

રોહિત-ગિલ વચ્ચે 50 રનની પાર્ટનરશિપ

રોહિત શર્મા અને શુભમન ગિલ વચ્ચેની ફિફ્ટીની ભાગીદારી પૂર્ણ થઈ ગઈ છે. ભારતે 6 ઓવરમાં કોઈપણ નુકસાન વિના 55 રન બનાવી લીધા છે. રોહિત શર્મા 25 બોલમાં 41 રન બનાવીને રમી રહ્યો છે. શુભમન ગિલ 11 રન બનાવીને રમી રહ્યો છે.

ભારતની શાનદાર શરૂઆત

ટીમ ઈન્ડિયાએ શાનદાર શરૂઆત કરી છે. તેણે 5 ઓવરમાં કોઈપણ નુકશાન વિના 48 રન બનાવ્યા છે. રોહિત શર્મા 37 રન બનાવીને રમી રહ્યો છે. 21 બોલનો સામનો કરીને તેણે 5 ચોગ્ગા અને 2 છગ્ગા ફટકાર્યા હતા. શુભમન ગિલ 10 રન બનાવીને રમી રહ્યો છે.

ભારતની ઈનિંગ શરૂ

શ્રીલંકાએ આપેલા 231 રનના ટાર્ગેટનો પીછો કરવા માટે ભારતીય ટીમ મેદાનમાં ઉતરી છે. ભારત તરફથી રોહિત શર્મા અને શુભમન ગિલ ક્રિઝ પર આવ્યા છે. શ્રીલંકા તરફથી ઓવરની શરૂઆત અસિથા ફર્નાન્ડોએ કરી હતી.

ભારતને મળ્યું 231 રનનું લક્ષ્ય

પથુમ નિસાન્કા અને દુનિથ વેલ્લાલાગેની અડધી સદીની મદદથી શ્રીલંકાએ પ્રથમ વનડેમાં ભારતને 231 રનનો લક્ષ્યાંક આપ્યો હતો. ટોસ જીતીને પ્રથમ બેટિંગ કરવા ઉતરેલી શ્રીલંકાએ વેલ્લાલાગેના 65 બોલમાં અણનમ 66 રન અને નિસાન્કાના 56 રનની ઇનિંગ્સના આધારે 50 ઓવરમાં 8 વિકેટે 230 રન બનાવ્યા હતા. પ્રથમ બેટિંગ કરવા આવેલી શ્રીલંકાની શરૂઆત સારી રહી ન હતી અને 101 રનમાં 5 વિકેટ ગુમાવી દીધી હતી. જોકે, પહેલા નિસાન્કા અને પછી વેલ્લાલાગેએ શાનદાર અડધી સદીની ઇનિંગ રમીને શ્રીલંકાને અહીં પહોંચાડ્યૂ હતુ. શ્રીલંકાએ ભારત માટે પડકારજનક લક્ષ્યાંક નક્કી કરવામાં સફળ રહ્યા હતા. ભારત તરફથી ફાસ્ટ બોલર અર્શદીપ સિંહ અને અક્ષર પટેલે બે-બે વિકેટ લીધી હતી જ્યારે મોહમ્મદ સિરાજ, શિવમ દુબે, કુલદીપ યાદવ અને વોશિંગ્ટન સુંદરને એક-એક વિકેટ મળી હતી.

વેલ્લાલાગેની ફિફ્ટી

દુનિથ વેલ્લાલાગે શાનદાર બેટિંગ કરી અને ભારત સામે અડધી સદી ફટકારી હતી. તેણે 5 ફોર અને 1 સિક્સર ફટકારી છે. વેલ્લાલાગેની શાનદાર ઇનિંગ્સના કારણે 48 ઓવર બાદ શ્રીલંકાનો સ્કોર 200ને પાર કરી ગયો છે. વેલાલાગે 59 બોલમાં 50 રન બનાવ્યા બાદ રમી રહ્યો છે અને શ્રીલંકાને ફાઇટીંગ સ્કોર સુધી લઇ જવાની જવાબદારી તેની છે. 

શ્રીલંકાએ 200 રન પૂરા કર્યા

શ્રીલંકાની ટીમે ભારત સામેની પ્રથમ વનડે મેચમાં 200 રન પૂરા કર્યા છે. શ્રીલંકાએ 47 ઓવરના અંતે 7 વિકેટે 201 રન બનાવ્યા છે. વેલ્લલાગે 48 રન બનાવીને રમી રહ્યો છે. અકિલા ધનંજયા 8 રન બનાવીને રમી રહ્યો છે.

શ્રીલંકા 44 ઓવરમાં 183/7

વોશિંગ્ટન સુંદરે 44મી ઓવરમાં 5 રન આપ્યા હતા. આ ઓવરમાં વેલ્લલાગે ચોગ્ગો ફટકાર્યો અને અકિલા ધનંજય નવા બેટ્સમેન તરીકે રમવા આવ્યો છે. શ્રીલંકાનો સ્કોર હવે 7 વિકેટના નુકસાન પર 183 રન છે.

હસરંગા આઉટ

ફાસ્ટ બોલર અર્શદીપ સિંહે વાનિંદુ હસરંગાને આઉટ કરીને ભારતને સાતમી સફળતા અપાવી હતી. હસરંગા 35 બોલમાં 24 રન બનાવીને આઉટ થયો હતો. જો કે, દુનિથ વેલ્લાલાગે ક્રિઝ પર હાજર છે, જે 45 બોલમાં 34 રન બનાવીને રમી રહ્યો છે.

વેલ્લાલાગે-હસરંગાની સારી ભાગીદારી

શ્રીલંકાએ 42 ઓવરમાં 6 વિકેટ ગુમાવીને 173 રન બનાવ્યા છે. વાનિન્દુ હસરંગાએ 24 અને દુનિથ વેલાલાગે 29 રન બનાવ્યા છે. કુલદીપ યાદવે પોતાની 10 ઓવર પૂરી કરી. તેના સ્પેલમાં તેણે 10 ઓવરમાં 33 રન આપીને એક વિકેટ લીધી હતી.

શ્રીલંકાએ 39 ઓવરમાં 157 રન બનાવ્યા 

શ્રીલંકાએ 39 ઓવરમાં 6 વિકેટ ગુમાવીને 157 રન બનાવ્યા છે. વાનિન્દુ હસરંગા 10 રન બનાવીને રમી રહ્યો છે. દુનિથ 27 રન બનાવીને રમી રહ્યો છે. ભારત તરફથી અક્ષર પટેલે 2 વિકેટ ઝડપી છે. કુલદીપ-સિરાજ-સુંદર-દુબેએ પણ 1-1 વિકેટ લીધી છે.

લિયાનાગે આઉટ, અક્ષરને મળી બીજી સફળતા

શ્રીલંકાની છઠ્ઠી વિકેટ પડી. જેનિથ લિયાનાગે 26 બોલમાં 20 રન બનાવીને આઉટ થયો હતો. અક્ષર પટેલે તેને પેવેલિયનનો રસ્તો બતાવ્યો હતો. આ રીતે શ્રીલંકાને છઠ્ઠો ઝટકો લાગ્યો છે. ટીમે 35 ઓવરમાં 143 રન બનાવ્યા છે. દુનિથ વેલ્લાલાગે 22 રન બનાવીને રમી રહ્યો છે. વાનિન્દુ હસરંગા 1 રન બનાવીને રમી રહ્યો છે. અક્ષર ુપટેલને 2 વિકેટ મળી છે. 

દુનિથ-જેનિથનું શાનદાર પ્રદર્શન

દુનિથ વેલ્લાલાગે અને જેનિથ લિયાનાગેએ શ્રીલંકાના દાવને સંભાળવાનો પ્રયાસ કર્યો હતો. શ્રીલંકાએ 101 રનના સ્કોર પર 5 વિકેટ ગુમાવી દીધી હતી, પરંતુ વેલ્લાલાગે અને લિયાનાગે કેટલાક શોટ રમીને ઇનિંગ બનાવી રાખી હતી. 33 ઓવરના અંતે શ્રીલંકાએ 5 વિકેટે 136 રન બનાવી લીધા છે.

શુભમન ગિલ બોલિંગ કરવા આવ્યો 

ભારતીય કેપ્ટન રોહિત શર્માએ 32મી ઓવર નાખવા માટે બોલ શુભમન ગિલને સોંપ્યો હતો. ગિલની ઓવરમાં 1 સિક્સ અને એક ચોગ્ગો આવ્યો હતો. આ સાથે 32 ઓવર બાદ શ્રીલંકાનો સ્કોર 5 વિકેટે 128 રન થયો છે. 

શ્રીલંકાએ 30 ઓવરમાં 112 રન બનાવ્યા

શ્રીલંકાએ 30 ઓવરમાં 5 વિકેટ ગુમાવીને 112 રન બનાવ્યા હતા. જેનીથ 5 રન બનાવીને રમી રહ્યો છે. જ્યારે દુનિથ વેલ્લાલાગે 8 રન બનાવીને રમી રહ્યો છે.

પથુમ નિશંકા આઉટ

વોશિંગ્ટન સુંદરે પથુમ નિશંકાને આઉટ કરીને શ્રીલંકાને પાંચમો ઝટકો આપ્યો હતો. નિશંક સારી ઇનિંગ રમી રહ્યો હતો અને તેણે અડધી સદી ફટકારી હતી, પરંતુ વોશિંગ્ટને તેને LBW આઉટ કરીને તેની ઇનિંગ્સનો અંત કર્યો હતો. નિશંક 75 બોલમાં 56 રન બનાવીને આઉટ થયો હતો. શ્રીલંકાએ 24 ઓવરમાં 4 વિકેટ ગુમાવીને 91 રન બનાવ્યા છે. જેનીથ લિયાનાગે હજુ સુધી ખાતું ખોલાવી શક્યું નથી.

નિશંકાએ અડધી સદી

લગાતાર પડતી વિકેટો વચ્ચે પથુમ નિશંકાએ શ્રીલંકાની ઇનિંગ સંભાળી હતી અને મુશ્કેલ સંજોગોમાં અડધી સદી ફટકારી હતી. નિશાંક હાલમાં 68 બોલમાં 8 ચોગ્ગાની મદદથી 50 રન બનાવ્યા બાદ રમી રહ્યો છે.

અસલંકા પેવેલિયન પરત ફર્યો

રિસ્ટ સ્પિનર ​​કુલદીપ યાદવે શાનદાર બોલિંગ કરી અને કેપ્ટન ચરિથ અસલંકાને આઉટ કરીને શ્રીલંકાને ચોથો ઝટકો આપ્યો હતો. અસલંકા 21 બોલમાં 14 રન બનાવીને આઉટ થઈ ગયો હતો, તેણે 2 ચોગ્ગા ફટકાર્યા હતા. શ્રીલંકાએ 91 રનમાં 4 વિકેટ ગુમાવી દીધી છે.

22 ઓવર સમાપ્ત

કુલદીપ યાદવે 22મી ઓવરમાં 3 રન આપ્યા હતા. જ્યારે 21મી ઓવરમાં કુલ 8 રન આવ્યા હતા. શ્રીલંકાએ 22 ઓવરમાં 79 રન બનાવ્યા છે. કુલદીપે પોતાના સ્પેલમાં અત્યાર સુધી 3 ઓવરમાં 11 રન આપ્યા છે. અસલંકા અને નિસાન્કાની ભાગીદારી 21 બોલમાં 19 રન સુધી પહોંચી ગઈ છે.

અક્ષર પટેલને મળી સફળતા

અક્ષર પટેલે સદિરા સમરવિક્રમાને આઉટ કરીને શ્રીલંકાને ત્રીજો ઝટકો આપ્યો હતો. સમરવિક્રમા 18 બોલમાં 8 રન બનાવીને આઉટ થયો હતો. આમ શ્રીલંકાએ 60 રનના સ્કોર પર ત્રણ વિકેટ ગુમાવી દીધી હતી. જોકે, પથુમ નિશંક ક્રિઝ પર છે અને 32 રન બનાવીને રમી રહ્યો છે.

16 ઓવર સમાપ્ત

શ્રીલંકાએ 16 ઓવરમાં 2 વિકેટ ગુમાવીને 56 રન બનાવ્યા છે. આ સાથે ડ્રિંક્સ બ્રેક પૂરો થઈ ગયો છે. નિસાન્કાએ 30 અને સમરવિક્રમાએ 6 રન બનાવ્યા છે. બંને વચ્ચેની ભાગીદારી 10 રન સુધી પહોંચી ગઈ છે. ભારતના બોલર મોહમ્મદ સિરાજને 1 વિકેટ તથા શિવમ દુબેને 1 વિકેટ મળી છે. 

શિવમ દુબેએ ભારતને આપી મહત્વની વિકેટ, શ્રીલંકાને બીજો ઝટકો

ભારતીય કેપ્ટન રોહિત શર્માએ આ ઓવર શિવમ દુબેને આપી હતી. તેણે પોતાની ત્રીજી ઓવરમાં જ અજાયબી કરી બતાવી. દુબેએ ટીમ ઈન્ડિયાને વિકેટ અપાવી છે. શ્રીલંકાના કુસલ મેન્ડિસ 31 બોલમાં 14 રન બનાવીને આઉટ થયો હતો. શ્રીલંકાએ 13.1 ઓવરમાં 2 વિકેટ ગુમાવીને 46 રન બનાવી લીધા છે. પથુમ નિસાંકા 27 રન બનાવીને રમી રહ્યો છે.

ભારત વિરુદ્ધ છેલ્લી પાંચ વનડેમાં શ્રીલંકાના પાવરપ્લેનો સ્કોર

• 39/5
• 39/3
• 31/6
• 14/6
• 37/1 (આજે)

ક્રિઝ પર ટક્યા નિસાન્કા-મેન્ડિસ

પથુમ નિશંકા અને કુસલ મેન્ડિસ ક્રિઝ પર રહ્યા અને 11મી ઓવરના અંત સુધીમાં શ્રીલંકાએ એક વિકેટે 39 રન બનાવી લીધા હતા. પાવરપ્લેમાં શ્રીલંકાએ એક વિકેટે 37 રન બનાવ્યા હતા અને ભારત સામેની છેલ્લી પાંચ વનડે મેચોમાં આ સમયગાળા દરમિયાન ટીમ પચાસ રન કરી શકી નથી. 

શ્રીલંકા માટે નિસાન્કાની સારી બેટિંગ

શ્રીલંકા માટે પથુમ નિસાન્કા સારી બેટિંગ કરી રહ્યો છે. તે 32 બોલમાં 25 રન બનાવીને રમી રહ્યો છે. નિસાન્કાએ 5 ચોગ્ગા ફટકાર્યા છે. કુસલ મેન્ડિસ 4 રન બનાવીને રમી રહ્યો છે. શ્રીલંકાએ 9 ઓવરમાં 32 રન બનાવ્યા છે. ટીમે એક વિકેટ ગુમાવી છે.

શ્રીલંકાની વાપસી

શરૂઆતના આંચકા બાદ શ્રીલંકાની ઈનિંગમાં સુધારો થયો છે. કુસલ મેન્ડિસ અને પથુમ નિશંકાએ શ્રીલંકાને અંકુશમાં રાખ્યું હતું અને સાત ઓવરના અંત સુધી અન્ય કોઈ વિકેટ પડવા દીધી ન હતી. સાત ઓવર પછી શ્રીલંકાનો સ્કોર એક વિકેટે 25 રન છે. મોહમ્મદ સિરાજે અવિશકા ફર્નાન્ડોને આઉટ કરીને ભારતને પ્રથમ સફળતા અપાવી હતી.

5 ઓવર સમાપ્ત

શ્રીલંકાએ 5 ઓવરમાં એક વિકેટ ગુમાવીને 14 રન બનાવી લીધા છે. પથુમ નિસાંકા 12 રન બનાવીને રમી રહ્યો છે. કુસલ મેન્ડિસ 1 રન બનાવીને રમી રહ્યો છે. ભારત તરફથી મોહમ્મદ સિરાજે એકમાત્ર વિકેટ લીધી હતી. ટીમ ઈન્ડિયા વિકેટની શોધમાં છે.

4 ઓવર સમાપ્ત

અર્શદીપની ઓવરમાં 1 ચોગ્ગા સાથે કુલ 6 રન આવ્યા હતા. આ સાથે પથુમ નિસાન્કા 14 બોલમાં 12 રન બનાવીને રમી રહ્યો છે તથા કુસલ મેન્ડિસ હજું ખાતુ પણ ખોલાવી શક્યો નથી. 4 ઓવર બાદ શ્રીલંકાનો સ્કોર 1 વિકેટે 13 રન છે. 

ફર્નાન્ડો આઉટ

ભારતીય ઝડપી બોલર મોહમ્મદ સિરાજે અવિશકા ફર્નાન્ડોને આઉટ કરીને ટીમને પ્રથમ સફળતા અપાવી હતી. અર્શદીપ સિંહે ફર્નાન્ડો સિરાજનો કેચ પકડ્યો હતો. ફર્નાન્ડો 7 બોલમાં એક રન બનાવીને આઉટ થયો હતો. હવે કુસલ મેન્ડિસ ક્રિઝ પર આવ્યો છે. 3 ઓવર બાદ શ્રીલંકાનો સ્કોર 1 વિકેટે 7 રન છે. 

2 ઓવર સમાપ્ત

ભારત તરફથી બોલિંગ કરતી વખતે સિરાજે પ્રથમ ઓવરમાં માત્ર 4 રન આપ્યા હતા. અર્શદીપ સિંહે બીજી ઓવર નાખી. તેણે માત્ર 3 રન આપ્યા હતા. શ્રીલંકાએ 2 ઓવરમાં કોઈપણ નુકશાન વિના 7 રન બનાવ્યા હતા.

પ્રથમ ઓવર સમાપ્ત

પ્રથમ ઓવર મોહમ્મદ સિરાજે નાખી હતી. આ ઓવરમાં એક ફોર આવી હતી. 1 ઓવર બાદ વિના વિકેટે શ્રીલંકાનો સ્કોર 4 રન થયો છે. 

શ્રીલંકાની ઇનિંગ શરૂ

શ્રીલંકાની ટીમ ટોસ જીતીને પ્રથમ બેટિંગ કરવા ઉતરી છે. શ્રીલંકાના ઓપનર પથુમ નિસાન્કા અને આવિષ્કા ફર્નાન્ડો ક્રિઝ પર આવ્યા છે. પ્રથમ ઓવર માટે રોહિત શર્માએ મોહમ્મદ સિરાજના હાથમાં બોલ પકડાવ્યો છે. 

કાળી પટ્ટી બાંધીને ઉતરશે ભારતીય ટીમ

શ્રીલંકા સાથેની મેચ દરમિયાન ભારતીય ખેલાડીઓ કાળી પટ્ટી પહેરીને મેદાનમાં ઉતરશે. ખેલાડીઓ ભારતના દિગ્ગજ ક્રિકેટર અંશુમાન ગાયકવાડને શ્રદ્ધાંજલિ આપશે. ગાયકવાડનું 31 જુલાઈના રોજ વડોદરામાં અવસાન થયું હતું. તેઓ 71 વર્ષના હતા. તેઓ લાંબા સમયથી કેન્સર સામે લડી રહ્યા હતા.

કોલંબોનો પિચ રિપોર્ટ

ભારત અને શ્રીલંકા વચ્ચે પ્રથમ વનડે મેચ કોલંબોના આર પ્રેમદાસા સ્ટેડિયમમાં રમાશે. આ સ્ટેડિયમની પીચ વિશે કહી શકાય કે ટોસ જીતનાર કેપ્ટન પહેલા બોલિંગ કરવાનું પસંદ કરી શકે છે. આ પીચ બેટ્સમેન માટે અનુકૂળ માનવામાં આવે છે કારણ કે તેની શુષ્ક આબોહવા અને શુષ્ક સપાટી સારી બેટિંગની સ્થિતિ પૂરી પાડે છે.

જેમ જેમ મેચ આગળ વધશે તેમ તેમ સ્પિનરોને આ પીચમાંથી મદદ મળવાની શક્યતા વધુ રહેશે કારણ કે પીચ ટર્ન અને બાઉન્સ આપશે. જેમ-જેમ મેચ આગળ વધશે તેમ-તેમ પિચ ધીમી થતી જશે, જેના કારણે બેટ્સમેનોને સરળતાથી રન બનાવવા મુશ્કેલ બનશે. આનો અર્થ એ છે કે ઝડપી બોલરોએ અસરકારક બનવા માટે કટર અને ગતિમાં વિવિધતા પર આધાર રાખવો પડશે, ખાસ કરીને ઇનિંગ્સના અંતમાં.

આ ખેલાડીએ કર્યુ ડેબ્યુ

મોહમ્મદ શિરાઝ આ મેચમાં શ્રીલંકા માટે ડેબ્યૂ કરી રહ્યો છે. જ્યારે ટીમ ઈન્ડિયાએ રિષભ પંતને તક આપી નથી. જ્યારે શિવમ દુબેને તક મળી છે.

શ્રીલંકાની પ્લેઇંગ ઇલેવન

પથુમ નિસાન્કા, અવિષ્કા ફર્નાન્ડો, કુસલ મેન્ડિસ(wk), સદીરા સમરવિક્રમા, ચારિથ અસલંકા(c), જેનિથ લિયાનાગે, વાનિન્દુ હસરાંગા, દુનિથ વેલેલાગે, અકિલા દનંજયા, અસિથા ફર્નાન્ડો, મોહમ્મદ શિરાઝ

ભારતની પ્લેઇંગ ઇલેવન

 રોહિત શર્મા (c), શુભમન ગિલ, વિરાટ કોહલી, શ્રેયસ ઐયર, કેએલ રાહુલ (wk), વોશિંગ્ટન સુંદર, શિવમ દુબે, અક્ષર પટેલ, કુલદીપ યાદવ, અર્શદીપ સિંહ, મોહમ્મદ સિરાજ.

ભારત અને શ્રીલંકાનો હેડ ટૂ હેડ રેકોર્ડ

ભારત અને શ્રીલંકા વચ્ચે 168 ODI મેચ રમાઈ છે. જેમાંથી ભારતે 99 અને શ્રીલંકાએ 57 મેચ જીતી છે. 11 મેચમાં કોઈ પરિણામ આવ્યું નથી. બંને વચ્ચે ટાઈ મેચ રહી હતી. આ 99 મેચોમાંથી ભારતે પોતાના હોમ ગ્રાઉન્ડ પર 40 મેચ જીતી છે, જ્યારે વિરોધી ટીમના હોમ ગ્રાઉન્ડ પર 32 મેચ જીતી છે. ન્યુટ્રલ વેન્યૂ પર 27 મેચ જીતી છે.

ટોસ

ભારત સામેની વનડે સિરીઝની પ્રથમ મેચ માટે શ્રીલંકાએ ટોસ જીતીને બેટિંગ કરવાનો નિર્ણય લીધો છે. ટીમ ઈન્ડિયા પહેલા બોલિંગ માટે મેદાનમાં ઉતરશે. ભારતીય ટીમના પ્લેઈંગ ઈલેવનમાં કેએલ રાહુલ અને શ્રેયસ ઐયરની વાપસી થઈ છે.