- ભારતીય ક્રિકેટ ટીમના કેપ્ટન રોહિત શર્માના કોચે શિષ્યની પ્રશંસા કરી
- ટીમ ઈન્ડિયા જે રીતે પ્રદર્શન કરી રહી છે તે જોઈને લાગે છે કે તે આજની ફાઈનલ મેચ જીતશે
- ભારતીય ટીમના તમામ બોલરો સારૂ પ્રદર્શન કરી રહ્યા છે ટીમનું કોમ્બિનેશન 100 ટકા સાચુ છે:રોહિત કોચ
ICC વર્લ્ડ કપ 2023ની ફાઇનલમાં આજે ઓસ્ટ્રેલિયા અને ભારત આમને-સામને છે. આ મેચ અમદાવાદના નરેન્દ્ર મોદી સ્ટેડિયમમાં છે. આ ફાઈનલ મેચ માટે 140 કરોડ લોકોની પ્રાર્થના ટીમ ઈન્ડિયા સાથે છે જ્યારે અમદાવાદમાં 1 લાખ 32 હજારથી વધુ ફેન્સ પણ ટીમ ઈન્ડિયાનો ઉત્સાહ વધારશે.
રોહિત શર્માના કોચે શિષ્યની પ્રશંસા કરી
સતત 10 મેચ જીતી ચૂકેલી ટીમ ઈન્ડિયા પૂરા ઉત્સાહ અને આત્મવિશ્વાસ સાથે મેદાનમાં ઉતરશે. ભારતીય ક્રિકેટ ટીમના કેપ્ટન રોહિત શર્માના કોચ દિનેશ લાડે પણ તેમના શિષ્યની પ્રશંસા કરી હતી. તેમણે કહ્યું હતું કે ટીમ ઈન્ડિયા જે રીતે પ્રદર્શન કરી રહી છે તે જોઈને લાગે છે કે તે આજની ફાઈનલ મેચ જીતશે. તેમણે રોહિત વિશે કહ્યું હતું કે તે નિઃસ્વાર્થ ક્રિકેટ રમી રહ્યો છે તેના ગયા પછી આવનાર તમામ મિડલ ઓર્ડર બેટ્સમેનોને વધુ તક આપે છે.
આ દરમિયાન દિનેશ લાડે વિરાટ કોહલીના વખાણ કરતા કહ્યું હતું કે જે રીતે તેણે 50 સદી પૂરી કરીને સચિન તેંડુલકરનો રેકોર્ડ તોડ્યો છે તેના પૂરતા વખાણ કરી શકાય તેમ નથી. લાડે ટીમ ઇન્ડિયાની બોલિંગ લાઇનઅપની પણ પ્રશંસા કરી હતી. તેમણે કહ્યું હતું કે ભારતીય ટીમના તમામ બોલરો સારૂ પ્રદર્શન કરી રહ્યા છે ટીમનું કોમ્બિનેશન 100 ટકા સાચુ છે.
દિનેશ લાડે રોહિતને બેટ્સમેન બનાવ્યો
રોહિત શર્મા શરૂઆતના દિવસોમાં ઓફ સ્પિનર હતો તે પોતે પણ ઓફ સ્પિનર બનવા માંગતો હતો. ત્યારે રોહિતે બેટિંગ કરી ન હતી. પરંતુ એક દિવસ રોહિત શર્માના કોચ દિનેશ લાડે તેને બેટિંગ કરવાનો આગ્રહ કર્યો. આ પછી તેણે સ્કૂલ મેચમાં 140 રનની ઇનિંગ રમી હતી.
રોહિત અમદાવાદમાં આ રેકોર્ડ બનાવશે
ભારતીય કેપ્ટન રોહિત શર્માએ અમદાવાદમાં કુલ 6 ODI મેચ રમી છે જેમાં તેણે 51.16 ની એવરેજ અને 103.02ની સ્ટ્રાઈક રેટથી તેના બેટ વડે 307 રન બનાવ્યા છે. અમદાવાદમાં સૌથી વધુ રન બનાવવાના મામલે રોહિત રાહુલ દ્રવિડના 342 રનના રેકોર્ડને તોડવાની નજીક છે. 36 રન બનાવ્યા બાદ 'હિટમેન' આ મેદાન પર ODI ક્રિકેટમાં સૌથી વધુ રન બનાવનાર ખેલાડી બની જશે.
ભારત Vs ઓસ્ટ્રેલિયા
કુલ મેચ 150
ભારતે 57માં જીત મેળવી
ઓસ્ટ્રેલિયા 83 જીત્યું
ટાઈ 0
કોઈ પરિણામ નથી 10
ODI વર્લ્ડ કપમાં ભારત Vs ઓસ્ટ્રેલિયા
કુલ મેચ 13
ભારત 5 જીત્યું
ઓસ્ટ્રેલિયા 8 જીત્યું
ટાઈ 0
કોઈ પરિણામ નથી 0
અમદાવાદમાં ભારત અને ઓસ્ટ્રેલિયા વચ્ચે ટક્કર થશે
કુલ મેચ 3
ભારત 2 જીત્યું
ઓસ્ટ્રેલિયા 1 જીત્યું
ભારતનો એકંદર રેકોર્ડ
કુલ મેચ 19
11 જીત્યા
8 ગુમાવ્યું
વર્લ્ડ કપમાં ભારતનો રેકોર્ડ
કુલ મેચ 3
જીત્યા 3
