India vs Zimbabwe: ગિલ-જયસ્વાલની તોફાની બેટિંગ, ભારતે સિરીઝ પોતાના નામે કરી

ભારતે આ મેચ 10 વિકેટે જીતી

ટીમ ઈન્ડિયાએ તોફાની પ્રદર્શન કર્યું છે અને ચોથી T20 મેચમાં ઝિમ્બાબ્વેને 10 વિકેટથી હરાવ્યું છે. આ જીત સાથે ટીમ ઈન્ડિયાએ શ્રેણીમાં 3-1ની અજેય સરસાઈ મેળવી લીધી છે. તેના માટે શુભમન ગિલ અને યશસ્વી જયસ્વાલે શાનદાર પ્રદર્શન કર્યું હતું.

પ્રથમ બેટિંગ કરતા ઝિમ્બાબ્વેએ 20 ઓવરમાં 7 વિકેટ ગુમાવીને 152 રન બનાવ્યા હતા. આ દરમિયાન સિકંદર રઝાએ 46 રનની મહત્વપૂર્ણ ઇનિંગ રમી હતી. ઝિમ્બાબ્વેની ઇનિંગ્સ દરમિયાન ભારત તરફથી બોલિંગ કરતા ખલીલ અહેમદે 2 વિકેટ ઝડપી હતી. શિવમ દુબે, તુષારદેશ પાંડે, અભિષેક શર્મા અને વોશિંગ્ટન સુંદરે 1-1 વિકેટ લીધી હતી.

ઝિમ્બાબ્વેએ આપેલા ટાર્ગેટનો પીછો કરવા ઉતરેલી ભારતીય ટીમે 15.2 ઓવરમાં જ ટાર્ગેટ હાંસલ કરી લીધો હતો. તેના માટે શુભમન ગિલ અને યશસ્વી જયસ્વાલ ઓપનિંગ કરવા આવ્યા હતા. યશસ્વીએ 53 બોલનો સામનો કર્યો અને અણનમ 93 રન બનાવ્યા. તેની ઇનિંગમાં 13 ચોગ્ગા અને 2 છગ્ગાનો સમાવેશ થાય છે. શુભમને અણનમ 58 રન બનાવ્યા હતા. 39 બોલનો સામનો કરીને તેણે 6 ફોર અને 2 સિક્સર ફટકારી હતી. આ રીતે ભારતે 10 વિકેટે મેચ જીતી લીધી હતી.

ગિલની ફિફ્ટી

શુભમન ગિલે 36 બોલમાં 50 રન પુરા કર્યાં છે. શુભમન ગિલે જોરદાર અડધી સદી ફટકારી હતી. તે 38 બોલમાં 57 રન બનાવીને રમી રહ્યો છે. ગિલે 6 ફોર અને 2 સિક્સર ફટકારી છે. યશસ્વી 52 બોલમાં 89 રન બનાવીને રમી રહ્યો છે. તેણે 12 ચોગ્ગા અને 2 છગ્ગા ફટકાર્યા હતા. ભારતને જીતવા માટે માત્ર 2 રનની જરૂર છે. ટીમ ઈન્ડિયાએ 15 ઓવરમાં 151 રન બનાવ્યા છે.

14 ઓવર સમાપ્ત

ભારતીય ટીમને જીતવા માટે 36 બોલમાં 18 રનની જરૂર છે. શુભમન 48 રન બનાવીને રમી રહ્યો છે. તે પોતાની અડધી સદીની નજીક છે. યશસ્વી સદીની નજીક છે. તે 83 રન બનાવીને રમી રહ્યો છે. ભારતે 14 ઓવરમાં 135 રન બનાવ્યા છે. 

13 ઓવર સમાપ્ત

ભારતે 13 ઓવરમાં 128 રન બનાવ્યા છે. યશસ્વીએ 12 ચોગ્ગા અને એક છગ્ગાની મદદથી 83 રન બનાવ્યા છે. શુભમન ગિલ 41 રન બનાવીને રમી રહ્યો છે. ભારતને જીતવા માટે 42 બોલમાં 25 રનની જરૂર છે.

ભારતનો સ્કોર 118/0

ભારતને જીતવા માટે 48 બોલમાં 35 રનની જરૂર છે. તેણે 12 ઓવરમાં કોઈપણ નુકશાન વિના 118 રન બનાવ્યા છે. યશસ્વી 75 રન બનાવીને રમી રહ્યો છે. શુભમન 39 રન બનાવીને રમી રહ્યો છે.

11 ઓવર સમાપ્ત

શુભમન અને યશસ્વીએ ટીમ ઈન્ડિયા માટે શાનદાર પ્રદર્શન કર્યું છે. આ બંને વચ્ચે સદીની ભાગીદારી રહી છે. ટીમ ઈન્ડિયાએ 11 ઓવરમાં 115 રન બનાવી લીધા છે. ભારતને જીતવા માટે 38 રનની જરૂર છે. યશસ્વી 40 બોલમાં 73 રન બનાવીને રમી રહ્યો છે. શુભમન 26 બોલમાં 38 રન બનાવીને રમી રહ્યો છે.

ગિલ-જયસ્વાલ વચ્ચે 100 રનની પાર્ટનરશિપ

10 ઓવરની રમત સમાપ્ત થઇ ગઇ છે. હવે કેપ્ટન શુભમન ગિલે ગિયર બદલ્યો છે. યશસ્વી જયસ્વાલ 37 બોલમાં 65 રન બનાવીને રમી રહ્યો છે. તેણે 11 ચોગ્ગા ફટકાર્યા છે. શુભમન 23 બોલમાં 37 રન બનાવીને રમી રહ્યો છે. તેણે 5 ફોર અને 1 સિક્સર ફટકારી છે. ભારતને જીતવા માટે 60 બોલમાં 47 રનની જરૂર છે. 

9 ઓવર સમાપ્ત

સિકંદર રઝાની ઓવરમાં શુભમન ગિલે ઇનિંગની પ્રથમ સિક્સ ફટકારી હતી. આ ઓવરમાં કુલ 14 રન આવ્યા હતા. જયસ્વાલ 36 બોલમાં 64 રન તથા ગિલ 18 બોલમાં 22 રન બનાવીને રમી રહ્યો છે. 9 ઓવર બાદ ભારતનો સ્કોર વિના વિકેટે 87 રન થયો છે. 

ભારતનો સ્કોર 73/3

ભારતની 8 ઓવરની રમત સમાપ્ત થઇ ગઇ છે. યશસ્વી જયસ્વાલ અને શુભમન ગિલ શાનદાર બેટિંગ કરી રહ્યા છે. જયસ્વાલ 32 બોલમાં 57 રન તથા શુભમન ગિલ 16 બોલમાં 15 રન બનાવીને રમી રહ્યા છે. ભારતને જીતવા માટે 72 બોલમાં 80 રનની જરૂર છે. 

જયસ્વાલની તોફાની ફિફ્ટી

જયસ્વાલે શાનદાર બેટિંગ કરી ફિફ્ટી ફટકારી છે. ભારતે 7 ઓવરમાં 71 રન બનાવ્યા છે. યશસ્વી 31 બોલમાં 56 રન બનાવીને રમી રહ્યો છે. તેણે 10 ચોગ્ગા ફટકાર્યા છે. શુભમન ગિલ 11 બોલમાં 14 રન બનાવીને રમી રહ્યો છે. ટીમ ઈન્ડિયાને જીતવા માટે 78 બોલમાં 82 રનની જરૂર છે. 

પાવરપ્લે સમાપ્ત

પાવરપ્લે સમાપ્ત થઈ ગયો છે અને ભારતીય ટીમની ઓપનિંગ જોડી મજબૂત ફોર્મમાં જોવા મળી રહી છે. જયસ્વાલ અને ગિલ વચ્ચે 60થી વધુ રનની ભાગીદારી થઈ છે. 6 ઓવર પછી ભારતનો સ્કોર 61/0 છે.

5 ઓવર સમાપ્ત

ટીમ ઈન્ડિયાએ 5 ઓવરમાં 56 રન બનાવ્યા છે. તેમને જીતવા માટે 90 બોલમાં 97 રનની જરૂર છે. યશસ્વી 42 રન બનાવીને રમી રહ્યો છે. શુભમન 8 બોલમાં 13 રન બનાવીને રમી રહ્યો છે. ઝિમ્બાબ્વેના કેપ્ટન સિકંદર રઝાએ અત્યાર સુધીમાં 4 બોલરોને અજમાવી ચુક્યા છે. પરંતુ કોઈ વિકેટ મેળવી શક્યું નથી.

4 ઓવર સમાપ્ત

યશસ્વી જયસ્વાલ શાનદાર ફોર્મમાં નજર આવી રહ્યો છે. જયસ્વાલ 18 બોલમાં 8 ચોગ્ગાની મદદથી 40 રન તથા ગિલે 6 બોલમાં 12 રન બનાવ્યા છે. આ બંને વચ્ચે અડધી સદીની ભાગીદારી પૂર્ણ થઈ છે. 4 ઓવર બાદ ભારતનો સ્કોર વિના વિકેટે 53 રન થયો છે. 

ચતારાની કરી ધોલાઇ

જયસ્વાલે ચતારાની ઓવરમાં 4 ફોર ફટકારી હતી. 3 ઓવર બાદ ભારતનો સ્કોર વિના વિકેટે 43 રન થયો છે. ભારતે મજબૂત શરૂઆત કરી છે. યશસ્વી જયસ્વાલ અને શુભમન ગિલ સારા ફોર્મમાં દેખાઈ રહ્યા છે. બંને 200થી વધુના સ્ટ્રાઈક રેટથી બેટિંગ કરી રહ્યા છે. ત્રણ ઓવર પછી ભારતનો સ્કોર 43/0 છે. યશસ્વી જયસ્વાલ 13 બોલમાં 31 રન તથા શુભમન ગિલ 5 બોલમાં 11 રન બનાવીને રમી રહ્યો છે. 

ભારત 2 ઓવરમાં 27/0

મુઝરાબાનીએ બીજી ઓવરમાં 12 રન આપ્યા હતા. ટીમ ઈન્ડિયાએ 2 ઓવરમાં કોઈ વિકેટ ગુમાવ્યા વિના 27 રન બનાવી લીધા છે. યશસ્વી જયસ્વાલે 15 અને શુભમન ગીલે 11 રન બનાવ્યા છે.

ભારતની શાનદાર શરૂઆત

નાગરવા પ્રથમ ઓવરમાં બોલિંગ કરવા આવ્યો હતો, જેણે ત્રણ ચોગ્ગા સહિત કુલ 15 રન આપ્યા હતા. યશસ્વી જયસ્વાલે ઓવરના છેલ્લા ત્રણ બોલ પર સતત ત્રણ ચોગ્ગા ફટકાર્યા હતા. જયસ્વાલ પ્રથમ ઓવરમાં 6 બોલમાં 14 રન બનાવી ચૂક્યો છે.

ભારતની ઇનિંગ શરૂ

ભારતની ઇનિંગ્સ શરૂ થઈ ગઈ છે. શુભમન ગિલ અને યશસ્વી જયસ્વાલ ઓપનિંગ બેટિંગ માટે ક્રિઝ પર હાજર છે. બંને સારા ફોર્મમાં છે. નાગારવા ઇનિંગની પ્રથમ ઓવર ફેંકી રહ્યો છે.

ભારતને મળ્યું 153 રનનું લક્ષ્યા

ભારત અને ઝિમ્બાબ્વે વચ્ચે ચાલી રહેલી 5 મેચોની T20 સિરીઝની ચોથી મેચમાં ટોસ હારીને પ્રથમ બેટિંગ કરવા આવેલી યજમાન ટીમે 20 ઓવરમાં 7 વિકેટે 152 રન બનાવ્યા હતા. ઝિમ્બાબ્વે તરફથી પ્રથમ બેટિંગ કરવા આવેલા માધવેરે અને મારુમનીએ ટીમને સારી શરૂઆત અપાવી હતી. બંને વચ્ચે પ્રથમ વિકેટ માટે 63 રનની જોરદાર ભાગીદારી હતી જેને નવમી ઓવરમાં અભિષેકે તોડી હતી. તેણે મારુમનીને રિંકુ સિંહના હાથે કેચ કરાવ્યો. તે 32 રન બનાવીને પેવેલિયન પરત ફર્યો હતો. જ્યારે માધવેરે 25 રન બનાવીને આઉટ થયો હતો. ટીમને ત્રીજો ફટકો બ્રાયન બેનેટના રૂપમાં લાગ્યો જે માત્ર 9 રન બનાવી શક્યો.

આ પછી સિકંદર રઝાએ મોરચો સંભાળવાનો પ્રયાસ કર્યો. જોકે, ઝિમ્બાબ્વેનો બેટ્સમેન વધુ સમય વિકેટ પર ટકી શક્યો નહોતો. કેમ્પબેલ ત્રણ રન બનાવીને આઉટ થયો હતો. આ પછી ટીમને પાંચમો ફટકો કેપ્ટન રઝાના રૂપમાં લાગ્યો જે 28 બોલમાં 46 રન બનાવીને આઉટ થયો હતો. રસપ્રદ વાત એ છે કે આ મેચમાં ડેબ્યૂ કરી રહેલા તુષાર દેશપાંડેએ તેને આઉટ કર્યો હતો. રઝાના રૂપમાં તેને T20 આંતરરાષ્ટ્રીય ક્રિકેટમાં પ્રથમ સફળતા મળી. આ મેચમાં માયર્સે 12 રન, મડાન્ડેએ 7 અને અકરમે 4 (અણનમ) રન બનાવ્યા હતા. ભારત તરફથી ખલીલ અહેમદે બે વિકેટ લીધી હતી જ્યારે દેશપાંડે, સુંદર, અભિષેક અને શિવમને એક-એક વિકેટ મળી હતી.

માયર્સ આઉટ

ઝિમ્બાબ્વેની છઠ્ઠી વિકેટ પડી. મેયર્સ 13 બોલમાં 12 રન બનાવીને આઉટ થયો હતો. ખલીલ અહેમદે તેને પેવેલિયનનો રસ્તો બતાવ્યો. ઝિમ્બાબ્વેએ 19.1 ઓવરમાં 147 રન બનાવ્યા છે. ક્લાઈવ 6 રન બનાવીને રમી રહ્યો છે. હવે ફરાઝ અકરમ બેટિંગ કરવા આવ્યો છે.

T20I માં 2000 રન અને 50 વિકેટ લેનારા ખેલાડી

• 2551, 149 - શાકિબ અલ હસન (બાંગ્લાદેશ)
• 2165, 96 - મોહમ્મદ નબી (અફઘાનિસ્તાન)
• 2320, 66 - વિરનદીપ સિંહ (મલેશિયા)
• 2514, 61 - મોહમ્મદ હાફીઝ (પાકિસ્તાન)
• 2001, 65 - સિકંદર રઝા (ઝિમ્બાબ્વે)

દેશપાંડેએ ચટકાવી કરિયરની પ્રથમ વિકેટ

ઈનિંગની 19મી ઓવર બોલિંગ કરવા આવેલા તુષાર દેશપાંડેએ તેની T20 ઈન્ટરનેશનલ કરિયરની પહેલી વિકેટ લીધી. તેણે સારા ફોર્મમાં રહેલા કેપ્ટન સિકંદર રઝાને ગિલના હાથે કેચ આઉટ કરાવ્યો. આ મેચમાં ઝિમ્બાબ્વેનો કેપ્ટન 46 રન બનાવીને આઉટ થયો હતો. મદાંડે સાતમા નંબર પર બેટિંગ કરવા આવ્યો છે. માયર્સ પણ તેને ટેકો આપવા હાજર છે. ઝિમ્બાબ્વેએ 19 ઓવરમાં 5 વિકેટ ગુમાવીને 147 રન બનાવ્યા હતા. મેયર્સ 12 રન બનાવીને રમી રહ્યો છે.

18 ઓવર સમાપ્ત

ઝિમ્બાબ્વેની 18 ઓવરની રમત સમાપ્ત થઇ ગઇ છે. સિકંદર રઝા 26 બોલમાં 44 રન બનાવીને રમી રહ્યો છે. માયર્સે 11 રન બનાવ્યા છે. 18 ઓવર બાદ 4 વિકેટે ઝિમ્બાબ્વેનો સ્કોર 138 રન થયો છે. આ બંને વચ્ચે 42 રનની ભાગીદારી છે. ભારત તરફથી શિવમ દુબે, અભિષેક શર્મા અને વોશિંગ્ટન સુંદરે 1-1 વિકેટ લીધી છે.

ખલીલની ધોલાઇ

ખલીલની ઓવરમાં એક સિક્સ અને 1 ફોર સાથે કુલ 18 રન આવ્યા. સિકંદર રઝા 24 બોલમાં 42 રન બનાવીને રમી રહ્યો છે. ડિયોન માયર્સ 7 રન પર છે. 17 ઓવર બાદ ઝિમ્બાબ્વેનો સ્કોર 4 વિકેટે 129 રન થયો છે. ભારતીય બોલરો આ જોડીને તોડવાનો પ્રયાસ કરી રહ્યા છે.

16 ઓવર સમાપ્ત

ઝિમ્બાબ્વેની ઈનિંગની 16 ઓવર પૂરી થઈ ગઈ છે. ટીમે 4 વિકેટ ગુમાવીને 111 રન બનાવ્યા છે. સિકંદર રઝા સારી બેટિંગ કરી રહ્યો છે. તે 20 બોલમાં 30 રન બનાવીને રમી રહ્યો છે. જ્યારે માયર્સ 5 રન બનાવીને રમી રહ્યો છે.

કેમ્પબેલ આઉટ

ઝિમ્બાબ્વેની ચોથી વિકેટ પડી. જોનાથન કેમ્પબેલ માત્ર 3 રન બનાવીને આઉટ થયો હતો. તે રવિ બિશ્નોઈના હાથે રનઆઉટ થયો હતો. હવે મેયર્સ બેટિંગ કરવા આવ્યો છે. સિકંદર રઝા 17 બોલમાં 21 રન બનાવીને રમી રહ્યો છે. ઝિમ્બાબ્વેએ 15 ઓવરમાં 4 વિકેટ ગુમાવીને 98 રન બનાવ્યા છે. ડીયોન મારિયસ છઠ્ઠા નંબર પર બેટિંગ કરવા આવ્યો છે.

બેનેટ આઉટ

ઝિમ્બાબ્વેને ત્રીજો ઝટકો બ્રાયન બેનેટના રૂપમાં લાગ્યો હતો. તે 92 રનના સ્કોર પર વોશિંગ્ટન સુંદરના હાથે આઉટ થયો હતો. તે માત્ર 9 રન બનાવી શક્યો હતો. કેમ્પબેલ પાંચમા નંબર પર બેટિંગ કરવા આવ્યો છે. સિકંદર રઝા તેને સપોર્ટ કરવા માટે ક્રિઝ પર હાજર છે. 14 ઓવર પછી ઝિમ્બાબ્વેનો સ્કોર 93/3 છે.

13 ઓવર સમાપ્ત

13 ઓવરની રમત સમાપ્ત થઇ ગઇ છે. આ ઓવરમાં સિકંદર રઝાએ 1 સિક્સ ફટકારી હતી. અભિષેકની ઓવરમાં કુલ 10 રન આવ્યા હતા. સિકંદર રઝા 11 બોલમાં 17 રન તથા બેનેટ 12 બોલમાં 8 રન બનાવીને રમી રહ્યો છે. 13 ઓવર બાદ ઝિમ્બાબ્વેનો સ્કોર 2 વિકેટે 89 રન થયો છે. 

ઝિમ્બાબ્વેનો સ્કોર 79/2

12મી ઓવર શિવમ દુબેએ નાખી હતી. આ ઓવરમાં કુલ 8 રન આવ્યા હતા. સિકંદર રઝા 9 રન તથા બેનેટ 6 રન બનાવીને રમી રહ્યો છે. 12 ઓવર બાદ ઝિમ્બાબ્વેનો સ્કોર 2 વિકેટે 79 રન થયો છે. હવે ભારતને વિકેટની જરૂર છે. 

11 ઓવર સમાપ્ત

11મી ઓવર અભિષેક શર્માએ નાખી હતી. આ ઓવરમાં રૂતુરાજ ગાયકવાડે બેનેટનો કેચ છોડ્યો હતો. અભિષેકની આ ઓવરમાં 4 રન આવ્યા હતા. રઝા 2 રન તથા બેનેટ 5 રન બનાવીને રમી રહ્યો છે. 11 ઓવર બાદ ઝિમ્બાબ્વેનો સ્કોર 2 વિકેટે 71 રન છે. 

માધવેરે આઉટ

શિવમ દુબેએ ભારતને બીજી સફળતા અપાવી છે. અભિષેક શર્માએ મારૂમાનીની વિકેટ લીધા બાદ શિવમ દુબેએ માધવેરેને પેવેલિયનનો રસ્તો બતાવ્યો છે. 10 ઓવર બાદ 2 વિકેટે ઝિમ્બાબ્વેનો સ્કોર 67 રન થયો છે. શિવમ દુબેએ પણ ઝિમ્બાબ્વેને બીજો ઝટકો આપ્યો હતો. તેણે 67 રનના સ્કોર પર માધવેરેને આઉટ કર્યો હતો. આ મેચમાં તે 25 રન બનાવી શક્યો હતો. સિકંદર રઝા ચોથા નંબર પર બેટિંગ કરવા આવ્યો છે. બ્રાયન બેનેટ તેને સાથ આપવા ક્રિઝ પર છે.

અભિષેક શર્માએ અપાવ્યું બ્રેક થ્રુ

અભિષેક શર્માએ ભારતને પ્રથમ સફળતા અપાવી હતી. તેણે સેટ બેટ્સમેન મારૂમાનીને રિંકુ સિંહના હાથે કેચ આઉટ કરાવ્યો હતો. મારૂમણી 31 બોલમાં 32 રન બનાવીને આઉટ થયો હતો. તેણે 3 ચોગ્ગા ફટકાર્યા હતા. ઝિમ્બાબ્વેએ 9 ઓવરમાં 1 વિકેટ ગુમાવીને 64 રન બનાવી લીધા છે. વેસ્લી 24 રન બનાવીને રમી રહ્યો છે. બ્રાયન બેનેટ 1 રન બનાવીને રમી રહ્યો છે.

8 ઓવર સમાપ્ત

ઝિમ્બાબ્વેની 8 ઓવરની રમત સમાપ્ત થઇ ગઇ છે. મારુનમી અને માધવેરે સારા ફોર્મમાં દેખાઇ રહ્યા છે. 8 ઓવર બાદ ઝિમ્બાબ્વેનો સ્કોર 58 રન થયો છે. માધવેરે 20 બોલમાં 23 રન તથા મારૂમાની 28 બોલમાં 28 રન બનાવીને રમી રહ્યો છે. ભારતીય ટીમ હવે વિકેટની શોધમાં છે. 

પાવરપ્લે સમાપ્ત

ઝિમ્બાબ્વેએ 6 ઓવરમાં કોઈપણ નુકશાન વિના 44 રન બનાવી લીધા છે. વેસ્લી 19 રન બનાવીને રમી રહ્યો છે. મારુમાનીએ 20 બોલમાં 18 રન બનાવ્યા છે. આ બંને વચ્ચે મજબૂત ભાગીદારી રહી છે. ભારતે છઠ્ઠી ઓવર વોશિંગ્ટન સુંદરને આપી. આ ઓવરમાં તેણે 5 રન આપ્યા હતા.

5 ઓવર સમાપ્ત

5મી ઓવર રવિ બિશ્નોઇએ નાખી હતી. આ ઓવરમાં માત્ર 4 રન આવ્યા હતા. 5 ઓવર બાદ ઝિમ્બાબ્વેનો સ્કોર 39 રન થયો છે. 

4 ઓવર સમાપ્ત

ઝિમ્બાબ્વેએ 4 ઓવરમાં કોઈપણ નુકશાન વિના 35 રન બનાવી લીધા છે. વેસ્લી અને મારુમનીએ સારી શરૂઆત અપાવી છે. મારુમની 11 રન અને વેસ્લી 17 રન સાથે રમી રહ્યા છે. ભારતીય બોલરો હજુ સુધી એક પણ વિકેટ લઈ શક્યા નથી.

ઝિમ્બાબ્વેનો સ્કોર 25/0.

3 ઓવરની રમત સમાપ્ત થઇ ગઇ છે. ત્રીજી ઓવરમાં ભારતની ફિલ્ડિંગ નબળી જોવા મળી હતી. એક ઓવર થ્રો ઉપરાંત એક કેચ છુટ્યો હતા. આ સાથે આ ઓવરમાં કુલ 10 રન આવ્યા હતા. 3 ઓવર બાદ ઝિમ્બાબ્વેનો સ્કોર 25 રન છે. 

2 ઓવર સમાપ્ત

તુષાર દેશપાંડેએ ડેબ્યૂ મેચની પ્રથમ ઓવરમાં 11 રન આપ્યા હતા. બીજી ઓવરમાં 2 ચોગ્ગા સાથે ટોટલ 11 રન આવ્યા હતા. તુષાર દેશપાંડેની ઓવરમાં માધવેરેએ 2 ફોર ફટકારી હતી. માધવેરે 9 બોલમાં 12 રન તથા મારૂમાની 3 બોલમાં 3 રન બનાવીને રમી રહ્યો છે. 2 ઓવર બાદ ઝિમ્બાબ્વેનો સ્કોર 15 રન છે. 

પ્રથમ ઓવર સમાપ્ત

ભારત માટે પ્રથમ ઓવર સારી હતી. ખલીલે માત્ર એક રન આપ્યો હતો. વેસ્લી 6 બોલમાં 4 રન બનાવીને રમી રહ્યો છે. મારૂમણી હજુ ખાતું ખોલાવી શક્યા નથી. ભારત માટે તુષાર દેશપાંડે બીજી ઓવર નાખશે. તે પોતાની ડેબ્યૂ મેચ રમી રહ્યો છે.

ઝિમ્બાબ્વેની ઇનિંગ શરૂ

ઝિમ્બાબ્વેની ઇનિંગ શરૂ થઇ ગઇ છે. વેસ્લી માધવેરે અને તદીવાનાશે મારુમાની ક્રિઝ પર આવી ગયા છે. ભારત તરફથી ખલીલ અહેમદ પ્રથમ ઓવર નાખશે. 

તુષારને તેની પત્નીની હાજરીમાં ટીમ ઈન્ડિયાની કેપ મળી

ટીમ ઈન્ડિયાની કેપ તુષાર દેશપાંડેને સોંપવામાં આવી હતી. આ દરમિયાન તેની પત્ની પણ હાજર હતી. ડોમેસ્ટિક ક્રિકેટમાં તુષારનું શાનદાર પ્રદર્શન જોવા મળ્યું છે. તેણે આઈપીએલમાં પણ શાનદાર પ્રદર્શન કર્યું છે.

ઝિમ્બાબ્વેની પ્લેઈંગ ઈલેવન: વેસ્લી માધવેરે, તદીવાનાશે મારુમાની, બ્રાયન બેનેટ, ડીયોન માયર્સ, સિકંદર રઝા (c), જોનાથન કેમ્પબેલ, ફરાઝ અકરમ, ક્લાઈવ મદાન્ડે (wk), રિચાર્ડ નગારાવા, બ્લેસિંગ મુઝારાબાની, ટેન્ડાઈ ચતારા

ભારતની પ્લેઇંગ ઇલેવન: યશસ્વી જયસ્વાલ, શુભમન ગિલ (c), અભિષેક શર્મા, રૂતુરાજ ગાયકવાડ, સંજુ સેમસન (wk), રિંકુ સિંહ, શિવમ દુબે, વોશિંગ્ટન સુંદર, રવિ બિશ્નોઈ, તુષાર દેશપાંડે, ખલીલ અહેમદ.

તુષાર દેશપાંડેનું ડેબ્યૂ

ટીમ ઈન્ડિયાના કેપ્ટન શુભમન ગિલે કહ્યું કે તે પહેલા બોલિંગ માટે મેદાનમાં ઉતરશે. તેણે કહ્યું કે ભારતે પ્લેઈંગ ઈલેવનમાં ફેરફાર કર્યા છે. તુષાર દેશપાંડેને ડેબ્યૂ કરવાની તક આપવામાં આવી છે. આવેશ ખાનને આરામ આપવામાં આવ્યો છે. 

ભારતે ટોસ જીત્યો 

શુભમન ગિલે ટોસ જીતીને ઝિમ્બાબ્વેને પ્રથમ બેટિંગ કરવા આમંત્રણ આપ્યું છે. શુભમન ગિલની આગેવાનીમાં ભારત પ્રથમ બોલિંગ કરશે. આજે જીત સાથે ભારત સિરીઝ પર કબ્જો કરવાની કોશિશ કરશે.

ભારત માટે બિશ્નોઈ કરી શકે છે કમાલ

રૂતુરાજ ગાયકવાડે ટીમ ઈન્ડિયા માટે અત્યાર સુધી સારું પ્રદર્શન કર્યું છે. પ્લેઈંગ ઈલેવનમાં તેનું સ્થાન લગભગ નિશ્ચિત છે. શિવમ દુબે અને સંજુ સેમસન પણ ચોથી મેચ માટે મેદાન પર જોવા મળી શકે છે. સ્પિન રવિ બિશ્નોઈએ અત્યાર સુધી શાનદાર બોલિંગ કરી છે. તે હરારેમાં ફરી એકવાર અજાયબીઓ કરી શકે છે.

સિકંદર રઝા પાસે રેકોર્ડ બનાવવાની તક 

ઝિમ્બાબ્વેનો કેપ્ટન સિકંદર રઝા બેટિંગની સાથે બોલિંગમાં પણ ટીમ માટે મહત્વપૂર્ણ સાબિત થયો છે. તે ઝિમ્બાબ્વે માટે 2000 ટી20 રન બનાવનાર પ્રથમ ખેલાડી બની શકે છે. રઝાને આ માટે માત્ર 17 રનની જરૂર છે. રઝા 2 વિકેટ લેતાની સાથે જ તે લ્યુક જોંગવેને સૌથી વધુ T20 વિકેટ લેવાના મામલે પાછળ છોડી દેશે. તેન્ડાઈ ચતારાને પણ 2 વિકેટની જરૂર છે.

ભારતની સંભવિત પ્લેઈંગ ઈલેવન: અભિષેક શર્મા, શુભમન ગિલ (c), યશસ્વી જયસ્વાલ, રૂતુરાજ ગાયકવાડ, શિવમ દુબે, સંજુ સેમસન (wk), રિંકુ સિંહ, વોશિંગ્ટન સુંદર, રવિ બિશ્નોઈ, મુકેશ કુમાર, ખલીલ અહેમદ.

ઝિમ્બાબ્વેની સંભવિત પ્લેઈંગ ઈલેવન: વેસ્લી માધવેરે, ઈનોસન્ટ કાયા, બ્રાયન બેનેટ, સિકંદર રઝા (c), ડીયોન માયર્સ, જોનાથન કેમ્પબેલ, ક્લાઈવ મડાન્ડે (wk), વેલિંગ્ટન મસાકાડ્ઝા, રિચાર્ડ નગારવા, બ્લેસિંગ મુઝારાબાની, ટેરાઈન્ડ.