IND vs SL: ભારતે શ્રીલંકાને સુપર ઓવરમાં હરાવીને સિરીઝ 3-0થી કબજે કરી

ભારતે શ્રીલંકાને સુપર ઓવરમાં હરાવ્યું

ભારતે શ્રીલંકાને સુપર ઓવરમાં હરાવ્યું હતું. ભારતને જીતવા માટે 3 રન બનાવવાના હતા. ટીમ ઈન્ડિયા તરફથી સૂર્યકુમાર યાદવ અને શુભમન ગિલ બેટિંગ કરવા ઉતર્યા હતા. સૂર્યકુમાર યાદવે મહિષ તિક્ષીનાના પહેલા જ બોલ પર ચોગ્ગો ફટકારીને જીત મેળવી હતી.

સુપર ઓવરમાં શ્રીલંકાની ઈનિંગ

ભારત તરફથી સુપર ઓવરમાં વોશિંગ્ટને બોલિંગ કરી હતી. સુંદરે પ્રથમ બોલ વાઈડ નાખ્યો હતો. ત્યાર બાદ એક રન આપ્યો અને પછીના 2 બોલમાં 2 વિકેટ લીધી હતી. ભારતને સુપર ઓવરમાં ભારતને જીતવા માટે 3 રનનો ટાર્ગેટ મળ્યો છે.

મેચ ટાઈ

ભારતે મેચમાં શાનદાર વાપસી કરતા મેચમાં ટાઈ થઈ છે. સૂર્યકુમાર યાદવની ઓવરમાં શ્રીલંકાના બેટ્સમેનો 6 બોલમાં 6 રન બનાવી શક્યા ન હતા. છેલ્લી ઓવરમાં સૂર્યકુમાર યાદવે 5 રન આપીને 2 વિકેટ ઝડપી હતી. હવે સુપર ઓવરમાં લેવામાં નિર્ણય લેવામાં આવશે.

ભારતની મેચમાં વાપસી

ભારત તરફથી રિંકુ સિંહે 19મી ઓવર ફેંકી હતી. આ ઓવરમાં રિંકુ સિંહે 2 વિકેટ લીધી હતી અને માત્ર 3 રન ખર્ચ્યા હતા. હવે શ્રીલંકાને જીતવા માટે છેલ્લી ઓવરમાં 6 રનની જરૂર છે.

18 ઓવર સમાપ્ત

ખલીલ અહેમદે 18મી ઓવરમાં 12 રન આપ્યા હતા. શ્રીલંકાને જીતવા માટે 12 બોલમાં 9 રનની જરૂર છે. કુસલ પરેરા અને હસરંગા ક્રિઝ પર છે.

સુંદરે એક ઓવરમાં ઝડપી બે વિકેટ

ભારતીય ટીમે મેચમાં વાપસી કરી છે. વોશિંગ્ટન સુંદરે 17મી ઓવરમાં વાનિન્દું હસરાંગા અને કેપ્ટન ચરિથ અસલંકાને પેવેલિયનનો રસ્તો બતાવ્યો હતો. હવે શ્રીલંકાનો સ્કોર 17 ઓવર બાદ 4 વિકેટે 117 રન છે. હવે શ્રીલંકાને છેલ્લા 18 બોલમાં 21 રનની જરૂર છે.

કુસલ મેન્ડિસ આઉટ

ભારતીય ટીમને બીજી સફળતા મળી છે. રવિ બિશ્નોઈએ કુસલ મેન્ડિસને પોતાનો શિકાર બનાવ્યો હતો. કુસલ મેન્ડિસે 41 બોલમાં 43 રન બનાવ્યા હતા. હવે શ્રીલંકાનો સ્કોર 2 વિકેટે 110 રન છે. શ્રીલંકાને જીતવા માટે 24 બોલમાં 23 રનની જરૂર છે.

15 ઓવર સમાપ્ત

શ્રીલંકાનો સ્કોર 15 ઓવર બાદ 1 વિકેટે 108 રન છે. હવે શ્રીલંકાને 30 બોલમાં 30 રનની જરૂર છે. અત્યારે કુસલ મેન્ડિસ 39 બોલમાં 41 રન બનાવીને રમી રહ્યો છે. જ્યારે કુસલ પરેરાએ 24 બોલમાં 38 રન બનાવ્યા છે. બંને બેટ્સમેન વચ્ચે 37 બોલમાં 50 રનની ભાગીદારી થઈ છે.

14 ઓવર સમાપ્ત

કુસલ મેન્ડિસ અને પરેરાએ શ્રીલંકાની ઈનિંગ સંભાળી હતી. 14 ઓવર બાદ શ્રીલંકાનો સ્કોર 1 વિકેટના નુકસાને 99 રન છે. શ્રીલંકા જીત તરફ આગળ વધી રહ્યું છે.

13 ઓવર સમાપ્ત

શ્રીલંકાનો સ્કોર 13 ઓવરમાં 1 વિકેટે 88 રન છે. આ સમયે શ્રીલંકાને જીતવા માટે 42 બોલમાં 50 રનની જરૂર છે. જ્યારે કુસલ પરેરા અને કુસલ મેન્ડિસ ક્રિઝ પર છે.

12 ઓવર સમાપ્ત

ભારત તરફથી 12 ઓવર રિયાન પરાગે ફેંકી હતી. આ ઓવરમાં તેણે 8 રન આપ્યા હતા. શ્રીલંકા માટે કુસલ મેન્ડિસ અને પરેરા ક્રિઝ પર છે. શ્રીલંકાને જીતવા માટે 48 બોલમાં 56 રનની જરૂર છે.

11 ઓવર સમાપ્ત

રવિ બિશ્નોઈએ 11મી ઓવરમાં 13 રન આપ્યા હતા. આ ઓવરમાં કુસલ પરેરાએ 2 ફોર ફટાકરી હતી. શ્રીલંકાનો સ્કોર 11 ઓવર બાદ 1 વિકેટના નુકસાને 74 રન છે.

રિયાન પરાગની શાનદાર ઓવર

ભારત તરફથી 10મી ઓવર રિયાન પરાગે ફેંકી હતી. આ ઓવરમાં તેણે માત્ર 3 રન આપ્યા હતા. શ્રીલંકાનો સ્કોર 10 ઓવર બાદ 1 વિકેટના નુકસાને 61 રન છે. કુસલ મેન્ડિસ અને પરેરા બેટિંગ કરી રહ્યા છે.

પથુમ નિસાંકા આઉટ

શ્રીલંકાને પહેલો ફટકો પથુમ નિસાંકાના રૂપમાં લાગ્યો હતો. તેને રવિ બિશ્નોઈએ આઉટ કર્યો હતો. તે 26 રન બનાવીને પેવેલિયન પરત ફર્યો હતો. કુસલ પરેરા ત્રીજા નંબર પર બેટિંગ કરવા આવ્યો છે. 9 ઓવર બાદ શ્રીલંકાનો સ્કોર 1 વિકેટના નુકસાને 58 રન છે

8 ઓવર સમાપ્ત

શ્રીલંકાએ શાનદાર શરૂઆત કરી છે. પથુમ નિસાંકા અને કુસલ મેન્ડિસ વચ્ચે 50 રનની પાર્ટનરશિપ થઈ છે. મેન્ડિસ 23 બોલમાં 22 અને નિસાંકા 25 બોલમાં 26 રન બનાવીને રમી રહ્યો છે. શ્રીલંકાનો સ્કોર 8 ઓવર પછી વિના વિકેટે 50 રન છે. 

7 ઓવર સમાપ્ત

ભારત તરફથી 7મી ઓવર રિવ બિશ્નોઈએ ફેંકી હતી. આ ઓવરમાં કુલ 10 રન આવ્યા હતા. શ્રીલંકાનો સ્કોર 7 ઓવર કોઈપણ વિકેટ વિના 45 રન છે.

પાવર પ્લે સમાપ્ત

શ્રીલંકાનો સ્કોર 6 ઓવર પછી વિના વિકેટે 35 રન છે. હાલમાં પથુમ નિસાંકા 19 બોલમાં 21 રન બનાવીને રમી રહ્યો છે. જ્યારે કુસલ મેન્ડિસે 17 બોલમાં 12 રન બનાવ્યા હતા

5 ઓવર સમાપ્ત

ભારત તરફથી 5મી ઓવર વોશિંગ્ટન સુંદરે ફેંકી હતી. આ ઓવરમાં માત્ર 5 રન આપ્યા હતા. શ્રીલંકાનો સ્કોર 5 ઓવર બાદ વિના વિકેટે 31 રન છે.

4 ઓવર સમાપ્ત

મોહમ્મદ સિરાજની સ્વિંગ બોલિંગ શ્રીલંકાના બોલરોને ચોંકાવી રહી છે. તેણે ચોથી ઓવરમાં માત્ર 5 રન આપ્યા હતા. નિસાંકાએ 16 અને મેન્ડિસે 7 રન બનાવ્યા છે. શ્રીલંકાને 16 ઓવરમાં જીતવા માટે હજુ 114 રન બનાવવાના છે.

3 ઓવર સમાપ્ત

ખલીલ અહેમદે ત્રીજી ઓવરમાં 15 રન આપ્યા હતા. આ ઓવરમાં કુલ 3 ચોગ્ગા આવ્યા, જેના કારણે શ્રીલંકાએ 3 ઓવરમાં એકપણ વિકેટ ગુમાવ્યા વિના 19 રન બનાવી લીધા છે. પથુમ નિસાકાએ 13 બોલમાં 16 અને કુસલ મેન્ડિસે 5 બોલમાં 2 રન બનાવ્યા હતા.

2 ઓવર સમાપ્ત

શ્રીલંકાએ 2 ઓવરમાં માત્ર 4 રન બનાવ્યા છે. ભારત તરફથી મોહમ્મદ સિરાજ અને ખલીલ અહેમદ સારી બોલિંગ કરી રહ્યા છે.

શ્રીલંકાની ઈનિંગ શરૂ

ભારતે શ્રીલંકાને જીતવા માટે 138 રનનો ટાર્ગેટ આપ્યો છે. શ્રીલંકા તરફતી પથુમ નિસાંકા અને કુશલ મેન્ડિસ ઓપનિંગ કરવા ક્રિઝ પર આવ્યા છે. જ્યારે ભારત તરફથી ખલીલ અહેમદે ઓવરની શરૂઆત કરી છે.

ભારતે શ્રીલંકાને આપ્યો 138 રનનો ટાર્ગેટ 

ભારતે શ્રીલંકાને 138 રનનો ટાર્ગેટ આપ્યો છે. શુભમન ગિલે 39, રિયાન પરાગે 26 અને વોશિંગ્ટન સુંદરે 25 રન બનાવ્યા હતા. જ્યારે શ્રીલંકા તરફથી મહિશ તિક્ષ્ણાએ સૌથી વધુ 3 વિકેટ ઝડપી હતી. જ્યારે વાનિન્દું હસરંગાને 2 સફળતા મળી છે, 

19 ઓવર સમાપ્ત

ભારતનો સ્કોર 19 ઓવર પછી 7 વિકેટે 128 રન છે. ભારત તરફથી વોશિંગ્ટન સુંદર 14 બોલમાં 17 રન અને રવિ બિશ્નોઈ ક્રિઝ 7 બોલમાં 8 રન બનાવીને ક્રિઝ પર છે.

18 ઓવર સમાપ્ત

ભારતનો સ્કોર 18 ઓવર પછી 7 વિકેટે 120 રન છે. ભારત તરફથી વોશિંગ્ટન સુંદર 10 બોલમાં 12 રન અને રવિ બિશ્નોઈ ક્રિઝ 5 બોલમાં 4 રન બનાવીને ક્રિઝ પર છે.

17 ઓવર સમાપ્ત

ભારતનો સ્કોર 17 ઓવર પછી 7 વિકેટે 116 રન છે. ભારત તરફથી વોશિંગ્ટન સુંદર અને રવિ બિશ્નોઈ ક્રિઝ પર છે.

હસરંગાએ એક ઓવરમાં ઝડપી બે વિકેટ

હસરંગાએ ભારતને એક ઓવરમાં બે ઝટકા આપ્યા હતા. શુભમન ગિલ 37 બોલમાં 3 ફોરની મદદથી 39 રન બનાવીને સ્ટમ્પિગ આઉટ થયો હતો. જ્યારે પાચમાં બોલ પર મોટો શોટ રમવા જતા આ જ ઓવરમાં રિયાન પરાગ કેચ આઉટ થયો હતો. પરાગ 18 બોલમાં 26 રન બનાવીને પેવેલિયન પરત ફર્યો છે. ભારતનો સ્કોર 16 ઓવરમાં સાત વિકેટે 105 રન છે.

14 ઓવર સમાપ્ત

14મી ઓવરમાં ભારતીય ટીમ ગિયર બદલ્યો હતો. રિયાન પરાગે આ ઓવરમાં 2 સિકસર ફટકારી હતી. હસરંગાએ  આ ઓવરમાં 15 રન આપ્યા હતા. ગિલ 30 બોલમાં 32 રન અને રિયાન પરાગ 14 બોલમાં 25 રન કરીને બેટિંગ કરી રહ્યા છે. બંને વચ્ચે 48 રનની પાર્ટનશિરપ થઈ છે.

13 ઓવર સમાપ્ત

શુભમન ગિલ અને રિયાન પરાગે ભારતીય ટીમની ઈનિંગ સંભાળી છે, ગિલ 30 બોલમાં 32 રન અને પરાગ 10 બોલમાં 12 રન કરીને બેટિંગ કરી રહ્યો છે. 13 ઓવર બાદ ભારતનો સ્કોર 5 વિકેટના નુકસાને 81 રન છે.

11 ઓવર સમાપ્ત

ભારતનો સ્કોર 11 ઓવરમાં 5 વિકેટે 68 રન છે. હાલમાં રિયાન પરાગ અને શુભમન ગિલ ક્રિઝ પર છે. શુભમન ગિલે 23 બોલમાં 23 રન બનાવ્યા હતા. જ્યારે રિયાન પરાગે 6 બોલમાં 9 રન બનાવ્યા હતા. શ્રીલંકા તરફથી અત્યાર સુધીમાં મહિષ તિક્ષ્ણાએ સૌથી વધુ 2 વિકેટ લીધી છે.

10 ઓવર સમાપ્ત

ભારતની અડધી ઈનિંગ સમાપ્ત થઈ ગઈ છે. ભારતે 10 ઓવર બાદ 5 વિકેટના નુકસાને 59 રન બનાવ્યા છે. ભારત તરફથી શુભમન ગિલ 18 બોલમાં 19 અને રિયાન પરાગ 4 બોલમાં 4 રન બનાવીને ક્રિઝ પર છે.

શિવમ દુબે આઉટ

ભારતની અડધી ટીમ પેવેલિયન પરત ફરી છે. શિવમ દુબે 14 બોલમાં 13 રન બનાવીને આઉટ થયો હતો. રમેશ મેન્ડિસે પોતાનો શિકાર બનાવ્યો હતો. સાતમા ક્રમે બેટિંગ કરવા માટે રિયાન પરાગ ક્રિઝ પર આવ્યો છે. ભારતે 9 ઓવરમાં 5 વિકેટે 53 રન બનાવ્યા છે.

8 ઓવર સમાપ્ત

શ્રીલંકા તરફથી 8મી ઓવર અસિથા ફર્નાન્ડોએ ફેંકી હતી. આ ઓવરમાં 9 રન આવ્યા હતા. ભારતનો સ્કોર 8 ઓવર બાદ 4 વિકેટના નુકસાને 44 રન છે. શુભમન ગિલ અને શિવમ દુબે ક્રિઝ પર છે.

7 ઓવર સમાપ્ત

ભારતે 7 ઓવર બાદ 4 વિકેટના નુકસાને 35 રન  બનાવ્યા છે. શુભમન ગિલ 12 બોલમાં 12 અને શિવમ દુબે 4 બોલમાં 3 રન  બનાવીને ક્રિઝ પર છે.

સૂર્યકુમાર યાદવ આઉટ

ભારતીય ટીમને મોટો ઝટકો લાગ્યો છે. ભારતીય કેપ્ટન સૂર્યકુમાર યાદવ 9 બોલમાં 8 રન બનાવીને પેવેલિયન પરત ફર્યો હતો. અસિથા ફર્નાન્ડોએ પોતાનો શિકાર બનાવ્યો હતો. ભારતનો સ્કોર પાવર પ્લેના અંતે 4 વિકેટના નુકસાને 30 રન છે. હાલમાં ભારત તરફથી શિવમ દુબે અને શુભમન ગિલ ક્રિઝ પર છે.

5 ઓવર સમાપ્ત

ભારતનો સ્કોર 5 ઓવર પછી 3 વિકેટે 28 રન છે. હાલમાં ટીમ ઈન્ડિયાના કેપ્ટન સૂર્યકુમાર યાદવ અને શુભમન ગિલ ક્રિઝ પર છે. જ્યારે યશસ્વી જયસ્વાલ, સંજુ સેમસન અને રિંકુ સિંહ પેવેલિયનમાં પરત ફર્યા છે.

રિંકુ સિંહ આઉટ

14 રનના સ્કોર પર ભારતને ત્રીજો ઝટકો લાગ્યો હતો. મહિષ તીક્ષ્ણાએ રિંકુ સિંહને આઉટ કર્યો હતો. તે માત્ર એક રન બનાવી શક્યો હતો. સૂર્યકુમાર યાદવ પાંચમા નંબર પર બેટિંગ કરવા આવ્યો છે. શુભમન ગિલ તેને સપોર્ટ કરવા માટે ક્રિઝ પર હાજર છે. 4 ઓવર બાદ ભારતનો સ્કોર 3 વિકેટના નુકસાને 21 રન છે.

સંજુ સેમસન આઉટ

ભારતીય ટીમને બીજો ઝટકો લાગ્યો છે. યશસ્વી જયસ્વાલ બાદ સંજુ સેમસન પેવેલિયન પરત ફર્યો છે. સંજુ સેમસન પોતાનું ખાતું ખોલવામાં નિષ્ફળ રહ્યો હતો. આ વિકેટકીપર બેટ્સમેનને ચામિંદું વિક્રમસિંઘે આઉટ કર્યો હતો. હવે ભારતનો સ્કોર 3 ઓવર પછી 2 વિકેટે 13 રન છે.

બીજી ઓવર સમાપ્ત

ભારતીય ટીમને પહેલો ઝટકો લાગ્યો છે. મહિશ તિક્ષ્ણાએ યશસ્વી જયસ્વાલને આઉટ કર્યો હતો. જોકે, આ ઓવરમાં યશસ્વી જયસ્વાલે 2 ફોર ફટકાર્યા હતા, પરંતુ છેલ્લા બોલ પર મહિશ તિક્ષ્ણાનો શિકાર બન્યો હતો. હવે ભારતનો સ્કોર 2 ઓવર પછી 1 વિકેટે 11 રન છે.

પ્રથમ ઓવર સમાપ્ત

ભારતના ઓપનર યશસ્વી જયસ્વાલ અને શુભમન ગિલ ક્રિઝ પર છે. શ્રીલંકા તરફથી ચામિન્દુ વિક્રમસિંઘે પ્રથમ ઓવર ફેંકી હતી. આ ઓવરમાં 3 રન આપ્યા હતા.

ભારતની ઈનિંગ શરૂ

ટોસ હારીને ટીમ ઈન્ડિયા પ્રથમ બેટિંગ કરવા મેદાનમાં ઉતરી છે. ભારત તરફથી યશસ્વી જયસ્વાલ અને શુભમન ગિલ ઓપનિંગ કરવા માટે ક્રિઝ પર આવ્યા છે. જ્યારે શ્રીલંકા તરફથી પ્રથમ ઓવરની શરૂઆત ચામિન્દુ વિક્રમસિંઘે કરી છે.

ભારતની પ્લેઈંગ ઈલેવન

યશસ્વી જયસ્વાલ, શુભમન ગિલ, સૂર્યકુમાર યાદવ (C), સંજુ સેમસન (WK), શિવમ દુબે, રિયાન પરાગ, રિંકુ સિંહ, વોશિંગ્ટન સુંદર, રવિ બિશ્નોઈ, મોહમ્મદ સિરાજ, ખલીલ અહેમદ

શ્રીલંકાની પ્લેઈંગ ઈલેવન

પથુમ નિસાંકા, કુસલ મેન્ડિસ(WK), કુસલ પરેરા, કામિન્દુ મેન્ડિસ, ચરિથ અસલંકા(C), ચામિન્દુ વિક્રમસિંઘે, વાનિન્દુ હસરાંગા, રમેશ મેન્ડિસ, મહિશ તિક્ષ્ણા, મથીશા પથિરાના, અસિથા ફર્નાન્ડો

શ્રીલંકાએ ટોસ જીત્યો

શ્રીલંકાએ ટોસ જીતીને બોલિંગ કરવાનો નિર્ણય લીધો છે.  ભારતે હાર્દિક, અક્ષર, રિષભ અને અર્શદીપને આરામ આપ્યો છે.

ટોસ 7:40 વાગ્યે થશે

ભારત-શ્રીલંકા વચ્ચેની ત્રીજી T20 મેચનો ટોસ વરસાદને કારણે વિલંબિત થયો છે. નવા અપડેટ મુજબ, ટોસ 7:40 વાગ્યે થશે અને મેચ 20 મિનિટ પછી 8 વાગ્યે શરૂ થશે. હાલ ખેલાડીઓ વોર્મ-અપ માટે મેદાનમાં આવ્યા છે.ભારત-શ્રીલંકા વચ્ચેની ત્રીજી T20 મેચનો ટોસ વરસાદને કારણે વિલંબિત થયો છે. નવા અપડેટ મુજબ, ટોસ 7:40 વાગ્યે થશે અને મેચ 20 મિનિટ પછી 8 વાગ્યે શરૂ થશે. હાલ ખેલાડીઓ વોર્મ-અપ માટે મેદાનમાં આવ્યા છે.

વરસાદના કારણે ટોસમાં વિલંબ

ભારત અને શ્રીલંકા વચ્ચે 3 મેચની T20 સિરીઝની છેલ્લી મેચમાં વરસાદના કારણે ટોસમાં વિલંબ થયો છે.

શ્રીલંકાની સંભવિત પ્લેઈંગ ઈલેવન

કુસલ મેન્ડિસ, પથુમ નિસાંકા, કુસલ પરેરા, દિનેશ ચંદીમલ, ચરિથ અસલંકા, વાનિન્દુ હસરાંગા, મહેશ તિક્ષ્ણા, રમેશ મેન્ડિસ, મથિશા પાથિરાના અને અસિથા ફર્નાન્ડો.

ટીમ ઈન્ડિયાની સંભવિત પ્લેઈંગ ઈલેવન

યશસ્વી જયસ્વાલ, શુભમન ગિલ, સૂર્યકુમાર યાદવ (c), રિષભ પંત (wk), શિવમ દુબે, રિયાન પરાગ, રિંકુ સિંહ, વોશિંગ્ટન સુંદર, અર્શદીપ સિંહ, રવિ બિશ્નોઈ, ખલીલ અહેમદ.

બંને ટીમોમાં કોનું પલડું ભારે?

ભારત અને શ્રીલંકા વચ્ચે અત્યાર સુધીમાં કુલ 31 T20 મેચ રમાઈ છે. જેમાં ભારતે 21 મેચ જીતી છે. આ સાથે જ શ્રીલંકાએ 9 મેચ જીતી છે. બંને ટીમો વચ્ચે 1 મેચ અનિર્ણિત રહી છે.

પિચ રિપોર્ટ

પલ્લેકેલે સ્ટેડિયમની પીચ બેટ્સમેન અને બોલરો બંનેને સપોર્ટ આપે છે. આ મેદાન પર નવો બોલ બોલરોને સારી રીતે મદદ કરે છે, જો કે જેમ બોલ જૂનો થવા લાગે છે તેમ અહીં શોટ રમવાનું સરળ બને છે. જેમ-જેમ મેચ આગળ વધે છે તેમ-તેમ પીચ બેટ્સમેનોની તરફેણમાં નમવા લાગે છે. ખાસ કરીને સાંજની મેચમાં બીજા દાવમાં બેટિંગ ઘણી સરળ બની જાય છે. આ જ કારણ છે કે આ મેદાન પર ટોસ જીતનારી ટીમો મોટાભાગે પહેલા બોલિંગ કરવાનું પસંદ કરે છે.